রোদ ত্রান্সপোর্ত, হায়ৱে অমসুং এম.এস.এম.ই.শিংগী কেন্দ্রগী মন্ত্রী শ্রী নিতিন গদকারীনা ঙসি ৱেবকাস্তকী খুথাংদা লুপা কোতি লীশিং ২০মুক্কী ওইগদবা অনৌবা শেন্মিৎলোনগী থোং হাংদোক্কদবা প্রোজেক্তশিংগী শরুক অমা ওইনা তোঙান-তোঙানবা হায়ৱে প্রোজেক্তশিং হৌদোক্তুনা ঙসি হরিয়ানাদা উরেপ উয়ুং তমখ্রে। থৌরম অদু হরিয়ানাগী মুখ্য মন্ত্রী শ্রী মনোহর লালনা ময়াই তাংবল লৌখি। রাজ্যগী রোদ ত্রান্সপোর্ত অমসুং হায়ৱেগী কেন্দ্রগী মন্ত্রী জেনরেল (রিতায়র্দ) ভি.কে. সিংহ, হরিয়ানাগী উপ্প মুখ্য মন্ত্রী শ্রী দুশ্যান্ত চৌতালা, কেন্দ্রগী মন্ত্রী শ্রী রাও ইন্দর্জিৎ সিংহ, শ্রী কৃষ্ণপাল গুরজার, শ্রী রতন লাল কতারিয়া, এন.ঐচ.এ.আই.গী চেয়রমেন শ্রী এস.এস. সন্ধু, রোদ ত্রান্সপোর্ত অমসুং হায়ৱে মন্ত্রালয়গী মকোক থোংবা ওফিসরশিং অমসুং হরিয়ানা রাজ্য সরকারগী ওফিসরশিংনা ভর্চুএল ওইনা পাঙথোকখিবা থৌরম অদুদা শরুক য়াখি।

রোদ ত্রান্সপোর্ত, হায়ৱে অমসুং এম.এস.এম.ই.শিংগী কেন্দ্রগী মন্ত্রী শ্রী নিতিন গদকারীনা ঙসি ৱেবকাস্তকী খুথাংদা  অনৌবা শেন্মিৎলোনগী থোং হাংদোক্কদবা প্রোজেক্তশিংগী শরুক অমা ওইনা তোঙান-তোঙানবা হায়ৱে প্রোজেক্তশিং হৌদোক্তুনা ঙসি হরিয়ানাদা উরেপ উয়ুং তম্বা

হৌদোকখিবা প্রোজেক্ত অদুদা কিলোমীতর এন.ওইচ. ৩৩৪বি. ৩৫.৪৫ শাংবা লেন-৪ ওইগদবা রোহনা/হসনগর্হদগী ঝাজর সেক্সন ফাওবগী লুপা কোতি ১১৮৩, এন.ঐচ. ৭১গী পঞ্জাব-হরিয়ানা ঙমখৈদগী জিন্দ সেক্সন ফাওবগী কিলোমীতর ৭০ শাংবা লেন ৪গী লম্বী শেম্বগী লুপা কতি ৮৫৭, অমসুং এন.ঐচ. ৭০৯দা কিলোমীতর ৮৫.৩৬ শাংবা লেন ২ ওইবা পেব সোল্দর য়াওবা জিন্দ-করনাল হায়ৱেগী লুপা কোতি ২০০ য়াওরি।

উরেপ উয়ুং অদু এন.ঐচ. ১৫২ দি.দা কিলোমীতর ২২৭ শাংবা ইস্মেলপুরদগী নারনোলফাওবগী গ্রীনফিল্দ এক্সপ্রেসৱেদা লেন ৬কী লম্বী শেম্নবা লুপা কোতি ৮৬৫০গী পেকেজ ৮, এন.ওইচ. ৩৫২ দব্ল্যু.গী গুরুগ্রাম পতৌদি-রেৱারি সেক্সনগী কিলোমীতর ৪৬ শাংবা লেন ৪গী লম্বী শেম্নবা লুপা কোতি ১৫২৪, কিলোমীতর ১৪.৪ শাংবা লেন ৪ ওইগদবা রেৱারি বাইপাস্কী লুপা কোতি ৯২৮, কিলোমীতর ৩০.৪৫ শাংবা এন.ঐচ. ১১গী লেন মরি ওইগদবা রেৱারি-অতেলি মন্দি সেক্সনগী লুপা কোতি ১০৫৭, কিলোমীতর ৪০.৮ শাংবা লেন ৬ ওইগদবা নারনৌল বাইপাস, এন.ওইচ. ১৪৮ বি., এন.ঐচ.১১ অমসুং নারনৌলদগী অতিলি মন্দি সেক্সন ফাওবগী এন.ঐচ.১১দা লম্বী শেম্বগী লুপা কতি ১৩৮০, কিলোমীতর ৪০.৬ শাংবা লেন ৪ ওইগদবা এন.ওইচ.৩৫২ এগী জিন্দ-গোহানা (পেকেজ-১ গ্রীনফিল্দ এলাইন্মেন্ত)গী লুপা কোতি ১২০৭, কিলোমীতর ৩৮.২৩ শাংবা এন.ওইচ.৩৫২এগী লেন ৪ ওইগদবা গোহানা-সোনিপৎ সেক্সনগী লুপা কোতি ১৫০২, অমসুং কিলোমীতর ৪০৪৭ শাংবা লেন ৪ ওইগদবা এন.ঐচ. ৩৩৪ বি.দা য়ু.পি.-হরুয়ানা ঙমখৈগী লুপা কোতি ১৫০২।

রোদ ত্রান্সপোর্ত, হায়ৱে অমসুং এম.এস.এম.ই.শিংগী কেন্দ্রগী মন্ত্রী শ্রী নিতিন গদকারীনা ঙসি ৱেবকাস্তকী খুথাংদা  অনৌবা শেন্মিৎলোনগী থোং হাংদোক্কদবা প্রোজেক্তশিংগী শরুক অমা ওইনা তোঙান-তোঙানবা হায়ৱে প্রোজেক্তশিং হৌদোক্তুনা ঙসি হরিয়ানাদা উরেপ উয়ুং তম্বা

থৌরম অদুদা ৱা ঙাংলদুনা, শ্রী নিতিন গদকারীনা হায়খি, হায়রিবা প্রোজেক্তশিং অসিনা রজায় অসিগী মনুংদতা নত্তনা পঞ্জাব, রাজস্থান দিল্লী অমসুং উত্তর প্রদেশকুম্বা অতোপ্পা রাজ্যশিংদা চত্থোক চৎশিন্দা অপনবা লৈহন্দদুনা হরিয়ানাগী মীয়ামদা চাউনা কান্নবা পীরগনি। মন্ত্রীনা মসিমসু হায়খি, মদুদি মসিগী মরুওইরবা প্রোজেক্তশিং অসিনা অচৌবা শহরশিংদা চত্থোক-চৎশিনগী মতম হন্থহল্লদুনা মী চিনবগী চাং হন্থরগনি। মসিনা চন্দিগরদগী দিল্লী এয়রপোর্তফাওবা চৎপা মতমদা হান্না পুং ৪ চঙলম্বদগী হৌজিক্তি পুং ২তমক চঙলগনি। প্রোজেক্তশিং অসিনা মতম, থাউ, অমসুং শেল হন্থহনবদা নত্তনা রাজ্য অসিগী শোত্থরবা মফমশিংদা চাউখৎপা পুরক্লগনি। সরকার অসিনা লৈবাক অসিগী চাউখৎনবা অমসুং নুংঙাই য়াইফনবগীদমক্তা লেপ্লি অমসুং সরকার অসিগী অহানবা চহি অনীশুরকপা মতমদা লুপা কোতি লাখ ২গী ওইগদবা থবকশিং মাই পাক্না লোইশিনগনি হায়না মহাক্না ফোংদোকখি। ত্রিল্লিয়ন মঙাগী শেন্মিৎলোন ফংনবগীদমক প্রধান মন্ত্রীনা লুপা কোতি লাখ ১০০গী ইনফ্রাস্ত্রকচর চাউখৎনবগীদমক মরু হুনখিবদুবুসু নিংশিংখি। মন্ত্রীনা হায়খি, রাজ্য অসিগী মীয়াম্না বাইও ফ্যুলগীদমক মহৈ-মরোংশিংবুনা মরুওইনা লৌগদবনি, হায়রিবশিং অসিদা মখোয়গী পুন্সি মহিংদা মাইকৈ খুদিংদা চাউখৎপা পুরকপা ঙমগনি। মসিনা খুঙ্গংশিংগী মনুংদা থবক্কী খুদোংচাবা পীবা ঙমগনি, মসিনা থবক শুফম থিনবগীদমক মী পাক্তক্ননা অতোপ্পা লমদা চৎপসু হন্থহনগনি। মন্ত্রীনা হায়খি, হৌজিক পুখৎলক্লিবা দিল্লী-মুম্বাই এক্সপ্রেসৱে, ত্রান্স হরিয়ানা একোনোমিক কোরিদোর অমসুং গুরুগ্রাম-রেৱারি-অতেলি-নারনৌল অসি মচীন তুমখৎলক্লিবা হরিয়ানাগী কাচিন-কোয়া খুদিংদা চাউখৎপা পুরক্কদবা ভারতকী অনৌবা হায়ৱেশিংনি।

শ্রী গদকারীনা মুখ্য মন্ত্রীদা রাজ্য অসিগী নেসনেল হায়ৱে প্রোজেক্তশিংগীদমক লম লৌশিনবগী থবক থুজিন্নবা ৱাফম থমখি। মসিদা থোক্লক্কদবা খুদোংচাদবশিং খন্ন-নৈননবা অথুবদা আর.তি.ওইচ.কী রাজ্যগী মন্ত্রী জেন (রিতায়র্দ) ভি.কে. সিংহগা লোইননা লোইশিন্নবা হোৎনরগনি।

মন্ত্রীনা হরিয়ানাগী মুখ্য মন্ত্রীদা এম.এস.এম.ই. য়াওনা ইন্দস্ত্রেইএল ক্লস্তরশিং, স্মার্ত সিতীশিং, স্মার্ত খুঙ্গংশিংগা লোইননা খাদি অমসুং খুঙ্গংগী ইন্দস্ত্রীশিং দিল্লী মুম্বাই এক্সপ্রেসৱে প্রোজেক্ত অসিগী নাকন্দা চাউখৎহন্নবা হোৎবদা পুন্না চৎমিন্ননবা হৌদোকখি। মহাক্না মুখ্য মন্ত্রীদা মসিগা মরী লৈননা অরৈবা মতেং পাংগনি হায়না থাজবা পীখি। মন্ত্রীনা এম.এস.এম.ই.গী খুথাংদা লাক্কদৌরিবা চহি মঙা অসিদা থবক কোতি ৫ পীনবগী পান্দম থম্লিবা অমসুং কে.ভি.আই.সি.গী তর্ন ওবরসু হৌজিক লৈরিবা চহিদা কোতি ৮৮০০০ লাক্লিবসিদগী হেনগৎহন্নবা হোৎনরিবসিসু পাউদমখি।

হরিয়ানাগী মুখ্য মন্ত্রী শ্রী মনোহর লালনা শ্রী গদকারীবু রাজ্য অসিনা লম্বীগী মতাংদা হায়জখিবশিং ইকাই খুম্নবীবগীদমক থাগৎপা ফোংদোকচখি। মহাক্না হায়খি, মসিগী প্রোজেক্তশিং অসিনা রাজ্য অসিগী ইন্দস্ত্রী অমসুং লল্লোন ইতীক্তা শাফু অমা পীরগনি। রাজ্য অসিনা চাউখৎলিবশিং অসি পাক চাউরবা লম্বী থোং অমসুং চত্থোক –চৎশিনগী ফেসিলিতীশিং অসিননি হায়না ফোংদোকখি। মন্ত্রীনা কিলোমীতর ২৯৪০৬ শাংবা লম্বীশিং রাজ্য অসিদা হৌখিবা চহি মঙা অসিদা শেমগৎলক্লি/শেমজিল্লক্লি হায়না থমখি। মখা তানা, আর.ও.বি./আর.য়ু.বি.শিং রেলৱে ক্রোসিংশিংদা এক্সিদেন্ত থোকপা হন্থহন্নবগীদমক বজেৎ শেম্বদা হাপখ্রে।

অনৌবা শেন্মিৎলোনগী থোং হাংদোক্কদবা প্রোজেক্তশিংগী শরুক অমা ওইনা তোঙান-তোঙানবা হায়ৱে প্রোজেক্তশিং হৌদোক্তুনা ঙসি হরিয়ানাদা উরেপ উয়ুং তম্বগী থৌরমদা হরিয়ানাগী মুখ্য মন্ত্রী শ্রী মনোহর লাল অমসুং উপ্প মুখ্য মন্ত্রী শ্রী দুশ্যান্ত চৌতালা

থৌরম অদুদা ৱা ঙাংলদুনা জেনরেল (রিতায়র্দ) ভি.কে. সিংহনা হায়খি, এন.ঐচ. প্রোজেক্তশিং থবক ওইনা পায়খৎপনা হরিয়ানাদা মাইকৈ খুদিংদা চাউখৎপা পুরক্কনি। মহাক্না হরিয়ানাগী মুখ্য মন্ত্রীদা রেৱারী বাইপাস প্রোজেক্তপু রেৱারী শহরদা রিং রোদ ওইনা ওন্থোক্তুনা মী চিনবা হন্থনবগীদমক হৌদোকখি। এন.ঐচ.এ.আই.গী চেয়রমেন শ্রী এস.এস. সন্ধুনা এন.ওই.এ.আই.না মসিগী প্রোজেক্ত অসি থারগা হরিয়ানাদা লুপা কোতি ৩৭০০০গী ওইগদবা থবক্কী প্রোজেক্ত কয়া অমা পায়খৎলি হায়না পাউদমখি। মহাক্না হরিয়ানাগী মুখ্য মন্ত্রীদা এন.ঐচ. প্রোজেক্তশিংগীদমক্তা লম লৌশিনবগী থুজিনবীনবা হায়জখি।

২০১৪দা, হরিয়ানাদা লৈরম্বা এন.ঐচ.কী অপুনবা অশাংবসি কিলোমীতর ২০৫০নি, হায়রিবসি হৌজিক্তি কিলোমীতর ৩২৩৭ ওইরে। এন.ঐচ.কী অকুংবসু স্ক্বার কিলোমীতর ১০০০দা কিলোমীতর ৭৫ ওইরে, মসিনা লৈবাক অসিগী মরুওইবা রাজ্যশিংগী মরক্তদি খ্বাইদগী ৱাংবা ওইরি। হরিয়ান্দা মরুওইবা কোরিদোর মরি লিংখৎলি, মসিগী মনুংদা জিন্দ-গোহানা-সোনিপৎ অমসুং য়ু.পি./হরিয়ানা ঙমখৈ-রোহনা-ঝাজরগী ব্রাউনফিল্দ প্রোজেক্ত অনী য়াওরি। অতোপ্পা গ্রীনফিল্দ প্রোজেক্ত অনীদুদি – অম্বালা-কোৎপুতলিগী কিলোমীতর ৩০৪ শাংবা অমসুং গুরুগ্রাম রেৱারী-নারনৌল-রাজস্থান ঙমখৈগী কিলোমীতর ১৩২ শাংবা প্রোজেক্তশিংনি। মসিগী মথক্তা, অতোপ্পা মরুওইবা প্রোজেক্ত কয়া অমসু হরিয়ানাগী দিল্লী এন.সি.আর.গী মফমশিংদা লৌখৎলি। মসিগী মনুংদাঃ কিলোমীতর ১৩৫০ শাংবা দিল্লী মুম্বাই এক্সপ্রেসৱেগী লুপা কোতি লাখ অমা, কিলোমীতর ৬০০ শাংবা দিল্লী-অম্রিৎশর-কাত্রা এক্সপ্রেসৱেগী লুপা কোতি ৩০,০০০, দ্বার্কা এক্সপ্রেসৱেগী কিলোমীতর ৩০ শাংবা লুপা কোতি ৮,০০০ চঙবা, কিলোমীতর ২১ শাংবা গুরুগ্রাম-সোহনা লম্বীগী লুপা কোতি ১৬৩০, কিলোমীতর ২৮ শাংবা অম্বালা রিং রোদ, অমসুং কিলোমীতর ৩০ শাংবা কর্নাল রিং রোদনি। মসিগী মথক্তা, অতোপ্পা কিলোমীতর ৪১০ শাংবা এন.ঐচ. প্রোজেক্তশিংসু পায়খৎনবা লৈরি, হায়রিবসি মথং চহিদা পায়খৎলবা য়ারি। মথংগী চহি ২-৩ অসিদদি, কিলোমীতর ১৫৫০ শাংবা হায়ৱে অমসুং এক্সপ্রেসৱেশিং কোতি ৬০,০০০ চঙনা শেমগৎলগনি। মসিগী মনুংদা, লুপা কোতি ১২,০০০সু হরিয়ানাগী লম মপুশিংদা খেতিপুরোন ওইনা পীখ্রে।   

***