মালেমগী থাক্কী নেস্নেল হাইৱেজস (এন.ঐচ.) নেতৱার্ক লৈহন্নবা হোৎনবদা, এন.ঐচ.এ.আই.না আই.আই.তি.শিং, এন.আই.তি.শিং অমসুং মমিং লৈরবা ইঞ্জিনীয়রিং কোলেজ পুম্নমক্কা চুংশিন্নদুনা অমসুং ইন্সতিত্যুস্নেল সোসিএল রেস্পোন্সিবিলিতী (আই.এস.আর.)গী শরুক অমা ওইনা ইশানা য়ানা মনাক নকপা এন.ঐচ.গী লম্বী শেমগৎকনি। মসিগী পান্দমদি মহৈরোয়শিং অমসুং ফেকল্তীগী মহৈগী ওইবা হৈজ-শিংজবা অদু শিজিন্নদুনা লৈবাক অসিদা লৈরিবা লম্বীগী ইনফ্রস্ত্রকচর ফগৎনবা হোৎনবনি। ইন্সতিত্যুৎশিং অসিগী ফেকল্তী অমসুং মহৈরোয়শিংগা লোয়ননা মখোয়গী অফবা লোকেল রিক্বের্মেন্ত, তোপোগ্রফী, রিসোর্স পোতেন্সিএল অসিনচিংবা লৈ অমসুং মসিগী মরু ওইবা ইনপুৎশিং অসি এন.ঐচ.এ.আই.না এন.ঐচ.কী লম্বী শেম্বা হৌদ্রিঙৈ, শেম্লিঙৈ অমসুং চল্লাইবগী তোঙান তোঙানবা তাঙ্ককশিংদা শিজিন্নবা য়াগনি। ৱারেপ লৌবদা শরুক য়াবগী ৱাখল্লোন অদু লৈহনবা খক নত্তনা দিসেন্ত্রেলাইজ এপ্রোচ অসিনসু মহৈরোয়শিংদা খুৎ পায়দুনা তাকপা, ইনতর্নশিপকী খুদোংচাবা পীবা অমসুং তুংগী রিসর্চ তৌনবা মফম অদু খঙনবা খুদোংচাবা অমা পীরি। ইন্সতিত্যু অসিনা শেমগদৌরিবা লম্বী অসিনা মরু ওইবা দেতাশিং এক্সেস তৌবা য়াহন্দুনা এন.ঐচ.কী ক্বালিতী ফগৎনবা অমসুং খুদোংথিবা থোক্তনবা ফগৎহনবদা শীজিন্নবা য়াগনি অমসুং ইন্সতিত্যুৎকী লোকেল কেপাসিতী অসি এদভান্দ লেব অমসুং সিলুলেসন সিস্তেমশিংদা পুখৎকনি।

ইন্সতিত্যুৎ অমনা এন.ঐচ.কী লম্বী শেম্বনা স্তেকহোল্দর য়াওবদা খুদোংচাবা পীগনি অমসুং নোংমদা থেংনরিবা লম্বীদা গারি চৎপা, মীচিনবা অমসুং এক্সিদেন্ত তোয়না থোকপা মফমশিং খঙদোকপা অসিগুম্বা অসি হন্থহনবদা মতেং পাংগনি। ইন্সতিত্যুৎ অমসুং ওথোরিতীগী খুত্থাংদা হাইৱেজ শিজিন্নরিবশিংনা মম অদুগী ওইবা সমস্য কোকহনবা হেন্নবা থৌনা হাপ্পী। অসিগুম্বা কয়ানা এন.ঐচ.এ.আই.না হৌজিক অমদুং তুংদা লৌখৎকদবা প্রোজেক্তশিংদা মফম অদুগী মথৌ তাবশিং খঙবা, লম্বী অদু শেমজিন্না অমসুং থৌবদা নুংঙাইবা হেনগৎহল্লি অমসুং শিজিন্নরিবগী নুংঙাইনবা লম্বী নকলগী খুদোংচাবা ফংনবা শেমগৎপদা মতেং ওইরগনি। পুম্নমক অসিগী ফমনা এন.ঐচ.কী লম্বীদা তোয়না চৎপদা নুংঙাইহনবা ঙমহল্লগনি।

মশিং য়াম্লবা আই.আই.তি.শিং, এন.আই.তি.শিং অমসুং ইঞ্জিনীয়রিং কোলেজশিংনা স্কিম অসি য়াওবা পাম্লি অমসুং এন.ঐচ.এ.আই. ওফিসরশিংনা য়াওবা পাম্লিবা ইন্সিতিত্যুৎশিংগী দিরেক্তরশিংগা লোয়ননা য়ান্দুনা খন্নবা হৌখ্রে। ইন্সতিত্যু অদুগা এন.ঐচ.এ.আই.গী মরক্তা স্কিম অসি ইন্সতিত্যুস্নেলাইজেসন তৌনবা অমসুং লৈবাক অসিগী লম্বী ইনফ্রাস্ত্রকচরদা অচৌবা অহোংবা পুরক্নবা মেমোরেন্দম ওফ অন্দর্স্তেন্দিং (এম.ও.য়ু.) খুৎয়েক পীনখ্রে।

***