ପ୍ରତିରକ୍ଷା ମନ୍ତ୍ରଣାଳୟ
ପ୍ରତିରକ୍ଷା ସମ୍ପର୍କକୁ ଅଧିକ ମଜଭୁତ କରିବା ପାଇଁ ରକ୍ଷା ମନ୍ତ୍ରୀ ଶ୍ରୀ ରାଜନାଥ ସିଂ ଏବଂ ଇସ୍ରାଏଲ ରକ୍ଷା ମନ୍ତ୍ରୀଙ୍କ ମଧ୍ୟରେ ଟେଲିଫୋନ ବାର୍ତ୍ତାଳାପ
Posted On:
24 JUL 2020 3:49PM by PIB Bhubaneshwar
ପ୍ରତିରକ୍ଷା ମନ୍ତ୍ରୀ ଶ୍ରୀ ରାଜନାଥ ସିଂ ଆଜି ଇସ୍ରାଏଲ ପ୍ରତିରକ୍ଷା ମନ୍ତ୍ରୀ ବେଞ୍ଜାମିନ ଗାଣ୍ଟଜଙ୍କ ସହ ଟେଲିଫୋନ ବାର୍ତ୍ତାଳାପ କରିଛନ୍ତି । ଦୁଇ ଦେଶ ମଧ୍ୟରେ ରଣନୈତିକ ସହଯୋଗର ଅଗ୍ରଗତି ନେଇ ଉଭୟ ମନ୍ତ୍ରୀ ସନ୍ତୋଷ ବ୍ୟକ୍ତ କରିଛନ୍ତି ଏବଂ ପ୍ରତିରକ୍ଷା କାର୍ଯ୍ୟକ୍ରମକୁ ଅଧିକ ମଜଭୁତ କରିବାର ସମ୍ଭାବନା ଉପରେ ଆଲୋଚନା କରିଛନ୍ତି ।
କୋଭିଡ-19 ମହାମାରୀର ମୁକାବିଲା ଦିଗରେ ଚାଲିଥିବା ଗବେଷଣା ଓ ବିକାଶ କ୍ଷେତ୍ରରେ ଦୁଇ ଦେଶ ମଧ୍ୟରେ ସହଯୋଗ ନେଇ ସେମାନେ ସନ୍ତୋଷ ବ୍ୟକ୍ତ କରିଛନ୍ତି, ଯାହା କେବଳ ଦୁଇ ଦେଶ ପାଇଁ ଲାଭଦାୟକ ନୁହେଁ ବରଂ ସମଗ୍ର ମାନବିକତା ପାଇଁ ମଧ୍ୟ ସହାୟକ ହେବ । ଭାରତରେ ପ୍ରତିରକ୍ଷା ଉତ୍ପାଦନ କ୍ଷେତ୍ରରେ ବିଦେଶୀ ପ୍ରତ୍ୟକ୍ଷ ପୁଞ୍ଜି ବିନିଯୋଗ (ଏଫଡିଆଇ) ପାଇଁ ଇସ୍ରାଏଲ କମ୍ପାନୀଗୁଡିକୁ ପ୍ରତିରକ୍ଷା ମନ୍ତ୍ରୀ ଆମନ୍ତ୍ରଣ କରିଥିଲେ । କ୍ଷେତ୍ରୀୟ ବିକାଶ ଉପରେ ମଧ୍ୟ ଦୁଇ ମନ୍ତ୍ରୀ ମତ ବିନିମୟ କରିଥିଲେ । ଅତି ଶୀଘ୍ର ଭାରତ ଗସ୍ତରେ ଆସିବା ପାଇଁ ଶ୍ରୀ ରାଜନାଥ ସିଂଙ୍କ ନିମନ୍ତ୍ରଣକୁ ଇସ୍ରାଏଲ ପ୍ରତିରକ୍ଷା ମନ୍ତ୍ରୀ ସ୍ୱୀକାର କରିଥିଲେ ।
**********
(Release ID: 1641045)
Visitor Counter : 180
Read this release in:
English
,
Urdu
,
Marathi
,
Hindi
,
Bengali
,
Assamese
,
Manipuri
,
Punjabi
,
Tamil
,
Telugu
,
Malayalam