হিমালয়না কুত্থবা অমসুং চাউখৎপা হায়বসি য়ুরাসিয়ানগী তাইনবা মফমশিংগী মখাদা ইন্দিয়ন প্লেৎকী অন্দর্থ্রস্তিং হায়রবা খঙনবা মথক থংবা লৈমাইদা লৈবা লেঙদবা নূংশিংনা ফোল্ত প্লেন অমগী মখা থংবা লৈমাইদা লৈবা নূংশিংগী রিভর্স ফোল্তকী থৌওংনা ওইহল্লকপা লেপ্পা নাইদবা থৌওং অমনি। মসিগী থৌওং অসিনা দ্রেনেজ পেত্তর্ন অমসুং লেন্দফোর্মশিংবু হোংহন্দুনতা লৈ অমসুং মসিনা হিমালয়গী চীংশাংগী মফমশিংদা অমসুং থংনবা মফমশিংদা অকনবা সিস্মিক্কী খুদোংথীবা থোকহন্নবগী মরম অমা ওই অমসুং মসিনা য়ুহা হাবগী মরম, লুবগী চাং অমসুং কনবগী চাং অসি করিগুম্বা অমা শাগত্ত্রিঙৈদা লেপথোকপা অমসুং খঙদোকপা ঙমহনলি।

ত্যুতিং-তাইদিং স্যুচর জোন (তি.তি.এস.জেদ.) হায়বসি নোংপোক থংবা হিমালয়না খা মাইকৈদা খংথেক-থেকখিবা মরুওইবা মফম অমনি অমসুং মসিনা ইন্দো বর্মা রেঞ্জদা শম্নহল্লি। অরুনাচল হিমালয়গী মফম অসি হন্দক লম্বী থোং অমসুং দাইদ্রো পাৱর প্রোজেক্তশিং শেমগৎ শাগৎলকপগী থবকশিং লৌখৎলকপনা মরম ওইদুনা মরুওইবা জগা অমা ওইরকপনা মফম অসিগী সিস্মিসিতীগী মশক মওং খঙদোকপা মথৌও তারক্লি।

সাইন্স অমসুং তেক্নোলোজী বিভাগ, ভারত সরকারগী ওতোনোমস ইন্সতিত্যুৎ অমা ওইরিবা ৱাদিয়া ইন্সতিত্যুৎ ওব হিমালয়ান জিওলোজী (দব্ল্যু.আই.ঐচ.জি.)না ভারতকী খ্বাইদগী নোংপোক থংবা শরুক্তা লৈবা নূং অমসুং সিস্মিসিতীদা য়াওরিবা ইলাস্তিসিক ওইবগী মগুন্দা নৈনদুনা য়েংবদা মফম অসিদা তোঙান-তোঙানবা অরুবা অনীগী মফমদা য়াইমরপ ওইবা য়ুহা হাগদবা লৈ হায়বা খঙবা ঙমখি। মেগ্নিত্যুদ নেম্বা য়ুহাশিংনা কিলোমিতর ১-১৫ ফাওবগী অরুবদা লৈ অমসুং মেগ্নিত্যুদ ৪.০গী মথক্তা লৈবা য়ুহাশিংনা কিলোমিতর ২৫-৩৫ ফাওবগী অরুবদা লৈবা মফমদা লৈগল্লি। ময়াই ওইবা অরুবসি সিস্মিসিতী লৈতে অমসুং মহী ওইবা পার্সিএল মেল্তশিংগী জোনগা লোনশিন্নৈ।

হায়রিবা মফমশিং অসিদা লৈরিবা অথাবগী চাং অসি ব্রহ্মপুত্র তমপাক্কী মখাদা কিলোমিতর ৪৬.৭দগী অরুনাচলগী অৱাংবা মফমশিংদা ক্রস্ত অমসুং মেতলগী তেক্নিকেল ওইনা মোহো দিস্কন্তিন্যুতী হায়না খঙনবা ঙমখৈ তাক্লিবা শম্নফমগী মার্জিনেল অপলিফফাওবদা কিলোমিতর ৫৫ ফাওবা শাংনা লৈ।

মসিনা ত্যুতিং-তাইদিং স্যুচর জোন্দা লৈবা ইন্দিয়ন প্লেৎকী অন্দর্থ্রস্তিং মেকানিজম খঙবা ঙম্লে। লোহিৎ তমপাক্কী অৱাংবা শরুক্তা ক্রস্তকী অরুবশিংদা মহী নত্ত্রগা পার্সিএল মেল্ত লৈ হায়বা তাক্তুনা পোইসন'স রেসিও কা হেন্না ৱাংনা তাকপা মফম লৈরি। মফম অসিগী সিস্মিসিতীগী অকুপ্পা মরোল তাকপসিনা তুংদা মফম অসিদা য়াম্না চাউনা শেমগৎ শাগৎনবগী থবক পায়খৎলকপা মতমদা কান্নবা ফংলগনি।

দা. দেবজিৎ হজারিকানা লুচিংবা সাইন্তিস্ত কাংবু অমনা ব্রোদবেন্দ সিস্মিক স্তেসন ১১ অরুনাচল হিমালয়গী লোহিৎ তুরেল তম্পাক্তা খিন্দুনা ভারতকী খ্বাইদগী নোংপোক থংবা শরুক্তা লৈবা নূং অমসুং সিস্মিসিতীগী ইলাস্তিক প্রোপর্তী খঙনবা হোৎনরি হায়না 'জর্নেল ওব এসিয়ান আর্থ সাইন্সেস'তা ফোংখ্রে।

হৌজিক নৈনরিবা অসিদা দব্ল্যু.আই.জি.গী কাংবুনা তেলিসিস্মিক (ওল্লিবা মফমদুদগী কিমোমিতর ১০০০ হেন্না লুবা মফমদা থোকপা য়ুহা হাবা) অমসুং লোকেল আর্থক্বেক দেতাবু ফ্রিক্বেন্সী রেঞ্জ ০.০০৪-৩৫ হর্তস ফাওবা লৈবা সিস্মোমিতর শীজিন্নখি। দেতাশিং অসি সেকেন্দ অমদা সেম্পল ২০ লেপতনা রেকোর্দ তৌখি, অমসুং গ্লোবেল পোজিসনিং সিস্তেম (জি.পি.এস.) রিসিবরশিং শীজিন্নদুনা মতম চান্নহনখি। জনুৱারী ২০০৭দগীনা জুন ২০০৮ ফাওবদা তেলিসিস্মিক অমসুং লোকেলগী ওইবা য়ুহা হাবগী দেতা শীজিন্নদুনা নৈনখিবা অসিনা লৈবাক অসিগী খ্বাইদগী নোংপোক থংবা মফমশিংদা অন্দর্থ্রস্তিং থোকপা খঙদোকপদা মতেং পাংখি অমসুং মসিনা শেমগৎ শাগৎপগী প্লান তৌবদা মতেং পাংবতা নত্তনা মফম অসিদা য়ুহা হাবগী শেম শানবা হোৎনবদা মপাঙ্গল ওইরগনি।

(ফোঙখিবগী লিঙ্কঃ https://doi.org/10.1016/j.jseaes.2019.104099 )

য়ুহা হাবদা য়ুম্ফম ওইদুনা সিস্মোলোজিকেল স্তেসন (অঙাঙবা ত্রাইএঙ্গল) ১১না ২০০৭-২০০৮দা ওনখিবা অমসুং ইন্তর্নেসনেল সিস্মোলোজেকেল সেন্তর (আই.এস.সি.)গী ১৯৫০দগী ২০১৬ ফাওবগী রিভ্যুদ কেতালোগতা য়াওবা দেতানা পীবা তাইং স্যুচর জোন্দা অমসুং অকোইবা মফমশিংদা লৈবা সিস্মিসিতীগী স্পাসিএল দিস্ত্রিব্যুসন। এ.বি. প্রোফাইলগী নাকন-নাকন্দা রেক্তেঙ্গল ওইবা মফমশিংনা তাক্লিবা য়ুহা হাবগী দেপ দিস্ত্রিব্যুসনবুনা (বি.)দা উৎলি। প্রোফাইল অসিদা উৎলিবা মরুওইবা তেক্তোনিক ফিচরশিংদি মিস্মি থ্রস্ত (এম.তি.), মেন সেন্ত্রেল থ্রস্ত (এম.সি.তি.), তাইদিং থ্রস্ত (তি.তি.), লোহিৎ থ্রস্ত (এল.তি.) অমসুং ৱালোং থ্রস্ত (দব্ল্যু.তি.)।

**********