ঙাকশেল মন্ত্রালয়
মখা তানা ঙাক-শেনগী মরীশিং কনখৎহন্নবা দিফেন্স মিনিস্তর শ্রী রাজনাথ সিংহ অমসুং ইজরেলগী দিফেন্স মিনিস্তর তেলিফোন্দা ৱারী শানখ্রে
Posted On:
24 JUL 2020 3:49PM by PIB Imphal
ঙসি দিফেন্স মিনিস্তর শ্রী রাজনাথ সিংহনা ইজরেলগী দিফেন্স মিনিস্তর লেপ্তনেন্ত জেনেরেল বেঞ্জামিন গান্তজগা তেলিফোন্দা ৱারী শানখ্রে। লৈবাক অনিগী মরক্তা ঙাকশেনগী লমদা মতেং পীনবা হেনগৎলকপদা লুচিংবা অনিনা অপেনবা ফোঙদোকখি অমসুং মখা তানা ঙাক-শেনগী মরীশিং কনখৎহন্নবা ৱা খন্নখি।
কোবিদ-১৯ থেংনবা থিজিনবগী থবকশিংদা হৌজিক মতেং পাংনরিবা অসিদা মখোয়না অপেনবা ফোঙদোকখি অমসুং মসিনা লৈবাক অনি খক নত্তনা মীওইবা খুন্নাইগী কান্নবা ওইগনি। ঙাক-শেনগী খুৎলায়শিং শানবা নৌনা মনিংতম্বা পীরবা ফোরেন দাইরেক্ত ইনভেস্তমেন্ত(এফ দি আই)গী মখাদা ইজরেলগী দিফেন্স কম্পেনিশিং মশিং য়াম্না শরুক য়ানবা দিফেন্স মিনিস্তরনা ফোঙদোকখি। লৈবাক অনিগী মরক্ত ওইরক্লিবা ফিবমশিংগী মতাংদা লুচিংবা অনিনা মখোয়গী ওইবা ৱাফমশিং ফোঙদোক্নখি। খুদোংচাবা য়েংলগা ভারত্ত লাক্নবা রাজনাথ সিংহনা পীরকপা চেবাউ অমা ইজরেলগী দিফেন্স মিনিস্তরনা হরাওনা লৌখি।
*****
(Release ID: 1640938)
Visitor Counter : 161
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Odia
,
Tamil
,
Telugu
,
Malayalam