নন-পার্সনেল দেতা গবর্নান্স ফ্রেমৱার্ক্কী এক্সপর্ত কম্মিতীনা মীদিয়াদা ঙসি দেতা গবর্নান্স- নন পার্সনেলগী তোঙান-তোঙানবা হীরমশিংদা ভর্চুএল ওইনা পাংথোকখিবা পাউগী মীফম অমদা ৱা ঙাংখ্রে। ব্রিফিং অদু শ্রী ক্রিস গোপালাকৃষ্ণন্না কম্মিতী অসিগী অতোপ্পা মেম্বরশিংগা লোইননা ফোংদোকখিবনি। মহাক্না অতপ্পা কম্মিতীগী মেম্বরশিংগা লোইননা নন পার্সনেল দেতা অমসুং কম্ম্যুনিতী দেতাগী ৱাহন্থোক পীবা, অমসুং দেতাসিগী মতাংদা চুন্নবা হক অমসুং খুদোংচাবশিংগুম্বা নন পার্সনেল দেতাগী তোঙান-তোঙানবা হীরমশিংদা, কাংলুপ অহুম থোক্না খায়দোকপা – পব্লিক, কম্ম্যুনিতী অমসুং প্রাইবেৎ, দেতা বিজিনেস হায়বা অনৌবা কন্সেপ্ত অসিগী ৱাহন্থোক, ওপন এক্সেস মেতা দেতা রেজিস্তরশিং, দেতাবু এনোনিমাইজ তৌবা, নন-পার্সনেল দেতাগী সেন্সিতিবিতী, দেতা সেয়রিংবু সোবরিন পর্পোজ ওইনা শীজিন্নবা, মরুওইবা পব্লিক ইন্তরেস্ত পর্পজ অমসুং ইকোনোমিক পর্পজশিংগী মতাংদা পনখি।

কম্মিতী অসিনা মীদিয়াশিংনা হংলকপা রো দেতা অমসুং দিরাইব দেতা, নন-পার্সনেল দেতাগী রিগুলেতরী এস্পেক্তশিং, দেতাগী ইকোনোমিক ভেল্যু লৌথোকপা অমসুং নন-পার্সনেল দেতাবু ভারতকী মীয়াম অমসুং খুনাইদা কান্নবা ফংনবগীদমক শীজিন্ননবগী দিজিতেল রিগুলেতরী ফ্রেমৱার্ক তোঙান-তোঙানবা লিগেল এস্পেক্তশিংগী ৱাহংশিংগী পাউখুম পীখি।

এক্সপর্ত কম্মিতী অসিনা মীদিয়াশিংদা ইনপুৎ পীবগী অরোইবা মতম ওগস্ত ১৩, ২০২০ ওইরিবা দ্রাফ রিপোর্ত অসিদা স্তেকহোল্দরশিংনা হেন্না হেন্না শরুক য়াহন্নবগীদমক পুক্নিং থৌগৎনবগীদমক হায়জখি। https://www.mygov.in/task/share-your-inputs-draft-non-personal-data-governance-framework/

*****