இந்திய வானிலை ஆய்வுத் துறை,புவி அறிவியல் அமைச்சகம் சமீபத்திய ஆண்டுகளில் வானிலை முன்னறிவிப்பு மற்றும் சமீபத்திய கருவிகள் மற்றும் தொழில்நுட்பங்களின் அடிப்படையில் எச்சரிக்கை சேவைகளை பரப்புவதில் முன்னேற்றம் காண பல்வேறு முயற்சிகளை எடுத்துள்ளது. இந்த முயற்சியை மேலும் மேம்படுத்துவதற்காக, இந்திய வானிலை ஆய்வுத் துறைக்கு "மவுசம்" (MAUSAM) என்ற மொபைல் செயலியை அறிமுகப்படுத்தியதில் புவி அறிவியல் அமைச்சகம் பெருமிதம் கொள்கிறது.

இந்த மொபைல் செயலி பிளேஸ்டோர் மற்றும் ஆப்ஸ்டோரில் கிடைக்கிறது. பயனர்கள் கணிக்கப்பட்ட வானிலை, முன்னறிவிப்புகள், ரேடார் படங்களையும் பார்க்கமுடியும் என்பதுடன் வரவிருக்கும் வானிலை நிகழ்வுகள் குறித்து முன்கூட்டியே எச்சரிக்கப்படுவார்கள்.

மவுசம் (MAUSAM) மொபைல் செயலி பின்வரும் 5 சேவைகளைக் கொண்டுள்ளது:

தற்போதைய வானிலை - 200 நகரங்களுக்கான தற்போதைய வெப்பநிலை, ஈரப்பதம், காற்றின் வேகம் மற்றும் திசை ஒரு நாளைக்கு 8 முறை புதுப்பிக்கப்பட்டது. சூரிய உதயம் / சூரிய அஸ்தமனம் மற்றும் சந்திர உதயம் / சந்திர அஸ்தமனம் பற்றிய தகவல்களும் கொடுக்கப்பட்டுள்ளன.

Nowcast - உள்ளூர் வானிலை நிகழ்வுகள் பற்றிய மூன்று மணிநேர எச்சரிக்கைகள் மற்றும் அவற்றின் தீவிரம் சுமார் 800 நிலையங்களுக்கும், இந்தியாவின் மாவட்டங்களுக்கும் வானிலை ஆய்வு துறையின் (IMD) மாநில வானிலை மையங்களால் வழங்கப்பட்டுள்ளது. கடுமையான வானிலை ஏற்பட்டால், அதன் தாக்கத்தை குறித்து செய்து வழங்குவதும் எச்சரிக்கையில் சேர்க்கப்பட்டுள்ளது.

நகர முன்னறிவிப்பு - இந்தியாவில் 450 நகரங்களில் வாரத்தின் ஏழு நாட்களிலும் 24 மணிநேரமும் வானிலை முன்னறிவிப்பு வழங்கப்படும்..

எச்சரிக்கைகள்- ஆபத்தான வானிலை நெருங்குவதை குடிமக்களுக்கு எச்சரிக்க அடுத்த ஐந்து நாட்களுக்கு வண்ண குறியீட்டில் (சிவப்பு, ஆரஞ்சு மற்றும் மஞ்சள்) அனைத்து மாவட்டங்களுக்கும் ஒரு நாளைக்கு இரண்டு முறை எச்சரிக்கைகள் வழங்கப்படுகின்றன. வண்ணக் குறியீடு சிவப்பு என்பது மிகவும் கடுமையான எச்சரிக்கை, இது அதிகாரிகள் நடவடிக்கை எடுக்கும்படி வலியுறுத்துகிறது, ஆரஞ்சு குறியீடு அதிகாரிகள் மற்றும் பொதுமக்களை எச்சரிக்கையாக இருக்கும்படி தூண்டுகிறது, மஞ்சள் குறியீடு அதிகாரிகள் மற்றும் பொதுமக்கள் தகவல்களை உடனுக்குடன் தெரிந்து தயார்நிலையில் இருக்குமாறு  தூண்டுகிறது.

ரேடார் தயாரிப்புகள்: சமீபத்திய நிலைய வாரியான ரேடார் தயாரிப்புகள் ஒவ்வொரு 10 நிமிடங்களுக்கும் புதுப்பிக்கப்படும்.

********