ইন্দিয়ন কাউন্সিল ওফ এগ্রিকলচরেল রিসর্স (আই.সি.এ.আর.)না ঙসি মখোয়গী ৯২শুবা হৌদোকপগী নুমিৎ পাংথোকখ্রে। থৌরমসিদা কেন্দ্রগী লৌউশিংউ অমসুং লৌউবশিংগী য়াইফ য়ুম্বাল মন্ত্রী শ্রী ন্রেন্দ্র সিংহ তোমারনা হৌখিবা দিকেদ মাপন্দা আই.সি.এ.আর.না লৈবাক অসিগী ওইবা লৌউ-শিংউবগী হীরমদা চাউখৎপা পুরকপদা তেংবাংলিবা এগ্রিকলচরেল সাইন্তিস্ত কয়ানা কন্না হোৎনবগী থৌদাংশিং অসিবু থাগৎপা ফোংদোকখি। সাইন্তিস্তশিংনা থিজিন হুমজিনবা অমসুং লৌউবশিংনা কন্না হোৎনবদগী ঙসিদি ভারত অসি চেং-হ ৱাই হেন্দোক পাথোক্না পুথোকপা ঙম্লে। কোবিদ-১৯গী লায়চৎ মনুংসিদা অকক্নবা মতমগী মনুংদা লৌরোক য়াম্না পুথোকপা ঙম্বগীদমক লৌউবশিংগী খুন্নাইবু থাগৎপা ফোংদোক্লি। শ্রী তোমারনা প্রধান মন্ত্রী নরেন্দ্র মোদীবু লৌউবশিংদা মখোয়গী পোত্থোকশিংগী চান্নবা মমল ফংহন্নবগীদমক্তা মতম কুইন্দগী পন্দুনা লৈরক্লবা আইনগী শেমদোকপা অমসুং পাংথোক্কদবা থবক কয়া লাউথোকপগীদমক থাগৎপা ফোংদোক্লি। আই.সি.এ.আর. অমসুং কে.ভি.কে.গী সাইন্তিস্তশিংনশু কেন্ত্রেক্ত ফার্মিংগী কান্নবশিং অসি অপিকপা লৌউবশিংদশু ফংহন্নবা হোৎনগদবনি হায়খি।

তরাশুবা দিকেদ অসিগী মনুংদা পুসা ইন্সতিত্যুৎ (আই.এ.আর.আই.) অসিগী লৈবাক্কী থাক্তগী মালেমগী থাক্তা পুখৎলগনি হায়না সাইন্তিস্তশিংদা থাজবা পীরদুনা মন্ত্রীনা হায়খিবদা মপান লমদগী পোত্থোকশিং পুরকপা হন্থহনবা, মচি ওইবা পোত্থোক পুথোকপা হেনগৎপা অমসুং হৱাই অমসুং থাউ থোকপা মহৈ মরোংশিং পুথোকপা হেনগৎপগী তঙাই ফদবা লৈ হায়খি। থাউ থোকপা মহৈ মরোংগী মখলশিং পুথোকপা অহেনবা মিৎয়েং চংলদুনা শ্রী তোমারনা হায়খিবদা ৱাত্ত-পাদবা ওইনা হৱাই পুথোকপা ঙম্লিবা অসিগুম্না থাউ থোকপা মহৈ মরোং পোত্থোকশিংশু পুথোক্তুনা মপান লুমদগী পুশিল্লকপা হন্থহনফম থোকই হায়খি।

থৌরম অসিদা অনৌবা পোত্থোক ১০ অমসুং চেফোং ৮শু ফোংখি। লৌউ-শিংউগী রাজ্যগী কেন্দ্রগী মন্ত্রী শ্রী পরশোত্তম রুপালা অমসুং শ্রী কৈলাশ চাউধরি; আই.সি.এ.আর.গী দাইরেক্তর জেনেরেল দাঃ ত্রিলোচান মাহাপাত্রা অমসুং আই.সি.এ.আর.গী সাইন্তিস্ত অমসুং ওফিসিএল কয়ানা থৌরমদুদা শরুক য়াখি।

ইন্দিয়ন কাউন্সিল ওফ এগ্রিকলচরেল রিসর্স (আই.সি.এ.আর.) অসি ভারত সরকারগী লৌউ-শিংউ অমসুং লৌউবশিংগী য়াইফ য়ুম্বাল মন্ত্রালয়গী এগ্রিকলচরেল রিসর্স এন্দ ইদুকেসন (দি.এ.আর.ই.)গী মখাদা লৈবা ওতোনোমস ওর্গনাইজেসন অমনি। মসি জুলাই ১৬, ১৯২৯দা সোসাইতী রেজিস্ত্রেসন এক্ত, ১৮৬০গী মখাদা রেজিস্তর তৌরবা সোসাইতী অমা ওইনা লিংখৎখিবনি। কাউন্সিল অসি লৈবাক পুম্বগী ওইনা থৌরাং য়াৎমিন্নবগী, রিসর্স তৌবদা তাকপিবা অমসুং শেন্নবিবা অমসুং হোর্তিকলচর, ঙা-য়োকপা অমসুং শা-ঙাগী সাইন্সকী মহৈ-মশিং পীববগী খ্বাইদগী মথক থংবা বোদি অমনি। মসিনা লৈবাক শিনবা থুংনা আই.সি.এ.আর. ইন্সতিত্যুৎ ১০২ অমসুং এগ্রিকলচরেল য়ুনিবর্সিতী ৭১ লৈদুনা মালেমদা লৈবা লৈবাক অমগী খ্বাইদগী চাউবা লৌউ-শিংউগী পথাপ অমনি।

আই.সি.এ.আর.না মসিগী রিসর্স অমসুং তেক্নোলোজী চাউখৎপগী খুত্থাংদা ভারত্তা গ্রীন রিবোল্যুসন পুরকপদা অমসুং লৌউ-শিংউবগা মরী লৈনবা চাউখৎপা কয়া পুরকপদা তেংবাংদুনা লৈবাক্কী চিঞ্জাক অমসুং ন্যুত্রিস্নেল সেক্যুরিতী পীবদা মশক থোকপা থৌদাং পাংথোকপা উবা ফংলি। মসিনা লৌউ-শিংউগী মতাংদা থাক ৱাংবা অফবা মওংগী তাকপি তম্বিবদশু তেংবাংলি।

ইন্দিয়ন কাউন্সিল ওফ এগ্রিকলচরেল রিসর্সনা ইন্সতিত্যুসনশিং, সাইন্তিস্তশিং, ওজাশিং, লৌউবশিং অমসুং লৌউ-শিংউগী পাউমী কয়াবু চহী খুদিংগী মশক খংদোক্তুনা মনা পীদুনা লাক্লি। হন্দক্কী চহীগী ওইনসু তোঙান তোঙানবা কাংলুপ ২৯গী মখাদা মনা পীনবা মীওই ১৬০ খনগৎখ্রে। মসিগী মনুংদা ইন্সতিত্যুসন ৩, আই.আর.সি.আর.পি. ২, কে.ভি.কে. ১৪, সাইন্তিস্ত ৯৪, লৌউবা ৩১, পাউমী ৬ অমসুং আই.সি.এ.আর. ইন্সতিত্যুৎ কয়া অমগী স্তাফ মেম্বর ১০ য়াওরি। মনা ফংগদবা মীওই ১৪১গী মনুংদা নুপী ১৯ য়াওবসি য়াম্না হরাওনিংঙাইনি।

এগ্রিকলচরেল য়ুনিবর্সিতীশিং অমসুং দীম য়ুনিবর্সিতী কয়াগী মনুংদা গোবিন্দ বল্লভ পন্ত য়ুনিবর্সিতী ওফ এগ্রিকলচর অমসুং তেক্নোলোজী, পন্তনগরদা তাকপি তম্বিবা, রিসর্স তৌবা, এক্সতেন্সন অমসুং অনৌবা থৌওং পাংথোকপগী হীরম কয়াদা খোংজেল থুবগী খ্বাইদগী ফবা এগ্রিকলচর য়ুনিবর্সিতীগী মনা পীখ্রে; ইন্সতিত্যুৎ কয়াগী কাংলুপশিংগী মনুংদগী আই.সি.এ.আর.-সেন্ত্রেল মেরিন ফিশরী রিসর্স ইন্সতিত্যুত্তা খ্বাইদগী ফবা ইন্সতিত্যুসনগী মনা পীখ্রে অমসুং অপিকপা আই.সি.এ.আর. ইন্সতিত্যুসনশিংগী কাংলুপকী মনুংদগী আই.সি.এ.আর.-সেন্ত্রেল ইন্সতিত্যুৎ ফোর রিসর্স ওন কত্তন তেক্নোলোজী, মুম্বাইদা খ্বাইদগী ফবা আই.সি.এ.আর. ইন্সতিত্যুসনগী মনা পীখ্রে।

ওল ইন্দিয়া কো-ওর্দিনেতেদ রিসর্স প্রোজেক্ত ওন সোরঘুম, হায়দ্রবাদ অমসুং ওল ইন্দিয়া কো-ওর্দিনেতেদ রিসর্স প্রোজেক্ত ওন মেজ, লুধিয়ানাদা পুন্না চাউধরী দেবি লাল আউৎস্তেন্দিং ওল ইন্দিয়া কো-ওর্দিনিতেদ রিসর্স প্রোজেক্ত এৱার্দ ২০১৯গী মনা পীখ্রে। লৈবাক্কী থাক্কী কে.ভি.কে.গী দীন্দয়াল উপাধ্যায় কৃশি বিগ্যান প্রোৎশাহন পুরস্কার অসি মধ্য প্রদেশকী দাতিয়াগী কৃশি বিগ্যান কেন্দ্র অমসুং আন্ধ্র প্রদেশকী বেঙ্কতারামন্নাগুদেমগী কৃশি বিগ্যান কেন্দ্রদা মসিগী মশক থোকপা এক্সতেন্সন/আউৎরিচ থবকশিংগী মরম ওইদুনা জিলাশিং অসিগী লৌউ-শিংউ অমসুং মরী লৈনবা হীরমশিংদা কান্নবা পুরকপগীদমক পুন্না পীখ্রে।

প্রিন্ত মীদিয়াগী  পাউমী ৪ অমসুং ইলেক্ত্রোনিক মীদিয়াগী ২দা এগ্রিকলচরেল জর্নেলিজম ২০১৯গী চাউধরী চরন সিংহ মনা পীখ্রে।

মনা ফংলবা মীওইশিং

***