লদাখকী য়ুনিয়ন তেরিতরীদা কোরোনাগী কেসশিং খঙদোক্নবা তেস্ত তৌবগী চাং হেনগৎনবা দি.আর.দি.ও.না কোবিদ-১৯ তেস্তিং ফেসিলিতী অমা লেহদা লৈবা লেবোরেতরী দিফেন্স ইন্সতিত্যুৎ ওফ হায় অল্তিত্যুদ রিসর্চ (দিহার)দা লিংখৎখ্রে। তেস্তিং ফেসিলিতী অসিনা অনাবা মীওইশিং য়েংশিনবদসু মতেং পাংলগনি। ইন্দিয়ন কাউন্সিল ওফ মেদিকেল রিসর্চ (আই.সি.এম.আর.)গী চেকশিল থৌরাংশিং অমসুং চৎনা কাঙলোনশিং ঙাক্না চৎলি। সেন্তর অসি লদখকী লপ্তনেন্ত গভর্নর শ্রী আর.কে. মাথুরনা জুলাই ২২, ২০২০দা শঙগাখি।

দিহারগী তেস্তিং ফেসিলিতী অসিনা নোংমদা সেম্পল ৫০ তেস্ত তৌবা ঙম্লি। ফেসিলিতী অসি কোবিদ তেস্ত তৌবগী ত্রেনিং পীবদা শীজিন্নবা য়াগনি অমসুং তুংদা থোক্লকদবা অনবাশিং লাকশিনবদা অমসুং শা-ঙাগী ওইবা লায়নশিংগী আর. এন্দ দি.গী থবক থৌরমশিং  পাঙথোকপদা চাওনা মতেং ওইরগনি।

মহাক্কী ৱারোলদা এল.জি. আর.কে. মাথুরনা কোবিদ-১৯ লান্থেংনবদা দি.আর.দি.ও.না হোৎনরিবশিং অসিবু থাগৎখি অমসুং ফেসিলিতী অসি দিহারদা লৈহনবা ঙম্বগীদমক দিফেন্স আর এন্দ দি বিভাগকী সেক্রেতরী অমসুং দি.আর.দি.ও.গী চ্যেরমেন ওইরিবা দা. জি. সতীশ রেদীবু থাগৎপা ফোঙদোকখি। ফেসিলিতী অসিনা অনাবা মীওইশিংগী লায়েংদা মতেং পাংলগনি হায়না মহাক্না আশা তৌরি হায়না ফোঙদোকখি।

লেপ্তনেন্ত গভর্নরনা তেস্তিং ফেসিলিতী অসি য়েংশিনখি। মহাক্না রিসর্চরশিং, হকশেলী লমদা লৈরিবশিং অমসুং এনবাইরনমেন্তগী ক্রোস-কন্তামিনেসন অমসুং খুদোংথিবা হন্থনবা তেস্তিং ফেসিলিতী অসিগী বাইও-সেফতীগী হীরমদা অমসুং চেকশিল থৌরাংগী খোঙথাংশিংগী মতাংদা তেন্তক্না থমখি।

দিহারগী দিরেক্তর দা. ও.পি. চৌরাসিয়া, ব্রিগেদর জে.বি. সিংহ কম্মান্দেন্ত, লেহগী এন.আর.আই.এস.আর.গী দিরেক্তর দা পদমা গুরমিৎ, লেহগী এস.এন.এম. হোস্পিতালগী সি.এম.ও. দা মতুপ রোর্জী অমসুং মহাক্কী দোক্তরশিংগী তিম অমসুং মকোক থোংবা আর্মি ওফিসরশিং অমসুং দি.আর.দি.ও.গী সাইন্তিস্তশিং থৌরম অসিদা শরুক য়াখি।

দিহার অসি কোল্দ অরিদ এগ্রো-এনিমেল তেক্নোলোজীশিংদা থবক তৌরিবা দি.আর.দি.ও.গী লাইফ সাইন্সেস কী লেওরেতোরীশিংনি। লেবোরেতরী অসিনা হীদাক অমসুং মহাও লৈহন্নবা শীজিন্নরিবা পাম্বীশিং অসি দিফেন্সকী হীরমদা মখোয়বু শীজিন্ননবা অমসুং অৱাংবা অল্তিত্যুদ অমসুং অয়িংবা দেজর্তকী মফমশিংগী গ্রীনহাউস তেক্নোলোজীশিংদসু থিজিন্নবা অমসুং খঙদোকপগী থবক তৌরি।

*******