অনৌবা সাইন্স, তেক্নোলোজী এন্দ ইন্নোবেসন পোলিসী এস.তি.আই.পি. ২০২০ শেম্বগী অৱাংবা থাক্কী ইন্দস্ত্রীগী ৱা তান্ননবা রাউন্তেবল অমা এস.তি.আই.পি. ২০২০ সেক্রেতরিএতকা কনফিদরেসন ওফ ইন্দিয়ন ইন্দস্ত্রী (সি.আই.আই.) অমসুং সাইন্স পোলিসী ফোরমগা লোয়ননা চুংশিন্নদুনা ভর্চ্যুএল প্লেৎফোর্ম অমগী থোংদা জুলাই ২ – ৩, ২০২০দা পাঙথোক্লগনি। এস.তি.আই.পি. ২০২০ সেক্রেতরিএত অসি প্রিন্সিপল সাইন্তিফিক এদবাইজর (পি.এস.এ.)গী লোয়শঙ অমসুং দিপার্তমেন্ত ওফ সাইন্স এন্দ তেক্নোলোজী (দি.এস.তি.)গা পুন্না হোৎন্দুনা এস.তি.আই.পি. ২০২০গী পোলিসী শেম্বগী থবক পুম্নমক চুংশিন্নদুনা অমসুং পাঙথোক্নবা লিংখৎখিবনি।

ভারত সরকারগী প্রিন্সিপল সাইন্তিফিক এদবাইজর ওইরিবা প্রোফেসর কে. বিজে রঘবন অমসুং ভারত সরকারগী দিপার্তমেন্ত ওফ সাইন্স এন্দ তেক্নোলোজীগী প্রোফেসর অশুতোশ শর্মানা চ্যের লৌদুনা পাঙথোক্কদবা কান্নবা কয়ানা থল্লবা খন্ন-নৈনবা অসিনা শেমগদৌরিবা এস.তি.আই.পি. ২০২০না লৌশিংদা য়ুম্ফম ওইবা শেন্মীৎলোন অমা ওইবা ঙম্নবা লম্বেল য়াৎনবা ইন্দস্ত্রীগী হৈথোই-শিংথোইরবশিংদগী পাউতাকশিং লৌনবা হোৎনবদা মীৎয়েং থমগনি। ইন্দস্ত্রীগী লুচিংবশিংনা অনৌবা এস.তি.আই.পি. পোলিসীদা কান্নগদবা মখোয়গী ৱাখল্লোনশিং অমসুং পাউতাকশিং ফোঙদোক্নবা হায়জগনি।

ফোর্বস মার্শেল, ভারত ফোর্জ, ইনফোসিস, তি.ভি.এস., রিন্যু পাৱর লিমিতেদ, এ.ভি.এ.এ.দি.এ. গ্রুপ, কেদিলা ফার্মাকোতিকেলস, থর্মেক্স, মেদন্তা, তাতা কেমিকেলস, ইলিকো লিমিতেদ, পেনাসিয়া বাইওতেক লিমিতেদ, তাতা স্তীল, সিরম ইন্সতিত্যুৎ ওফ ইন্দিয়া, মেপমাইজেনোম, মেয়লিন ফাউন্দ্রী, অর্বান ক্লেপ, জুবিলেন্ত ভারসিয়া গ্রুপ, তেক মহিন্দ্রা, ব্লু স্তার লিমিতেদ, পি.আই. ইন্দস্ত্রিস লিমিতেদ, সিয়ান্ত লিমিতেদ, হাই-তেক গ্রুপ, স্নেপদিল, তেজাস নেৎৱার্কস মলিমিতেদ, মহিন্দ্রা, মাস্তেক লিমিতেদ, তি.সি.এস., রিলাইন্স, স্তর্লাইৎ তেক্নোলোজিস লিমিতেদ অমসুং দি.সি.এম. শ্রিরাম সুম্বা মকোক থোংদুনা লুচিংলিবা তোঙান তোঙানবা ইন্দস্ত্রীশিংনা এস.তি.আই.পি. ২০২০দা মখোয়গী ৱাখল্লোনশিং অমসুং অপাম্বশিং ফোঙদোক্কনি।

মসি সাইন্স, তেক্নোলোজী এন্দ ইন্নোবেসন পোলিসী শেম্নবা অৱাংবা থাক্কী ইন্দস্ত্রীগী ওইনা অহানবা ৱা তান্নবা ওইগনি মখোয়গী দিসেন্ত্রেলাইজ ওইবা, পুম্নমক্না শরুক য়াবা অমসুং ইনক্লুসিব দিজাইনগী থবক থৌরমগী মওংশিং অসিনা মরু ওইরিবশিংগী অমুক হন্না ললোং য়াত্থোকপা, অখন্নবা মফম অমদা মীৎয়েং চংবা, অচৌবা সোসিও-ইকনোমিক্কী য়াইফ থৌরাংগীদমক রিস্রচ অমসুং তেক্নোলোজী দিবেলপমেন্তগী পাম্বৈশিংদা পান্দম থম্লি।

সাইন্স, তেক্নোলোজী এন্দ ইন্নোবেসন পোলিসী এস.তি.আই.পি. (এস.তি.আই.পি. ২০২০) অসি ভারত অমসুং মালেমনা কোবিদ-১৯গী খুদোংথিবা অসি থোক্লিঙৈ অসিদা (পি.এস.এ.গী লোয়শঙ) অমসুং দি.এস.তি.না পুন্না হৌদোকপনি। অনৌবা পোলিসী অসি ২০১৩দা ফোর্ম্যুলেৎ তৌখি মসিনা হান্না লৈরম্বা পোলিসী মহুনশিন্নবা চহি অসিগী অরোইবা শরুক্তা ফোঙগনি।

এস.তি.আই.পি. ২০২০ শেম্বগী থবক অসি চাওনা মরী লৈনবা ত্রেক ৪ থোক্না খাইদোকই মসিনা পোলিসী অসি শেম্বদা ৱা তান্ননবা স্তেকহোল্র ১৫,০০০ রোমদা য়ৌনবা হোৎনগনি। ত্রেক I অসিদা পোলিসী অমা দ্রাফ তৌবগী থবক চত্থরিঙৈ অমসুং মতুংদা মশিং য়াম্লবা পব্লিক অমসুং এক্সপর্ত পুলদগী ইনপুৎশিং পীরক্নবগীদমক্তা লৈরিবা প্লেৎফোর্ম অমা ওইরিবা সাইন্স পোলিসী ফোরম - অসিগী খুত্থাংদা পাক শন্না মীয়াম অমসুং এক্সপর্তশিংগা ৱা তান্নবগী থবক থৌরম য়াওরি।

ত্রেক II অসিদা পোলিসী দ্রাফ তৌবগী থবক চত্থবদা এক্সপর্তশিংগী ওইবা থেমেতিক কন্সল্তেসনশিং ফংলকপা অদু প্রমানগা লোয়ননা রিকম্মেন্দশিং তৌবা। হীরম অসিদা মীৎয়েং চংনবা থেমেতিক গ্রুপ কুন-মাথোই (২১) শেমখ্রে। ত্রেক III  অসিনা মন্ত্রালয়শিং অমসুং ৱার‍্যগা লোয়ননা তান্নগনি অমরোমদা ত্রেক IV অসিনা এপেক্স লেবেলগী মল্তি-স্তেকহোল্দরগী ৱা তান্নবা য়াওরি।