কেন্দ্রগী শেল-থুম অমসুং কোরপোরেৎ এফিয়র্স মন্ত্রী শ্রীমতি নির্মলা সিতারমন্না ঙসি সিবিল এবিএসন, অমসুং স্তীলগী সেক্রেতরীশিং অমসুং চেয়রমেন রেলৱে বোর্দ (সি.আর.বি.)গা লোইননা হায়রিবা মন্ত্রালয় অহুম অসিদা লৈরিবা সেন্ত্রেল পব্লিক সেক্তর ইনতর্প্রাইজ (সি.পি.এস.ই.শিং) ৭কী সি.এম.দি.শিংগা হন্দক্কী শেনবা চহী অসিগী কেপিতেল এক্সপেন্দিচর য়েংশিন্ননবা ভিদিও কনফরেন্স অমা পাঙথোকখ্রে। মসিনা শেল-থুম মন্ত্রীনা তোঙান-তোঙানবা স্তেকহোল্দরশিংগা লোইননা কোবিদ-১৯ লাইচৎকী মতুংদা শেলথুমদা চাউখৎপা লাক্নবগীদমক ফম্বা য়েংশিন মীফমশিংগী মনুংদা অনীশুবনি।

হায়রিবা সি.পি.এস.ই. ৭ অসিগী শেনবা চহী ২০২০-২১গী অপুনবা কেপেক্সকী পান্দম অসি লুপা কোতি ২৪,৬৬৩নি। শেনবা চহী ২০১৯-২০দা হায়রিবা সি.পি.এস.ই. ৭ অসিগী কেপেক্সকী পান্দম লুপা কোতি ৩০,৪২০ ওইখিবগী মনুংদা ফংখিবনা লুপা কোতি ২৫,৯৭৪নি হায়রিবসি চাদা ৮৫নি। শেনবা চহী ২০১৯-২০গী ক্যু ১গী মতমদা ফংখিবসি লুপা কোতি ৩,৮৭৮নি (চাদা১৩) অমসুং শেনবা চহী ২০২০-২১গী ক্যু ১দা ফংখিবনা লুপা কোতি ৩,৫৫৭নি (চাদা ১৪)

ভারতকী শেন্মিৎলোন চাউখৎনবা হোৎনবদা সি.পি.এস.ই.শিং অসিনা লৌরিবা থৌদাংশিংবু পল্লদুনা শেল-থুম মন্ত্রীনা সি.পি.এস.ই.শিংবু মখোয়গী পান্দম ফংনবগীদক কন্না হোৎননবা পুক্নিং থৌগৎখি, অমসুং মখোয়দা শেনবা চহী ২০২০-২১গী ওইনা পীরিবা কেপিতেল আউৎলে অসিবু চুম্না অমসুং অপীবা মতমদা শীজিন্ননবা পুক্নিং চিংশিনখি। শ্রীমতি সিতারমন্না হায়খি, সি.পি.এস.ই.শিংনা হেন্না ফগৎনা থবক পায়খৎপা হায়বসিনা কোবিদ-১৯না পীরিবা চৈথেং অসিদগী শেন্মিৎলোন্দা অচৌবা মওংদা মতেং পাংবা ঙমগনি।

শেল-থুমগী মন্ত্রীনা মরী লৈনবা সেক্রেতরীশিং অমসুং চেয়রমেন রেলৱে বোর্দপু সি.পি.এস.ই.শিংগী মথৌশিং মীৎকুপ নাহুমশিংনা য়েংশিন্দুনা মখোয়দা শিন্নরিবা কেপিতেল আউৎলেগী শেনফমগী চাদা ৫০দি শেনবা চহী ২০২০-২১গী ক্যু ২গী মনুংদা শীজিন্ননবা অমসুং মসিগী চুন্নবা প্লান শেম্নবা তকশিনখি। শ্রীমতি সিতারমন্না হায়খি মদুদি লোইশিনবা ঙমদবা সমশ্যাশিং দি.ই.এ./দি.পি.ই./দিপামদা খুদক্তা থবক লৌখৎনবগীদমক শিন্নগদবনি হায়না ফোংদোকখি। শেল-থুমগী মন্ত্রী অসিনা হায়খি মদুদি মহাক্না অসিগুম্বা য়েংশিন মীফম অসি সি.পি.এস.ই.গী কেপেক্সকী থবকশিং য়েংশিন্নবা থা খুদিংগী ফমগনি হায়খ্রে।

সি.পি.এস.ই.শিংনা কোবিদ-১৯না মরম ওইদুনা মখোয়দা থেংনরিবা খুদোংচাদবশিংগী মরমদা খন্নখি। শেল-থুম মন্ত্রীনা হায়খি মদুদি অখন্নবা ফিবমশিংগীদি অখন্নবা উপাই থিগদবনি অমসুং অপুনবা ওইনা হোৎনরবদি হেন্না ফগৎনা থবক পায়খৎপা ঙম্বদা নত্তনা ভারতকী শেন্মিৎলোন্দসু কা হেন্না ফগৎহনবা ঙমগনি হায়খি।

*****