সিপ্পিংগী রাজ্য মন্ত্রী (ইন-চার্জ) শ্রী মনসুখ মন্দাবিয়ানা কোচিন হিথাংফমগী ভল্লরপদম তর্মিনেলদা শেমগৎ শাগৎলিবশিং য়েংশিনখ্র‍ে ‍। মসি দি.পি. ৱর্ল্দনা চলাইগদবা ভারতকী অহানবা ত্রান্স-শিপমেন্ত হিথাংফম অমা ওইনবগী পান্দম থম্লি‍।

শ্রী মন্দাবিয়ানা ওফিসিএলশিংদা লৈরিবা শীংনবশিং থেংননবা লাল্লোংশিং য়াত্থোক্তুনা ভারতকী ত্রান্স-শিপমেন্ত হব অমসুং খা এসিয়াগী মাঙজিল থাবা হব অসিগী মংলান মংফাওনহন্নবা পাউতাক পীখি‍। শ্রী মন্দাবিয়ানা হায়খি, “ঐখোয়না ভারতকী হিথাংফমদা ত্রান্স-শিপমেন্ত হব শেমগৎলিবসি ভারতকী কার্গোশিং অসি ভারতকী হিথাংফমদগী ত্রান্স-শিপ তৌনবগীদমক্তনি‍। ভল্লরপদম তর্মিনেলগী লৈরিবা খুদোংচাদবশিং কোকহনবা হায়বসি সিপ্পিং মন্ত্রালয়গী মকোক থোংবা ৱাফমশিংগী মনুংদা অমনি‍।”

ত্রান্স-শিপমেন্ত হব হায়বসি কন্তেনরশিং হেন্দল তৌনবা, ঙাইহাক্কী ওইনা থম্নবা অমদি মখোয়না চৎখিগদবা লমথুংফমগীদমক অতোপ্পা জহাজশিংদা হাপচিনবগী থবক তৌগদবা হিথাংফম অমগী তর্মিনেল অমনি‍। মফমদুদা ভল্লরপদম তর্মিনেল হায়না খঙনবা কোচি ইন্তরনেসনেল কন্তেনর ত্রান্স-শিপমেন্ত তর্মিনেল (আই.সি.তি.তি.) অসি ভারতকী সমুদ্র খোঙবাল পরিংদা মফম চানা লৈ‍। মফমসিবু ত্রান্স-শিপমেন্ত হব অমা ওইবগী ক্রাইতেরিয়াশিং মপুং ফানা লৈরি অমদি হায়রিবশিংদুদি:

• মসি মালেমগী ঈশিং লম্বীগা নক্নবা খ্বাইদগী মফম চানা লৈবা ভারতকী হিথাংফম্নি;
• মসি ভারতকী ফীদর হিথাংফম পুম্নমক্তগী চাংচত্তা খ্বাইদগী য়ামদবা নোতিকেল দিস্তেন্সতা লৈ;
• মুন্দ্রাদগী হৌরগা কোলকতা ফাওবা, ভারতকী নোংচুপ অমসুং নোংপোক সমুদ্র খোঙবালগী হিথাংফম পুম্নমক্ক চয়োলগী ওইনা মশিং য়াম্লবা কন্নেক্সন লৈবা মফম ওইরি;
• মসিগা ভারতকী সমুদ্র ময়াগী মরুওইবা কৈথেলশিংগা নক্ননা লৈ;
• মসিদা অচৌবা জহাজশিং মেনেজ তৌনবা মচাক মথুমশিং লৈ অমদি মথৌ তাবগী মতুং ইন্না হেনগৎহনবা য়াবগী মতিং লৈ‍।

কোচিন হিথাংফমগী ভল্লরপদম তর্মিনেল অসি খা ভারতকী খ্বাইদগী পাম্নবা হোজঙ অমদি খা এসিয়াগী মকোক থোংবা ত্রান্স-শিপমেন্ত হব অমা ওইনা শেমগৎনবা ৱাফম হৌদোকনখিবনি‍।

******