তেমাসেক ফাউন্দেসন, শিঙ্গাপুরদগী  অহানবা তাঙ্কক্কী ওক্সিজেন কন্সেন্ত্রেতর ৪,৪৭৫  ঙসি হেল্থ অমসুং ফেমিলি ৱেলফিয়ারগী রাজ্য মন্ত্রী অশ্বিনি কুমার চৌবেনা ওকখ্রে । ফাউন্দেসন অসিনা ভারত্তা ওক্সিজেন কন্সেন্ত্রেতর ২,০০০ মতেং ওইনা পীরক্কদবনি । লেমহৌরবা ওক্সিজেন কন্সেন্ত্রেতরশিং ২০২০গী অগস্ত থাদা ফংলগনি । হায়রিবা খুৎলায়শিং অসি কোবিদ-১৯ মোদরেত কেসশিং লায়েংনবা রাজ্যশিং অমসুং য়ু.তিশিংদা পীরগনি ।

তেমাসেক ফাউন্দেসন, শিঙ্গাপুর থাগৎলদুনা মিনিস্তরনা হায়খি লৈবাক অসিনা কোবিদ-১৯ থেংনবদা ওক্সিজেন কন্সেন্ত্রেতরশিং অসিনা মতেং পাংগনি । মসিগী মতেং অসি মতম চানা পীরকই অমসুং অথুবা মতমদা হায়রিবা খুৎলায়শিং অসি পুশিল্লক্নবা মতেং পাংবগীদমক ইন্দিয়ান রেদ ক্রোস সোসাইতি থাগৎলি । মসিগী থবকশিং অসিদা তাতা ত্রস্তনা মতেং পাংখিবা অসি খঙলে । ঈ , প্লাজমা অমসুং মসিগী খুৎলায় অদু মতেং পাংদুনা লৈবাক অসিনা কোবিদ-১৯ থেংনদবা মতেং পাংলিবা মীওইশিং ঐনা থাগৎলি ।

শ্রী চৌবেনা হায়খি প্রধান মন্ত্রী নরেন্দ্র মোদীগী লুচিং মখাদা কেন্দ্র অমসুং রাজ্যশিং/য়ু.তিশিংগী মরক্তা মতেং পীন্দুনা লৈবাক অসিনা কোবিদ-১৯ থেংনরি । লৈবাক শীনবা থুংনা মসিগী মহৈ উবা ফংলে । রাজ্য অমসুং য়ু.তি সরকারশিংনা পায়খৎলিবা থবকশিংদা ঐখোয়না পাংবা য়াবা মতেং পাংলি ।

মহাক্না মখা তানা হায়খি ওক্সিজেন কন্সেন্ত্রেতরশিং অসি কোবিদ-১৯গী মোদরেত কেসশিং লায়েংবদা য়াম্না কান্নৈ । মখোয়না অকোয়বদা ফংলিবা নুংশিৎ অসি ওক্সিজেন চাদা ৯০দগী চাদা ৯৫ ফাওবা ওন্থোকপা ঙম্মি । হায়রিবা খুৎলায়শিং অসি অনাবশিংগী মনাক্ত থম্বা য়াই । হায়রিবা মেছিনশিং অসি কোবিদ কিয়ার সেন্তরশিং অমসুং কোবিদ কিয়ার সেন্তরশিং ওইনা শীজিন্নরিবা রেলৱেজ কোচশিংদা শীজিন্নবা য়াগনি । খুৎলায়শিং অসি ওক্সিজেন সিলিন্দরশিং পুথোক-পুশিন তৌবদা খুদোংচাদবা মনুং-হুঞ্জিনবা মফমশিংদা শীজিন্নবা য়াগনি ।  

হেল্থ অমসুং ফেমিলি ৱেলফিয়ারগী সেক্রেতরি, প্রিতি সুদান, হেল্থ অমসুং ফেমিলি ৱেলফিয়ার মিনিস্ত্রিগী ও.এস.দি, রাজেস ভুষান, ইন্দিয়ান রেদ ক্রোস সোসাইতিগী সেক্রেতরি জেনেরেল , আর কে জেন, হেল্থ অমসুং ফেমিলি ৱেলফিয়ার মিনিস্ত্রিগী সেনিয়র ওফিসারশিং অমসুং তাতা ত্রস্তকী মীহুৎশিং থৌরম অদুদা শরুক য়াখি ।

****