রেলৱে মন্ত্রালয়

জি.ই.এম.দা রেলৱে দিজিতেল সপ্লাই চেন পুন্সিন্দুনা গবর্নমেন্ত ই.-মার্কেৎকী খুত্থাংদগী রেলৱেনা মসিগী পোৎ অমসুং সর্বিস কয়া লৈগনি। চহীগী ওইনা রেলৱেনা লুপা কোতি ৭০০০০ হেনবগী পোৎ অমসুং সর্বিসশিং লৈ


শ্রী পিয়ুশ গোয়লনা রেলৱেনা পোৎ লৈবগী থৌওং অসিদা মেক ইন ইন্দিয়াগী পোত্থোকশিং খুমাং চাউশিলহন্নবা খোঙ্কাপ পায়খৎপশিং য়েংশিনখ্রে। ইন্দিয়ন রেলৱেজতা মেতরিএল শেন্নবগী থবকশিংবু কুপ্না য়েংশিনখ্রে।

ইন্দিয়ন রেলৱেজনা আত্মানির্ভর ভারতকীদমক্তা শেম শাখ্রে

ইন্দিয়ন রেলৱেজকী ই.-প্রোক্যুরমেন্ত সীস্তেম আই.আর.ই.পি.এস.কা জি.ই.এম.গা পুন্সিল্লগনি

ওফিসারশিংদা ইন্দস্ত্রীশিংগা পাউ ফাওনদুনা মসিগী তৌবা ঙম্বা অমসুং মসিনা ভারতপু মরোমদোম লেপচবা ঙমহন্নবগী থবকশিং ফগৎহনবা অমসুং পোত্থোক শাবা য়াওনা ভারতকী শেন্মিৎলোনগী রিসোর্স্তা শরুক য়ারিবা অসিবু হেনগৎহন্নবা হায়খ্রে

লোকেল পোৎ পীবা মীওইশিংদগী বিদ হেন্না লাকহন্নবা হায়দুনা পোৎ লৈবদা লোকেলগী মরমদা পনবগী তঙাই ফদবা লৈরে

Posted On: 25 JUL 2020 4:44PM by PIB Imphal

রেলৱেজ অমসুং কম্মর্স এন্দ ইন্দস্ত্রী মন্ত্রী শ্রী পিয়ুশ গোয়লনা রেলৱে অমসুং ভারত সরকারনা পোৎ লৈবগী থৌওং অসিদা মেক ইন ইন্দিয়াগী পোত্থোকশিং খুমাং চাউশিলহন্নবা খোঙ্কাপ পায়খৎপশিং য়েংশিনখ্রে।

মীফম অদুগী মনুংদা শ্রী পিয়ুশ গোয়লনা ইন্দিয়ন রেলৱেজতা শেঞ্জা থুমজা লৈতবা ইন্দস্ত্রী অমসুং ময়েক লানা পোৎ লৈবগী অকোয়বগী ফিভম অমা শেম্নবগী খোংথাং কয়া পায়খৎনবা হায়খ্রে।

পোৎ লৈবগী থবক অসিদা মেক ইন ইন্দিয়াগী পোত্থোকশিং খুমাং চাউশিলহন্নবা লৌখৎপা খোংথাংশিং য়েংশিনবদা থৌওং অসিদা লোকেলগী পোৎ য়োনবশিংশু য়াওহনবগী তঙাই ফদবশিংগী মরমদা পনখ্রে। লোকেলগী পোৎ পীবা মীওইশিংদগী বিদ হেন্না লাকহন্নবা হায়দুনা পোৎ লৈবদা লোকেলগী মরমদা পনবগী ৱারেপ অমশু লৌখি। মসিনা আত্মানির্ভর ভারত মিসন্দা হেন্না চাউখৎহনগনি। তঙাইফদবগী মতুং ইন্না মতিক চাবা পোলিসী শেমদোক্তুনা হীরম অসিগী মতাংদা ইন্দিয়ন রেলৱেজপু তেংবাংনবা হায়দুনা দি.পি.আই.আই.তি.নশু থৱাই য়াওনা শৌগৎনবা হায়খ্রে।

লোকেলদা শাজবা পোত্থোকশিং হেন্না পীবা ঙম্বা পোৎ য়োনবশিংদা পুক্নিং থৌগৎফম থোকপগী তঙাইফদবা অদুসু খংলে। পোৎ লৈবগী হীরম কয়াগী মতাংদা পোৎ য়োনবশিংনা নিংথিনা অমসুং ময়েক লানা খংবা ঙম্নবা এফ.এ.ক্যু. সেক্সন অমসুং হেল্পলাইন নম্বর অমসু পীনবা খন্নবদা য়াওখি।

রেলৱে বোর্দকী মেতরিএল মেনেজমেন্তকী মীহুৎশিংনা মেক ইন ইন্দিয়াবু চাউখৎহন্নবা অমসুং জি.ই.এম.গী খুথাংদগী পোৎ লৈনবা হোৎনবগী হৌজিক ফাওবগী লৈরিবা ফিভমগী মতাংদা অকুপ্পা প্রজেন্তেসন অমসু উৎখি।

য়েংশিনবগী মীফম অদুদা রেলৱেজকী রাজ্য মন্ত্রী শ্রী সুরেশ সী. অঙ্গদি, রেলৱে বোর্দ মেম্বরশিং, সি.ই.অ./জি.ই.এম.গী মীহুৎশিং অমসুং কম্মর্স মন্ত্রালয়গী দি.পি.আই.আই.তি.গী মীহুৎশিংশু শরুক য়াখি।

ভারতকী সর্বিস পীবশিং অমসুং কম্পোনেন্ত শাবশিংশু থৌওং অসিদা শরুক য়াবা হেনগৎনবা থৌরাং য়াৎপগী তঙাই ফদবা লৈরে হায়বশু খন্নখি। গবর্ন্মেন্ত ই.-মার্কেৎপ্লেস (জি.ই.এম.) অসি মালেম শিনবা থুংনা মীয়ামগী পোৎ লৈবগী য়াম্না নৌবা ৱাখল্লোন অমনি। শ্রী গোয়লনা জি.ই.এম. প্লেৎফোর্মদা য়ামদ্রবদা লুপা কোতি লিশিং হুমদ্রাগী পোৎ লৈদুনা অরাপ্পা মফমশিং অমসুং মরু ওইনা এম.এস.এম.ই.গী মার্কেৎশিংবু ইন্দস্ত্রীদা খংহন্নবগী তঙাই ফদবগী মতাংদা মিৎয়েং চংখি।

ভারত সরকারগী খ্বাইদগী য়াম্না পোৎ লৈবা ওইরিবা ইন্দিয়ন রেলৱেজনা মসিগী পোৎ লৈবদা শিজিন্নবা পথাপকা জি.ই.এম.গা পুনশিন্নদুনা জি.ই.এম.গী তৌবা ঙম্বশিংগী খুদোংচাবা লৌগনি। বিভাগ অসিনা ইন্দিয়ন রেলৱেজকী পোৎ লৈবগী পথাপকা জি.ই.এম.গা পুন্সিন্নবগী মতমগী ৱারোলশু মীয়ামদা হায়খি। মীওইবনা মপান্দগী খুৎ থিংজিল্লকপা য়ারোইদবা মওংদা পথাপ অনি অসিবু নিংথিনা পুনশিন্নবগী মরু ওইবশিংদা রেলৱেজনা মিৎয়েং চংখি। পথাপ অনি, রেলৱেজ  আই.আর.ই.পি.এস. অমসুং জি.ই.এম., অসিগী মপাঙ্গল অসিনা জি.ই.এম.গী তৌবা ঙম্বা অসি শিজিন্নদুনা রেলৱেজ পোৎ লৈবা অসিদা নিংথিনা তেংবাংগনি।

পুন্সিল্লবা মতুংগী জি.ই.এম.না ভারত সরকারগী এজেন্সী খুদিংমক্কী পোৎ লৈনবা অমত্তা ঙাইবা মফম ওইবগী হীরমদা মখা তানা চত্থগনি।

মীফম অদুদা হায়রিবা অসিবু শেঞ্জা থুমজা লৈতবা ভারতকী মীয়ামগী পোৎ লৈফম অমা ওইহন্নবগী খোংথাং ক্যাগী মরমদা খন্নখি অমসুং মসিদা রেলৱে মন্ত্রালয়,  দি.পি.আই.আই.তি. অমসুং জি.ই.এম.না মরু ওইবা থৌদাং য়াদুনা পাংথোক্কদবনি। ইন্দস্ত্রীশিংনা ইরমদমসিগী ওইবা পোৎ য়োনবা কয়া শেমদুনা ইন্দিয়ন রেলৱেজকী শাহৌ লৌবগী খোংথাং অসিগী মনুংদা য়াওহনবগী মতাংদশু মীয়াম্না খন্নবদা য়াওখি।

প্রজেন্তেসন পীবা অদুদা য়ানখিবগী মতুং ইন্না রেলৱেজনা থবকশিং অসিগী ওইবা শিজিন্নবা নুংঙাইবা সিঙ্গল স্তেপ বেন্দর ৱেব ইন্তর্ফেস অমা শেম্বা হায়না য়ানখি। ৱেবসাইৎ অসিনা অপাম্বা মীওইশিংনা ইন্দিয়ন রেলৱেজকা মতৌ করম্না কারবার তৌমিন্নবা য়াবগে হায়বগী ময়েক লাবা ৱারোলশু পীগনি। ৱেবসাইৎ অসিদা ইন্দিয়ন রেলৱেজতা শেঞ্জা থুমজা লৈতবা অমসুং ময়েক লাবা অকোইবা অমা পুরক্কনি হায়বগী থাজবা পীবা মরী লৈনবা ৱারোল কয়া য়াওগনি।

*****


(Release ID: 1641256) Visitor Counter : 220