লৌউ-শিংউ মন্ত্রালয়
রাজস্থান, মধ্য প্রদেশ, পঞ্জাব, গুজরাত, উত্তর প্রেদশ, মহারাস্ত্র, ছত্তিসগর, হরিয়ানা, উত্তরাখন্দ অমসুং বিহারদা জুলাই ২১, ২০২০ ফাওবদা লম হেক্তর ৩,৮৩,৬৩১দা লোকস্ত কন্ত্রোল ওপরেসন চত্থখ্রে
কেন্দ্র সরকারগী পর্সনেলগী মথক্তা রাজস্থান অমসুং গুজরাত্তা স্প্রে য়াওবা গারীগা লোয়ননা সেন্ত্রেল কন্ত্রোল তীম ১০৪ লোকস্ত কন্ত্রোল ওপরেসন্দা শীজিন্নরি
এফ.এ.ক্যু.গী খ্বাইদগী নৌবা লোকস্ত স্তেতসনা লাক্লিবা চয়োল খরা অসিদা হোর্ন ওফ অফ্রিকাদগী কৌজেংগী শঙ্গু মাইগ্রেৎ তৌরকপনা খুদোংথিবা থোকহনগনি হায়রি
Posted On:
22 JUL 2020 5:20PM by PIB Imphal
এপ্রিল ১১, ২০২০দগী হৌদুনা জুলাই ২১, ২০২০ ফাওবা লোকস্ত সর্কল ওফিসরশিং (এল.সি.ও.শিং)না রাজস্থান, মধ্য প্রদেশ, পঞ্জাব, গুজরাত, উত্তর প্রদেশ অমসুং হরিয়ানা স্তেৎশিং অসিগী লম হেক্তর ১,৯৫,৪৫০দা লোকস্ত কন্ত্রোল ওপরেসন চত্থখ্রে। জুলাই ২১, ২০২০ ফাওবা রাজস্থান, মধ্য প্রদেশ, পঞ্জাব, গুজরাত, উত্তর প্রদে, মহারাস্ত্র, ছত্তিসগর, হরিয়ানা, উত্তরাখন্দ অমসুং বিহার স্তেৎশিংগী স্তেৎ সরকারনা লম হেক্তর ১,৮৮,১৮১দা লোকস্ত কন্ত্রোল ওপরেসন চত্থখ্রে।
জুলাই ২১-২২, ২০২০গী লোন্নবা অহিংদা রাজস্থানগী জিলা ১১ মদুদি জেসলমর, বার্মর, জোধপুর, বিকানের, চুরু, সিকার, নাগোর, জাইপুর, পালি হনুমানগর অমসুং স্রিগঙ্গানগর হায়রিবশিংগী মফম ২৯দা এল.সি.ও.শিংনা কন্ত্রোল ওপরেসনশিং চত্থখি। মসিগী মথক্তা রাজাস্থন স্তেৎ লৌউ-শিংউ বিভাগনসু দৌসা জিলাগী মফম ২দা মশিং য়ামদবা অমদি চাইথোক্লগা লৈবা কৌজেংশিংদা জুলাই ২১-২২, ২০২০গী লোন্নবা অহিংদা কন্ত্রোল ওপরেসনশিং চত্থখি।
হৌজিক্কী ওইনা রাজস্থান অমসুং গুজরাতকী স্তেৎশিংদা স্প্রে য়াওবা গারীগা লোয়ননা কন্ত্রোল তীম ১০৪ মথৌ তৌরি অমসুং কেন্দ্র সরকারগী পর্সনেল ২০০ হেন্না লোকস্ত কন্ত্রোল ওপরেসনশিংদা শীজিন্নরি। মখা তানা, রাজস্থানগী বার্মর, জেসলমের, বিকানের, নাগোর অমসুং ফালোদিদা লৈবা অৱাংবা উ-পাম্বীশিং অমসুং মী চংবদা খুদোংচাদবা মফমশিংদা তিলহীদাকশিং কাপথোক্তুনা কৌজেং মপুং ফানা লাকশিন্নবা দ্রোন ১৫গা লোয়ননা কম্পনি ৫ থাজিনখ্রে। মথৌ তাবগী মতুং ইন্না বেল হেলিকোপ্তর শীজিন্নদুনা রাজস্থানগী সেদ্যুল দেজর্ত এরিয়াদা এনতি-লোকস্ত ওপরেসনশিং চত্থখ্রে। ইন্দিয়ন এয়র ফোর্সনসু এম.আই.-১৭ হেলিকোপ্তর শীজিন্নদুনা এন্তি-লোকস্ত ওপরেসনশিংগী চাংয়েংশিং তৌখ্রে। ফমশিং অদু কান্নবা ওইখি।
গুজরাত, উত্তর প্রদেশ, মধ্য প্রদেশ, মহারাস্ত্র, ছত্তিসগর, বিহার অমসুং হরিয়ানাদা মহৈ মরোং থোইদোক্না অমাং অতা থোকপগী পাউ লৈতে। অদুম ওইনমক রাজস্থানগী জিলা খরদা মহৈ-মরোং খরা অমাং অতা থোকপগী পাউ লাক্লি।
ঙসি (২২.০৭.২০২০)দা রাজস্থানগী জেসলমর, বার্মর, জোধপুর, বিকানের, চুরু, সিকার, নাগোর, জাইপুর, পালি, হনুমানগর অমসুং স্রিগঙ্গানগর জিলাশিংদা মপুং ফাদ্রিবা লৈ মচুগী কৌজেং অমসুং মপুং ফারবা হঙ্গাম মপালগী কৌজেংগী শঙ্গু লৈবা উখি।
১. এল.দবল্যু.ও. ওপরেসন @ ৪দি.এল.এম. পুগল-বিকানের, রাজস্থান
২. এল.দবল্যু.ও. ওপরেসন @জাইতরন-পালি, রাজস্থান
৩. এল.দবল্যু.ও. ওপরেসন @ ধানি মোদপত্তি-দৌসা, রাজস্থান
৪. মথৌ তৌরিবা দ্রোন অমা @ দুদু-জাইপুর, রাজস্থান
৫. এল.দবল্যু.ও. ওপরেসন @ রাৱতসর-হনুমানগর, রাজস্থান
৬. কন্ত্রোল ওপরেসন চত্থদ্রিঙৈ মমাংদা কৌজেংশিং শঙ্গু @ গোতন-নাগোর, রাজস্থান
৭. শীখিবা কৌজেংগী শরুক অমা @ গোতন মর্তা-নাগোর, রাজস্থান
ফুদ এন্দ এগ্রিকলচর ওর্গনাইজেসনগী ২১.০৭.২০২০গী লোকস্ত স্তেতস অপদেৎকী মতুং ইন্না, লাক্লিবা চয়োল খরা অসিদা হোর্ন ওফ অফ্রিকাদগী শঙ্গু মাইগ্রেৎ তৌরকপগী খুদোংথিবা থোকহনগনি হায়রি। সোমালিয়াদা শঙ্গুশিং অসিনা নোংপোক থংবা মায়কৈদা অৱাং ফাওনা পায়রক্লি অমসুং থা অসিগী অরোইবা শরুক্তা শঙ্গুশিং অসিগী অককনবা মশিং খরনা ইন্দিয়ন ওসিন লান্থোক্তুনা ইন্দো-পাইস্তান ঙমখৈগী মফমশিংনা চংলকপা য়ানা লৈ।
মখাগী ইমেজ অসিনা জুলাই, ২০২০গী ওইনা মালেমগী দেজর্দ লোকস্তকী ফোর্কাস্ত উৎলি
সোর্স: http://www.fao.org/ag/locusts/common/ecg/75/en/200708forecastE.jpg
খা-নোংচুপ এসিয়াগী লৈবাকশিংগী (অফঘানিস্তান, ভারত, ইরান অমসুং পাকিস্তান) দেজর্ত লোকস্তকী চয়োলগী ওইবা ভর্চ্যুল মীফম এফ.এ.ও.না শীল্লি। হৌজিক ফাওবদা খা-নোংচুপ এসিয়াগী লৈবাকশিংগী ভর্চ্যুল মীফম ১৫ পাঙথোকখ্রে।
*****
(Release ID: 1640463)
Visitor Counter : 165