কেন্দ্রগী হুমেন রিসোর্স দেবেলপমেন্ত মন্ত্রী শ্রী রামেশ পোখ্রিয়াল ‘নিশঙ্ক’না আই.সি.এম.আর. অমসুং দি.সি.জি.আই.আই.না এপ্রুফ তৌরবা আই.তি. দিল্লীনা দিবেলপ তৌবা আর.তি.-পি.সি.আর.দা বেজ তৌবা মালেমগী খ্বাইদগী হোংবা কোবিদ-১৯ দাইগনোস্তিক কিৎ ঙসি ন্যু দিল্লীদা ই-লোঞ্চ তৌখ্রে। ঐচ.আর.দি.গী এম.ও.এস. শ্রী সঞ্জে ধোত্রেসু থৌরম অসিদা শরুক য়াখি। হাইয়র ইদুকেসনগী সেক্রেতরী, শ্রী অমিৎ খরে অমসুং মন্ত্রালয় অসিগী মকোক থোংবা ওফিসিএলশিং লোঞ্চ তৌবা অসিদা য়াওখি।

হৌরম অসিদা ৱারোল পীবদা শ্রী পোখ্রিয়ালনা হায় ইন্দিয়ন ইন্সতিত্যুৎ ওফ তেক্নোলোজী দিল্লীনা দিবেলপ তৌবা কোবিদ-১৯গী কিৎ, কোরোস্যুর অসি প্রধান মন্ত্রী শ্রী নরেন্দ্রা মোদীগী মরোমদোম লেপচবা ভারত অমা ওইহন্নবগী ৱাখল্লোনগী মায়কৈদা চংশিনবা খোঙথাং অমনি। মহাক্না হায়খি লায়চৎ অসি লাকশিনবদা মতেং পাংনবা লৈবাক অসিনা অহোংবা অমসুং থাজবা য়াবা তেস্তিং মথৌ তারি। কোরোস্যুর কিৎ অসি লৈবাক অসিদা শাজবনি অমসুং অতোপ্পা কিৎশিংগা য়ংনবদা হেন্না হোংঙি। ঐচ.আর.দি. মন্ত্রীনা হায়খি ঐখোয়গী প্রধান মন্ত্রীনা লৈবাক অসিগী নহাশিংবু থোলক্তুনা মরু ওইনা কোবিদ-১৯ লায়চৎকী মতম অসিদা মখোয়গী রিসর্চকী অনৌবা ৱাখল্লোন অদুনা ভারত অসি অফবা চাওখৎপা অমা ওইবা ঙম্নবা হোৎনসি হায়না থৌগত্তুনা লাক্লি। কিৎ অসি আই.সি.এম.আর.না স্কোর ৱাংনা পীদুনা এপউফ তৌখি অমসুং দি.সি.জি.আই.না সেন্সিতিবিতীদা অমসুং স্পেসিফিসিতীদা য়াম্না ৱাংনা এপ্রুফ তৌখি।

শ্রী পোখ্রিয়ালনা আই.আই.তি.দিল্লীগী রিসর্চরশিংনা তৌরিবা থবক অসিবু থাগৎখি অমসুং কিৎ অসি দিবেলপ তৌবা অমসুং শাবদা য়াওবা মী খুদিংমকপু থাগৎপা ফোঙদোকখি। আাই.আই.তি. দিল্লীগী প্রোফেসর বিবেকান্দন পেরুমল অমসুং মহাক্কী রিসর্চ তীমনা কোবিদ-১৯ দাইগনোস্তিক কিৎ অসি দিবেলপ তৌবগীদমক মন্ত্রীনা থাগৎখি। তীম অসিদা য়াওরিবশিং অদুদি প্রশান্ত প্রধন (পি.ঐচ.দি. স্কোলর), অশুতোশ পান্দে (পি.ঐচ.দি. স্কোলর), প্রবীন ত্রিপাথি (পি.ঐচ.দি. স্কোলর), দা. অখিলেশ মিশ্রা, দা. পরুল গুপ্তা, দা. সোনম ধমিজা, প্রোএসর মনোজ বি. মেনন, পওফেসর বিশ্বজিৎ কুন্দু অমসুং প্রোফেসর জেমস গোমসনি।

মহাক্না হায় অহোংবা দিতেক্সন কিৎ অসিনা হৌজিক থোক্লিবা খুদোংথিবা অসিগী মনুংদা লৈবাক অসিবু মতেং পাংলগনি। শ্রী পোখ্রিয়ালনা হায় প্রোব-ফ্রী দাইগনোস্তিক কিৎ, কোরোস্যুর অসি দিল্লীগী এন.সি.আর.দা বেজ তৌবা ন্যূতেক মেদিকেল দিবাইসেসনা শাবনি। এম.ঐচ.আর.দি.গী মখাদা লৈবা মাংজিল থারিবা মহৈলোয়শঙ অমা অমসুং লনাই কম্পনী অমনা লৈবাক অসিগী লায়চৎ অসিগী মনুংদা খুৎশম্নদুনা হোৎনখিবা অসিবু থাগৎখি। শ্রী পোখ্রিয়ালনা হায় আই.আই.তি. দিল্লীনা দিবেলপ ঔবা দাইগনোস্তিক কিৎ অসি লোঞ্চ তৌবা অসিগী মতুদা ওথোরাইজ ওইরবা তেস্তিং লেবশিংনা শীজিন্ননবা হৌজিক ফংলগনি লোয়ননা কোবিদ-১৯ আর.তি.-পি.সি.আর. তেস্তিংগী মমল অসি শীংথানিংঙাই ওইনা হন্থহনবা ঙম্লগনি। আর.তি.-পি.সি.আর. এসেগী বেক প্রাইজ অসি লুপা ৩৯৯নি। আর.এন.এ. আইসোলেসন অমসুং লেবোরেতরীগী মমলশিং হাপচিল্লবা মতুংদসু তেসত অমা তৌবগী মমল অসি কৈথেলদা হৌজিক ফংলিবা কিৎ অসিগা চাংদম্নবদা য়াম্না হোংলগনি। মন্ত্রীনা মখা তারদুনা হায় আই.আই.তি. দিল্লীনা মখোয়গী রিসর্চরশিংনা দিবেলপ তৌবা তেক্নোলোজী অসি শীজিন্নরগা কোবিদ-১৯ দাইগনোস্তিক কিৎ শানবা কম্পনী ১০দা লাইসেন্স পীখ্রে।

শরুক য়ারিবশিংদা ৱারোল পীরদুনা শ্রী ধোত্রেনা হায় পাক শন্না তেস্ত তৌবা খ্বাইদগী মথৌ তারিবা কোরোনাভাইরসকী খুদোংথিওবা মরক্তা আই.আই.তি. দিল্লীনা অতেনবা মতমগী মনুংদা পুথোক্লিবা য়াম্না মমল তাবা দাইগনোস্তিক কিৎ অসি অচৌবা কান্নবা অমনি। মহাক্না আয় ইন্নোবেসন অমসুং ওন্তর্প্রেনোর্শিপ অনি অসি অমনা অমগী মতেং পাংনৈ অমসুং অত্মানির্ভর ভারত অমগীদমক মসি খ্বাইদগী মরু ওই। আই.আই.তি.শিংনা হায়রিবা অনি অসি য়াম্না কন্না য়োকখৎলি। লৈবাক অসিগী স্কুলশিংদসু ইন্নোবেসন অমসুং অনৌবা তেক্নোলোজীগী ৱাখল্লোন পোকহন্নবা কন্না হোৎনরি।

শ্রী ধোত্রেনা মখা তানা হায়খি আই.আই.তি. দিল্লীগী চহি ৪০শুবা সেন্তর ফোর রুরেল দিবেলপমেন্ত এন্দ তেক্নোলোজীনা খুঙ্গংগী পুন্সি ফগৎহন্দুনা মীপুম খুদিংমক্তা কান্নবা ফংহন্নবা অনৌবা তেক্নোলোজী শীজিন্নবদা মরু ওইবা থৌদাং অমা লৌরি। মহাক্না হায় লৈবাক অসিদা লৈরিবা নহাশিং অসিদা ইন্নোবেসন অমসুং ওন্তর্প্রেনোর্শিপকী ইথিল অমসুং তৌবা ঙম্বা কয়া য়াওরি। মখোয়দা মথৌ তারিবা অসি মফম চাবা, রিসোর্সশিং অমসুং পুক্নিং থৌগৎপীবা অদু খক্তনি। হীরম অসিদা আই.আই.তি.শিং অচৌবা মতেং পাংলি।

থৌরম অসিদা ৱারোম পীরদুনা শ্রী খরেনা হায় আই.আই.তি. দিল্লী অসি আই.সি.এম.আর.না এপ্রুফ তৌবা রিএল-তাইম-পি.সি.আর.দা বেজ তৌবা দাইগনোস্তিক এসে অমা পুথোকপা খ্বাইদগী অহানবা একাদেমিক ইন্সতিত্যুৎ অমা ওইরি। মসি আই.সি.এম.আর.না এপ্রুফ তৌখ্রবা কোবিদ-১৯গী অহানবা প্রোব-ফ্রী এসেসু ওইরি। মহাক্না হায় এসে অসি সরকারগী মেদিকেল রিসর্চ বোদী না সেন্সিতিবিতী অমসুং স্পেসিফিসিতী ১০০% ওইরেনা ভেলিদেৎ তৌখ্রে। শ্রী খরেনা আই.আই.তি দিল্লীনা অফবা খুন্নাই অমগী ওইহন্নবা হোৎনরিবশিং অসি থাগৎখি অমসুং মখোয়গী তুংলমচৎকীদমক মায় পাক্নবা মখোয়বু মঙ্গোম পীখি।

আই.আই.তি. দিল্লীগী দিরেক্তর প্রোফেসর ভি. রামগোপাল রাওনা হায়খি ভারত সরকার, ঐচ.আর.দি. মন্ত্রালয়, হকশেল মন্ত্রালয় অমসুং আই.সি.এম.আর.দগী অহোংবা কিৎ অসি দিবেলপ তৌবা অমসুং শাবদা ফংখিবা মতেং অদুগীদমক আই.আই.তি. দিল্লীনা তৌবীমল খঙবা উৎলি। ঐখোয়গী রিসর্চরশিংনা কোবিদ-১৯গা মরী লৈনবা রিসর্চ অমসুং কোরোনাভাইরসকী মায়োক্তা লৈবাক অসি অমদি মালেমনা লান্থংন্নবা হোৎনবদা মতেং পাংনবা লেপ্পা লৈতনা মীৎয়েং চংগনি।

***