প্রমোসন ওফ ইন্দস্ত্রী এন্দ ইন্তর্নেল ত্রেদ বিভাগকী ইকনোমিক এদবাইজরগী লোয়শঙনা ভারতকী ওইনা ২০২০গী জুন থাগী (প্রোবিজনেল) অমসুং এপ্রিল থাগী (ফাইনেল) হোলসেল প্রাইসকী ইন্দেক্স নম্বরশিংগী ফিগরশিং প্রেস রিলিজ অসিদা ফোঙলগনি। হোলসেল প্রাইজ ইন্দেক্স (দবল্যু.পি.আই.)গী প্রোবিজনেল ফিগরশিংগা লোয়ননা মরী লৈনবা থা অমসুং ইন্সতিত্যুসনেল সোর্সশিংদগী ফংলকপা দেতা পুনশিল্লগা অমসুং লৈবাক শিনবা থুংনা লৈরিবা খনগৎলপা মেন্যুফেকচরিং য়ুনিৎশিংদা চয়োল অনিগী মতম কানরগা থা খুদিংগী ১৪দা ফোঙই। চয়োল ১০গী মতুংদা ইন্দেক্স অসি অরোইবা ওইনা লেপথোকই অমসুং অরোইবা ফিগরশিং ফোঙগনি অমদি মসিগী মখা তাবদা ফ্রোজন তৌখ্রগনি। 

ইনফ্লেসন

থাগী দবল্যু.পি.আই.দা বেজ তৌবা চহিগী ইনক্লেসন রেৎ অসি মমাং চহিগী থা অসিমক্তদা ওইবা ২,০২%গা চাংদম্নবদা ২০২০গী জুন থাগী (২০১৯গী জুনগা য়েংনবদা) ওইনা (-১.৮১%) (প্রোবিজনেল)দা লৈরি।

খঙজিল্লু: পি: প্রোবিজনেল, এফ: ফাইনেল, * মমাংগী চহিগীগী থা অসিমক্তদা য়ুম্ফম ওইরগা হোৎপা চহিগী ইনফ্লেসন রেৎ।

তোঙান তোঙানবা পোৎলমগী কাংলুপশিংগী ইন্দেক্সকী অহোংবা অদু মখাদা পীরি :-

মরু ওইবা পোৎলমশিং (চাং ২২.৬২%)

মরু ওইবা কাংলুপ অসিগী ইন্দেক্স অসি ২০২০গী মে থাদা ১৩৬.২ (প্রোবিজনেল) ওইবদগী ২০২০গী জুনদা (২.২৮%) হেনগৎতুনা ১৩৯.৩ (প্রোবিজনেল) ওইরে। মে ২০২০গা চাংদম্নবদা ক্রুদ পেত্রোলিয়ম অমসুং নেচরেল গ্যাস (১৬.৩০%), চীঞ্জাক্কী পোৎলমশিং (১.৯৭%) অমসুং চীঞ্জাক নত্তবা পোৎলমশিং (১.৭১%) অসিগী মমলশিং হেনগৎখ্রে। মে ২০২০গা চাংদম্নবদা মিনরেলশিংগী মমলশিং (-১.৭২%) হন্দখ্রে।

ফ্যুল অমসুং পাৱর (চাং ১৩.১৫%)

মরু ওইবা কাংলুপ অসিগী ইন্দেক্স অসি ২০২০গী মে থাদা ৮৩.৭ (প্রোবিজনেল) ওইবদগী ২০২০গী জুনদা (৫.৫০%) হেনগৎতুনা ৮৮.৩ (প্রোবিজনেল) ওইরে। মিনরেলশিংগী থাওগী কাংলুক্কী মমলশিং অসি ২০২০গী মে ধাগা চাংদম্নবদা (১২.৫৪%) হেনগৎখ্রে। কোয়লা অমসুং ইলেক্ত্রিকসিতিগী মমলশিংদা অহোংবা লৈতে

মেন্যুফেকচর তৌরবা পোত্থোকশিং (চাং ৬৪.২৩%)

মরু ওইবা কাংলুপ অসিগী ইন্দেক্স অসি ২০২০গী মে থাদা ১১৮.১ (প্রোবিজনেল) ওইবদগী ২০২০গী জুনদা (০.৪২%) হেনগৎতুনা ১১৮.৬ (প্রোবিজনেল) ওইরে। ২০২০গী মেগা চাংদম্নবদা জুনদা মেন্যুফেকচর তৌরবা পোত্থোকশিংগী দিজিৎ অনিগী কাংলুপকী এন.আই.সি. ২২গী মনুংদা মমলশিংদা হেনগৎলকপা উবা ফংলিবা কাংলুপ ১৩ অদুদি চীঞ্জাক্কী পোত্থোক শাবা; রিকোর্দ তৌখ্রবা মিদিয়াগী প্রিন্তিং অমসুং রিপ্রদক্সন; শেৎনবা ফীরোল; কেমিকেলশিং অমসুং কেমিকেলগী পোত্থোকশিং; ফার্মাকোতিকেলশিং.মেদিসিনেল কেমিকেল অমসুং বোতানিকেলগী পোত্থোকশিং; রবর অমসুং চাগী পোত্থোকশিং; অতোপ্পা নন-মেদিকেল মিনরেলগী পোত্থোকশিং; বেসিক মেতেলশিং; মেছিনরী অমসুং ইক্বিপমেন্ত য়াওদনা ফেবরিকেতেদ মেতলগী পোত্থোকশিং; ইলেক্ত্রিকেল ইক্বিপমেন্তশিং; মোতোর গারীশিং, ত্রেলরশিং অমসুং সিমি-ত্রেলরশিং; অতোপ্পা ত্রানস্পোর্তকী ইক্বিপমেন্ত; অতোপ্পা শারিবশিং।  অমরোমদা ২০২০গী মেগা চাংদম্নবদা জুনদা মমলশিং হন্থরকপা উবা ফংলিবা কাংলুপশিং অদুদি থক্নবা পোৎলমশিং; হীদাক মনাগী পোৎলমশিং; তেক্সতাইলশিং, শঊন অমসুং মরী লৈনবা পোত্থোকশিং; উ অমসুং উ অমসুং চোঙ্গাংগী পোত্থোকশিং; মেছিনরী অমসুং ইক্বিপমেন্ত অঞসুং উপু-কাংথোলশিং। ২০২০গী মেগা চাংদম্নবদা জুনদা কম্প্যুতর, ইকেল্ত্রোনিক অমসুং ওপতিকেলগী পোত্থোকশিংদা অহোংবা লৈতে।

জুন, ২০২০গী দবল্যু.পি.আই.গী ফিগর অসি চাওরাক্না ৭০ পর্সেন্তগী রেস্পোন্স রেৎ অমদা শেম্বনি। মসিগী প্রোবিজনেল ফিগরশিং অসি দবল্যু.পি.আই.গী অরোইবা রিভিজন পোলিসিগী মতুং ইন্না রিভিজন তৌখিগনি।

দবল্যু.পি.আই. ফুদ ইন্দেক্স (চাং ২৪.৩৮%)

মরুওইবা পোৎলমশিংগী কাংলুপ্তগী ‘চীঞ্জাক্কী পোৎলমশিং’ অমসুং মেকন্যুফেকচর তৌরবা পোত্থোকশিংগী কাংলুপ্তগী ‘চীঞ্জাক্কী পোত্থোকশিং’ য়াওবা ফুদ ইন্দেক্স অসি প্রোবিজনেল ওইনা ২০২০ মেগী ১৪৬.১দগী ২০২০ জুন্দা ১৪৮.৬তা হেনগৎখ্রে। দবল্যু.পি.আই. ফুদ ইন্দেক্সতা য়ুমফম ওইবা চহিগী ইনফ্লেসনগী চাং অসি মে, ২০২০গী ২.৩১%দগী জুন ২০২০দা ৩.০৫%দা হেনগৎখ্রে।

২০২০ এপ্রিল থাগী অরোইবা ইন্দেক্স (বেজ ইয়র:২০১১-১২=১০০)

২০২০গী এপ্রিল থাগী ‘পোৎলম খুদিংমক্কী’ (বেজ:২০১১-১২=১০০) অরোইবা হোলসেল প্রাইস ইন্দেক্স অমসুং ইনফ্লেসন রেৎ অসি ১১৯.২দা লৈরি অমসুং ইনফ্লেসনগী দবল্যু.পি.আই.দা বেজ তৌবা রেৎ অসি (-১.৫৭%)দা লৈরি। ২০২০গী এপ্রিল থাগী ইন্দেক্সশিং অসি খনগৎলবা সোর্সশিংদগী রেস্পোন্স রেৎ ফগৎলকপা অদু য়েংলগা অরোইবা ওইনা লেপ্পনি।    

খঙজিনগদবা:Price মমলশিংগী দেতা অসি ওনলাইন্দা লৈবাক শিনবা থুংনা লৈরিবা খনগৎলবা ইন্সতিত্যুস্নেল সোর্সশিং অমসুং ইন্দস্ত্রীএল ইস্তাব্লিশমেন্তশিংদগী নেস্নেল ইনফোর্মেতিক্স সেন্তর (এন.আই.সি.)না য়েংশিল্লিবা ৱেবতা বেজ তৌবা পোর্তেলগী খুত্থাংদা খোমগৎপনি।

২০২০গী জুলাই থাগী মথংগী প্রেস রিলিজগী তাং: ১৪/০৮/২০২০

জুন ২০২০গী ভারত পুম্বগী হোলসেল প্রাইস  ইন্দেক্সশিং অমসুং ইনফ্লেসনগী রেৎশিং ( বেজ ইয়র: ২০১১-১২=১০০) এনেক্সর-I

খঙজিনগদবা: * = প্রোভিজনেল, এম.এফ/ও = মেকন্যুফেকচর ওফ

এনেক্সর II

* = প্রোভিজনেল, এম.এফ/ও = মেকন্যুফেকচর ওফ

এনেক্সর III

* = প্রোভিজনেল, এম.এফ/ও = মেকন্যুফেকচর ওফ

***