উপ-রাস্ত্রপতিগী লোইশঙ
সরকার, সিভিল সোসাইতী অমসুং মীয়াম পুন্না ভারত অসিদগী করপসন মুত্থৎনবা হোৎনমিন্নসিঃ উপ-রাস্ত্রপতী
নাগরিকশিংদা সংবিধানগী অশেংবা শক্তম অদু য়োকখৎনবা লেপ্তনা হোৎননবা হায়খ্রে
দেমোক্রেসিগীদমক্তা ইথৌদাং পাংথোকপা, মনুং-মপান শেংনা মওং অমসুং অফবা লৈঙাক অসি তঙাই ফদবনি হায়না হায়রি
কম্পত্রোলর অমসুং ওদিতর জেনরেল(সি.এ.জি.)গী ওফিসতা বাবাসাহেব দা. বি.আর. অম্বেদকরগী মীতম মায়খুম হাংদোকখ্রে
দা. অম্বেদকরদা য়াম্না নিংথিজনা শ্রদ্ধাঞ্জলি কৎখ্রে
Posted On:
22 JUL 2020 12:15PM by PIB Imphal
লৈবাক অসিগী চাওখৎপদা অমসুং খুমাং চাওশিনবগী লম্বিদা করপসনগী অমোৎপা অসিনা য়াম্না চাওনা শোকহল্লে হায়না উপ-রাস্ত্রপতীনা ঙসি ফোংদোক্লদুনা সরকার, সিভিল সোসাইতী অমসুং লৈবাক মীয়ামদা অসিগুম্বা করপসনগী অমোৎপা অসি পুন্না মুত্থৎমিন্নবা হায়খ্রে। মহাক্না ৱাফম অসি ন্যু দিল্লীদা কম্পত্রোলর অমসুং ওদিতর জেনরেল(সি.এ.জি.)গী ওফিসতা বাবাসাহেব দা. বি.আর. অম্বেদকরগী মীতম মায়খুম হাংদোক্লবা মতুংদা ফোংদোকখিবনি।
হান্নগী রাস্ত্রপতী এ.পি.জে. অব্দুল কলামগী ৱাফম্বু নিংশিংলদুনা শ্রী নাইদুনা মপা-মমাশিংগা লোয়ননা ওজা হায়বসিনা মহৈরোইশিংগী লমচৎ-শাজৎ শেমদোকপদা অমদি অফবা খুন্নাই অমা শেমগৎপদা মরুওইবা থৌদাং লৌই হায়না ফোংদোকখি।
দা. অম্বেদকরগী মফমদা য়াম্না নিংথিজনা শ্রদ্ধাঞ্জলি কৎলদুনা উপ-রাস্ত্রপতীনা মহাক অসি য়াম্না অথোইবা শক্লোন কয়া অমা পুরিবা-মীৎয়েং শানবা লৈবাক অসিগী মীওই, ফিলোজোফর, খ্বাইদগী হেন্না খং-হৈরবা, শক্নাইরবা জুরি, ইকোনোমিস্ত, অইবা, খুন্নাই অসিবু শেমদোকপা ঙম্বা অমসুং খ্বাইদগী থোইদোকক-হেন্দোক্না অথোইবা মীওই অসিগী মফমদা মতম পুম্বদা তৌবিমল খংবা উৎনহৌরগনি হায়না ফোংদোকখি।
ভারত অসি মালেমদা খ্বাইদগী অথোইবা সংবিধান অমনি হায়বা মীৎয়েং থম্লদুনা সংবিধান অসি শেম্বদা দা. অম্বেদকর খ্বাইদগী অথোইবা থৌদাং লৌদুনা হকচিন্না লুরবা ৱাফম কয়া লমজিং লমতাক্লি হায়না ফোংদোকখি।
ঙসি সংবিধান অসি ঐখোয়গী শেংলবা লাইরিক অমা ওইদুনা লৈবাক অসিগী ৱাফম খুদিংদা মঙাল ফংহল্লিবা য়ুম্বি অমগুম মতম পুম্নমক্তা ঐখোয়বু লমজিং-লমতাকপীরি। মহাক্না লৈবাক অসিগী নাগরিকশিংদা সংবিধানগী অশেংবা শক্তম অদু য়োকখত্তুনা থম্নবা লেপ্তনা হোৎননবা অমদি কৈদৌনুংদা তাথিনা তৌদনবা হায়খি।
দা. অম্বেদকর অসি লাইমক্নি হায়না শিংথারদুনা মহাক্না মতম পুম্নমক্তা নুপা-নুপী থাক মান্নবা অমসুং নুপীশিংবু মহৈ-মশিং তমহন্দুনা থাক ৱাংখৎহন্নবা অমসুং জাৎ হন্দবগী পল অসি লৈহন্দনা মীপুম খুদিংমক চপ মান্ননা হিংমিন্নবা লেপ্তনা হোৎননবা উপ-রাস্ত্রপতীনা ফোংদোকখি।
“ঙসি মহাক্কী মীতম অসি খিনবগী মরমদি অসিগুম্বা অথোইবা মীওই অসিগী ৱাখল্লোন অসি নিংশিংনবা অমসুং হৌজিক্কী অমদি তুংগী মীরোলনা মহাক্না তম্বিরম্বশিং অদু নিংশিংদুনা ঐখোয় খুদিংমক্কী পুন্সি মায়কৈবু লমজিং-লমতাকপিনবনি হায়না মহাক্না ফোংদোকখি।
মপাঙ্গল লৈবা অমসুং থাজনিংঙাই ওইবা ইন্সিত্যুসন অমা ওইনা সি.এ.জি.বু ইকাই খুম্নরদুনা ঙসি সি.এ.জি. অসি মপাঙ্গল কনবা অমসুং থাজনিংঙাই ওইনা লিংখৎখিবনি অমসুং মসি পুম্নমক অসি ঐখোয়গী সংবিধানবু শেম্বিরম্লিবশিং মরু ওইনা মনিং তম্লবা ইন্সতিত্যুসন অমা ওইনা সি.এ.জি.বু পাক চাওরবা মওংদা শেম্বিরম্বা দা. অম্বেদকরননি হায়না হায়ফম থোকই হায়রদুনা উপ-রাস্ত্রপতিনা ফোংদোকখি। অচুম্বদা য়ুম্ফম ওইবা, মীচং-মীখাই নাইদবা, অপুনবা, থাজনিংঙাই ওইবা, প্রোফেস্নেল ওইনা থোইদোক-হেন্দোক্না থবক পাংথোকপা, য়াম্না শেংনা থবক তৌবা অমসুং অফবা ৱাখল্লোন্দা থবক তৌবা অসিনা দা. অম্বেদকরগী পুন্সি অমসুং থবক্তা পুক্নিং থৌগৎনিংঙাই ওইবা কয়া মহাক্না মখা তানা দেমোক্রেসিগীদমক্তা ইথৌদাং পাংথোকপা, মনুং-মপান শেংনা মওং অমসুং অফবা লৈঙাক অসি তঙাই ফদবনি হায়না মহাক্না ফোংদোকখি।
উপ-রাস্ত্রপতিনা সি.এ.জি.গী রিপোর্ত অমসুং ৱারোইশিন পুরক্নিংঙাই ওইবা খন্ন-নৈনবদা বিধানসভাগী কমিতীশিংদা চৎন-কাংলোনগী ওইবা ফ্রেমৱর্ক, লৈঙাক্লোনগী মশক-মওংশিং অমসুং সরকার অসিগী য়ৌহন্নবগী মেকানিজমদা মখল-মখা কয়াগী অহোংবশিং অদু থৌগৎপা, শেন্মিৎলোন অসি নিংথিজনা লৈহন্নবা থৌবা, সরকার থবক-থৌওংশিং নিংথিজবা মওং অমসুং নিংথিজনা মওংদা অসিদা শিংথানখি।
সুপ্রীম ওদিৎ ইন্সতিত্যুসন্স(এস.এ.আই.)গী ইন্তর্নেস্নেল কম্যুনিতীশিংগী মরক্তা খ্বাইদগী অথোইবা মীংচৎ ফংলকখিবগী অমসুং ২০২২ ফাওবদা মপুং ওইনা চে য়াওদনা থবক তৌবা ওফিস অমা ওইনবগীদমক থৱায় য়াওনা হোৎনরিবা অসিগীদমক শ্রী নাইদুনা থাগৎপা ফোংদোকখি।
অঙনবদা, কম্পত্রোলর অমসুং ওদিতর জেনরেল শ্রী রজিব মেহর্শিনা ময়াম্বু ওকখি অমসুং সি.এ.জি.গী দিপুতী কুমারি অনিতা পত্তনায়ক্না থাগৎৱাহৈ ফোংদোকখি।
মপুং ওইবা ৱারোল অদু মখাদা পীরি –
- ভারতকী সংবিধান শেম্বিরম্বা অমসুং অনৌবা ভারত অসি ওইহল্লকখিবশিংগী মরক্তা অমা ওইখিবা বাবাসাহেব দা. বি. আর. অম্বেদকরগী মীতম অসিবু মায়খুম হাংদোক্তুনা ময়ামগী মরক্তা তিঞ্জবা ফংবা অসিদা হায়নিংঙাই লৈতনা নুংঙাইবা ফাওই। দা. অম্বেদকরগী মফমদা য়াম্না নিংথিজনা শ্রদ্ধাঞ্জলি কৎলদুনা উপ-রাস্ত্রপতীনা মহাক অসি য়াম্না অথোইবা শক্লোন কয়া অমা পুরিবা-মীৎয়েং শানবা লৈবাক অসিগী মীওই, ফিলোজোফর, খ্বাইদগী হেন্না খং-হৈরবা, শক্নাইরবা জুরি, ইকোনোমিস্ত, অইবা, খুন্নাই অসিবু শেমদোকপা ঙম্বা অমসুং খ্বাইদগী থোইদোকক-হেন্দোক্না অথোইবা মীওই অসিগী মফমদা মতম পুম্বদা তৌবিমল খংবা উৎনহৌরগনি।
ভারত অসি মালেমদা খ্বাইদগী অথোইবা সংবিধান অমনি হায়বা মীৎয়েং থম্লদুনা সংবিধান অসি শেম্বদা দা. অম্বেদকর খ্বাইদগী অথোইবা থৌদাং লৌদুনা হকচিন্না লুরবা ৱাফম কয়া লমজিং লমতাক্লি হায়না লৈবাক অসিনা মতম পুম্বদা তৌবিমল উৎনহৌরগনি। ঙসি সংবিধান অসি ঐখোয়গী শেংলবা লাইরিক অমা ওইদুনা লৈবাক অসিগী ৱাফম খুদিংদা মঙাল ফংহল্লিবা য়ুম্বি অমগুম মতম পুম্নমক্তা ঐখোয়বু লমজিং-লমতাকপীরি।
দা. অম্বেদকর অসি হিরম কয়াদা থৱাই য়াওবা অমসুং হৈথোই-শিংথোইবগী শরুক ওইরক্লবা মীওই অমনি। মহাক্কী ৱাখল খন্দোরকপগী মওং অসি মহাক্কী লাইরিক-‘শেনফম অদুগী ৱাথোক’ঃ মাগী হৌরকফম অমসুং মাগী ৱারোইশিন অমসুং ‘ভারত্তা ব্রিতিশনা পাল্লিঙৈগী মতমদা রাজ্যশিংগী শেল-থুমগী য়াওল’ গুম্বদা মমি তাবা উখি অমসুং শেনবা অমসুং শেল-থুমদা মহাক্কী খং-হৈবদু উৎখি। মতৌ অসিগুম্না মহাক্কী লাইরিকশিং ‘ভারতকী জাতীশিং’ঃ মখোয়গী মেকানিজম, জিনেসিস অমসুং দিভেলপমেন্ত অমসুং ‘এন্নিহিলেসন ওফ কাস্ত’তা ভারতকী সোসিওলোজিকেল ওইবা অশেংবশিং য়াম্না হকচিন্না খংবগী মমি তাই।
দা. অম্বেদকরনা মতমগী লৈঙোইদা মুৎপা নাইররোইদবা ময়েক হক্তুনা থম্বিরম্লে অমসুং মহাক্কী ৱাখল্লোন অদু মতম পুম্নমক্কী ওইনা অদুম্মক নৌনা অদুম্মক লৈহোরগনি। তশেংনমক মহাক তোল্লবশিংগীদমক্তদি লাইমক্নি অমদি মহাক্না মহাক্কী পুন্সি চুপ্পা মতম পুম্নমক্তা নুপা-নুপী থাক মান্নবা অমসুং নুপীশিংবু মহৈ-মশিং তমহন্দুনা থাক ৱাংখৎহন্নবা অমসুং জাৎ হন্দবগী পল অসি লৈহন্দনা মীপুম খুদিংমক চপ মান্ননা হিংমিন্নবা লেপ্তনা হোৎনখি। মহাক্না মমিং চৎপা অমগী মওংদা হায়খি, "রাজনিতীগী লৈঙাক অসি সোসিএল দেমোক্রেসি অদুনা অরানবদা য়ুম্ফম ওইদ্রিবফাওবা অদুম্মক লৈখিগনি। দেমোক্রেসি অসিগী ৱাহন্থোক করিনো? মসিগী ৱাহন্থোক্তি পুন্সিগী চৎন-কাংলোন অমগী মওংদা নিং তম্বা, মান্নবা অমসুং ইচিল-ইনাও ওইবগী মওং ওইহনবা হিংবগী মওং অদু ঙান্বা চৎপা।
মহাক্কী মীৎয়েং অদুনা লৈবাক অসিগী ঈশিং অমসুং ইন্দস্ত্রীগী পোলিসিশিংদা থৌদাং লৌখি।
ঙসি ঐখোয়না সি.এ.জি.গী শেংলবা ওফিসতা লৈরিবা অসি ভারতকী সংবিধান্দগী অৱাংবা থাক্তা ওদিৎ তৌবা অমদি একাওন্তিং তৌদুনা একাওন্তেবিলিতী, ত্রান্সপরেন্সি অমসুং অফবা লৈঙাক য়োকখৎনবগীদমক্তা তঙাই ফদবা অমা ওইনা ওইহনখি অমসুং ঐকোয়গী স্তেকহোলদরশিং, লেজিসলেচরশিং, একজিক্যুতিব অমসুং মীয়ামগী ফন্দশিং অসি নিংথিজনা শিজিন্নখি অমসুং পাংথোক্নিংলিবা মরমশিংগীদমক্তনি। অদুম ওইনমক ওদিতকী বিভাগকী পুৱারী অসি চাওরাক্না চহি ১৬০ রোম শুরে। কোলোনিএলগী য়ুগতা শেমখিবা ভারতকী পার্লিয়ামেন্তরী দেমোক্রেসিগী মনিংতম্বা য়ুম্বিগী মওংদা ভারতকী সি.এ.জি.দা হোংহল্লকখিবা অমা ওইখিবামসি ভারতকী নৌনা শেম্বা নিংতম্বা রিপব্লিক্কী সংবিধান ওইখি।
ঙসি সি.এ.জি. অসি মপাঙ্গল কনবা অমসুং থাজনিংঙাই ওইনা লিংখৎখিবনি অমসুং মসি পুম্নমক অসি ঐখোয়গী সংবিধানবু শেম্বিরম্লিবশিং মরু ওইনা মনিং তম্লবা ইন্সতিত্যুসন অমা ওইনা সি.এ.জি.বু নিংতম্বা অমসুং পাক চাওরবা মওংদা শেম্বিরম্বা দা. অম্বেদকরননি হায়না হায়ফম থোকই।
সংবিদানগী দ্রাফতিং কমিতীগী ৱা খন্নখিবা মতমদা বাবাসাহেবনা য়াম্না মমিং চৎপা ৱাফম হায়খি; ঐগী ৱাখল্লোন্দা দিগ্নিতরী অমসুং ওফিসরশিং অসি ভারতকী সেবিধানগী খ্বাইদগী মরু ওইবনি। মসি সেংসদতগী পীখিবা চাদিংশিং অসি হেন্দোকখ্রবরা নত্রগা সংসদকী চুনবা এক্তা থমখিবা ৱাফমশিং অদুগী খেৎনব্রা হায়বা য়েংগদৌরিবা মীশক্নি। করিগুম্বা থবক পাংথোক্লিবশিং অদুনা নিংথিনা মথৌ নিংথিনা তৌহন্নবগীদমক্তা- অমসুং মহাক্কী মথৌদাং, ঐহাক্না পিশিনখিবা অদুগা য়েংনবদা জুদিসিয়রী অদুদগী য়াম্না কা হেন্না মরুওইবরা-মদু চপ চাবা মওংদা জুদিসিয়রীগী মওংদা মনিং তমহনগদবনি।
বাবাসাহেবকী পুন্সি অমসুং থবক্তগী লৈবাক অসিনা সি.এ.জি.গী য়াম্না পুক্নিং থৌগৎনিংঙাই ওইবা অমসুং থম্মোয়নুংগী অশেংবা মগুন অদু অচুম্বদা য়ুম্ফম ওইবা, মীচং-মীখাই নাইদবা, অপুনবা, থাজনিংঙাই ওইবা, প্রোফেস্নেল ওইনা থোইদোক-হেন্দোক্না থবক পাংথোকপা, য়াম্না শেংনা থবক তৌবা অমসুং অফবা ৱাখল্লোন্দা থবক তৌবা অসিনা দা. অম্বেদকরগী পুন্সি অমসুং থবক্তা পুক্নিং থৌগৎনিংঙাই ওইবা কয়া উখি।
ঙসি সি.এ.জি. অসিদা বাবাসাহেবকী মীৎয়েংনা পুক্নিং থৌগৎলদুনা মীয়ামগী শেল-থুমগী একাওন্তেবিলিতী অদু নিংথিনা শেম্বদা নত্তনা থবক ফবা মরূপল ফিলোজোফর অমসুং লমজিং-লমতাকপা অমগী মওংদসু থবক তৌদুনা থোরক্লি। সি.এ.জি.গী রিপোর্ত অমসুং ৱারোইশিন পুরক্নিংঙাই ওইবা খন্ন-নৈনবদা বিধানসভাগী কমিতীশিংদা চৎন-কাংলোনগী ওইবা ফ্রেমৱর্ক, লৈঙাক্লোনগী মশক-মওংশিং অমসুং সরকার অসিগী য়ৌহন্নবগী মেকানিজমদা মখল-মখা কয়াগী অহোংবশিং অদু থৌগৎপা, শেন্মিৎলোন অসি নিংথিজনা লৈহন্নবা থৌবা, সরকার থবক-থৌওংশিং নিংথিজবা মওং অমসুং নিংথিজনা মওংদা শেমখি।
নুংশিরবা ইচিল-ইনাওশিং,
করপসন হায়বসি ঐখোয়গী লৈবাক অসিনা চাওখৎপদা অমদি মাংজিল থাবগী লম্বিদা য়াম্না চাওনা চৈথেং পীরিবা অমোৎপা অমনি। স্তেকহোলদরশিং-সরকার, সিভিল সোসাইতী অমসুং মীয়াম্না হুপ্না অমোৎপা অসিবু লৈহন্দনবা থৱায় য়াওনা হোৎনগদবনি। মতাং অসিদা ঐহাক্না লৈখিদ্রবা রাস্ত্রপতি শ্রী এ.প.জে. অবদুল কলাম্না হায়বিরম্বা ৱাফম অমখক্তং ময়াম পুম্বগী ৱাখল্লোন অদুদা নৌহৌননা নিংশিবা পামজৈ, “করিগুম্বা লৈবাক অসিদা করপসন লৈহন্দবা অমদি ফজবা ৱাখল্লোন লৈবা লৈবাক অমা ওইনিংলবদি খেৎনবা পুরকপা ঙম্বা মরু ইবা মীশক অহু লৈ হায়বা চপ চানা ফাওই। মখোয়শিং অদুদি মপা, মমা অমসুং ওজা”।
মপা-মমাশিংগা লোয়ননা ওজা হায়বসিনা মহৈরোইশিংগী লমচৎ-শাজৎ শেমদোকপদা অমদি অফবা খুন্নাই অমা শেমগৎপদা মরুওইবা থৌদাং লৌই। চহি কয়াগী মমাংদা জাতীগী মপা, মহাত্মা গান্ধীনা হায়বিরমখি,ঃ “লমচৎ-শাজৎ শেমদোক্তবা মহৈ-মশিংদি তশেংনমক মমল য়াওদবনি”।
সংবিধান্দা দা. অম্বেদকরগী ঙসি সংবিধান অসি ঐখোয়গী শেংলবা লাইরিক অমা ওইদুনা লৈবাক অসিগী ৱাফম খুদিংদা মঙাল ফংহল্লিবা য়ুম্বি অমগুম মতম পুম্নমক্তা ঐখোয়বু লমজিং-লমতাকপীরি। মহাক্না লৈবাক অসিগী নাগরিকশিংদা সংবিধানগী অশেংবা শক্তম অদু য়োকখত্তুনা থম্নবা লেপ্তনা হোৎননবা অমদি কৈদৌনুংদা তাথিনা তৌদনবা হায়খি। অদু নত্রবদি ঐখোয়গী লিংকৎপিরম্বা ইপাশিংগী থাজবা অমদি অরেপ্পা ৱাখল্লোনবু করেম্নবিবা ওইনা থোক্কনি।
মসি দা. অম্বেদকরনা হায়বিরম্বা অরুবা ৱাফমশিং অদু নিংশিংবদা শিজিন্নগনি, মহাক্না হায়বিখিঃ“সংবিধান অদু অফবা ওইবা য়াই, করিগুম্বা চৎনহল্লিবশিং অদু অফবা নত্রবদি মদু ফত্তবা ওইবা য়াই, অদুবু মসি চৎনহল্লিবা মী অদু ফরবদি মদু অফবা ওইগনি”।
নাগরিক খুদিংমক্কী ওইনা সংবিধান অসি অশেংবা লাইরিক অমা ওইনা অদুম্মক লৈহোরগনি অমসুং ৱাফমশিং পুম্নমকপু লমজিং-লমতাক্কনি। ঐখোয়না ঐখোয়গী সাংসদকী দেমোক্রেসিগী অকনবা য়ুম্ফম থোল্লম্বা সংবিধান শেম্লিবশিংবু মখোয়গী মীৎয়েং অমসুং ৱাখল্লোন ফোংদোকপা ঙম্বগীদমক্তা সলাম তৌগদবনি।
ঐহাক্কী ৱাফম লোইশিন্দ্রিঙৈগী মমাংদা, সুপ্রীম ওদিৎ ইন্সতিত্যুসন্স(এস.এ.আই.)গী ইন্তর্নেস্নেল কম্যুনিতীশিংগী মরক্তা খ্বাইদগী অথোইবা মীংচৎ ফংলকখিবগী অমসুং ২০২২ ফাওবদা মপুং ওইনা চে য়াওদনা থবক তৌবা ওফিস অমা ওইনবগীদমক থৱায় য়াওনা হোৎনরিবা অসিগীদমক থাগৎপা ফোংদোকচরি। সি.এ.জি.না মশক নাইবা মীওইশিংনা য়ং-য়ং লাওবা হিরমশিংদা লেকচরশিং পীগদবা ‘দা. বি.আর. অম্বেদকর লেকচর সেরিজ’ কৌবা লেকচরগী পরিং অমা হৌদোকখিবা অসিদা য়াম্না নুংঙাইবা হরাওই।
ঙসি বাবাসাহেবকী মীতম খিনবা অসিদা ভারতকী সি.এ.জি. ইন্সতিত্যুসন অসিনা তুং কোইনা পুক্নিং থৌগৎনিংঙাই ওইবা অমসুং লমজিং-লমতাক্নিংঙাই শোইদনা ওইগনি হায়বসি ঐহাক্না থাজৈ। মতম পুম্নমক্তা বাবাসাহেবনা ময়াম্বু লমজিংবিবা, মঙাল পীবিবা ওইরসনু!
থাগৎচরি। জয় হিন্দ!”
*****
(Release ID: 1640453)
Visitor Counter : 182