নেস্নেল বাইওফার্মা মিসনগী মখাদা ভারত লৈঙাক্কী দিপার্তমেন্ত ওফ বাইওতেক্নোলোজীনা ঙাক্লৌ পীবা বি.আই.আর.এ.সি.না ইম্প্লিমেন্ত তৌবা ভেক্সিন দিস্কভরী প্রোগ্রাম ক্লিনিকে ত্রাইএলগী থাক্তা চঙশিনখ্রে‍ ।

জাইদসনা শেমদুনা পুথোকপা ভারত লৈঙাক্কী দিপের্তমেন্ত ওফ বাইওতেক্নোলোজীনা শরুক খরা শেন থাদবা প্লাজমিদ দি.এন.এ. ভেক্সিন জাইকোব-দি মশা মউ ফবা সবজেক্তশিংদা ফেজ ১/২ ক্লিনিকেল ত্রাইএল হৌদুনা ভারতকী ওইনা ইরমদমসিদা শাজবা মীওইবদা কাপশিনবা অহানবা কোবিদ-১৯গী ভেক্সিন ওইরে হায়না বি.আই.আর.এ.সি.না লাউথোকখ্রে‍।

এদাপ্তিব ফেজ ১/২ দোজ এস্কেলেসন, মল্তি-সেন্ত্রিক স্তদী অদুনা ভেক্সিন অদুগী শাফগদবা চাং, খাংবা ঙমবগী চাং অমসুং মহিক্তুদগী ঙাকথোকপা ঙমবগী চাং য়েংশিনগনি‍। মীওইবদা থাদুনা চাংয়েং তৌরিবা অসিনা ফেব্রুৱারী ২০২০দগী হৌখিবা খোঙজেল য়াঙশিলহল্লবা ভেক্সিন দেভেলপমেন্ত প্রোগ্রাম অসিগী মরুওইবা মাইলস্তোন অমা ওইরে‍‍।

দি.বি.তি.গী সেক্রেতরী অমসুং বি.আই.আর.এ.সি.গী চেয়রমেন দা: রেনু স্বরুপনা হায়, “নেসনেল বাইওফার্মা মিসনগী মখাদা ইরমদমসিগী ওইবা ভেক্সিন অমা থুনা পুথোক্নবগীদমক্তা ভারত লৈঙাক্কী দিপার্তমেন্ত ওফ বাইওতেক্নোলোজীনা জাইদসকা খোঙবু ওইনা চৎমিন্নবন‍ি‍। জাইদসকা খোঙবু ওইরিবা অসি মীওই মিলিয়ন কয়াবু খুদোংথিবগী ফীভমদা থম্লিবা তমথিরবা লাইচৎ অসি থেংননবা লৈবাকসিনা ভেক্সিন অমা মথৌ তারিবসি ফংবা ঙম্নবনি‍। অসিগুম্বা থিজিনবগী লমদা থাংজিল্লিবা খোঙথাঙসিনা তুংদা লায়না লাইচৎ শন্দোরকপদা থিংহৌনবা লাল্লোং য়াত্থোকপদা লোয়না লোয়ননা ঐখোয়গী খুন্নাইসিগা খ্বাইদগী মরী লৈনবা হীরমশিংদা তশেং তশেংবা খঙবা ঙমবা অহোংবা পুরকপা ঙম্নবা অনৌবা মওংগী পোত্থোকশিং পুথোকপদা পুক্নীং থৌগৎপা ইকোসিস্তেম অমা শেমগৎননবগী লৈঙাক্কী মীৎয়েং অসিবু হেন্না মপুং ফাহনবদা মতেং ওইগনি‍।”

“জাইদসনা ইরমদমসিদা শেমগৎচবা ভেক্সিন অমগী মীওইবদা ক্লিনিকেল ত্রাইএল হৌখিবা অসিমক মরোমদোম লেপচবা ভারতগী মরুওইবা মাইলস্তোন অমনি ‍। প্রি-ক্লিনিকেল ফেজতা ভেক্সিন অসি শীজিন্নবদা শাফবা, মহিক ঙাকথোকপা ঙমবগী মওং উৎপা অমদি খাংবা ঙমবগী মওং উৎলিবা অসুম্না অফবা মহৈ মখা তানা উৎলক্কনি হায়না ঐখোয়না থাজৈ‍। মসিনা ভারতকী সাইন্তিফিক রিছর্চকী লমদা অচৌবা খোঙহৌ অমা ওইগদৌরিবনি,” হায়নসু মহাক্না পনখি‍।

ওইরক্লিবা ফীভমদুদা ৱা ঙাঙলদুনা, জাইদস চেয়রমেন মিস্তর আর. পতেলনা হায়খি, “মসি ঐখোয়গী লাইচৎ অসিগী মায়োক্তা লান্থেংনরিবা অসিগী য়াম্না মরুওইবা অমদি লৈবাকসিনা হকশেলগী শিংনবা অসিবু থেংনবদা মতেং ওইগদবা খোঙফম অমনি‍। ঐখোয়না বি.আই.আর.এ.সি. অমসুং ভারত লৈঙাক্কী দিপার্তমেন্ত ওফ বাইওতেক্নোলোজীবু কোবিদ-১৯দগী ঙাকথোক্নবা শাফবা অমদি কান্নগদবা ভেক্সিন অমা পুথোক্নবগী ঐখোয়গী থৌরাংসিদা ঙাক্লৌ পীবিবগীদমক থাগৎচরি‍।”

জাইকোব-দিগী মরমদা

প্রি-ক্লিনিকেল ফেজতা, ভেক্সিন অসিনা উতিন, উচি, গীনি পিক অমসুং থেবনচিংবা মখল কয়াগী শাশিংদা অকনবা ইম্ম্যুন রেসপোন্স উত্থোকখি‍। ভেক্সিন অসিনা পুথোকপা এন্তিবোদীশিংনা ভাইরস ন্যুত্রেলাইজেসন এসেদা ৱাইল্দ তাইপ ভাইরসবু হাৎপা ঙমদুনা ভেক্সিন কেন্দিদেত অসিগী ঙাকথোকপা ঙম্বগী মতিং অদু উত্থোকখি‍। ইন্ত্রামসলর অমসুং ইন্ত্রাদর্মেলগী লম্বীদা কাপশিন্দুনা হঞ্জিনবা দোজকী তোক্সকোলোজী স্তদীদা ভেক্সিন কেন্দিদেত অসিগী থোইদোকপা সেফতী কনসর্ন অমত্তা উবা ফংখিদে‍। থেবদা মীওইবদা কাপকদবা চাংগী শরুক অহুম ৱাংখৎনা কাপশিনবদা খাংবা ঙমবগী অমদি মহিক ঙাকথোকপগী ঙম্বগী ফীভম উৎখি‍।

জাইকোব-দি পুথোকপগা লোয়ননা, কম্পেনী অসিনা পাম্লিবা জিন অদু পুবা নন-রেপ্লিকেতিং অমসুং নন-ইন্তিগ্রেতিং প্লাজমিদ শীজিন্নদুনা শোক্নিংঙাই ওইদবা দি.এন.এ. ভেক্সিনগী ফম্পাক অমা লৈবাকসিদা মায় পাক্না শেমগৎলে‍। মখা তানা, ভেক্তর রেসপোন্স অমদি লৌনগনবা এজেন্তশিং লৈতবা মরমনা ফম্পাক অসিনা বাইওসেফতী রিক্বাইয়রমেন্ত (বি.এস.এল.-১) ইচঙ চঙদনা লায়না ভেক্সিন পুথোক্নবগী ফীভম অমা পীরে‍। ফম্পাক অসি ভেক্সিন স্তেবল ওইনা লৈবা হেনগৎপা অমদি কোল্দ চেন চঙবগী চাং হন্থহনবগী মওং উৎপগা লোয়ননা লৈবাকসিগী খ্বাইদগী মনুং হঞ্জিনবা মফমশিংদা পুথোক পুশিন তৌবদসু লায়থোকহল্লে‍। মখা তানা, ফম্পাক অসি করিগুম্বা ভাইরস অসিনা ম্যুতেত তৌরক্লবসু ভেক্সিন অসিগী কান্নবা লৈহন্নবা চয়োল খরগী মনুংদা থুনা শেমদোকপা য়াগনি‍।

নেসনেল বাইওফার্মা মিসন, দি.বি.তি.:

কেবিনেতনা য়ু.এস. দোলর মিলিয়ন ২৫০গী অপুনবা শেনফমদা অয়াবা পীখিবা অমদি ৱর্ল্দ বেঙ্কনা চাদা ৫০ পুথোক্কদবা বাইওফার্মাসিউতিকেল্স থুনা চাওখৎহন্নবা থিজিন হুমজিনবগী থবক য়াংখৎহন্নবা ভারত লৈঙাক্কী দিপার্তমেন্ত ওফ বাইওতেক্নোলোজীগী ইন্দস্ত্রী-এদাদমিয়া কোলাবোরেতিব মিসন অসি বাইওতেক্নোলোজী রিছর্চ এসিস্তেন্স কাউন্সিল (বি.আই.আর.এ.সি.)না পায়খৎপনি‍। থৌরাং অসিনা ভারতকী মীয়ামগী হকশেলগী থাক ৱাংখৎহন্নবা মীৎয়েং থম্বগা লোয়ননা লৈবাকসিদা পুবা থাংবা ঙমবা মমলদা পোত্থোকশিং পীননবগীদমক পায়খৎপনি‍। লৈবাকসিদা ক্লিনিকেল ত্রাইএল কেপাসিতী মপাঙ্গল কনখৎহনবা অমদি তেক্নোলোজী ত্রান্সফর কেপেবিলিতীজ শেমগৎনবা হায়বা ৱাফমসিগী মথক্তা ভেক্সিন, মেদিকেল খুৎলায়শিং, দাইগ্নোস্তিক্স অমসুং বাইওথেরাপিউতিক্স হায়রিবশিং অসি থৌরাং অসিগী খ্বাইদগী মরুওইবা মশক মওংশিংগী মরক্তা খরনি‍।

বি.আই.আর.এ.সি.কী মরমদা:

বাইওতেক্নোলোজী ইন্দস্ত্রী রিছর্চ এসিস্তেন্স কাউন্সিল (বি.আই.আর.এ.সি.) অসি ভারত লৈঙাক্কী দিপার্তমেন্ত ওফ বাইওতেক্নোলোজীনা থিজিন হুজিন্নবা অমদি অতৌবা ৱাখল্লোনশিং পুথোক্নবা, লৈবাকসিগী মরী লৈনবা পোত্থোক শেমগৎপগী মথৌ তাবশিংগী পাম্বৈ ওইননবগীদমক হৌগৎলক্লিবা বাইওতেক এন্তরপ্রাইজ অসিবু মপাঙ্গল কনখৎহন্নবা অমদি মতিং লৈহন্নবা ইন্তরফেস এজেন্সী অমা ওইনা লিংখৎখিবা শেনদোং তান্নবা নত্তবা সেক্সন ৮, সিদ্যুল বি,গী পব্লিক সেক্তর এন্তরপ্রাইজেস অমনি‍। অহেনবা খঙনবগীমক্তা মসিদা চঙবিয়ু https://birac.nic.in

জাইদসকী  মতাংদা

জাইদস কেদিলা অসি অপীকপা মোলিক্যুলগী দ্রগশিং, বাইওলোজিক থেরাপিউতিক্স অমসুং ভেক্সিন য়াওনা হেল্থকেয়র থেরাপী মখল কয়া পুথোকপা, শেমগৎপা অমদি শাবা ইন্নোভেতিব ওইবা মালেমগী ফার্মাসিউতিকেল কম্পেনী অমনি‍।

(অহেনবা ঈ-পাউগীদমক: দি.বি.তি./ বি.আই.আর.এ.সি.কী কম্ম্যুনিকেসন সেলগা কন্তেক্ত তৌবিয়ু

@DBTIndia @BIRAC_2012

www.dbtindia.gov.inwww.birac.nic.in)

*****