কোবিদ-১৯না মালেম অসিদা অহোংবা পুরক্লি অদুবু ভারত মচাশিং, ললোন ইতিক তৌরিবশিং অমসুং ইন্দস্ত্রীশিং খুদোংথীবা থোক্লিবা অসিনা নমহৎপা ঙমদে অমসুং তোপ-তোপ্পা থৌনা অমগা লোয়ননা লেপ্লি অমসুং ফীভম অসি মায়োক্নবা ঙম্নবা লেপ্তনা অনৌবা লম্বেলশিং পুথোক্লি অমদি অৱাবা থোক্লিবা খুদোংথীবা অসি খুদোংচাবদা ওন্থোক্লি হায়না কম্মর্স এন্দ ইন্দস্ত্রী অমসুং রেলৱেজকী কেন্দ্রগী মন্ত্রী পিয়ুশ গোয়লনা ঙসি ন্যু দিল্লীদা ফোঙদোকখি

বোম্বে চেম্বর ওফ কম্মর্স এন্দ ইন্দস্ত্রীগী ১৮৪শুবা এ.জি.এম.দা শ্রী গোয়লনা ভিদিও কনফরেন্সিংগী থোংদা লৈবাক অসিগী খ্বাইদগী লিরবা চেম্বরশিংগী ওফিসকী ফম পাইরিবশিং অমসুং মীহুৎশিংগা লোয়ননা মরু ওইবা ৱারোল পীখি।

থৌরম অসিদা ৱা ঙাংলদুনা শ্রী গোয়লনা ভারত অসি মরোমদোম লেপচবা ঙম্নবা হোৎনবদা ভারতী ইন্দস্ত্রীশিং অমসুং ত্রেদ বোদীশিংনা লৌরিবা থৌদাং অমসুং পি.পি.ই.শিং পুথোক্তুনা, আই.সি.য়ু. বেদশিং, আিসোলেসন ফেসিলিতীশিংগী মচাক মথুম পীদুনা ভারত্তা কোবিদকী ওইরক্লিবা ফীভম অসি লান্থেংনবা শেম শাবা অমসুং ভারতনা হৌজিক মপলদা পি.পি.ই.শিং থাদোকপা ঙমগদবা থাক্তা মাস্কশিং অমসুং অতৈ অতোপ্পা পি.পি.ই.শিং শাবা  অসিবু তৌবীমল খঙবা উৎখি। অনলোক হৌবগা পোৎ পুথোক পুশিন তৌরিবা, ইলেক্ত্রিকসিতি শীইন্নবা হেনগৎপা অসিনা ভারতকী শেন্মীৎলোন অসি ফগৎলক্লি তাক্লি। চল্লাইবগী চাং হেনগৎপগা লোয়ননা পোৎ শাবা হৌখ্রে। মপালদা পোৎ পুথোকখিবা অসিদসু হেনগৎলকপা উবা ফংলি। মহাক্না মখাদা তাদুনা হায় কোবিদকী মমাং অমসুং কোভিদকী মতুংদা মালেমদা খেৎনবা কয়া লাকলগনি অমসুং ঐখোয়না কোবিদ মতুংগী ওইবা অফবা মালেম অমগীদমক চংশিল্লি।

শ্রী গোয়লনা হায় লৈবাক অমা ওইনা কোবিদ লোইখ্রবা মতুংদা ভারতনা পোৎ পুথোকপা এনগৎহনবা, প্রদক্তশিংগী ক্বালিতী ফগৎহনবা, শেন্মীৎলোনশিং ফগঃহনবা, লোজিস্তিক্কী চেন্নেলশিং ফজনা চল্লাই হনবা, মমল অদু ময়ামগা চাংদম্নরগা লেপ্পা অমসুং অনৌবা পাম্বৈশিং শীজিন্নবা হেনগৎহন্দুনা  ইনবেসমেন্ত, ইনফ্রাস্ত্রকচর অমসুং ইন্নোবেসনদা মীৎয়েং চংবা মথৌ তাই। সরকার অমসুং ত্রেদ বোদীশিংনা চাওখৎনবা পুন্না হোৎনবা মথৌ তাই মসিনা নহা ওইরিবশিংদা থবক পীবা হেনগৎহনগনি অমসুং পাঙ্গল থৌনগা লোয়ননা মালেমগা মায়োক্নবা ঙমগনি অমসুং মালেমদগী লাপথোক্তনা ইরোমদোম লেপচনবা “আত্মনির্ভর ভারত” অমা ওইহনগনি।

ওতো পার্তশিং, শাঊন, ফার্মা, খোংউপ অমসুং সমুদ্র মনুংগী ওইবা পোৎশিং অসিগু্বা অখন্নবা সেক্তরশিংদা ঐখোয়গী ভারতকী ইন্দস্ত্রীশিংনা ঙন্থোইরিবা অসিনা ভারতনা শাজবা অসি য়োকখৎনবা অচৌবা খুদোংচাবা লৈ। “ঐহাক্না বোম্বে চেম্বর ওফ কম্মর্স এন্দ ইন্দস্ত্রীবু ভারত সরকারনা ইজ ওফ দুইং বিজিনেস ফগৎনবা অমদি হেনগৎনবা পাম্বৈশিং অমসুং ইন্দস্ত্রীশিংগী সিঙ্গল ৱিন্দো ক্লিয়রেন্সশিং অমসুং মশা মরোমদোম চল্লাইনবা স্ত্রকচরশুং কন্না শেমগৎপদা মতেং অমসুং শরুক তম্নবা ঐহাক্না হায়জরি”, হায়না শ্রী পিয়ুশ গোয়লনা ফোঙদোকখি।

শ্রী গোয়লনা হায় থৌনা লৈবা অমদি অকনবা ভারত অমা ওইনবা ত্রেদ বোদীশিংনা মরু ওইবা থৌদাং লৌরি। মহাক্না মখা তানা হায় বোম্বে চেম্বর ওফ কম্মর্স এন্দ ইন্দস্ত্রীগী ১৮৪শুবা এ.জি.এম.না খ্বাইদগী লিরবা ত্রেদ বোদীশিংগী মনুংদা অমা ওইবগী অচৌবা মায় পাকপা অমা ওইরি।  ৱারোল পীবা লোয়শিনবদা শ্রী গোয়লনা ভারত অসিনা নহাশিংনা তৌবা ঙম্বশিং শীজিন্নদুনা মালেমদা অচৌবা মফম অমা কনবা ঙমগনি হায়না থাজবাঅমসুং অৱাবা তানফম অসিদা ভারত মচা কোতি ১৩০না কন্না হোৎনবা অসিবু থাগৎপা ফোঙদোকখি।

***