লৈবাক্কী মনুংদা লৈবা মফমশিং অমসুং মালেমগী মফমশিংদা চত্থোক চৎশিনবা তৌবা অনিমক অসিনা কোবিদ-১৯ শন্দোকপগী অচৌবা মরম অমা ওইরি। চত্থোক চৎশিন তৌবগী মরু ওইবা পোৎশক অমা ওইরিবা পোৎয়োম অসি মীওই কয়া অমনা পাইনবনিনা ভাইরস শন্দোকপগী পাম্বৈ অমা ওই অমসুং মসি মীওই অমনা হেক পাইবা লোইবগা দিসইনফেক্ত তৌবা তঙাই ফদে। লোকদাউন লোইরবা তুংদা এয়রপোর্ত, রেলৱে স্তেসন অমসুং কম্মর্সিএলগী মফমশিংদা মী য়াম্না তিনবা হেনগৎলক্কদবা অসিনা মরম ওইদুনা কোবিদ-১৯ শন্দোকপা থিংনবা পোৎয়োমশিং অসি সেকেন্দ খরগী মনুংদা দিসইনফেক্ত তৌবগী তঙাই ফদবশিং য়াম্না হেনগৎলক্লি।

পোৎয়োমশিংগী খুত্থাংদগী ভাইরস শন্দোকপা থিংনবা হায়দুনা ভারত সরকারগী সাইন্স অমসুং তেক্নোলোজী বিভাগকী ওতোনোমস আর. এন্দ দি. সেন্তর ওইরিবা হায়দ্রবাদতা লৈবা ইন্তর্নেস্নেল এদবান্সদ রিসর্চ সেন্তর ফোর পাউদর মেতালর্জী অমসুং ন্যু মেতরিএল (এ.আর.সি.আই.) অমসুং বেহান্ত তেক্নোলোজীজ, নোইদানা খুৎশম্নদুনা ক্রিতিস্কেন® য়ু.ভি. বেগেজ দিসইনফেক্সন সীস্তেম অমা পুথোকখ্রে।

নিংথিনা তাশিন্দুনা মফম অমদা থম্বা য়ানবা পুথোক্লিবা য়ু.ভি.সি. কনবেয়র সীস্তেম অসিনা কনবেয়র অসি ফাওদুনা চৎপা পোৎয়োমশিং অসি সেকেন্দ খরগী মনুংদা নিংথিনা দিসইনফেক্ত তৌবা য়াই অমসুং এয়রপোর্ত, রেলৱে অমসুং বস স্তেসনশিং, হোতেলশিং, কম্মর্সিএল অমসুং লন্নাইগী মফমশিংদা পোৎয়োমশিংবু অথুবা মতমদা দিসইনফেক্ত তৌনবা শিজিন্নবদা য়াম্না চান্নবা ওইগনি।

য়ু.ভি.সি.দা য়ুম্ফম ওইবা দিসইনফেক্ত তৌনবা পথাপশিং অসি অথুবা মতমদা দিসইনফেক্ত তৌবা ঙম্বগীদমক্তা মীয়াম্না খংনৈ অমসুং দিসইনফেক্ত তৌবগী থৌওং অসি চোৎহন্দনা অমসুং কেমিকেল য়াওদনা পাংথোকই। এন.এম. ২৫৪গী য়ু.ভি.সি. ইরেদিএসন অসি মসিগী মহিক হাৎপা ঙম্বা মতিক্কীদমক্তা খংনৈ অমসুং মসিনা কেমিকেলগী লেমহৌবা পোৎশক অমত্তা লৈহন্দে। য়ু.ভি.সি.গী মঙাল অসিনা মহিক পকপা মমায়দা তাবা মতমদা ভাইরসকী জেনেতিক ওইবা পোৎশকশিংবু কায়থহন্দুনা মচা পোকপগী থৌওং থোকহন্দে।

ক্রিতিস্কেন য়ু.ভি. এদবান্সদ বেগেজ দিসইনফেক্তিং সীস্তেমদা অখন্ননা শেম শারবা মোতোরাইজদ কনবেয়র অমা হাপ্তুনা পোৎয়োমশিং অসিবু  মাইক্রোব অমসুং ভাইরস হাৎপা ঙম্বা য়ু.ভি.সি. মঙাল (এন.এম. ২৫৪) শিজিন্নবা দিসইনফেক্সন তন্নেল অমদা চংহল্লি। পথাপ অসিদা শিজিন্নরিবা য়ু.ভি.-সি. লেম্প অসি চেৎনা কুপশিল্লি অমসুং মসিনা মরম ওইদুনা পথাপ অসিগী মনাক্তা লৈবা স্তাফশিং অমসুং পেসেঞ্জরশিংদা অকায়বা অমত্তা থোকহন্দে। তৌবতবু য়ু.ভি.সি.গী সোর্সসশিং অসিনা মথৌ তৌরিঙৈদদি মীওই অমত্তনা খুৎ-শা শাংদনবা অকনবা চেকশিনৱা অমদি মীয়ামদা খংহনবা লৈ।

ইন্তর্নেস্নেল এদবান্সদ রিসর্চ সেন্তর ফোর পাউদর মেতালর্জী অমসুং ন্যু মেতরিএল (এ.আর.সি.আই.)গী দাইরেক্তর দাঃ জি. পদ্মানাভন্না হায়বগী মতুং ইন্না এ.আর.সি.আই.না মমাংদা য়ু.ভি.সি.দা য়ুম্ফম ওইবা দিসইনফেক্সন সীস্তেমগী মতাংদা থেংনখিবশিং অদুগী মতুং ইন্না হৌজিক খিনগদৌরিবা মফমশিংগা চান্নবা য়ু.ভি. দোজকী চাং অমসুং দিসইনফেক্সন তন্নেলশিংদা শিজিন্নগদবা য়ু.ভি.সি.গী অকুংবগী চাং খংনবা কাংলোনশিংগী ইনপুত পীখি। অমরোমদা বেহান্ত তেক্নোলোজীনা মখোয়না মমাংদা থেংনখিবশিংদা য়ুম্ফম ওইদুনা ক্রিতিস্কেন® য়ু.ভি. বেগেজ দিসইনফেক্সন সীস্তেম শেম-শাবদা মখোয়গী হৈ-শিংবশিং শিজিন্নদুনা তেংবাংখি অমসুং ক্রিতিস্কেন য়ু.ভি.সি. সীস্তেম অসি হায়নখিবা অকক্নবা মতমগী মনুংদা শাবা ঙমহনখি।

“বেহান্ত তেক্নোলোজীনা মীয়াম্বু তেক্ত কায়দনা থম্বগী অমত্তা ঙাইরবা পান্দম থমদুনা কোবিদ-১৯গী ইরাং মনুংদা অহিং-নুংথিল নায়দনা থবক তৌরি। পেসেঞ্জরশিংগী পোৎয়োমশিং অসিনা কোবিদ-১৯ শন্দোকহনবগী পাম্বৈ ওইবা য়াবা অসিনা ঐখোয়না এ.আর.সি.আই.গা খুৎশম্নদুনা ক্রিতিস্কেন® য়ু.ভি. বেগেজ দিসইনফেক্সন সীস্তেম অমা পুথোকখ্রে। চেম্বর অসিদা য়াওরিবা সেন্সিং মেকানিজম অসিনা মসিদা পোৎশক অমা চংলকপা মতমদা মথন্নতা খংবা ঙমদুনা সীস্তেম অসি থাগৎচদুনা পোৎয়োমগী ৩৬০-দিগ্রীগী মমায়শিংবু দিসিনফেক্ত তৌই”, হায়না বেহান্ত তেক্নোলোজীগী সি.ই.ও. অমসুং কো-ফাউন্দর ওইরিবা শ্রী কপিল বারদেজানা হায়খি।

“অসিগুম্লবা অনৌবা থৌওং কয়া অসিনা ভাইরস অসিগী মতমদা মীওইশিংনা চত্থোক চৎশিন তৌববু অশোয় অঙাম য়াওদবা ওইহন্দুনা ঐখোয়গী হকশেলগী মতাংদা খনবতা নত্তনা শেন্মিৎলোনগী শাহৌ লৌবদশু তেংবাংই”, হায়না দি.এস.তি.গী সেক্রেতরী প্রোফঃ অশুতোশ শর্মনা হায়খ্রে।

পোৎয়োমশিংগী চাউবা পিকপগী মতুং ইন্না সীস্তেম অসি তোঙান তোঙানবা তন্নেলগী পাক চাওবা অমসুং মফমশিংদা থম্বা য়াই অমসুং মোদেল মখল খুদিংগী তোঙানবা কনবেয়র স্পীদ লৈ। খুৎনা পায়দুনা শিজিন্নবা দিসইনফেক্ত তৌবগী খুৎলায়শিংদগী মসিগী সীস্তেম অসিনা হেন্না মনুং হুৎনা সেকেন্দ ৮গী মনুংদা পোৎয়োমশিং দিসইনফেক্ত তৌবা ঙম্মি।