ভারতকী অমত্তা ঙাইরবা এভিএসন য়ুনিবর্সিতী, রজিব গান্ধী নেস্নেল এভিএসন য়ুনিবর্সিতী (আর.জি.এন.এ.য়ু.), অমেথি, উত্তর প্রদেশ্না মখোয়গী ভোকেসনেল কোর্স ওইনা মৈপোক লাংহৌ থেংননবগীদমক – বেসিক ফায়র ফাইতর কোর্সকী মিং চনবগী থবক হৌরগনি হায়না লাউথোকখ্রে। য়াওনিংবা মহৈরোইশিংনা প্রোগ্রাম অসিদা মিং চন্ননবগীদমক gmraa.contact@gmrgroup.in দা মেল থাগদবনি।

শ্রী অম্বের দুবে, এক্তিং ভাইস চান্সেল্লর, রজিব গান্ধী নেস্নেল এভিএসন য়ুনিবর্সিতীনা হায়খি, "ফায়র ফাইতরশিংনা এভিএসন সেক্তরগী য়াম্না মরুওইবা থৌদাং অমা লৌরি। লৈবাক অসিদা লৈরিবা এয়রপোর্তশিং পাকথোক চাউথোক্লকপগা লোইননা, ত্রেন তৌরবা প্রোফেসনেলশিংগী দিমান্দসু হেনগৎলক্লগনি। ঐখোয়গী কোর্সশিং অসিগা লোইননা ঐখোয়না মসিগী সেক্তর অসিদা তুংদা লাক্কদবা দিমান্দশিং পীবা ঙম্নবা স্কিল লৈরবা প্রোফেসনেলশিং শেম্লি।"

বেসিক ফায়র ফাইতর কোর্স অসি ফায়র ফাইতরবু মশাগী শিনফম ওইনিংবা মীওইশিংগী থা ৬কী সর্তিফিকেৎ কোর্স অমনি। মসিগী কোর্স অসি জি.এম.আর. এভিএসন একাদেমীগা খুৎশম্নব্দুনা পাঙথোক্কদবনি।

কোর্স অসি মালেমগী থাক্তা লৈবা  এয়র কন্দিসন ক্লাসরুম, লাইব্রারী, অমসুং হোস্তেল লৈবা ত্রেনিং সেন্তরদা পাঙথোক্কনি। কোর্সকী মনুংদা, অখঙ অহৈশিংনা মহৈরোইশিংদা মীৎমাংদা থোকপা থৌদোকশিং খঙহনবা ওইনা শীজিন্নরিবা রনৱে অমদা লাইব ফায়র ত্রেনিং পীগনি। পাইলৎ কেদেৎশিং অমসুং এয়রপোর্ত ওপরেসন এক্সপর্তশিংগা ৱারী ৱাতাই শান্নবগী থৌরমসু তশেংনা থবক পায়রিবা মীওইশিংগা উন্নদুনা খঙহন্নবগী পান্দমদা শীল্লি। য়ুনিবর্সিতী অসিদা মকোক থোংবা এয়রপোর্ত ওপরেতরশিংগা লোইননা কেম্পস প্লেস্মেন্তকী খুদোংচাবসু পীরি।

ইলিজিবিলিতীঃ চহী ১৮গী মথক্তা লৈরবা, ১০+২ একজামিনেসন পাস তৌরবা ফিজিকেল অমসুং মেদিকেল ফিৎ ওইরবা নুপা নত্ত্রগা নুপী কেন্দিদেৎ অমহেক্তনা থাজিবা য়াগনি। নুপী কেন্দিদেৎশিংনা সেন্তিমিতর ১৫৭ ৱাংগদবনি, অমসুং নুপা কেন্দিদেৎশিংনা সেন্তিমিতর ১৬৫ ৱাংগদবনি। কেন্দিদেৎশিংনা মশাদা এল.এম.ভি./ঐচ.এম.ভি. দ্রাইবিং লাইসেন্সসু পায়গদবনি অমসুং ইংলিস নিংথীনা খঙগদবনি।

হৌজিক লৈরিবা কোর্স অসি ওগস্ত ১৭, ২০২০দগী ফেব্রুৱারী ১৪, ২০২০ফাওবা চত্থগনি।  

রজিব গান্ধী নেস্নেল এভিএসন য়ুনিবর্সিতীগী মতাংদা

রজিব গান্ধী নেস্নেল এভিএসন য়ুনিবর্সিতী (আর.জি.এন.এ.য়ু.) হায়বসি ভারতকী ইহান হানবা অমসুং অমত্তা ঙাইরবা রজিব গান্ধী নেস্নেল এভিএসন য়ুনিবর্সিতী এক্ত, ২০১৩গী মখাদা উত্তর প্রদেশকী অমেথিদা লৈবা  এভিএসন য়ুনিবর্সিতী অমনি। আর.জি.এন.এ.য়ু.গী পান্দমদি এভিএসন ইন্দস্ত্রীদা লৈরিবা সব সেক্তর খুদিংমক্কী ওপরেসন, অমসুং মেনেজমেন্তকী থবকশিংদা মায় পাক্না মথৌ পাঙথোকপা ঙম্নবগীদমক এভিএসন স্তদীজ, তিচিং, ত্রেনিং, রিসর্চ তম্বীবা অমদি পীবনি। ভারতকী এভিএসন ইন্দস্ত্রী অসিদা লৈরিবা অহোবসি মেনশিন্নবগীদমক য়ুনিবর্সিতী অসিনা প্রোগ্রাম অহুম পীরি – অন্দর গ্রেজুএৎ প্রোগ্রাম অমা, পোস্ত গ্রেজুএৎ প্রোগ্রাম অমা, অমসুং বেসিক ফায়র ফাইতিংদা সর্তিফিকেৎ কোর্স অমনি। য়ুনিবর্সিতী অসিদা ই.দি.পি./এম.দি.পি.শিংসু হান্ননা শিনফমদা লৈজরবা মিদ লেবেল অমসুং সেনিয়র এভিএসন প্রোফেসনেলশিংবু ৱাখল লৌশিং পীনবগীদমক পাঙথোক্লি। য়ুনিবর্সিতী অসিগী মরমদা অহেনবা ঈ পাউ খঙবীনবগীদমক www.rgnau.ac.in দা চঙবীয়ু।

***