অরুনাচল প্রদেশকী অশং অমান মরক্তা অল্তিত্যুদ ফুৎ ২,০০০দা ইংনা চিকনা খন্দারিবা খুঙ্গং সেরিন অসি হৌজিক্তি হরাও-নুংঙাইবনা থল্লে। মনুং হঞ্জিন্না লৈরিবা খুঙ্গং মচা অসিদা চৎপা হায়বা অসি অরাইবা থবক অমা নত্তে। স্তেৎ অসিগী কাম্লে জিলাগী রাগা ব্লোক্তা লৈবা তামেনদা লৈরিবা সেরিন অসি য়ৌনবা চৎপদা খোঙনা য়ামদ্রবদা নুমিৎ অমা চিংথক্তা কাবা মথৌ তাই। মফম অসি চংবদা অৱাবা ওই অমসুং মফম অসিগী মীয়ামগী পুন্সিদসু অৱাবা ওইরি। সেরিনদগী খ্বাইদগী নকপা পক্কাগী লম্বীগী মরক্তা লৈরিবা অরাপ্পা অসি কি.মি. ২২নি। খুঙ্গং অসিগী মীশিং ১৩০ লৈ অমদি ন্যশি ত্রাইবনা খুন্দাবা মফম অমনি। য়ুমথোং খুদিংদা হৌজিক তোতি ঈশিং য়ৌহন্দুনা মখোয়গী য়ুমদা থক্নবা ঈশিং পীবা ঙম্বা অসিদা মখোয়গী নুংঙাইবগী ঙমখৈ লৈত্রে। মরু ওইনা সেরিন খুঙ্গংগী অহলশিংগী ওইনা মমাংদা থক্নবা ঈশিং শোকপা অসি মতম য়াম্না চংবা অমসুং অৱাবা থবক অমা ওইরম্মী মরমদি মখোয়না মনাক নকপা লোক্কী ঈশিং তাবা মফমদগী ঈশিং শোকপা চৎলম্মি। অদুবু সেরিন ৱাতর সপ্লাই স্কিমগী থৌজালদগী ঙসি য়ুমথোং খুদিংদা তোতি ঈশীং ফংবা ঙম্লে।

মীপুম খুদিংদা অফবা থক্নবা ঈশিং ফংহন্নবা পান্দমগা লোয়ননা সরকারগী অচৌবা প্রোগ্রাম অমা ওইরিবা া সরকারগয়ুমথোং খুদিংদা তোতি ঈোতি ্জল জীবন মিসনগী মখাদা অরুনাচল প্রদেশ সরকারনা ২০২৩ ফাওবগী মনুংদা স্তেৎ অসিগী  য়ুমথোং খুদিংদা তোতি ঈশিং ১০০% ফংহন্নবা  হোৎনরি। মসি প্রধান মন্ত্রীনা লৈবাক অসিগী মীয়াম, মরু ওইনা খুঙ্গংগী মীয়ামগী পুন্সি ফগৎহন্নবগী ৱাখল্লোন অদুনি। মিসন অসিনা খুঙ্গংগী মফমদা লৈরিবা মীয়ামগী পুন্সিদা অওনবা পুরক্নবা পান্দম থম্লি। চীংগী মফমশিংদা ঈশিং শোকপা মফম অমদা চৎপা অসি য়ুমগী নুপী অঙাংদা অচৌবা পোৎলুম অমা ওইরি মসিনা মখোয়গী হকচাংদা অৱাবা পীরি। অৱাবা থবক অসি হন্থহন্নবা মিসন অসি থৌজাল অমা ওইরি অমসুং মসিনা খুঙ্গংগী য়ুমথোং খুদিংদা অফবা ক্বালিতিগী থক্নবা ঈশিং মরাং কাইনা চাং নাইনা অমদি মতম শাংনা ফংহন্নবা পান্দম থম্লি। স্তেৎশিংনা খুঙ্গং খুদিংমক্তা পীরিবা ঈশিং অদু লোকেল লেবেলদা তেস্ত তৌনবা ফিল্দ কিৎশিং শীজিন্নবা হৈনবা তাক্নবা মীওই মঙা মরু ওইনা নুপী মথৌ তাই ।

সেরিন ৱাতর সপ্লাই প্রোজেক্ত অসি ইমপ্লিমেন্ত তৌবা অসি অৱাবা থবক অমা ওইখি। খুঙ্গং অসি চীংদোনদা লৈবনা মরম ওইরগা লৈঙোই, নুং কুপশিং, নুংদুমশিং অসিনচিংবা তুরেনগী লৈনুংদা লৈবা পোৎলমশিং অসি খুঙ্গংদগী মখা কুমথরগা লৈবা তুরতেলদগী লৌখৎপা মথৌ তাখি। মসিগী মথক্তা স্তীল, সিমেন্ত, পাইপ অসিনচিংবা অচৌবা অরুম্বা পোৎলমশিং  অসি খ্বাইদগী নকপা গারি চংবা য়াবা লম্বীদগী থবক মফম ফাওবদা চীংথক তান্না কোক্তা হাপতুনা পুখৎখি। প্রোজেক্ত অসিগীদমক শেল হেন্না চংবা মসিগী মথক্তা স্কিল লৈবা শিন্মী মফম অদুদা লৈতবনা খুদোংচাদবগী শরুক হেন্না হেনগৎহল্লি। অদুবু থবক অসি পি.ঐচ.ই. বিভাগনা হৈ-শিংনা প্লান তৌখি অমসুং ইমপ্লিমেন্ত তৌখি।

চীংগী লমগী স্তেৎ অমা ওইবনা অরুনাচল প্রদেশতা গ্রেবিতীদা য়ুম্ফম ওইবা ৱাতর সপ্লাই স্কিল শীজিন্নৈ মসিগী অর্থদি চীংথক্তা লৈবা সোর্স অমদগী খুঙ্গংদা ঈশিং থাবদা গ্রেবিতীগী শাফু অসি শীজিন্নৈ। লৈমায়দা লৈবা সোর্সতগী ঈশিং অসি লৌশিন্নবা স্ত্রকচর অমা শেমদুনা য়োকশিল্লি মসিনা পাইপ সিস্তেমগী খুত্থাংদা খুঙ্গংদা য়ৌহল্লি। মমাংঙৈ মতমদা ৱাতর ত্রিৎমেন্ত প্লান্ত অসি অয়াম্বনা শীজিন্নরমদে মরমদি পর কেপিতাগী কাংলোনদা অককনবা লৈরম্মী। অদুবু হৌজিক্তি জল জীবন মিসন হৌদোকখিবদগী ৱাতর ত্রীমেন্ত প্লান্তশিং অসি থক্নবা ঈশিংগী অফবা ক্বালিতী ফংহন্নবা স্কিমশিং অসিগী মরু ওইবা শরুক ওইরে। ত্রিৎমেন্ত তৌরবা মতুংদা ঈশিং অসি খুঙ্গংগী মথক্তা শারিবা তরু তনানবা রিজর্বর অমদা থমগনি, মসিদগী পাইপশিংগী নেৎৱার্ক খায়দোক্তুনা ঈশিং অসি এফ.ঐচ.তি.সি.দা  য়েন্থোক্কনি। অচৌবা খুঙ্গংশিংদা ঈশিং পীবগী চাং অসি মান্ননা ফংহন্নবা খুঙ্গং মনুংদা দিস্ত্রিব্যুসন তেঙ্কশিং থম্লি।

সেরিন খুঙ্গং অসি ফ্রন্তিয়র স্তেৎকী মথন্তা ঙাইবা খুদম অমা নত্তে। অপ্পর সিয়াং জিলাগী অল্তিত্যুদ ফুৎ ৩,৩০০দা লৈরিবা য়ুমথোং ৭৯ লৈবা অমসুং মীশিং ৩৮০ লৈবা অতোপ্পা খুঙ্গং দালবিং অসি ,কম্ম্যুনিতী মোবিলাইজেসনগী ফজবা খুদম অমনি। অদি ত্রাইবনা খুন্দবা খুঙ্গং অসি চীংদোলদা লৈ। জল জীবন মিসন অসি দিসেন্ত্রেলাইজ ওইবা, মথৌ তাবগী মতুং ইন্না চল্লাইবা অমসুং মীয়াম্না য়েশিনবা ৱাতর সপ্লাই স্কিল অমা ওইবনা মরম ওইরগা দালবিং খুঙ্গংগী খঞ্জাশিংনা থবক শুবদা মীয়াম পুন্না য়াওদুনা হোৎনরি। ইন্তর্নেস্নেল ঙমখৈগী বোর্দর ব্লোক অমা ওইরিবা অপ্পর কার্কো খুঙ্গংদা অসিগা মান্ননা থবক লৌখৎখি। এফ.ঐচ.তি.সি.শিং ফংহন্নবগী থবক থৌরম পায়খৎলিঙৈ মনুংদা, পাইপ অমসুং শেমগৎ শাগৎপগী মচাকশিং অদু খুঞ্জাশিং হোনখি। মখোয়না পি.ঐচ.ই.দি.গী পাইপ তিংবগী থবক্তসু মতেং পাংখি।

অরুনাচল প্রদেশকী খ্বাইদগী নোংপোক থংবা জিলা ওইরিবা লোঙদিং জিলাদা অল্তিত্যুদ ফুৎ ৩,৯০০দা লৈবা অতোপ্পা খুঙ্গং পুমাও অসিদা স্বাস ভারত মিসনগী মখাদা তোইলেৎশিং শাখ্রে অদুবু তোতি ঈশিং তাদবনা মরম ওইরগা খুঞ্জাশিংননা শীজিন্নবা ঙমদনা লৈরি। হৌজিক্তি মখোয়গী য়ুমথোংদা ঈশিং ফংলবা মতুংদা মখোয়না হরাওনা তোইলেৎশিংসু শীজিন্নবা ফংলে।

চীংগী লম ওইবা অমসুং অৱাংবা মফম ওইবানা জল জীবন মিসন মফম অসিদা ইমপ্লিমেন্ত তৌবা অসি অৱাবা থবক অমা ওইখি। অইং অশাগী ফীভম ফত্তবা  অমসুং লম্বী-থোং ফত্তবনা মরম ওইরগা অপনবা কয়া থোকহল্লি।  মখোয়গী থাজবশিং লৈজবা অমসুং পুন্সি মহিং শেমদোক্নবা হোৎনবদা য়াম্না ৱাবা খুঞ্জাশিংগী লমচৎ শাজৎকী ওইবা অওনবা পুরকপা অসিদসু চপ মান্ননা অৱাবা থেংনখি।অদুবু খুঙ্গংশিং অসিগী মায় পাকপগী ৱারীশিং অসিনা কেন্দ্র সরকারনা তুংলমচৎতা মীয়াম, মরু ওইনা নুপী অঙাংগী পুন্সি ফগৎনবা হোৎনরিবা অসিগী অফবা খুদম অমা ওইরে।

***