অর্বান লোকেল বোদী(য়ু এল বি)শিংনা লন-থুমগী খজনা লৌবগী মতাংদা ঙসি ১৫সুবা ফাইনান্স কমিসন্না হাওসিং অমসুং অর্বান এফেয়ার্সগী মিনিস্তর হরদিব সিংহ পুরিগা মীফম অমা পাংথোকখ্রে । ২০২০-২১গী ওইনা কমিসন্না লৌখিবা ৱারেপশিংগী মতুংইন্না প্রোপর্তি তেক্সগী ফ্লোর রেতকী মতাংদা রাজ্যশিংনা নোতিস থোকখিবা অমসুং মদুগী তুংদা প্রোপর্তি তেক্স খোমগৎপা হেনগৎলকপদগী রাজ্য মশাগী জি.দি.পি গ্রোথ রেত হেনগৎপগী মতাংদা মীফম অদুদা খন্নখি ।

হৌজিক কোবিদ-১ লাইচৎনা মরম ওইদুনা শেন-থুমগী ফিবম শোক্লিবা অসি য়েংলগা প্রোপর্তি তেক্স ফজনা খোমগৎনবা, পাক-শন্না মমল হন্থনা লৈবা-য়োনবা তৌরিবা, রেজিস্তার তৌবদা মপুং ফাদবা, থৌশিল মতিক চাদবা ময়াম অসি চুমথোক্নবা কমিসন্না রাজ্যশিং অমসুং য়ু.এল.বিশিংদা মতেং পাংনবা খঙহনখি ।

প্রোপর্তি তেক্স লৌবগী মতাংদা য়ু.এল.বিশিংনা মাংজিল থাহন্নবা ফিবম অমা শেমগৎনবা মীফম অদুদা খন্নখি । মরি লৈনবা দেতাশিং খোমগৎপা, মমল লেপ্পা, খজনাগী চাং লেপ্পা, খজনা খোম্বগী থবকশিং য়ু.এল.বিশিংগী থৌদাং ওইহনবা হায়না মীফম অদুদা মরুওইনা খন্নখি ।

হাওসিং অমসুং অর্বান এফেয়ার্স মিনিস্ত্রিগী সেক্রেতরি দুর্গা সনকার মিশ্রানা ১৫সুবা ফাইনান্স কমিসন্দা অকুপ্পা ৱাফমশিং থমখি অমসুং ২০২০-২০২১দগী ২০২৫-২০২৬ ফাওবগী ১৫সুবা ফাইনান্স কমিসনগী রিপোর্ত শেম্নবা মিনিস্ত্রিগী অমুক শেদোক্লবা মেমোরেন্দম অমা পীশিনখি । শেন-থুম অমসুং শেন-থুমগী নত্তবা য়াওনা ৱারেপ কয়া মিনিস্ত্রিনা লৌখি ।

শেন-থুমগী নত্তবা ৱারেপশিংদা য়াওরি :

• প্রোপর্তি তেক্সকী তঙাইফদবা ফিবমশিং হোংবা ।
• নুংশিৎ মোৎহনবগী হৌরকফমশিং লাকশিন্নবা সহরশিংদা মতিক চাবা এয়র ক্বালিতি গ্রান্ত পীবা ।
• অমোৎপা লোইশিন্নবা অমসুং ঈশিং ফংহন্নবগী মতাংদা সহরশিংনা থবক পায়খৎনবা তাইদ গ্রান্তশিং পীবা ।
• কোবিদ-১৯ লাকশিন্নবা, মীয়ামগী হকশেলগী মচাক-মথুমশিং শেমগৎনবা তোখাইবা গ্রান্তশিং য়াওনা য়ু.এল.বিশিংদা সেন্ত্রেল তেক্সকী চাদা ৯.৪ পীবা ।
• থৌরাং তৌদুনা সহর শেমগৎপা, রিগুলেতোরি বোদিশিং লিংখৎপা, একাউন্তশিং ওদিৎ তৌবগী মতাংদা মখা তানা অহোংবশিং পুরকপা ।
• মীয়ামগী খুদোংচাবশিং হেন্না ফংহন্নবা অমসুং খজনা খোমগৎপা হেনগৎহন্নবা লৈবাক শীনবা থুংনা লৈরিবা সহর ৩৩৩১ য়াওনা সিতি ক্লস্তর ৮৬গী শেন-থুমগী ফিবম ফগৎনবা মতেং পাংবা ।

শেন-থুমগী মতাংদা মিনিস্ত্রিনা কমিসন্দা পীখৎখিবা ৱাফমশিংদা য়াওরি :

• মিউনিসিপালিতিশিংগী শেন-থুমগী ফিবমশিংদা অৱাৎপা লৈরিবশিং মেনখৎনবা গ্রান্তশিং পীবা অমসুং মিউনিসিপালিতিশিংদা শক্তি খাইদোকপগী শরুক মরি হেনগৎপা ।
• একাউন্তশিং ফজনা য়েংশিন্নবা লুপা করো ২১৩ চংনা মিনিস্ত্রিগী প্রোগ্রাম মেনেজমেন্ত য়ুনিত অমা লিংখৎপা ।
• লুপা করোর ৪৫০ চংনা ইন্সতিতুৎশিং ত্রেনিং পীবা ।

মিনিস্ত্রিনা থবক ওইনা পাংথোক্নবা হায়খিবশিং :

• সহরগী মিউনিসিপাল বোদিশিংগী চাকথুং লুপা করোর ৮৭,৪১৩দগী লুপা করোর ৩,৪৮,৫৭৫দা হেনগৎহনবা ।
• মিউনিসিপালশিংগী একাউন্তশিংগা রাজ্য অমসুং কেন্দ্রগী একাউন্তশিংগা পুনশিন্নবা, মসিগীদমক লুপা করোর ২১৩ দরকার ওইরে ।
• সিতি ক্লস্তর ৮৬গী লুপা করোর ৪৫০গী ফন্দ দরকার ওইরে ।
• সহরগী হকশেলগী মচাক-মথুমশিং শেমগৎনবা তোখাইবা গ্রান্ত অমা হেল্থ মিনিস্ত্রিদা পীবা ।
• সহরশিংগী নুংশিৎকী ফিবম ফনা থম্নবা কাংলোনশিং শেম্নবা তোখাইবা গ্রান্ত অমা পীবা ।

২০২০-২০২১দগী ২০২৫-২০২৬ ফাওবগী ১৫সুবা ফাইনান্স কমিসনগী রিপোর্ত শেম্নবা  মিনিস্ত্রিনা পুখৎলকপা ৱাফমশিং য়েংশিনগনি হায়বগী থাজবা কমিসন্না পীখি ।

***