কেন্দ্র সরকার অমসুং রাজ্য/য়ু.তি.শিংগী মরক্তা থাক খায়বা, অতম্নবা, চাং নাইবা অমসুং কোবিদ-১৯ নিংথিনা থেংননবা থৌরাং য়াৎপা খোংথাং কয়া অমা খুৎশম্নদুনা পায়খৎমিন্নবদগী লৈবাক অসিদা নাবা ফবগী চাং য়াম্না ৱাংলিবনি অমসুং কেস ফেতালিতী রেৎ অসিশু লেপ্তনা হন্থরক্লিবনি। তৌবতবু রাজ্য খরদি মতম খরা অসিদা কেস মশিং য়াম্না হেনগৎলক্তুনা কোবিদ-১৯ শেন্নবগী হীরমদা পাখৎনিংঙাই ওইবা ফিভম অমা ওইরক্লি।

কেন্দ্র সরকারগী কোবিদ-১৯ লায়চৎ অসিবু নিংথিনা লাকশিনবা অমসুং শেন্নবা ঙম্নবা পুন্না পাংথোকমিন্নবা খোংথাংগী শরুক অমা ওইনা কেবিনেৎ সেক্রেতরীনা লুচিংদুনা লৈবাক অসিদা কেস মশিং য়ামখৎলক্লিবা রাজ্য মাপনগী চীফ সেক্রেতরীশিং অমসুং হকশেল সেক্রেতরীশিংগা লোয়ননা ফিভম অসিবু য়েংশিনবগী অৱাংবা থাক্কী মীফম অমা ফমখ্রে। ভি.সি. অদুদা শরুক য়াখিবা রাজ্য মাপল অদুদি তেলঙ্গানা, আন্ধ্র প্রদেশ, করনাতকা, য়ু.পি., বিহার, ঝারখন্দ, ওরিশা, নোংচুপ বেঙ্গোল অমসুং অসমনি।

কেবিনেৎ সেক্রেতরীনা হেলথ সেক্রেতরীশিং অমসুং রাজ্যগী ওফিসিএলশিংগা রাজ্যশিংদা য়ুম্ফম ওইবা কোবিদকা থেংনবগী থৌরাং কয়াগী মতাংদা কুপ্না খন্নখিবগা লোয়ননা মতম খরা অসিদা মতৌ করম্না কেস মশিং য়াম্না হেনগৎলিবনো হায়বগী মরমদশু খন্নখি। “তেস্ত ত্রেক ত্রীত”কী থৌরাংগী মতুং ইন্না রাজ্যশিংদা কন্তেনমেন্ত জোনশিংদা অহেনবা মিৎয়েং থমদুনা তেস্ত তৌবা হেনগৎহন্নবা খংহনখি। রাজ্য কয়াদা তেস্তিং তৌবগী মশিং হন্থবগী পাখৎনিংঙাই ওইরবা হীরম কয়া অমশু খন্নবদা য়াওখি। কেসশিং নৌনা মশক খংদোক্তুনা লায়না অসিনা শন্দোকপা থিংনবা লেপ্তনা অমসুং কন্না চত্থবগী তঙাই ফদবশিংশু মরু ওইনা খন্নখি।

কেবিনেৎ সেক্রেতরীনা হকশেল অমসুং য়াইফ য়ুম্বাল মন্ত্রালয়না হায়বগী মতুং ইন্না কন্তেনমেন্ত জোনশিং শেন্নবগী থবকশিং নিংথিনা পাংথোকপা; কন্তেক্ত ত্রেসিং নিংথিনা পাংথোকপা অমসুং লায়না শন্দোকপগী পরিং অসি থুগাইনবা কন্তেনমেন্ত জোনশিংদা লৈবা য়ুম্থোং খুদিংদা চংদুনা এক্তিব কেস থিবগী থবকশিং পাংথোকপগী তঙাই ফদবশিংদা মিৎয়েং চংখি। কন্তেনমেন্ত জোনশিংগী মপান্দা লৈবা বফর জোনশিংশু মশক খংদোক্কদবনি অমসুং সারি/আই.এল.আই.গী কেসশিং লেপ্তনা য়েংশিনবশু মখা তানা চৎহনগদবনি হায়বশু খন্নখি।

রাজ্য শিনবা থুংনা মতিক চাবা ফমুং, ওক্সিজেন অমসুং বেন্তিলেতর ফংহনবা য়াওবা রাজ্যগী হকশেলগী ইনফ্রাস্ত্রকচর চাউখৎহনবদা অহেনবা মিৎয়েং চংবগা লোয়ননা অনাবশিংদা পীফম থোকপা কেয়র অমসুং মখোয়বু শেন্নবগী মতিক চাবা কাংলোনশিংশু ইলহন্নবা হায়দুনা রাজ্যশিংদা হায়খি। য়াদে হায়বগী থৌওং লৈতবা মওংদা এম্বুলেন্স নিংথিনা শেন্নবা অসিসু মীফমদুদা অহেনবা মিৎয়েং চংখি। কেবিনেৎ সেক্রেতরীনা ফেতেলিতী রেৎ অসি নেম্না লৈহন্নবা হোৎনগদবনি হায়খি। মসিগীদমক্তা, রিস্ক ৱাংবা মীশিং, মরু ওইনা অহল ওইরবা অমসুং কুইনা নারক্লবা লায়না লৈবশিং, মশক খংদোক্কদবনি।

কোবিদ-১৯ লাকশিন্নবা খ্বাইদগী মরু ওইবা থৌওংদি ঙন্না কেস মশক খংদোকপা অমসুং মতম চানা লায়েংহৌবনি হায়রদুনা রাজ্যশিংগী পুক্নিং চিংশিনখি।

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid১৯[at]gov[dot]in দা থাবীয়ু অমসুং অতোপ্পশিংগী ওইনা ncov২০১৯[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী) দা কোল তৌবীয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবীগনি।

****