ইনকম তেক্স বিভাগনা তেক্স থিরিবশিংগী খুদোংচাহন্নবগীদমক্তা মশানা য়ানা ইনকম তেক্সকী পরম অদু ইলহন্নবগীদমক্তা জুলাই ২০, ২০২০ নিংথৌকাবা নুমিত্তগী ই-কেম্পেইন চত্থবা হৌরগনি। নুমীৎ ১১নি চত্থগদবা কেম্পেইন অসি শেনবা চহি ২০১৮-১৯গী ওইনা মখোয়গী হন্দোরক্নবগীশিংদা ফাইল তৌখিদবা নত্রগা  মান্নদবা/অৱাৎপা লৈবশিং ওইবা শেল থিগদৌরিবা/ইনকম তেক্স থিগদৌরিবা জুলাই ৩০, ২০২০দা লোইশিনগনি।

ই-কেম্পেইন অসিগী পান্দমদি তেক্স থিগদৌরিবশিংনা আই.তি. বিভাগতা মখোয়গী তেক্স/শেলগী ত্রাঞ্জেক্সন তৌবগী ই-পাও অদু ওনলাইন্দা চৎনবা য়াহন্নবগীদমক্তা মরুওইনা শেনবা চহি ২০১৮-১৯গী ওইনা অমসুং মশানা য়ানা নোতিস অমদি স্ক্রুতনী তৌবগী থবক চত্থরক্তনা তৌজহন্নবগীদমক খুদোংচাহন্নবগীদমক্তনি।

ই-কেম্পেইন অসি তেক্স থিরিবশিংদা কান্নহন্নবা তৌবনি। ই-কেম্পেইন অসিগী মখাদা ইনকম তেক্স বিভাগনা তেক্স থিরিবশিংনা মখোয়গী শেল ত্রাঞেজেক্সন তৌবগা মরি লৈনবা স্তেতমেন্ত ওফ ফাইনান্সিএল ত্রাঞ্জেক্সন্স(এস.এফ.তি.), তেক্স দিদক্সন এত সোর্স(তি.দি.এস.), ফোরেন রেমিতেন্সেস(ফোর্ম ১৫ সি.সি.)নচিংবা সোর্সতগী আই.তি. বিভাগনা ফংবা ই-পাওগা মরি লৈনবা মশক খংদোক্নবা তেক্স তিরিবশিংদা ইমেল/এস.এম.এস. থাগনি।  বিভাগ অসিনা ই-পাও ত্রাইঙ্গুলেসন শেমগৎনবা অমসুং দেতা এনালাইতিক্সকী মখাদা সেক্যুরিতীশিং, দিরাইভেতিবশিং, কোমোদিতীশিং, ম্যুচুএল ফন্দশিংনচিংবদা জি.এস.তি., এক্সপোর্তশিং, ইম্পোর্তশিং অমসুং ত্রাঞ্জেক্সনশিংগা মরি লৈনবা ই-পাওশিং খোমজিনখ্রে।  

দেতা এনালাইসিস তৌবা অসিদা শেনবা চহি ২০১৯-২০(শেনবা চহি ২০১৮-১৯গা মরি লৈনবা)গী ওইনা তেক্স হন্দোরক্নবগী ফাই তৌখিদ্রিবা ত্রাঞ্জেক্সন চাং ৱাংনা তৌবা তেক্স থিবা কয়া অমা মশক খংদোকপা ঙমখ্রে হায়না ফোংদোক্লি।  মসিদা নত্তনা ফাইল-তৌদবশিংদা মখোয়গী ইনকম তেক্স হন্দোরক্নবগী পরিংদা চাং ৱাংনা ত্রাঞ্জেক্সন তৌখিবা তেক্স হন্দোরক্নবগী ফাইল তৌখিবা চবুন অমসু মশক খংদোকখ্রে। 

মসিগী ই-কেম্পেইন অসিগী মখাদা তেক্স থিরিবশিংনা মখোয়গী চাং য়াম্না ত্রাঞ্জক্সনগী ওইবা ই-পাওগা মরি লৈনবা মরিক চুম্বা ৱারোল অদু মসিগী ওইনা সেম্লবা পোর্তেল অসিদা খংবা ঙম্লগনি।  মখোয়না মসিগী ওপ্সনশিংসিদগী অমা খল্লগা ওনলাইন্দা মখোয়গী পাউখুম অদু পীশিনবা য়ারগনি: (i) ই-পাও অসি চুম্মি, (ii) ই-পাও অসি মপুং ফানা চুমদে, (iii) অতোপ্পা মীওই/চহিগা মরি লৈনবা ই-পাও, (iv) ই-পাও অসি অতোপ্পদা উহল্লিবা ই-পাওগী অশাবনি/য়াওরে, অমসুং (v) ই-পাও অসি য়ারক্ত্রে। পাউখুম অসি ওনলাইন্দা পিশিনখ্রবা মরম্না ইনকম তেক্স ওফিসতা চৎপগী মথৌ তারোই।

থিগদবা চহি ২০১৯-২০(শেনবা চহি ২০১৮-১৯গা মরী লৈননা) ফাইল তৌনবগা লোয়ন-লোয়ননা ইনকম তেক্স থিবগী অরোইবা নুমীৎ অসি জুলাই ৩১, ২০২০নি হায়বসি নিংশিংনিংঙাই ওই। তেক্স থিগদবশিংদা মখোয়গী লায়না অমদি কান্ননবা ই-কেম্পেইন অসিদা শরুক য়াদুনা খুদোংচাবা অসি লৌনবা খংহললক্লি।

***