নহা ওইরিবা ওন্তর্প্রিনোরশিংবু মখোয়গী ৱাখল্লোনশিং য়োকখৎনবা অমসুং মদু কান্নগদবা স্তার্ত-অপশিংদা ওন্থোক্নবা প্লেৎফোর্ম অমা মখোয়দা পীদুনা থৌনা হাপনবা হোৎনরিবা অনৌবা ৱখল্লোন অমসুং ওন্তর্প্রিনোর্শিপকী থৌনা লিংজেলবু থাগৎপা ফোংদোকপগী ভর্চ্যুএলগী থৌরম অমা ওইরিবা উদ্যমিউৎসব পেত্রোলিয়ম অমসুং নেচরেল গ্যাস অমসুং স্তিলগী মন্ত্রী ধর্মেন্দ্র প্রধান্না হৌদোকখ্রে।

শরুক য়রিবশিংদা ৱারোল পীরদুনা মন্ত্রী প্রধান্না প্রধান মন্ত্রী শ্রী নরেন্দ্র মোদীগী অত্মানির্ভর ভারত অমগী ৱাখল্লোন, কোবিদ-১৯গী খুদোংচাদবশিং অসিবু খুদোংচাবশিংদা ওন্থোকপদা নহা ওইরিবা ওন্তর্প্রিনোরশিংগী থৌদাং, মরোমদোম লেপচবা ঙম্নবা অমসুং মালেমগী ওইনা অফবা পুরকনবগী ঐখোয়গী বসুদেৱা কুতুম্বকমগী অশেংবা থৌনা লিংজেলগী মতাংদা ফোঙদোকখি। মহাক্না নহা ওইরিবা ইন্নোবেতরশিং মখোয়গী অকোয়বদা লৈরিবা খুন্নাই অমদি শেন্মীৎলোনগী খুদোংচাদবশিং অসি খঙদোক্নবা অমসুং ভারত অসি ইন্নোবেসনগী মথংগী থাক্তা পুখৎনবা, চাউখৎনবা অমসুং মরোমদোম লেপচবা ঙম্বা অফবা অত্মানির্ভর ভারত অমগীদমক অনৌবা সোলুসনশিং পুথোক্নবা হায়খি। মহাক্না ওন্তর্প্রিনোরশিংদা লন তুংশিনবগা লোয়ননা অফবা খুন্নাই অমা ওইহনবদা ওন্তর্প্রিনোরশিপকী অশেংবা মথৌ অদু খঙনবা অমসুং অহোংবা, লাইনা ফংবা, কুইনা চৎকদবা মোদেল অমা শেম্নবা তোঙান তোঙানবা পান্দমগা পুন্না চত্তুনা মালেমদা কান্নবা ফংহন্নবা হায়খি।

শ্রী প্রধান্না ভারত সরকারনা অনৌবা ৱাখল্লোন অমসুং ওন্তর্প্রিনোরশিপকী হোগৎলক্লিবা ইকোসিস্তেম অমা শেমগৎনবা অমসুং থাক খুদিংদা লৈবাক অসিগী ওন্তর্প্রিনোরশিংবু মতেং পাংনবা কত্থোক্লিবা অসিসু ফোংদোকখি।

***