মসিগী নেতৱার্কশিং অমসুং খুঙ্গংশিংদা পোস্তকী থবকশিং মপাঙ্গল কনখৎহন্নবা অমসুং খুঙ্গংগী মীয়ামদা অপীকপা সেভিং স্কিমশিংগী কান্নবা ফংহন্নবা হৌজিক পোস্ত দিপার্তমেন্তনা অপীকপা সেভিং স্কিম খুদিংমক ব্রাঞ্জ পোস্ত ওফিসশিংদা হাংদোক্লে।

খুঙ্গংশিংদা ব্রাঞ্জ পোস্ত ওফিস ১,৩১,১১৩ লৈরি। চিথিশিং, স্পিৎ পোস্ত, পার্সেল, ইলেকত্রোনিক মোনি ওর্দর, রুরেল পোস্তেল লাইফ ইন্সুরেন্সগী খুদোংচাবশিংগী মথক্তা, হায়রিবা ব্রাঞ্জ পোস্ত ওফিসশিং অসিদা পোস্ত ওফিস সেভিং একাউন্ত, রিকরিং দিপোজিৎ, তাইম দিপোজিৎ অমসুং সুকন্যা সমরিধি একাউন্ত স্কিমগী কান্নবশিং হৌজিক ফংলি ।

অনৌবা য়াথং অসিনা ব্রাঞ্জ পোস্ত ওফিসশিংনা পব্লিক প্রোবিদেন্দ ফন্দ, মন্থলি ইনকম স্কিম, নেসনেল সেভিং সর্তিফিকেত, কিষান বিকাস পত্রা অমসুং সেনিয়র সিতিজ সেভিং স্কিমশিংগী খুদোংচাবশিং পীরি। হৌজিক খুঙ্গংশিংদা লৈরিবা মীয়াম্না সহরগী মফমশিংদা লৈবা মীয়াম্না ফংলিবা পোস্ত ওফিস সেভিং বেঙ্কগী কান্নবশিং চপ মান্ননা ফংলগনি। মসিনা মখোয়গী খুঙ্গংদা লৈবা পোস্ত ওফিসশিংদা হায়রিবা মীয়াম্না পাম্নরবা স্কিমশিং অসিদা মখোয়গী শেনফমশিং তুংশিনবা ঙম্লগনি।

পোস্ত ওফিস সেভিং স্কিমশিংগী খুদোংচাবশিং মখোয়গী থোংজিলদা য়ৌহন্দুনা মসি ভারতকী খুঙ্গংশিংগী ফিবম ফগৎহন্নবা দিপার্তমেন্তনা পায়খৎলকপা অতোপ্পা থবক অমনি।

***