ఈ విద్యార్థులను వారి ప్రోగ్రాం పూర్తి చేయడానికి మద్దతు ఇవ్వడం 

ఈ సమస్యలకు వారి ప్రస్తుత, భవిష్యత్తు విద్యా అవసరాలు, కెరీర్ ప్రణాళికలపై సమగ్ర అవగాహన అవసరం, వీటివిషయంలో సకాలంలో జోక్యం చేసుకోవాలి. పైన పేర్కొన్న ప్రతి పరిస్థితుల్లోనూ వివిధ రకాల అవకాశాలూ ఉన్నాయి, సవాళ్లు ఉన్నాయి. అని కేంద్ర మంత్రి శ్రీ పొక్రియాల అన్నారు. 

2019 సంవత్సరంలో సుమారు 7 లక్షల 50 వేల మంది విద్యార్థులు తమ చదువు కోసం విదేశాలకు వెళ్లారని, ఈ విలువైన విదేశీ మారకద్రవ్యం భారతదేశం నుంచి వెళ్లిపోవడంతో పాటు చాలా మంది తెలివైన  విద్యార్థులు విదేశాలకు వెళ్లారని మంత్రి చెప్పారు. అటువంటి విద్యార్థులకు భారతదేశంలో విద్యను అభ్యసించడానికి మనం అన్ని ప్రయత్నాలు చేయాలని ఆయన అన్నారు. అలాగే, ఈ ప్రభుత్వ మ్యానిఫెస్టో ప్రకారం మనం 2024 నాటికి అన్ని ప్రధాన సంస్థలలో సీట్ల సామర్థ్యాన్ని 50% పెంచాలి, 2024 నాటికి ఇన్స్టిట్యూట్ ఆఫ్ ఎమినెన్స్ 50 కి పెంచాలి అని కేంద్ర హెచ్ఆర్ డి మంత్రి వెల్లడించారు. 

ఉన్నత విద్య కార్యదర్శి శ్రీ అమిత్ ఖరే మాట్లాడుతూ మూల కారణాలు చాలా ఉన్నాయని, సమస్యలను పరిష్కరించడానికి మనం అడుగడుగునా చర్యలు తీసుకోవాలని, స్టడీ ఇన్ ఇండియా కార్యక్రమం కింద అంతర్జాతీయ విద్యార్థులను భారతదేశానికి ఆకర్షించాలని అన్నారు. 

ఎఐసిటిఇ చైర్మన్ శ్రీ అనిల్ సహస్రబుధే మాట్లాడుతూ, మొత్తం దృష్టాంతాన్ని అధ్యయనం చేసిన తరువాత తీసుకోవలసిన చర్యలకు సంబంధించి ఎఐసిటిఇ త్వరలో శ్వేతపత్రాన్ని తీసుకువస్తుందని చెప్పారు

సమావేశంలో తీసుకున్న మరి కొన్ని నిర్ణయాలు:

1. భారతదేశంలో అధ్యయనం కోసం ఎక్కువ మంది విద్యార్థులు ఇక్కడే ఉండేలా మార్గదర్శకాలు, చర్యలను సిద్ధం చేయడానికి చైర్మన్ యుజిసి ఒక కమిటీకి నేతృత్వం వహిస్తారు. బాగా పనిచేసే విశ్వవిద్యాలయాలలో విద్యార్థుల చేరికలు పెంచడానికి ఒక విధానం రూపొందిస్తారు. విభిన్న అంశాల్లో వినూత్న కార్యక్రమాలు, జంట, ఉమ్మడి డిగ్రీ కార్యక్రమాలు, విదేశాలలో ప్రముఖ అధ్యాపకుల ఆన్‌లైన్ ఉపన్యాసాలను సులభతరం చేయడం, అకాడెమియా పరిశ్రమల మధ్య అనుసంధానం, జాయింట్ డిగ్రీ వెంచర్లను సులభతరం చేయడం భారతీయ ఉన్నత విద్య సంస్థల్లో లాటరల్ ఎంట్రీ అవకాశాలు, కొత్త విధానాలలో రూపొందించేలా చర్యలు చేపడతారు. 

2. ఛైర్మన్ ఎ.ఐ.సి.టి.ఇ సాంకేతిక సంస్థలకు సంబంధించిన సమస్యలను పర్యవేక్షిస్టారు. 

3. ఛైర్మన్ యుజిసి మరియు ఛైర్మన్ ఎఐసిటిఇలకు సహాయపడేలా ఐఐటి, ఎన్ఐటి, ఐఐఐటి, సిఓఎ కేంద్ర విశ్వవిద్యాలయాల వైస్ ఛాన్సలర్లతో కూడిన ప్రత్యేక ఉప కమిటీలను ఏర్పాటు చేస్తారు.

4. చైర్మన్ ఎన్‌టిఎ, ఛైర్మన్ సిబిఎస్‌ఇలను విద్యారంగంలో వారి అనుభవాన్ని చూసే ఇన్‌పుట్‌ల కోసం కూడా పిలుస్తారు. సంయుక్త కార్యదర్శి (అంతర్జాతీయ సహకారం) ఎంహెచ్ఆర్ డి  వైపు నుండి సమన్వయం చేస్తారు. కమిటీ పక్షం రోజుల్లో నివేదికను సమర్పించనుంది.

*****