জল শক্তি মন্ত্রালয়

জল জীবন মিসন: নুমিৎ খুদিংগী ওইনা তোতি ঈশিং লাখ অমা পীরি

অনলোক-১দগী হৌনা, য়ুমথোং লাখ ৪৫দা তোতি ঈশিং ফংহনখ্রে

Posted On: 16 JUL 2020 6:24PM by PIB Imphal

জল জীবন মিসন অসি ওগস্ত ২০১৯দা হৌদোকখি অমসুং ২০১৯-২০গী থা ৭তা চাওরাক্না খুঙ্গংগী য়ুমথোং লাখ ৮৪.৮৩দা তোতি ঈশিং ফংহনবা ঙমখ্রে। মখা তানা, কোবিদ-১৯গী লায়চৎ মনুংগী অনলোক-১ হৌখিবগী ২০২০-২১গী চহিসি ফাওবদা তোতি ঈশিং লাখ ৪৫ রোম পীবা ঙমখ্রে। অসুম্না, নুমিৎ খুদিংগী য়ুমথোং লাখ ১দা তোতি ঈশিং ফংহনখ্রে, মসিনা ‘খোঙজেল’ অদু তাক্লি। থবক শেংনা তৌনবগীদমক, শেম্লিবা এসেৎ খুদিংমক জিও-তেগ তৌরি অমসুং কন্নেক্সনশিং অসি ‘য়ুম অদুগী মকোক’ অদুগী ‘আধার’গা লিঙ্ক তৌরি।

জিলাগী থাক্তা মিসন অসিগী থবক থৌরমগী খোঙজেল তাক্নবা দেশবোর্দ অমা শেমখ্রে অমসুং মন্ত্রালয়গী ৱেবসাইৎতা ফংগনি।

মিসন অসি লাক্লবা মতুংদগী স্তেৎশিংদা বেসলাইন দেতা অদু অমুক হন্না চুম্লবরা য়েংশিন্নবা থবক পায়খৎনবা খঙহনখি, মসিগী মতুং ইন্না লৈবাক অসিদা খুঙ্গংগী য়ুমথোং কোতি ১৯.০৪ লৈবগী মনুংদা য়ুমথোং কোতি ৩.২৩দি হান্না তোতি ঈশিং ফংহনখ্রে। লেমহৌরিবা য়ুমথোং কোতি ১৫.৮১দা তোতি ঈশিং ফংহনগদবনি। অসুম্না পান্দম অসি অককনবা মতমগী মনুংদা চাওরাক্না য়ুমথোং কোতি ১৬তা য়ৌহনবগা লোয়ননা হান্না ঈশিং পুশিল্লবশিংগী ঈশিং তারিবরা য়েংশিনবা অসিনি। মসিগী অর্থদি চহি খুদিংগী য়ুমথোং কোতি ৩.২দা ফংহনবনি হায়বদি চাওরাক্না নুমিৎ খুদিংগী তোতি ঈশিং ৮৮,০০০ পীবনি। পান্দম অসি মাংদা থম্বগা লোয়ননা স্তেৎশিং/য়ু.তি.শিংনা খুঙ্গংগী য়ুমথোং খুদিংমক্তা তোতি ঈশিং ফংহন্নবা কান্না হোৎনবনি। হোৎনবা অসিদা বিহার, তেলঙ্গনা, মহারাস্ত্র অমসুং মধ্য প্রদেশ স্তেৎশিং অসিনা শীংথানিংঙাই ওইবা ফলশিংগা লোয়ননা মাংজিল থারি।

২০২০-২১দা অপুনবা শেনফম লুপা কোতি ২৩,৫০০ জে.জে.এম. ইমপ্লেমেন্ত তৌনবা কায়থখি। হৌজিক্কী ওইনা মিসন অসি ইমপ্লিমেন্ত তৌনবা স্তেশিং/য়ু.তি.শিংদা সেন্ত্রেল ফন্দ ওইনা লুপা কোতি ৮,০০০ লৈরি। মসিগী মথক্তা, ২০২০-২১দা রুরেল লোকেল বোদীশিংগী ১৫শুবা ফাইনান্স কম্মিসনগী ৫০% হায়বদি লুপা কোতি ৩০,৩৭৫ ৱাতর সপ্লাই অমসুং সেনিতেসনগীদমক য়াৎতুনা থমখ্রে। শেনফম অসিগী ৫০% জুলাই ১৫, ২০২০দা স্তেৎশিংদা থাদোকখ্রে। মসিনা খুঙ্গংগী থক্নবা ঈসিং সপ্লাই তৌরিবা সিস্তেমশিংগী প্লানিং, ইমপ্লিমেন্তেসন, মেনেজমেন্ত, ওপরেসন অমসুং য়েংশিনবদা মতেং পাংদুনা মীয়ামদা থক্নবা ঈশিং চাং নাইনা অমসুং মতম শাংনা ফংহনবা ঙমগলগনি।

মিসন অসিনা য়ু.এন. এজেন্সীশিং, এন.জি.ও.শিং/সি.বি.ও.শিং, সি.এস.আর. ওর্গনাইজেসনশিং, ত্রস্তশিং, ফাউন্দেসনশিং অসিনচিংবা য়াওনা মমিং লৈরবা নেস্নেল অমসুং ইন্তর্নেস্নেল এজেন্সীশিংগা চুংশিন্ননবা থিরি। মথাংদা লাক্কদৌরিবা মীয়ামগী ইহৌ অসি ঈশিংদা ওইদুনা মীপুম খুদিংমক্কী ললোন ইতিক তৌনবা লম ওইহনবা ঙম্বা হায়না সরকার অসিনা আশা তৌরি, হৌজিক ফাওবদা পব্লিক সেক্তর খক্তগী মথৌনি হায়না লৌরিবা সেক্তর অসিদা অওনবা অমা পুরক্লগনি। ঈশিং অসি মীপুম খুদিংমক্কী ললোন ইতিক তৌনবা ওইহন্দুনা মিসন অসিনা পুম্নমক্তা থক্নবা ঈশিং ফংহনবদা মায় পাকপা ঙম্নবা মখল কয়াগী ইন্সতিত্যুসনশিং/মীওইশিংগা লোয়ননা চুংশিন্নদুনা অমদি পুন্না হোৎনগনি।

থক্নবা ঈশিং মরাং কাইনা চাং নাইনা অমদি মতম শাংনা ফংহন্নবা পান্দমদা স্তেৎশিংগা লোয়ননা চুংশিন্নদুনা জল জীবন মিসন (জে.জে.এম.) ইমপ্লিমেন্ত তৌরি। মিসন অসি প্রধান মন্ত্রীনা ওগস্ত ১৫, ২০১৯দা লাউথোকখি লোয়ননা মসিগী চৎনগদবা গাইদলাইনশিং দিসেম্বর ২৫, ২০১৯দা ফোঙখি।

জল শক্তি মন্ত্রালয়গী মখাদা নেস্নেল মিসন অসিনা মসি ইমপ্লিমেন্ত তৌনবা স্তেৎশিং/য়ু.তি.শিংবু খুৎ পাইদুনা লমজিংনবা অঙম্বা পুম্নমক হোৎনরি। মার্চ-মে ২০২০গী মনুংদা খুঙ্গং-খুঙ্গংগী ওইবা কুপ্না এনলাইসিস তৌখি. মসিদা য়ুম্ফম ওইরগা স্তেৎশিংগী লৌখৎকদবা খোঙথাংশিং অদু য়াৎখি। কেন্দ্রগী জল শক্তি মন্ত্রীনা চাং নাইনা স্তেৎশিং অমসুং য়ু.তি.শিংগী মুখ্য মন্ত্রীশিং/লেপ্তনেন্ত গভর্নরশিংগা লোয়ননা মিসন অসিগী ইমপ্লিমেন্তেসন তৌবা অসি খুমাং চাওশিন্নবা মীফম কৌরি। স্তেৎশিংনা খুঙ্গংশিং, ব্লোকশিং অমসুং জিলাশিংদা ফঙ্কস্নেল হাউসহোল্দ তেপ কন্নেক্সন (এফ.ঐচ.তি.সি.) ১০০% পীনবগা লোয়ননা স্তেৎশিংদা ঈশিং য়ৌহন্দুনা ‘হর গর জল রাজ্য’ ওই্হন্নবা থৌরাং তৌরি।

তোঙান তোঙানবা স্তেৎশিং/য়ু.তি.শিংনা ২০২৪গী মমাংদা মিসন অসিগী পান্দম ফংনবা হোৎনরি। ২০২১দা ঈশিং মপুং ফান্না ফংহন্নবা বিহার, গোৱা, পুদুচেরী অমসুং রেলঙ্গনা থৌরাং তৌরি; মসিগা মান্ননা ২০২২দা ফংহন্নবা গুজরাত, হরিয়ানা, হিমাচল প্রদেশ, জম্মু অমসুং কাশমির, লাদাখ, মেঘলয়া, পঞ্জাব, সিক্কিম অমসুং উত্তর প্রদেশনা হোৎনরি। অমরোমদা অরুনাচ প্রদেশ, কর্নতক, মধ্য প্রদেশ, মনিপুর, মিজোরাম, নাগালেন্দ, ত্রিপুরা, ছাত্তিসগরনা ২০২৩ ফাওবা ১০০% য়ৌহন্নবা থৌরাং তৌরি। অসাম, অন্ধ্র প্রদেশ, ঝর্খন্দ, কেরেলা, মহারাস্ত্র, ওরিশা, রাজাস্থান, তামিল নাদু, উত্তরখান্দ অমসুং ৱেস্ত বেঙ্গল স্তেৎশিং অসিনা ২০২৪ ফাওবদা ফংহন্নবা থৌরাং তৌরি।

মিসন অসিগী পান্দমদি মফম খুদিংদা ঈশিং য়ৌহনবনি অমসুং মরু ওইবা মীৎয়েং থম্লিবা অসি ‘ইক্বিতী অমসুং ইনক্লুসিবনেস’কী প্রিন্সিপলদনি হায়বদি খুঙ্গংগী ইমুং খুদিংমক মখোয়গী য়ুমথোংদা তোতি ঈশিং ফংনবা অমদি ‘মী খুদিংমক অমত্তা চিত্থদবা’ হায়বা অসিনি। মসিগী মতুং ইন্না, স্তেৎশিংনা এস.সি./এস.তি.না নম্না খুন্দবা খুঙ্গংশিং, এস্পিরেস্নেল দিস্ত্রিক্তশিং, ঈকং থোক্কনবা মফমদা লৈবা খুঙ্গংশিং অমসুং লৈঙোইগী লমশিং অমসুং ঈশিংগী ক্বালিতী ফত্তবা মফমশিংদা মরু ওইবা মীৎয়েং চংলি।

পোকপদা ঙাইরিবা অঙাং শীহনবগী মরমশিংগী মরক্তা অমা ওইরিবা জপানিস এন্সিফলাইতিস/এক্যুৎ এন্সিফলাইতিস সিন্দ্রোম (জে.ই.-এ.ই.এস.)না খ্বাইদগী শোকহল্লিবা জিলাশিংদা অখ্ন্নবা মীৎয়েং চংলি। ঙসি ফাওবদা অসাম, বিহার, তামিল নাদু, উত্তর প্রদেশ অমসুং ৱেস বেঙ্গল স্তেৎ ৫গী জে.ই./এ.ই.এস. এন্দেমিক ওইবা জিলা ৬১দাআ য়ুমথোং কোতি ৩.০১ লৈ। মসিগী মনুংদা য়ুমথোং লাখ ২৭.৩২(৯%)দা এফ.ঐচ.তি.সি.শিং ফংহনখ্রে অমসুং লেমহৌরিবা য়ুমথোং কোতি ২.৭৪ (৯১%)দা জে.জে.এম.গী মকাদা এফ.ঐচ.তি.সি.শিং ফংহল্লগনি।

জে.জে.এম.গী মখাদা ফ্লুরোসিস অমসুং অর্সেনিকোসিসনা শোকহল্লিবা ঈশিংগী ক্বালিতী শোক্লবা মফমশিংদা থক্নবা ঈশিং পীবা হায়বা অসি মরু ওইবা পান্দমনি। নেস্নেল গ্রীন ত্রিব্যুনেলগী ইন্তেরিম ওর্দর লাকপনা স্তেৎশিং দিসেম্বর ২০২০গী মমাংদা অর্সেনিক অমসুং ফ্লোরাইদনা শোকহল্লবা মফমশিংদা য়ুমথোং পুম্নমক্তা ৱাতর সপ্লাইগী পাইপ তিংবা ঙম্নবা হোৎনরি।

দিসেন্ত্রেলাইজ প্রোগ্রাম অমা ওইবনা ঈশিং লাকফম শেমগৎ-শাগৎনবা, সপ্লাই তৌনবা, গ্রে-ৱাতর মেনেজমেন্ত অমসুং চল্লাইবা অমদি য়েংশিন্নবা বিলেজ এক্সন প্লানশিং (ভি.এ.পি.শিং) শেম্বগী থৌদাং লৌনবা খুঙ্গংগী থাক্তা য়ামদ্রবদা নুপী মীহুৎ ৫০%গা লোয়ননা বিলেজ ৱাতর এন্দ সেনিতেসন কম্মিতিশিং (ভি.দবল্যু.এস.সি.শিং)/পানি সমিতি অসি গ্রাম পঞ্চায়ৎকী সব-কম্মিতি ওইনা শেম্বা তাই। জে.জে.এম.না থম্লিবা পান্দম অসি গ্রাম পঞ্চায়ৎ অমসুং/নত্রগা মখোয়গী সব-কম্মিতিগী মীহুৎশিংগী কেপাসিতী বিল্দিং তৌদুনা খুঙ্গংশিংদা য়েংশিন্নবা, প্লান তৌবা, চল্লাইবা অমসুং খুঙ্গং মনুংদা লৈবা ৱাতর সপ্লাই ইনফ্রাস্ত্রকচর য়েংশিন্নবা ‘মথৌ তৌগদবা’ অমসুং ‘থৌদাং লৌগদবা’ লুচিংবশিং পুথোকপনি অমসুং স্তেৎ কয়ানা পানি সমিতি মেম্বরশিংদা ওনলাইন ত্রেনিং ফংহনবা হৌনখ্রে।

মপাঙ্গল কনখৎহনবা, ঈশিং য়োকশিনবা, এক্বিফর রিচার্জ তৌবা, ঈশিংগী ত্রিৎমেন্ত অমসুং গ্রে-ৱাতর মেনেজমেন্ত অসিনচিংবগী থবক মপুং ফানা তৌনবা জে.জে.এম.গী মখাদা খ্বাইদগী অনেম্বা থাক্তগী হায়বদি খুঙ্গং/গ্রাম পঞ্চায়ৎ অসিদা মীৎয়েং চংলি মসিগীদমক এম.জি.এন.আর.ই.জি.এস., পি.আর.আই.শিংগী ১৫শুবা ফাইনান্স কম্মিসন গ্রান্তশিং, এস.বি.এম.(জি), দিস্ত্রিক্ত মিনরেল দিবেলপমেন্ত ফন্দ, সি.এস.আর. ফন্দশিং, লোকেল এরিয়া দিবেলপমেন্ত ফন্দ অসিনচিংবদগী লাকপা রিসোর্সশিং পুন্না শীজিন্নগনি।

জে.জে.এম.গী মখাদা চেকশুবা, পাইপ শেম্বা, মৈগী হীরমশিং, মোতোর শেমজিনবা অসিনচিংবদা খুঞ্জাশিংগী ‘স্কিল লৈহন্নবা’ হোৎনরি। স্লিল্দ, সিমি-স্কিল্দ অমসুং স্কিল য়াওদবা শিন্মীশিংগী হৈজ-শিংজবা য়েংলগা থবক পীরিবা জে.জে.এম. অসিসু গরিব কল্যান রোজগার য়োজনা (জি.কে.আর.এ.)গী শরুক অমসু ওইরি মসিদা মাইগ্রেন্ত শিন্মীশিংদা পব্লিক ইনফ্রাস্ত্রকচর শাবদা থবক ফংহন্নবা হোৎনরি। ইমপ্লিমেন্তেসন অসিগী মখাদা স্তেৎ ৬তা লৈবা খুঙ্গং ২৫,০০০রোমদা থবক পায়খৎনবা তেন্তেতিব প্লান শেমখ্রে। মোতোর শেমজিনবা অসিনচিংবদা মীুন্না, সি.এস.আর. ফন্দ

থক্নবা ঈশিং তেস্ত তৌনবা লেবোরেতোরীশিংগী খুত্থাংদা সপ্লাই তৌরিবা ঈশিংগী ক্বালিতী য়েংশিনবা অসি মরু ওইবা হীরম অমা ওইরি অমসুং মসিগী লেবশিং অসি ফগৎহন্নবা অমসুং এন.এ.বি.এল.না মখোয়বু এক্রেদিতেদ তৌনবা মীৎয়েং কয়া চংলি। স্তেৎশিংনা ঈশিংগী ক্বালিতীগী লেবোরেতোরীগী খুদোংচাবশিং মীয়ামদা ফংহন্নবা হোৎনরি মসিনা খুঙ্গংদা লৈরিবা নুপীশিংনা মখোয়গী য়ুমথোংদা ফংলিবা ঈশিং অদুগী ক্বালিতী তেস্ত তৌবা য়ারগনি।

সপ্লাই তৌরক্লিবা ঈশিংগী ক্বালিতীগী সর্বিলেন্স চত্থনবা মীয়াম্না হোৎনরি মসিদা খুঙ্গংশিংদা খুঞ্জা মঙা অয়াম্বনা নুপীবু ত্রেনিং তৌদুনা খুঙ্গংদা সপ্লাই তৌরিবা ঈশিং মফম অদুদা তেস্ত তৌনবা থৌগৎলি। থক্নবা ঈশিং সপ্লাই তৌবদা থাজবা য়াবা মওংদা শিল-লাংনবা ৱাখল্লোন্নি।

ঈশিংগী ক্বালিতি মোনিতর তৌবগী শরুক অমা ওইনা সোর্স খুদিংমক চহি অমদা কেমিকেল য়াওবরা হায়না অমুক অমসুং বেক্তেরিওলোজিকেল কন্তামিনেসন (নোংজু মমাং অমসুং মতুংদা)গী অনিরক তেস্ত তৌবা মথৌ তাই।

প্রধান মন্ত্রীগী খুঙ্গংগী মফশিংদা ‘লায়না হিংনবা’ শেল-থুমগী, য়ুম শাবাগী, লম্বী-থোংগী, অফবা ফ্যুল, মৈ, তোইলেৎশিংগী খুদোংচাবশিং ফংহন্নবা খোঙথাং লোখৎপগা লোয়ননা জল জীবন মিসননা খুঙ্গংগী য়ুমধোং খুদিংদা থক্নবা ঈশিং ফংহল্লি মসিনা খুঙ্গংগী মীয়ামগী পুন্সি ফগৎহনবদা চাওনা কান্নবা ফংহল্লগনি। মিসন অসিনসু নু্পী অঙাংশিংনা ঈশিং শোকপগী মরু ওইবা থৌদাং লৌরিবা অৱাবা থবক অমা ওইরিবা অসি হন্থহনবা ঙম্লগনি।

 



(Release ID: 1639327) Visitor Counter : 3