কেন্দ্রগী হকশেল অমসুং য়াইফ য়ুম্বাল, সাইন্স অমসুং তেক্নোলোজী, অমসুং আর্থ সাইন্সেসকী মন্ত্রী দা. হর্শ বর্ধন্না হায়খি “ আর্থ সাইন্সেসকী মন্ত্রালয় অসি আর্থ সাইন্সেসকী মশা পুম্নমকপু – এত্মোসফিয়র, হাইদ্রোসফিয়র, ক্রিয়োসফিয়র অমসুং লিথোসফিয়রদা চপ মান্নবা মীৎয়েং য়েংলিবা মালেমগী ওইনা তোপ তোপ্পা ওর্গনাইজেসন অমনি”, অমসুং মখা তারদুনা হায় “ ভারত অসিনা আর্থ সাইন্সেসকী হীরম পুম্নমক্তা কত্থোকপগা লোয়ননা থবক পায়খৎলিবা অমত্তা ঙাইরবা লৈবাক অমা ওইরি। মসিনা থেংথবা তৌদনা চপ মান্ননা হোৎন্দুনা পোরমশিং য়াৎপা অমসুং অচৌবা সমস্যাশিং কোকহন্নবা অপুনবা খোঙথাং অমা লৌৎপদা মতেং পাংলি। হৌখিবা চহি খরা অসিদা অতোপ্পা লৈবাকশিংনা তমজনিংঙাই ওইবা মওংদা মালেমগী থাক্তা মন্ত্রালয় অসিনা অচৌবা মায় পাকপা কয়া পুরকপা ঙমখ্রে।”

আর্থ সাইন্সেসকী মন্ত্রালয়গী (এম.ও.ই.এস.)কী মপোক কুমওনগী নুমিৎ পালন তৌবগী থৌরম অমদা ঙসি দা. হর্শ বর্ধন্না ৱা ঙাংখ্রে। এম.ও.ই.এস. অসি ২০০৬তা ভারতকী মেতিওরোলোজিকেল বিভাগ, নেস্নেল সেন্তর ফোর মিদিয়ম রেঞ্জ ৱেদর ফোর্কাস্তিং, ইন্দিয়ন ইন্সতিত্যুৎ ওফ ত্রোপিকেল মেতিওরোলোজী, আর্থ রিস্ক ইভাল্যুএসন সেন্তর অমসুং সমুদ্রগী চাওখৎ থৌরাংগী মন্ত্রালয় পুন্না পুনশিন্দুনা শেমখিবনি।

থৌরম অসিদা এম.ও.ই.এস.কী সেক্রেতরী ওইরিবা দা. এম রজীবন, এম.ও.ই.এস.কী জোইন্ত সেক্রেতরী ওইরিবা দা. বিপিন চন্দ্রা, মন্ত্রালয় অসিগী মকোক থোংবা সাইন্তিস্তশিং অমসুং ওফিসিএলশিং অমসুং অতোপ্পা মমিং লৈরবা সাইন্তিস্তশিংনা ৱেবকাস্তকী খুত্থাংদা ভর্চ্যুএল ওইনা য়াওখি।

 “আর্থ সাইন্স অসি পৃথিবীগী লৈরিবা অঙকপশিং অসি অতোপ্পা সাইন্সশিং পুশিল্লক্তুনা থিজিন্নবা হোৎনরিবা সাইন্স পুম্নমক্কী অপুনবা অমনি। মসি তোপ তোপ্পি অদুবু অমগা অমগা মরী লৈনৈ। আর্থ সাইন্সনা ঐখোয়বু মালেমগী ওইনা খন্নবা অমসুং লোকেলগী ওইবা থবক লৌখৎনবা থৌনা হাপ্পি।” হায়না ফোঙদোক্লদুনা, দা. হর্শ বর্ধন্না হায় মদুদি “পৃথিবী অসি করম্না মথৌ তৌবগে হায়বা খঙবা মীওইশিংনা ৱাখল লৈবা ৱারেপশিং লৌগনি। মখোয়না ঈশিং ফনা থম্নবা, সহরগী চাওখৎ থৌরাংশিং, লৈবাক অসিগী ঙাকশেল, মালেমগী ওইনা অয়িং-অশাগী অওনবা অমসুং নেচরেল রিসোর্সশিং শীজিন্নবা অমসুং য়োকখৎপগী মতাংদা খন্ন-ন্নৈনবা অমসুং সমস্যাশিং কোকহনবা ঙমগনি।” মহাক্না মখা তারদুনা হায়, “২১শুবা চহিচা অসিদা ঐখোয়না ৱাখল লৈবা প্রজাশিং ওইবা মথৌ তাই। অমসুং আর্থ  সাইন্সনা ঐখোয়বু মফম অসি য়ৌনবা পুরক্লি। ” মহাক্না হায় “আর্থ সাইন্স স্কিলশিং” অসি “লাইফ স্কিলশিং” ওইরক্লে, অমসুং মরম অসিনা আর্থ সাইন্সেস মন্ত্রালয় অসি “লাইফ স্কিলশিংগী মন্ত্রালয়” ওইনা উবা য়ারে।

মন্ত্রীনা হায় “ৱেদর অমসুং ক্লাইমেৎ সাইন্সেসতা ভারতনা ত্রোপিকেল সাইক্লোনশিং, শাগৎলপা অমসুং ঈশিং ইচাওশিংগী ওইনা অচুম্বা ৱার্নিংশিং পীবগা লোয়ননা মালেমগী দিজাস্তর মেনেজমেন্তগী ওইনা খ্বাইদগী ফবা ৱেদর সর্ভিসশিং ফংহল্লিবশিংগী মরক্তা অমনি। আই.এম.দি.না ই.এস.সি.এ.পি. পেনেলগী মখাদা লৈবাক ১৩গী ত্রোপিকেল সাইক্লোনশিং অমসুং নোংলৈ নুংশিৎ লাকপগী পাউশিং পীরি।”

মহাক্না হায়, “ভারতনা অহানবা ওইনা তুংলমচৎকী ক্লাইমেৎ প্রোজেক্সনশিংগীদমক আর্থ সিস্তেম মোদেল অমা শাখ্রে। মসিগী মোদেল অসিনা তৌবা ঙম্বশিং অদু য়ু.এস.এ., য়ু.কে., অস্ত্রেলিয়া, জপান অমসুং জর্মনীগী মোদেলিং সেন্তরশিগা মান্ননা ঙম্লি। এম.ও.ই.এস.না এয়রক্রাফ অনিগা লোয়ননা চহি অন অসিদা আর্তিফিসিএল রেনমেকিং-ক্লাউদ সীদিং-গী এক্সপেরিমেন্তশিং তৌদুনা মসিগী কান্নবশিং অমসুং মাংজবশিং অদু খঙদোক্নবা অমদি দোক্যুমেন্ত তৌনবা এক্সপেরিমেন্ত অমা হৌদোকখ্রে। এক্সপেরিমেন্ত অসিনা লৈচিলগী সেমওল ২৩৪ খোমগৎতুনা ক্লাউদ সীদিং মপুং ফানা তৌনবা হোৎনরি। অসিগুম্বা অচৌবা মখলগী ক্লাউদ সীদিংগী এক্সপেরিমেন্তশিং অসি য়ু.এস.গুম্বা অখন্নবা লৈবাক খরা খক্তনা তৌরি।”

দা হর্শ বর্ধন্না লাউথোকখ্রে মদুদি “এত্মোসফেরিক রিসর্চ তেস্তবেদস লিংখৎপগা লোয়ননা ত্রোপিক্সতা লৈবা তোপ তোপ্পা ফেসিলিতী অমা অহানবা তাঙ্ককী ইন্সত্রুমেন্তেসনগা লোয়ননা ২০২১দা হৌদোক্লগনি। মসিগী লমহাংদা তৌগদবা ওবজর্বেতরী অসিনা লম এক্কর ১০০ হেন্না কোনশিনগনি (ভোপালদগী কি.মি. ৫০ লাপ্পদা) অমসুং মসিনা নোংজু থাগী লৈচিলশিং অমসুং লেন্দ সর্ফেসকী প্রোসেসশিং অসি হেন্না খঙনবা হোৎনরগনি। সেন্তর অসিদা রাদরশিং, ৱিন্দ প্রোফাইলরশিং, য়ু.এ.ভি.শিং অসিনচিংবা খ্বাইদগী নৌবা ওবজর্বেস্নেল সিস্তেমশিং থমগনি। অসিগুম্বা মখলগী রিসর্চ তেস্তবেদশিং অসি লৈবাক খরা খক্তদা লৈ।”

থৌরম অসিদা এম.ও.ই.এস.- নোলেদজ রিসোর্স সেন্তর নেৎৱার্ক (কে.আর.সি.নেৎ) অমসুং ভারতকী মেতিওরোলোজিকেল বিভাগকী মোবাইল এপ “মোসম” লোঞ্চ তৌখ্রে। এম.ও.ই.এস.কী সেক্রেতরী ওইরিবা দা. রজীবন্না মন্ত্রালয় অসিগী খ্বাইদগী শীংথানিংঙাই ওইবা থবক তৌবগী মনা পীনবা সাইন্তিস্তশিং অমসুং ইমপ্লোয়ীশিংগী লিস্ত অদুসু লাউথোকখ্রে।

দা. রজীবন্না থৌরম হৌদোকপগী ৱারোল পীরদুনা হায় মন্ত্রালয় অসিনা মায় পাকখ্রবশিং অদুগী মতাংদা থমখি অমসুং মন্ত্রালয় অসিনা তুংদা পায়খৎকদবা অতোপ্পা খোঙথাংগী রোদমেপ অমদু উৎখি।

আর্থ সাইন্সেসকী মন্ত্রালয় (এম.ও.ই.এস.) অসিনা লৈবাক মীয়ামদা ঈশিং-নুংশিৎকী, অইং-অশা, সমুদ্র, সমুদ্র খোংবান অমসুং মহৌশাগী ওইবা খুদোংথিবশিংগী খ্বাইদগী ওইথোকপা য়াবা পাউ ফংহন্দুনা মীয়ামদা খুদোংথিবা থোকহন্দনবা অমসুং সোসিও-ইকোনোমিক্কী ওইবা কান্নবশিং তঙাই ফদনা ফংহল্লি। মন্ত্রালয় অসিনা সমুদ্রগী রিসোর্সশিং (থৱায় পানবা অমসুং থৱায় পান্দবা) খঙদোক্না থিজিন্নবা অমসুং সস্তেনেবল ওইহন্নবসু হোৎনরি অমসুং এন্তার্কতিক/আর্কতিক/হিমলয়াস অমসুং সাউদর্ন ওসিন রিসর্চকী মরু ওইবা থৌদাং অমা লৌরি।

হৌখিবা থা খরা অসিদা আই.এম.দি.শিংনা ত্রোপিকেল সাইক্লোন অম্ফান অমসুং নিসারগা চপ চানা খংদোকপা ঙম্বা অমসুং দিজাস্তর মেনেজমেন্ত এজেন্সিশিংনা ফজনা ফিল্দ ৱার্ক তৌবনা মমল য়াম্লবা পুন্সি কয়া কনবা ঙমখ্রে হায়না মহাক্না ফোঙদোকখ্রে। মহাক্না হায় লাক্কদবা চহি মঙা অসিদা, (i) ওক্সিনগী ৬০০০ মিতর লুবা মফমদা সাইন্তিফিক সেন্সরশিং অমসুং তুলশিংগী সুতকা লোয়ননা সাইন্তিস্ত ৩ পুনবা মেন্দ সবমর্সিবল অমা দিবেলপ তৌবা, (ii) ৬০০০ মিতর লুপা মফমদগী পোলিমেতালিক নোদ্যুলশিং মাইনিং তৌনবা ইন্তিগ্রেতেদ মাইনিং সিস্তেম অমা দিবেলপ তৌবা, (iii) দোপ্লর ৱেদর রাদরশিংগী হৌজিক লৈরিবা মশিং ২৮দগী ৫০ ফাওবা হেনগৎহনবা, (iv) অৱাং-নোংপোক লমদমগী ইন্তিগ্রেতেদ মেতিওরোলোজিকেল সর্ভিসশিং, (v) হৌজিক লৈরিবা হাই পর্ফোর্মেন্স কমপ্যুতিং সিস্তেম অসি ১০ পি.এফ.লোপতগী ৪০ পি.এফ.লোপতা হেনগৎহনবা অমসুং ৱেদর ফোর্কাস্ত মোদেলগী হোরিজন্তল রিজোলুসন অসি লৌমীশিংনা ব্লোক লেভেল ফোর্কাস্তশিং ফংহনবদা মতেং পাংনবা হান্না লৈরিবা কি.মি. ১২দগী কি.মি. ১৫দা হেনগৎহনবা য়াওনা কান্নরগদবা প্লানশিং এম.ও.ই.এস.কী থমখ্রে।

এম.ও.ই.এস.না মহারাস্ত্রা সরকারগী গ্রেতর মুম্বাইগী ম্যুনিসিপাল কোর্পোরেসনগা পুন্না খুৎশম্নরগা মুম্বাইগী ফ্লদ ৱার্নিং সিস্তেম (আই.এফ.এল.ও.দবল্যু.এস-মুম্বাই) অমা দিবেলপ অমসুং কম্মিসন তৌখ্রে। 

দোপ্লর ৱেদর রাদর (দি.দবল্যু.আর.) অনৌবা অনি ইন্তিগ্রেতদ হিমালয়ন মেতিওরোলোজী প্রোগ্রাম (আই.ঐচ.এম.পি.)গী মখাদা সোনমার্গ জে. অমসুং কে. অমসুং মুকতেশ্বরদা কম্মিসন তৌখ্রে। মথংগী চহি অমগী মনুংদা অহেনবা (দি.দবল্যু.আর.) নিপাল অমগসু কম্মিসন তৌরগনি। 

এম.ও.ই.এস.না থক্নবা ঈশিং অমসুং সেনিতেসনগী মন্ত্রালয় অমসুং লক্ষদ্বীপ এদমিনিস্ত্রেতরগী মতেংনা অমমম্না নুমিৎ খুদিংগী ঈশিং লিতর লাখ ১.৫ পুথোকপা ঙম্বা অনৌবা ৱাতর দিসেলিনেসন প্লান্ত তরুক লক্ষদ্বীপ ইথৎশিংদা লিংখৎখ্রে। প্লান্ত তরুক্কী মনুংদা অহানবা অসি কালপেনিদা লিংখৎখি অমসুং ২০২০গী জানুৱারী ০৯দা থক্নবা ঈশিং পুথোকপা হৌখ্রে।  

লৈবাক অসিগী কোস্তল অমসুং ওক্সিন রিসর্স কেপেবিলিতিশিং চাওথোকহনবা হায়বসি মতম পুম্বদা ভারত সরকারগী অহানবা মীৎয়েং ওইরি। অনৌবা কোস্তল রিসর্স ভেসেল অমা ওইরিবা “সাগর অনভেশিকা” অসি ফেব্রুৱারী ২০২০দা কম্মিসন তৌখি। মসিগী ভারতকী লনাইগী সেক্তরনা সরকারগা খুৎশম্নখিবা অমসুং ‘মেক ইন ইন্দিয়া’গী মীৎয়েং চাওখৎহনবগা লোয়ননা ভারতকী কোস্তল রিসর্সকী পুৱারীদা খ্বাইদগী মায় পাকখিবা দিবেলপমেন্তশিংগী মরক্তা অমনি।

অরোইবদা স্ক্রিপ্স ইন্সতিত্যুসন ওফ ওক্সিনোগ্রাফীগী দিরেক্তর অমসুং য়ুনিভর্সিতী ওফ কেলিফোর্নিয়া-সেন দিএগোগী ভাইস চাঞ্চেলর মার্গরেৎ লিননগী “২১শুবা চহিচাগী ওক্সিন সাইন্স”তা ৱা ঙাংগী ভিদিও রেকোর্দিং অমা উৎখি।  

*****