PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
25 JUL 2020 6:48PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- নোংমা খক্তদা খ্বাইদগী য়াম্বা মশিং ওইনা কোবিদ তেস্ত লাখ ৪.২ হেন্না পাংথোকখ্রে।
- তেস্ত পর মিলিয়ন ১১,৪৮৫দা হেঙ্গৎলে অমসুং অপুনবা তেস্ত তৌবা মশিংনা ১,৫৮,৪৯,০৬৮ য়ৌরে।
- কোবিদ-১৯না মরম ওইদুনা শিবগী চাং অসি চাদা ২.৩৫দা তাথরে
- হৌখিবা পুং ২৪দা কোবিদনা নাবা মীওই ৩২,২২৩ নাবা ফখ্রে, নাবা ফরবা অপুনবা মশিং অসি ঙসি ৮,৪৯,৪৩১ য়ৌখ্রে।
- রিকবরী রেৎ অসিশু ৬৩.৫৪%দা হেনগৎলে।
- কেস ৱাংবা রাজ্য মাপনগী কোবিদ-১৯ শেন্নবগী ফিভম য়েংশিনবগী থৌওংবু কেবিনেৎ সেক্রেতরীনা য়েংশিনখ্রে
ভারতনা নোংমদা খ্বাইদগী য়াম্বা ওইনা লাখ ৪.২ হেনবা তেস্ত তৌখ্রে; হৌজিক ফাওবদা চাউরাকপা সেম্পল কোতি ১.৬ তেস্ত তৌখ্রে; কেস ফেতেলিতী রেৎ অসি ২.৩৫%দা য়াম্না তাথরে
অহানবা ওইনা নোঙমখক্তদা ৪,২০,০০০ হেন্না কোবিদ তেস্ত তৌখ্রে। হৌখিবা চয়োল অমদগী নোঙমদা তেস্ত মশিং ৩,৫০,০০০ হেন্না পাংথোক্তুনা লাক্লিবা অসিগী মনুংদা হায়রিবা মশিং অসি য়ৌবা ঙমখিবনি। হৌখিবা পুং ২৪দা সেম্পল ৪,২০,৮৯৮ তেস্ত তৌদুনা তেস্ত পর মিলিয়ন (তি.পি.এম.) অসি মখা তানা ১১,৪৮৫দা অমসুং অপুনবা তেস্ত তৌবা মশিংনা ১,৫৮,৪৯,০৬৮দা হেনগত্তুনা তেস্ত তৌবা ঙমখি। অনিমক অসিনা মশিং হেনগৎপগী মওং চত্থরি। মসিগী মায় পাকপা ফংবা ঙম্লিবসি জনুৱারি ২০২০দা তেস্ত তৌফম অমখক লৈরম্বদগী ঙসিগী নুমিত্তা পুন্না ১৩০১ লৈদুনা লেবকী মশিং লেপ্তনা হেনগৎলকখিবা অসিননি। ঙসিদি মসি য়াম্না মশক থোকপা ওইনা ২.৩৫%দা হন্থরে। মালেমগী মনুংদা ভারত অসি ফেতেলিতী রেৎ খ্বাইদগী নেম্বা লৈবাক অমসু ওইরি। হৌখিবা পুং ২৪দা কোবিদনা নাবা মীওই ৩২,২২৩ নাবা ফখ্রে। নাবা ফরবা অপুনবা মশিং অসি ঙসি ৮,৪৯,৪৩১ য়ৌখ্রে। রিকবরী রেৎ অসিশু ৬৩.৫৪%দা হেনগৎলে। কোবিদ-১৯দগী নাবা ফরবা মশিং অমসুং এক্তিব কেসকী মশিংগী অহাংবা অসি ৩,৯৩,৩৬০দা অমুক্কা হেন্না হেনগৎখ্রে।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1641158
কেস ৱাংবা রাজ্য মাপনগী কোবিদ-১৯ শেন্নবগী ফিভম য়েংশিনবগী থৌওংবু কেবিনেৎ সেক্রেতরীনা য়েংশিনখ্রে
কেন্দ্র সরকার অমসুং রাজ্য/য়ু.তি.শিংগী মরক্তা থাক খায়বা, অতম্নবা, চাং নাইবা অমসুং কোবিদ-১৯ নিংথিনা থেংননবা থৌরাং য়াৎপা খোংথাং কয়া অমা খুৎশম্নদুনা পায়খৎমিন্নবদগী লৈবাক অসিদা নাবা ফবগী চাং য়াম্না ৱাংলিবনি অমসুং কেস ফেতালিতী রেৎ অসিশু লেপ্তনা হন্থরক্লিবনি। কেন্দ্র সরকারগী কোবিদ-১৯ লায়চৎ অসিবু নিংথিনা লাকশিনবা অমসুং শেন্নবা ঙম্নবা পুন্না পাংথোকমিন্নবা খোংথাংগী শরুক অমা ওইনা কেবিনেৎ সেক্রেতরীনা লুচিংদুনা লৈবাক অসিদা কেস মশিং য়ামখৎলক্লিবা রাজ্য মাপনগী চীফ সেক্রেতরীশিং অমসুং হকশেল সেক্রেতরীশিংগা লোয়ননা ফিভম অসিবু য়েংশিনবগী অৱাংবা থাক্কী মীফম অমা ফমখ্রে। ভি.সি. অদুদা শরুক য়াখিবা রাজ্য মাপল অদুদি তেলঙ্গানা, আন্ধ্র প্রদেশ, করনাতকা, য়ু.পি., বিহার, ঝারখন্দ, ওরিশা, নোংচুপ বেঙ্গোল অমসুং অসমনি। কেবিনেৎ সেক্রেতরীনা হেলথ সেক্রেতরীশিং অমসুং রাজ্যগী ওফিসিএলশিংগা রাজ্যশিংদা য়ুম্ফম ওইবা কোবিদকা থেংনবগী থৌরাং কয়াগী মতাংদা কুপ্না খন্নখিবগা লোয়ননা মতম খরা অসিদা মতৌ করম্না কেস মশিং য়াম্না হেনগৎলিবনো হায়বগী মরমদশু খন্নখি। “তেস্ত ত্রেক ত্রীত”কী থৌরাংগী মতুং ইন্না রাজ্যশিংদা কন্তেনমেন্ত জোনশিংদা অহেনবা মিৎয়েং থমদুনা তেস্ত তৌবা হেনগৎহন্নবা খংহনখি। রাজ্য কয়াদা তেস্তিং তৌবগী মশিং হন্থবগী পাখৎনিংঙাই ওইরবা হীরম কয়া অমশু খন্নবদা য়াওখি। কেসশিং নৌনা মশক খংদোক্তুনা লায়না অসিনা শন্দোকপা থিংনবা লেপ্তনা অমসুং কন্না চত্থবগী তঙাই ফদবশিংশু মরু ওইনা খন্নখি।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1641039
মীয়ামগী থবক তৌবগীদমক ফাইনান্স মিনিস্তর আই.তি. দিপার্তমেন্তবু থাগৎখ্রে
১৬০শুবা ইনকম তেক্স নুমিৎকী মহাক্কী পাউজেলদা ফাইনান্স অমসুং কোরপোরেত এফেয়ার্সকী য়ুনিয়ন মিনিস্তর শ্রীমতি নিরমালা সিতারমন্না তেক্স থিরিবশিং নুংঙাইনবা, অরোন-অথুপ লৈতনবা অমসুং মশা-মরোমদোম তেক্স থিনবা মাইকৈদা তেক্স লৌবগী থবকশিং ইনকম তেক্স দিপার্তমেন্তনা লেপ্তনা পায়খৎপগীদমক মহাক্না থাগৎখি। চহি খর অসিদা অহোংবা পুরক্তুনা শুপ্নগী খজনা খোমগৎনবা লুপ অমা ওইরম্বদগী মীয়ামগী য়াইফনবা লৈবা লুপ অমা ওইরক্লিবা অসি মহাক্না শিংথাখি। মহাক্না হায়খি তেক্স লৌবগী থবকশিং লাইহন্নবা য়াওনা অনৌবা থবক কয়া পায়খৎলে, কোরপোরেত তেক্স রেত হন্থরে। ফাইনান্স মিনিস্তরনা ইনকম-তেক্স দিপার্তমেন্ত থাগৎখি। লৈবাক অসি চাউখৎহনবদা দিপার্তমেন্ত অসিনা মরুওইবা থৌদাং লৌবা খক নত্তনা মসিনা শীনফম অসিদা লৈরিবশিংগী অনৌবা থাক কয়া শেম্লে অমসুং ফিবম ফগৎহল্লে।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1640966
ভারত-য়ু.কে.না ফ্রী ত্রেদ এগ্রীমেন্ত অমদা পায়খৎনবা লেপনখ্রে
ভারত অমসুং য়ু.কে.গী ১৪শুবা জোইন্ত ইকোনোমিল এন্দ ত্রেদ কম্মিতিগী মীফম জুলাই ২৪, ২০২০ দা ভর্চ্যুএল ওইনা পাঙথোকখ্রে। মসিদা কম্মর্স অমসুং ইন্দস্ত্রীগী মন্ত্রী শ্রী পিয়ুশ গোয়ল অমসুং য়ু.কে.গী স্তেৎ ফোর ইন্তর্নেস্নেল ত্রেদকী সেক্রেতরী ঐচ.ই. মিস ইলিজাবেদ ত্রসকা পুন্না চ্যের লৌখি। কম্মর্স অমসুং ইন্দস্ত্রীগী মিনিস্তর ওফ স্তেৎ শ্রী হর্দীপ সিংহ পুরি অমসিং মহাক্কা মান্নবা ফম পায়রিবা য়ু.কে.গী ইন্তর্নেস্নেল ত্রেদকী মিনিস্তর ওফ স্তেৎ ঐচ.ই. মিস্তর রেনিল জয়াৱর্দেনা মাখোয়বু মতেং পাংখি। নাকল অনিমক্না মরুওইনা হৌজিক ওইরিবা কোবিদ-১৯গী লায়চৎ অসিগী য়েংলগবা হকশেলগী লমদা অমনা অমগী মতেং পাংননবা ৱারেপ লৌখি।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1641126
কোবিদ-১৯গীদমক রেপিদ রেগুলেতরী ফ্রেমৱার্ক
সাইন্স অমসুং তেক্নোলোজী মন্ত্রালয়গী বাইওতেক্নোলোজী বিভাগ (দি.বি.তি.)না কোবিদ-১৯না পীরিবা খুদোংচাদবশিং অসি থেংননবা হায়দুনা মসিগী লাইওং খংদোকপা, লায়েংবা, হিদাক অমসুং বেক্সিন পুথোকপগী হীরমদা হকথেংনবা থবক কয়া পাংথোক্লি। দি.বি.তি.না রিসর্চনা ইথিল পীবা অমসুং তেক্নোলোজীদা য়ুম্ফম ওইবা থৌওং কয়া অথুবা মতমদা পাংথোকপগী খোংথাং কয়া অমা পায়খৎলি। কোবিদ-১৯ লান্থেংননবা থিজিন হুমজিনবা অমসুং হীরমশিদা অনৌবা চাউখৎপা লাক্নবা শিনবা অমসুং তেংবাংবগী চাউরবা খোঙথাং অমা ওইনা দি.বি.তি.না রেপিদ রেস্পোন্স রীগুলেতরী কয়া অমা শেমখ্রে।
ফিল্দ ওফিসশিংদগী ফংবা পাউ
• চান্দিগর: চান্দিগরগী এদমিনিস্ত্রেতরনা পুলিস, রেভেন্যু অমসুং মুনিসিপাল ওফিসিয়েলশিংদা ফীল্দ ইন্সপেক্সনশিং অমসুং রেসিদেন্তশিংনা সোসিয়েল দিস্তেন্সিং নোর্মশিং অমসুং মার্কেতশিং অমসুং অতোপ্পা মীয়াম তিনবা মফমশিংদা খুদম ওইনা পার্কশিং, সুখনা লেক্নচিংবা মফমশিংদা মাস্কশিং উপ্পা হায়বনচিংবশিং অসি ঙাক্না চৎপ্রা হায়বা য়েংশিন্নবা খঙহনখ্রে।
• পঞ্জাব: পঞ্জাব সরকারনা চহি ৬০গী মখাদা লৈবা মাইল্দ অসীম্পতোমেতিক কেসশিংগীদমক্তা কোবিদ কেয়র কেপাসিতী হেনগৎহনখ্রে, হায়রিবা অসি জিলা ১০দা পুন্না বেদ ৭২৫০গী কেপাসিতী লৈবা অনৌবা লেভেল-১ কোবিদ কেয়র সেন্তরশিং (সি.সি.সি.শিং) মথৌ তৌবা হৌহনখ্রে। অসিগা মান্নবা অমমমদা বেদ ১০০ লৈবা সেন্তরশিং অথুবা মতমদা লেমহৌরিবা জিলা ১২দা হাংদোক্লগনি।
• হরিয়ানা: হরিয়ানাগী হোম অমসুং হেল্থকী মন্ত্রী, শ্রী অনিল ভিজনা রোহতকতা লৈবা পন্দিত ভাগ্বত দয়াল শরমা পোস্ত গ্রেজুৱেত ইন্সতিত্যুত ওফ মেদিকেল সাইন্সেস (পি.জি.আই.এম.এস.)তা প্লাস্মা বেঙ্ক অমা শঙ্গাখ্রে। হৌজিক ফাওবদা হরিয়ানাদা কোবিদ-১৯ ইনফেক্সনগীদমক্তা তেস্ত তৌবদা চাউরাক্না পেসেন্ত ২৮,০০০ পোজিতিব ওইখ্রে, মসিগী মনুংদা ২১,০০০গী মথক্তা রিকোভর তৌখ্রে। হায়রিবশিং অসিনা মখোয়গী প্লাস্মা দোনেত তৌবা য়ারগনি, প্লাস্মা দোনেত তৌবনা য়ামদ্রবদা পেসেন্ত অনিদি লাইনা অসিদগী ফহনবা ঙম্লগনি।
• হিমাচল প্রেদেশ: মুখ্য মন্ত্রীনা মেদিকেল চেক-অপশিংগীদমক্তা মতিক চানা থৌরাং তৌবা অমসুং কোবিদ-১৯ কেয়র সেন্তরশিংদা লৈরিবা কোরোনাভাইরসকী পেসেন্তশিংদা বেলেন্স দাইত পীনবা তাক্লকখ্রে। ক্বারন্তিনগী থৌওং অসিবু নীথিজনা ইনগদবনি হায়না মহাক্ন হায়খি।
• মধ্য প্রদেশ: রাজ্য অসিগী মুখ্য মন্ত্রী, শিবরাজ সিং চাউহন কোবিদ-১৯গী তেস্ত তৌবদা পোজিতিব ওইরে। এম.পি.দা অনৌবা পোজিতিব কেস ৭৩৬ থেংনখ্রে মসিনা অপুনববা মশিং ২৬,২১০ য়ৌহনখ্রে, অসিগী মনুংদা ৭,৫৫৩দি এক্তিব কেসনি।
• মহারাস্ত্র: মহারাস্ত্রগী সি.এম. উধব থাকরেনা ঙসি ইকোনোমীগী ওইবা অৱাবা লৈরিবা অসি ফনবগীদমক্তা রাজ্য অসিদা কোবিদ-১৯না মরম ওইরগা থম্লিবা লোকদাউন অসিবু মপুং ফানা লৌথোকপা হায়বসি য়ানীংদে হায়না মহাক্না হায়খি। হৌখিবা পুং ২৪দা অনৌবা কেস ৯,৬১৫ থেংনখিবগা লোইননা মহারাস্ত্রদা লৈরিবা অপুনবা কেসশিংগী মশিং অদু লাখ ৩.৫৭ য়ৌখ্রে। মসিদা এক্তিব কেসশিংগী মশিংদি লাখ ১.৪৩নি। নাগপুরদা থাংজ অমসুং নোংমাইজিং নুমিত্তা নুমিৎ নিনিগী জনতা করফ্যু নুমিত্তা পাংথোকখি।
• গুজররাত: গুজরাত রাজ্য অসিনা ইরাই নুমিত্তা কোবিদ-১৯গী কেস ১,০৬৮ অমসুং ২৬ শিখিবগী পাউ লৈখি। রাজ্য অসিগী ওইনা শিবগী মশিং অদু ২,২৮৩ য়ৌখ্রে, অদুগা কেস লোদনা ৫৩,৬৩১দা হেগৎখ্রে। ভেন্তিলেতর সপোর্ত তৌদুনা হিংলিবা পেসেন্ত ৮৩ য়াওনা হৌজিক এক্তিব কেস ১২,৫১৮ লৈরি।
• রাজস্থান: ঙসি অয়ুক অনৌবা পোজিতিব কেস ৫৫৭ থেংনখি। মসিনা রাজ্য অসিগী কোনিদ-১৯গী মশিং অদু ৩৪,৭৩৫ য়ৌহনখ্রে। রাজ্য অসিদা হৌজিক এক্তিব কেস ৯০২৯ লৈরি, ফগৎলকপগী অপুনবা মশিং ২৪,৬৫৭দা হেনগৎলকখ্রে অমসুং শিবগী মশিনা ৬০৮ য়ৌখ্রে।
• ছত্তিসগর: ছত্তিসগরদা ইরাই নুমিত্তা ৱাংলবা অনৌবা পোজিতিব কেস ৪২৬ থেংনখি। রায়পুর খক্তদা অনৌবা পোজিতিব কেস ১৬৪ থেংনখি, মথংদা রাজনন্দগাওন (২৮) অমসুং দুর্গ (১৯)। হৌজিক রাজ্য অসিগী কোবিদ-১৯গী মশিং অদু ৬,৮১৯ য়ৌরে অদুগা এক্তিব কেসশিংগী অপুনবা মশিংনা ২,২১৬ য়ৌখ্রে।
• গোৱা: ইরাই নুমিত্তা অনৌবা পোজিতিব কেসকী মশিং অদু ১৯০ ওইখি। মসিনা মরম ওইরগা রজ্য অসিগী কোবিদ-১৯গী মশিং অদু ৪,৫৪০দা হেনগৎখ্রে। অদুবু, ইরাই নুমিত্তা ২১০ ফখিবগা লোইননা এক্তিব কেসশিংগী অপুনবা মশিং অদু ১,৬৭৫ শুরে।
• অরুনাচল প্রদেশ: অরুনাচল প্রদেশকী কুরুম কুমে জিলাদা, দিপ্যুতী কমিসনরনা কোবিদ-১৯ শন্দোরকপা থিংনবা জিলা অদুদা লৈরিবা সরকারগী ওফিসশিংদা হাপ্নবা ফুত ওরেতেদ সানিতাইজিং মছিন য়েন্থোকখ্রে।
• মনিপুর: মনিপুরগী থৌবাল জিলাদা ত্রাভেল হিস্তরী অমত্তা লৈতবা কেসশিং থেংনবদগী, হেল্থ ওথোরিতীশিংনা কোবিদ-১৯ পোজিতিব পেসেন্তশিংগা য়াম্না নক্নবা মরী লৈনবা, চিংনবা কেসশিংগী য়ুমথোং খুদিংদা চত্তুনা রেপিদ এন্তিজেন তেস্ত পাংথোকপা হৌখ্রে।
• নাগালেন্দ: নাগালেন্দদা, দিমাপুর দিস্ত্রিক্ত এদমিনিস্ত্রেশন্না কোবিদ-১৯ শন্দোকপা থিংনবা দিমাপুর এন.এস.তি.গী জেনরেল মেনেজরগী ওফিস সীল তৌনবা ওর্দর থোকখ্রে অমসুং রেলৱে পার্সেল সেক্সন ওফিস, রেলৱে য়ুনিয়ন এমপ্লোয়ীজ কোলোনী অঞসুং জেনরেল রেলৱে পুলিস দি.এস. ফ্লেত সীল তৌবগী ওর্দর থোকখি।
• সিক্কিম: সিক্কিমদা গাঙতোক্তা লৈবা ন্যু এস.তি.এন.এম. হোসপিতালদা ইমর্জেন্সী ৱার্দতা লৈবা দোক্তর অমা তেস্ত তৌবদা পোজিতিব ওইরে। ইমর্জেন্সী ৱার্দ অসি চয়োল অমগী কন্তেন তৌদুনা থম্লগনি অমসুং মনিপাল সেন্ত্রেল রিফরেল হোসপিতালনা মতম অদু ফাওবগী ওইনা ইমর্জেন্সী হেল্থ সার্বিস পাংথোক্লগনি।
• কেরলা: কেরলাদা শিখিবা মরি অদু ভাইরস অদুননি হায়বা কনফর্ম তৌখ্রে। শিখিবশিং অদু অর্নাকুলম, কন্নুর, পলাকদ অমসুং ৱায়ানাদতা থোকখি। মসিনা রজ্য অসিগী কোবিদনা মরম ওইরগা শিবগী মশিং অদু ৫৮ য়ৌখ্রে। কাঝিকোদেদা কোবিদ-১৯গী কেসশিংগী মশিং হেনগৎলকপনা, ওথোরিতীশিংনা লাক্কদৌরিবা চয়োল খরদা জিলা অসিদা পেসেন্ত ৪,০০০ থেংনরকপা য়াই হায়রি। রাজ্য অসিদা ঙরাং অনৌবা কোবিদ-১৯গী এক্তিব কেস ৮৮৫ কনফর্ম তৌখি। মীওই ৯,৩৭১ লাইয়েংদুনা লৈরি অমসুং ঋআজ্য অসি শিনবা থুংনা লাখ ১.৫৬ সর্ভিলেন্স তৌদুনা লৈরি।
• তামিল নাদু: পুদুচেরীদা কোবিদ-১৯গী অনৌবা কেস ১৩৯ থেংনখি; য়ু.তি. অসিগী অপুনবা কেস অদু ২৬৫৪দা হেনগৎখি, এক্তিব কেসশিংনা ২০৫৫ অমসুং৩৮ শিখিবগী পাউ লৈখি। তি.এন.দা ঙরাং য়াম্না ৱাংলবা অনৌবা কেস ৬৭৮৫ থেংনখি মসিগা লোইননা ৮৮ শিখি। চেন্নাইদগী কেস ১১১০। ঙরাং ফাওবদা লৈখিবা অপুনবা কেসশিং: ১,৯৯,৭৪৯; এক্তিব কেসশিং: ৫৩,১৩২; শিখিবশিং: ৩৩২০; চেন্নাইদা লৈরিবা এক্তিব কেসশিং: ১৩,৭৪৩।
• কর্নাতকা: সেন্তরনা কর্নাতকা, অতোপ্পা রাজ্য ৮দা তেস্তশিং হেনগৎনবা পাউতাক পীরকখ্রে। ঙরাং অনৌবা কেস ৫০০৭, ২০৩৭ দিসচার্জ তৌখি অমসুং ১১০ শিখিবগী পাউ লৈখি; বেঙ্গলোর সিতীদা কেস ২২৬৭। অপুনবা কেসশিং: ৮৫,৮৭০; এক্তিব কেসশিং: ৫৩,১৩২; শিখিবশিং: ৩৩২০; চেন্নাইদা লৈবা এক্তিব কেসশিং: ১৩,৭৪৩।
• অন্ধ্র প্রদেশ: কোবিদ-১৯না নারবা জেলদা ফাদুনা লৈবা মীওই অনি জুলাই ২৫গী অহিং নোয়াই অঙনবদা ইলুরু সি.আর.আর. কোবিদ কেয়র সেন্তরদগী নান্থোকখ্রে। ঙরাং অনৌবা কেস ৮১৪৭ অমসুং ৪৯ শিখিবগী পাউ লৈখি। অপুনবা কেসশিং: ৮০,৮৫৮; এক্তিব কেসশিং: ৩৯,৯৯০; শিখিবশিং: ৯৩৩।
• তেলঙ্গানা: আই.তি. অমসুং ইন্দস্ত্রীগী মন্ত্রী, কে.তি. রামা রাওনা হায়খি মদুদি তেলঙ্গানাদা লৈবা ফার্মসিতিকেল ইন্দস্ত্রীনা রেমদেসিভির অমসুং ফিভিপিরাভির য়াওনা পুন্সি কনগদবা দ্রগশিং পুথোরক্তুনা কোবিদ-১৯ লাকশিনবদা খোংজেল য়াংনা থবক পাইখৎলক্লি। ঙরাং অনৌবা কেস ১৬৪০, ১০০৭ ফখি অমসুং ০৮ শিখিবগী পাউ লৈখি; কেস ১৬৪০গী মনুংদা কেস ৬৮৩দি জি.ঐচ.এম.সি.দগীনি। অপুনবা কেসশিং: ৫২,৪৬৬; এক্তিব কেসশিং: ১১,৬৭৭; শিখিবশিং: ৪৫৫; দিসচার্জ তৌখিবশিং: ৪০,৩৪৪।
********
(Release ID: 1641280)
Visitor Counter : 128