রুরেল দিবেলপমেন্ত অমসুং পঞ্চায়তী রাজগী কেন্দ্র মন্ত্রী শ্রী নরেন্দ্র সিংহ তোমারনা ঙসি ভিদিও কনফরেন্সকী থোংদা রাজ্য তরুক্কী রুরেল দিবেলপমেন্তকী মন্ত্রীশিং অমসুং মকোক থোংবা ওফিসিএলশিংগা গরীব কল্যান রোজগার অভিয়ানগী খুমাং চাওশিনবগী মতাংদা মীফম অমা পাংথোকখ্রে।   প্রধান মন্ত্রী শ্রী নরেন্দ্র মোদীনা জুন ২০, ২০২০দা হৌদোকখিবা গরীব কল্যান রোজগার য়োজনা অসি বিহার, উত্তর প্রদেশ, ঝারখন্দ, মধ্য প্রদেশ, ওরিশা অমসুং রাজস্থানগী জীলা ১১৬তা থবক পায়খৎখ্রে। অভিয়ান অসি নুমীৎ ১২৫নি মখা তানা চত্থগনি অমসুং তোঙান-তোঙানবা মন্ত্রালয় ১১গী মনুং চনবা থবক ২৫ মপুং ফাহন্নবগীদমক মশক খংদোকখ্রে। অভিয়ান অসি নিংথিনা চাং নাইনা য়েংশিন্দুনা তোঙান-তোঙানবা পেরামিতরশিংদা নিংথিজনা খুমাং চাওশিন্না পাংথোক্লি হায়বা খংবা ঙমখ্রে।

রাজ্যশিংগী মীহুৎশিংদা ৱা ঙাংলদুনা কোন্দ্র মন্ত্রীনা মাইগ্রেন্ত লেবরশিংবু মাগী-মাগী মরমদা থবক ফংহন্নবা সরকার অসিনা হোৎনরি হায়না ফোংদোকখি। অভিয়ান অসি ময়ুমদা হল্লকপা মাইগ্রেন্তশিং অমসুং মান্নবা মওংদা চৈথেং ফংলবশিংদা থবক ফংহনবদা নত্তনা শেন্মিৎলোন মপাঙ্গল কনখৎহন্দুনা মীয়ামগী ওইবা ইনফ্রাস্ত্রকচরশিং খুঙ্গং অদুদা ফগৎহন্দুনা লম্বিশিং, য়ুমসি, আঙ্গনৱাদী সেন্তরশিং, পঞ্চায়েৎকী শঙলেনশিং, তোঙান-তোঙানবা পুন্সি মহিংগী মচাকশিং অমসুং কংলুপকী ওইবা কম্প্লেক্সশিংনচিংবা পুন্সি মহিংগী খুদোংচাবশিং শেমগৎকনি। সেন্তর অমসুং রাজ্যশিং অসিগী মরক্তা নিংথিনা তেংবাং পীনদুনা অখন্নবা কোংজং অসি খুমাং চাওশিনবগী চাং অসিদা অপেনবা ফোংদোকখি অমসুং মখা তানা খোংজং অসি য়াংনা চংশিলহন্নবা অমসুং খ্বাইদগী য়াম্বা ইনপ্রাস্ত্রকচর শেম্নবা অকনবা মীৎয়েং থমখি।

শ্রী তোমারনা লেপ্নখিবা মতমদা পান্দম অসি মপুং ফানা পাংথোকপা ঙম্নবা তোঙান-তোঙানবা মন্ত্রালয়শিংনা থবক অসি পাংথোকহনবদা মায়োক্নরিবা খুদোংচাদবশিং অসি হন্থহনবগা লোয়ননা মহৈশিং ফংনবা রাজ্যশিংগী মরক্তা হিদান্নবগী মওং অমদা শেমগৎনবদা অকনবা মীৎয়েং থমখি। পি.এম.জি.এস.ৱাই.গী মখাদা খুঙ্গংগী লম্বি শেম্নবগী অহুমশুবা তাঙ্কক্কী ওইনা শেন্থং পীনবগীমদমক তেন্দর অসি খুঙ্গংগী মফম পুম্নমক্তা থবকশিং থুনা লৈহল্লক্নবদা খোংজেল য়াংহনগনি হায়না খংহনখি।  থবক ফংহন্নবগী মায়কৈরোমদা মিশনগী মওংদা চংশিনবা মরু ওইবা খোংজং অমনি।

তমথিরবা কোরোনাভাইরসনা থোকহল্লিবা অরুবা তানফম অসিদা মীয়ামগী য়াইফনবগীদমক সরকার অসিনা পায়খৎখিবা মরুওইবা থৌরাংশিংগী মতাংদা হায়রদুনা শ্রশী তোমারনা কেন্দ্র সরকার অসিনা এম.জি.এন.আর.ই.জি.এ.গী মখাদা লুপা কোতী ৪০,০০০গী মরুওইবা তেংবাং ফংহনখি হায়না ফোংদোকখি। আত্মনির্রভর ভারত অভিয়ানগী মখাদা লুপা কোতী ২০গী পেকেজ অমসু লাওথোকখ্রে। সরকারনা থা ৮লোমদগী লায়রবা ইমুংশিংদা লেম্না চেং ফংহল্লি। 

শরুক য়ারিবা রাজ্য তরুক্কী মীহৎশিংনা কেন্দ্র সরকারদা গরীব কল্যান য়োজনা অসিগীদমক্তা তৌবিমল খংবা উৎখি অমসুং মসিবু নিংথিনা থবক পাংথোকহন্নবা মশিং য়ীম্বী ৱাফমশিং থমখি। উত্তর প্রদেশকী রুরেল দিবেলপমেন্তকী মন্ত্রী শ্রী অনন্দ স্বরুপ শুকলানা মাগী রাজ্য অদুদা পান্দম অসি য়ৌবা ঙমগনি হায়বগী থাজবা পীখি। বিহারগী মন্ত্রী শ্রী শ্রবন কুমারনা রাজ্য অসিগী খগরিয়া জীলাদা গরীব কল্যান য়োজনা হৌদোকখিবা অমসুং মদুদা বিহারগী জীলা ৩২গী য়াম্লবা মশিংদা য়াওহন্দুনা লায়চৎ অসিগী মনুংদা ময়ুম-ময়ুমদা হল্লকখিবা শিন্মীশিংদা থবক ফংহল্লিবা অদুগীদমক থাগৎপা ফোংদোকখি। রুরেল দিবেলপমেন্তকী কেন্দ্র মন্ত্রীনা রাজ্যশিং অসিগী মীহুৎশিংদা ৱাফমশিং অসি মপুং ফানা খন্নগনি হায়বগী অচেৎপা ৱাফম থমখি।

***