আর্থ সাইন্স মন্ত্রালয়

ইন্দিয়া মেতিওরোলোজিকেল দিপার্তমেন্তগী মপোক নুমিৎতা আর্থ সাইন্স মিনিস্ত্রীনা মোবাইল এপ “মৌসম” হাংদোকখ্রে


শীজিন্নরিবা মীওইশিংনা নোং-চিংগী পাউশিং, রাদারগী মমিশিং অমসুং থোরকপা য়াবা নোং-চিংগী থৌদোকশিংগী পাউশিং ফংগনি

Posted On: 27 JUL 2020 4:08PM by PIB Imphal

খ্বাইদগী নৌবা খুৎলায়শিং অমসুং তেক্নোলোজীশিংদা য়ুম্ফম ওইদুনা নোং-চিংগী পাউ মাংজৌননা পীবগী থবকশিং চহি খর অসিদা আর্থ সাইন্স মিনিস্ত্রীগী ইন্দিয়া মেতিওরোলোজিকেল দিপার্তমেন্তনা পায়খৎলে। মসিগী থবক অসি হেন্না ফগৎহন্নবা ইন্দিয়া মেতিওরোলোজিকেল দিপার্তমেন্তগীদমক আর্থ সাইন্স মিনিস্ত্রীনা মোবাইল এপ “মৌসম” হাংদোকপদা চাউথোকচবা পোকখি।

মসিগী মোবাইল এপ অসি প্লেস্তোর অমসুং এপস্তোর অনিমক্তা ফংগনি।

মসিগী মোবাইল এপ অসি মীয়ামদা কৎথোক্লে অমসুং তেক্নিকেলগী ওইবা ৱারোলশিং য়াওদনা মীয়ামদা নোং-চিংগী ই-পাউ অরাইবা মওংদা ফংহন্নবা দিজাইন তৌবনি।

শীজিন্নরিবা মীওইশিংনা নোং-চিংগী পাউশিং, রাদারগী মমিশিং অমসুং থোরকপা য়াবা নোং-চিংগী থৌদোকশিংগী পাউশিং ফংগনি ।

মৌসম মোবাইল এপতা মখাগী থবক মঙা অসি য়াওরি :

  • করেন্ত ৱেদর : নোংমদা নিপাল্লক অপদেদ তৌবা সহর ২০০গী হৌজিক ওইরিবা অইং-অশা, নুংশিৎতা য়াওবা ইশিং মনিলগী চাং, নুংশিৎকী খোঙজেল ফংগনি । নুমিৎ থোকপা/তাবা অমসুং থা থোকপা অমসুং তাবগী পাউসু পীরি।
  • নাওকাস্ত : আই.এম.দিগী স্তেৎ মেতিওরোজিকেল সেন্তরশিংনা ভারতকী জিলাশিং অমসুং স্তেসন ৮০০ রোমগী মতাংদা পুং অহুম খুদিংগী মফম মফমগী নোং-চিংগী ফিবম অমসুং মখোয়গী ইন্তেনসিতিগী মতাংদা পাউ পীগনি । করিগুম্বা শাথিবা ফিবম ওইরবদি, মসি মাংজৌননা পীগদবা ই-পাউশিংদা য়াওহনগনি।
  • সিতি ফোরকাস্ত: ভারতকী সহর ৪৫০গী মতাংদা হৌখিবা পুং ২৪ অমসুং নুমিৎ ৭গী ওইরক্কদবা নোং-চিংগী ফিবমশিং পীগনি।

ৱার্নিংশিং : লাক্কদবা খুদোংথিনিঙাই ওইবা নোং-চিংগী ফিবমশিং মীয়ামদা চেকশিন্নবা খঙহন্নবা মথং নুমিৎ ৫গী ওইনা নোংমদা অনিরক জিলা খুদিংমক্তা মচুশিং (অঙাংবা, কোম্লা মচু অমসুং হঙ্গামপাল )শীজিন্নদুনা চেকশিনৱাশিং পীগনি । অঙাংবা মচু অসিনা খ্বাইদগী শাথিবা কাংলুপ ওইনা ওথোরিতিশিংদা থবক পায়খৎনবা তকশিনগনি, কোম্লা মচু অসিনা ওথোরিতিশিং অমসুং মীয়ামদা চেকশিন্না লৈনবা পাউতাক পীরি অমসুং হঙ্গামপাল অসিনা ওথোরিতি অমসুং মীয়ামদা মখোয় মশা অপদেদ তৌনবা পাউতাক পীরি।

  • রাদারগী পোৎথোকশিং : মিনিত ১০ খুদিংগী রাজ্যশিংগী রাদারদগী ফংলকপা মমিশিং অপদেদ তৌরি।

মৌসম মোবাইল এপ অসি মীয়াম্না দরকার ওইবা নোং-চিংগী পাউশিং অমসুং চেকশিনৱাশিং ফজবা অমসুং শীজিন্নবদা নুংঙাইগদবা মওংশিংদা ফংহন্নবা মরুওইবা খুৎলায় অমনি।

মোবাইল এপ অসি ইন্দিয়া মেতিওরোলোজিকেল দিপার্তমেন্ত অমসুং ইন্দিয়ান ইন্সতিতুৎ ওফ ত্রোপিকেল মেতিওরোলোজি, পুনে অমসুং আই.সি.আর.আই.এস.এ.তিগী দিজিতেল এগ্রিকলচর অমসুং য়ুথ(দে.এ.ৱাই.)না পুন্না পুথোকপনি।

********



(Release ID: 1641521) Visitor Counter : 180