লকাষ্ট চাৰ্কোল অফিচে(এলচিঅ’) ১১ এপ্ৰিলৰ পৰা আৰম্ভ কৰা কাকতি ফৰিং নিয়ন্ত্ৰণ অভিযানৰ অধীনত ২১ জুলাই, ২০২০লৈকে ৰাজস্থান, মধ্যপ্ৰদেশ, পাঞ্জাৱ, গুজৰাট, উত্তৰপ্ৰদেশ আৰু হাৰিয়ানাৰ ১,৯৫,৪৫০ হেক্টৰকৈ এলেকাত কাৰ্য সম্পাদন কৰিছে৷ ইফালে, ৰাজস্থান, মধ্যপ্ৰদেশ, পাঞ্জাৱ, গুজৰাট, উত্তৰপ্ৰদেশ, মহাৰাষ্ট্ৰ, চত্তীশগড়, হাৰিয়ানা, উত্তৰাখণ্ড আৰু বিহাৰত ৰাজ্য চৰকাৰসমূহেও ১,৮৪,১৮১ হেক্টৰ ভূমিত নিয়ন্ত্ৰণ অভিযান চলাইছে৷

একেদৰে, ২১-২২ জুলাই, ২০২০ত নিশাৰ ভাগত ৰাজস্থানৰ ১১খন জিলা ক্ৰমে-জয়ছালমেৰ, বাৰ্মেৰ, যোধপুৰ, বিকানেৰ, চুৰু, ছিকাৰ নগৌৰ, জয়পুৰ, পালি, হনুমানগড় আৰু শ্ৰীগংগানগৰ ২৯টা স্থানত এলচিঅ’ৰ দ্বাৰা কাকতি ফৰিং নিয়ন্ত্ৰণ অভিযান চলোৱা হয়৷ তদুপৰি, ৰাজস্থান ৰাজ্যিক কৃষি বিভাগে ২১-২২ জুলাই, ২০২০ত নিশাৰ ভাগত ডাওছা জিলাৰ দুটা স্থানত সৰু গোট আৰু সিঁচৰিত হৈ থকা কাকতি ফৰিং নিয়ন্ত্ৰণ অভিযান চলোৱা হয়৷

বৰ্তমান কাকতি ফৰিং নিয়ন্ত্ৰণ কাৰ্যসূচীত ৰাজস্থান আৰু গুজৰাটত ১০৪টা দলক স্প্ৰে ছতিওৱা কামত নিয়োজিত কৰা হৈছে৷ তদুপৰি, কেন্দ্ৰীয় চৰকাৰৰ ২০০গৰাকীতকৈ অধিক কৰ্মচাৰীও এই কাৰ্যত নিয়োজিত কৰা হৈছে৷ ইফালে, ৰাজস্থানৰ বাৰ্মেৰ, জয়ছালমেৰ, বিকানেৰ, নগৌৰ আৰু ফালোডিত ওখ গছসমূহত কীটনাশক ছতিওৱাৰ বাবে ৫টা কোম্পানীৰ ১৫খন দ্ৰোণ ব্যৱহাৰ কৰা হৈছে৷ আকাশ মাৰ্গৰ পৰা কীটনাশক ছতিওৱাৰ বাবে ৰাজস্থানত বেলি হেলিকপ্টাৰৰ উপৰি ভাৰতীয় বায়ু সেনাই পৰীক্ষামূলকভাৱে এমআই-১৭ হেলিকপ্টাৰ ব্যৱহাৰ কৰিছে৷ এই পৰীক্ষণ ফলপ্ৰসূ হৈছে৷

উল্লেখ্য যে ৰাজস্থানৰ কেইখনমান জিলা কিছু পৰিমাণে ক্ষতি হোৱাৰ বাদে বাকীবোৰ ৰাজ্যত বিশেষ ক্ষয়-ক্ষতিৰ তথ্য লাভ কৰা নাই৷

আজিৰ দিনটোত ৰাজস্থানৰ ক্ৰমে-জয়ছালমেৰ, বাৰ্মেৰ, যোধপুৰ, বিকানেৰ, চুৰু, ছিকাৰ নগৌৰ, জয়পুৰ, পালি, হনুমানগড়, শ্ৰীগংগানগৰ আৰু ডাওছা জিলাত গুলপীয়া অপৰিপক্ক আৰু প্ৰাপ্তবয়স্ক হালধীয়া ফৰিঙৰ উপস্থিতি পৰিলক্ষিত হৈছে৷

খাদ্য আৰু কৃষি সংস্থাই ২১ জুলাই, ২০২০ত প্ৰকাশ কৰা কাকতি ফৰিং সম্পৰ্কীয় শেহতীয়া তথ্যই হৰ্ণ অফ আফ্ৰিকাৰ পৰা অহা সপ্তাহবোৰত এই ফৰিঙৰ উপদ্ৰৱ অধিক বৃদ্ধি পোৱাৰ ইংগিত বহন কৰিছে৷ ছোমিলিয়াত কাকতি ফৰিঙৰ জাক পূবলৈ ধাবিত হোৱা পৰিলক্ষিত হৈছে চলিত মাহতে ভাৰত মহাসাগৰ পাৰ হৈ ভাৰত-পাকিস্তান সীমান্ত এলেকাত আহি পোৱাৰ সম্ভাৱনা আছে৷

***

APS/SG/DB