নীতি আয়োগ
ইন্দিয়া-য়ু.এস স্ত্রাতেজিক ইনর্জি পার্তনরসিপকী মখাদা চাউনা মাইপাক্লবশিং অমসুং তুংকোইনা চাউখৎনবা পায়খৎনবা থৌরাং তৌরিবা থবকশিং
Posted On:
21 JUL 2020 7:16PM by PIB Imphal
মতম কয়াগী মমাংদগী ভারত অমসুং য়ু.এস ইনর্জিগী মতেং পীনদুনা লাক্লি। ইন্দিয়া-য়ু.এস স্ত্রাতেজিক ইনর্জি পার্তনরসিপ(এস ই পি) লাউথোক্তুনা নাকল অনিগী মরক্তা ইনর্জিগী মতেং পাংনবা অদু ২০১৭গী জুন থাদা প্রধান মন্ত্রী নরেন্দ্র মোদী অমসুং য়ু এস প্রসিদেন্ত দোনাল্দ ত্রম্পনা অমুক হন্না চেৎশিনহনখি। ২০১৮গী এপ্রিলদা মিনিস্তরশিংগী অহানবা মীফম পাংথোকখি। ইন্দিয়া-য়ু.এস স্ত্রাতেজিক ইনর্জি পার্তনরসিপকী য়ুম্বী মরি লৈরি : থাও অমসুং গ্যাস, পৱার অমসুং ইনর্জি লিক্না শীজিন্নবা, রিনিউএবল অমসুং স্তেনেবল গ্রোথ। স্তেনেবল গ্রোথকী য়ুম্বী অসি নিতি অয়োগ অমসুং য়ু.এস.এইদনা পুন্না শৌগৎলি।
য়ুনিয়ন মিনিস্তর ধর্মেন্দ্র প্রধান অমসুং ইনর্জি সেক্রেতরি দান ব্রাউল্লেতনা কো-চেয়রমেন ওইদুনা ২০২০গী জুলাই ১৭দা পাংথোকখিবা স্ত্রাতেজিক ইনর্জি পার্তনরসিপকী মিনিস্তরশিং ৱারি শানবদা চাউনা মাইপাক্লবশিং অমসুং তুংকোইনা চাউখৎনবা পায়খৎনবা থৌরাং তৌরিবা থবকশিংগী মতাংদা খন্নখি। নিতি অয়োগকী এদিসনেল সেক্রেতরি দোক্তর রাখেস সারৱাল অমসুং স্তেনেবল গ্রোথ পিল্লারগী ভারতকী কো-চেয়রনা হায়খি মসিগী য়ুম্বী অসিনা মরুওইবা হীরম অহুমদা ভারত অমসুং অমেরিকাগী রিছর্স তৌরিবশিং অমসুং ৱারেপ লৌরিবশিং মতেং পাংনগনি : ইনর্জি দেতা মেনেজমেন্ত; ইনর্জি মোদেল্লিং অমসুং কার্বোন য়াম্না থোক্তবা তেক্নোলোজিশিং। হায়রিবা হিরম অহুম অসি চাউখৎহন্নবা মখা অসিগী পায়খৎকনি :
- ইনর্জি দেতা মেনেজমেন্ত : ওনলাইন্দা দেতা হাপচিন্নবা খুদোংচাবা থমদুনা ২০১৫দা হৌদোকখিবা ভারতকী ইনর্জি দাসবোর্দ অমা নৌনা ফগৎহল্লে। থবক অসি ফগৎহন্নবা, ইনর্জি শীজিন্নরিবা অমসুং পুথোক্লিবশিং নিতি অয়োগনা সব-গ্রুপ নিপাল থোক্না খাইদোকখি। অচৌবা ইনর্জি দাসবোর্দ অমা শেম্নবা ভারত অমসুং য়ু.এস এজেন্সিশিং মতেং পাংনগনি।
- ইনর্জি মোদেল্লিং : ইনর্জি-ঈশিং মরিগী মতাংদা থবক অনি পাংথোকখ্রে অমসুং ত্রান্সপোর্ত সেক্তরগী দিকার্বুরাইজেসনগী মরুওইবা ৱাফমশিং খন্নখি অমসুং থৌশিলগী মতাংদা পাউতাক পীখি। ২০২০গী জুলাই ২দা নিতি অয়োগ অমসুং য়ু.এস এইদনা পুন্না ইন্দিয়া ইনর্জি মোদেল্লিং ফোরম হৌদোকখি। মোদেল্লিং অমসুং তুংকোইনা চৎনগদবা ইনর্জিগী থবকশিংগী থৌরাং তৌনবা ফোরম অসিনা ভারত অমসুং য়ু.এসকী রিছর্স তৌবশিং, থিং তেঙ্কশিং, সরকারগী এজেন্সিশিং অমসুং দিপার্তমেন্তশিং থবক তৌমিন্নগনি।
- কার্বোন য়াম্না থাদোক্তবা তেক্নোলোজিশিং : মরী লৈনবা সরকার, মরী লৈনবা এজেন্সিশিং অমসুং লনাই কম্পেনিশিংগী খুৎথাংদা ভারত্তা কার্বোন য়াম্না থাদোক্তবা তেক্নোলোজিশিং শীজিন্নবা পুক্নিং থৌগৎপা হায়না নাকল অনিমক্না য়ানখি।
য়ুনাইতেদ স্তেৎস এজেন্সি ফোর ইন্তরনেসনেল দিবলপমেন্ত, এসিয়া বিউরো, দিপুতি এসিস্তেন্ত এদমিনিস্ত্রেতর অমসুং পিল্লারগী কো-চেয়র, জেবিয়র পৈদ্রানা হায়খি ইনর্জিগী দেতা ফংবা, শীজিন্নবা হেনগৎহন্নবা নাকল অনিমক্না মখা তানা ইনর্জি দেতা মেনেজমেন্তগী থবকশিং ফগৎহনগনি অমসুং য়ু.এস এজেন্সশিংগী হেন্না মতেং পীনগনি। স্তেনফোর্দ য়ুনিভর্সিতিগী মোদেল্লিং ফোরমগা লোয়ননা ইন্দিয়া ইনর্জি মোদেল্লিং ফোরম শৌগৎকনি অমসুং ফোরমগী মখাদা ইনর্জি অমসুং অকোয়বগী ফিবমগী মতাংদা ৱারেপ লৌবদা মতেং পাংনবা অনৌবা কাংবু কয়াগী অপুনবা ওইনা থিজিনবা পাংথোক্কনি।
কোবিদ-১৯ অসি মীওইবা খুন্নাইগী থৌনা অমসুং ঐখোয়গী লৈবাক অনিগী মরক্তা লৈরিবা মরুপ-মপাং ওইবা অসিদা অচৌবা শিংনবা অমনি হায়বা খঙলে। অদুবু শিংনবা খুদিংমক মতম পুম্নমক্তা অনৌবা লম্বী থিনবা অমসুং অনৌবা পাম্বৈশিং পুথোক্নবা খুদোংচাবশিং পুরকই। ভারত অমসুং য়ু.এসগী কান্নবা ফংনবা স্তেনেবল গ্রোথ পিল্লারগী মখাদা নাকল অনিনা খ্বাইদগী ফবা থবকশিং অমসুং অনৌবা পাম্বৈশিং শরুক য়ামিন্নগনি। মসি ভারত অমসুং য়ু.এস অনিগী মরক্তা লৈরিবা স্ত্রাতেজিক ইনর্জি পার্তনরসিপকী মাইপাকপনি।
*******
(Release ID: 1640305)
Visitor Counter : 143