কেন্দ্রগী ঐচ.আর.দি. মন্ত্রী শ্রী রমেশ পোখ্রিয়াল 'নিশাঙ্ক'না এম.ঐচ.আর.দি. মন্ত্রালয়গী মকোক থোংবা সেনিয়র অমসুং ওতোনোমস/তেক্নিকেল ওর্গনাইজেসনশিংগী হেদশিংগা লোইননা "ভারত্তা লৈয়ু, ভারত্তা তম্মু" হায়বসিগী মতাংদা ৱাখল্লোন কয়া ফোংদোক্নখিবা মীফম অমা ঙসি ফমখ্রে। ঐচ.আর.দি.গী রাজ্যগী মন্ত্রী ওইরিবা শ্রী সঞ্জয় ধোত্রেসু থৌরম অদুদা শরুক য়াখি। হায়র এদজুকেসনগী সেক্রেতরী শ্রী অমিৎ খারে, চেয়রমেন য়ূ.জি.সি., শ্রী দি.পি. সিংহ, চেয়রমেন, এ.আ.ই.সি.তি.ই. শ্রী অনিল সহাস্রাবুধে, জোইন্ত সেক্রেতরী (আই.সি.সি.), শ্রীমতি নীতা প্রসাদ অমসুং সেক্রেতরী জেনরেল, এ.আই.য়ু., শ্রীমতি পঙ্কজ মিত্তালসু মীফম অদুদা শরুক য়াখি।

মহাক্কী হৌদোক ৱারোল পীরদুনা শ্রী পোখ্রিয়ালনা হায়খি মদুদি কোবিদ-১৯না মরম ওইদুনা মপান্দা মহৈ মখা তম্থগে খল্লম্বা মহৈরোই কয়া ভারত্তা লৈথনবা অমসুং মখোয়গী মহৈ মখা ভারত্তা তম্থনবা ৱারেপ লৌনরে। মহাক্না হায়খি, ভারতকী মহৈরোই কয়া ভারত্তা মখোয়গী মহৈ তম্বা লোইশিন্নিংবগা লোইননা ভারত্তা হল্লক্নবা য়াওরে। ঐচ.আর.দি. মন্ত্রালয়না অসিগুম্বা কাংলুপকী মহৈরোইশিং অসিগীদমক খন্দুনা হোৎনবা য়াবশিং য়েংশিন্নবা পুক্নিং চিংশিনখি। মহাক্না হায়খি মদুদি মসিগী ফিবম অসিনা মখাগী মরুওইবা খুদোংচাদবশিং অসি থোকহল্লিঃ

১. মপান্দা চৎকে খনবা মহৈরোইশিংদা লৈরিবা তঙাইফদবশিং পীবা

ভারত্তা লৈরিবা মকোক থোংবা ইন্সতিত্যুৎশিংদা তম্নবগী খুদোংচাবশিং পীবীদুনা ভারত্তা লৈহন্নবগী খোংথাং লৌখৎপা

২. মপান্দগী হল্লক্লিবা মহৈরোইশিং অসিগী সমশ্যাশিং কোকহনবা

অসিগুম্বা মহৈরোইশিং অসি মখোয়গী প্রোগ্রামশিং অদু লোইশিলহন্নবগীদমক মতেং পাংবীবা

হায়রিবা খুদোংচাদবশিং অসি মখোয়গী হৌজিক লৈরিবা অমসুং তুংদা চঙগদবা মহৈগী ওইবা তঙাইফদবশিং খঙদোকপা তঙাইফদে অমসুং মতম চানা মখোয়গী কেরিয়র প্লান খঙদোকপীদুনা চান্নবা মওংদা কোকহনবা মথৌ তাই। মথক্তা পল্লিবা ফিবমশিং অসিনা তোঙান-তোঙানবা হীরম অমসুং শিংনবা পীরি হায়রি মহাক্না মখা তাখি।

২০১৯গী মনুংদা মহৈরোই লাখ ৭কা লীশিং ৫০না মপান্দা মহৈ তম্নবগীদমক চৎখি অমসুং মসিগুম্বা ফোরেন একচেঞ্জনা ভারত্তগী চৎখিবা মতমদা মঙাল লৈবা মহৈরোইশিংসু মপান্দা চৎখি। মহাক্না হায়খি মদুদি ঐখোয় পুম্নমক্না মঙাল লৈরবা মহৈরোইশিং অসিবু ভারত্তা তমদুনা লৈহন্নবা হোৎনগদবনি। মসিগী মথক্তা, সরকারগী মেনিফেস্তোগী মতুং ইন্না ঐখোয়না ২০২৪ ফাওবদা মকোক থোংবা ইন্সতিত্যুৎশিংদা সিৎ চাদা ৫০ হাপচিনকে অমসুং ইন্সতিত্যুৎ ওব ইমিনেন্তসু ২০২৪ ফাওবদা ৫০ হেনগৎলগনি।

থৌরম অদুদা ৱা ঙাংলদুনা শ্রী সঞ্জয় ধোত্রেনা হায়খি মদুদি মহৈরোইশিংনা করিগীদমক মপান্দা চৎলিবনো হায়বগী মরুওইবা মরম থিদোকপা চঙই অমসুং মসিবু হান্না লোইশিন্নবা হোৎনগদবনি। মহাক্না হায়খি, মহৈরোইশিংনা ভারত্তা লৈদুনা মখোয়গী মহৈ মখা তমথবা য়ানবগীদমক ভারত্তা মতীক চাবা ইনফ্রাস্ত্রকচর শেমগৎপা মথৌ তাই।

সেক্রেতরী হায়র এদজুকেসন শ্রী অমিৎ খারেনা হায়খি মদুদি মরুওইবা মরমশিং অসি য়াম্না য়ামই অমসুং ঐখোয়না খুদোংচাদবশিং অসিবু কোকহন্নবা হোৎনগদবনি অমসুং মপানলমগী মহৈরোইশিংবু ভারত্তা লাক্তুনা ঐখোয়গী ভারত্তা মহৈ তম্মু হায়বা প্রোগ্রামদুগী মখাদা মহৈ তমহন্নবা হোৎনগদবনি।

চেয়রমেন, য়ু.জি.সি. শ্রী দি.পি. সিংহনা হায়খি মদুদি ঐখোয়না অহেনবা প্রোগ্রাম ফাইবোক, ডিগ্রি অনী শেমগৎকদবনি অমসুং ভারত্তা হল্লক্নিংবা মহৈরোইশিংগীদমক রিসর্স ফেসিলিতীশিং শেমগৎকদবনি।

চেয়রমেন এ.আই.সি.তি.সি. শ্রী অনিল সহাস্রাবুধেনা হায়খি, এ.আই.সি.তি.সি.না হৌজিক লৈরিবা খুদোংচাদবশিং কুপনা লৈনরবা মতুংদা তৌগদবা থবকশিং য়াওরবা চেরোল অমা অথুবদা থাদোরক্লগনি।

মখাগী ৱারেপশিং অসি মীফম অদুদা খন্নরবা মতুংদা লৌখিঃ

১. য়ু.জি.সি.গী চেয়রমেন্না অহেনবা মহৈরোইশিংনা ভারত্তা লৈদুনা মহৈ তম্নিংনবগীদমক চৎন-পথাপ কয়া অমসুং খোংথাং কয়া শেম্নবগীদমক কম্মিতী অমগী মকোক ওইরগনি অমসুং মসিনা মকোক থোংবা য়ুনিবর্সিতীশিংদা মহৈরোই লৌবগী চাং হেনগৎনবা মেকানিজম অমা পুথোক্কনি। মসিগী মথক্তা মলতি দিসিপ্লিনরী অমসুং ইন্নোবেতিব প্রোগ্রামশিং, ত্বিন্নিং অমসুং জোইন্ত দিগ্রী প্রোগ্রামশিং, সেন্তরশিংগী ক্রোস কন্ত্রী দিজাইন, শক্নাইরবা ফেকলতী মেম্বরশিংনা ওনালাইন ক্লাস পীহনবা, একাদেমিয়া অমসুং ইন্দস্ত্রী অনীগী মরক্তা শম্নফম পীবা, জোইন্ত দিগ্রী ভেঞ্চর পীবা অমসুং ইন্দিয়ন হায়র এদজুকেসন ইন্সতিত্যুৎশিংদা লেতরেল এন্ত্রী পীনবগী মেকানিজম অমসু থোক্কনি।

২. চেয়রমেন এ.আই.সি.তি.ই.গী চেয়রমেন্না তেক্নিকেল ইন্সতিত্যুসনশিংদা লৈবা খুদোংচাদবশিং য়েংশিনগনি।

৩. আই.আই.তি., এন.আই.তি., আই.আই.আই.তি., সি.ও.এ. অমসুং সেন্ত্রেল য়ুনিবর্সিতীশিংগী ভাইস চান্সেল্লরশিংগী ওইবা তোঙানবা সব কম্মিতী শেমদুনা চেয়রমেন য়ু.জি.সি. অমসুং চেয়রমেন এ.আই.সি.তি.ই.দা মতেং পাংবা।

৪. চেয়রমেন এন.তি.এ. অমসুং চেয়রমেন সি.বি.এস.ই.বু মখোয়দা লৈরিবা এদজুকেসন সেক্তরগী লৌশিংশিং য়েংদুনা করি তৌবা য়াবগে খন্নবা।

৫. এম.ঐচ.আর.দি.গী নাকন্দগীনা জোইন্ত সেক্রেতরী (ইন্তর্নেসনেল কোওপরেসন)না মতেং পাংগনি।

৬. কম্মিতী অসিনা নুমিৎ ১৪নিগী মতমগী মনুংদা রিপোর্ত অমা পীখৎলক্কনি।

**************