রেলৱেজ মন্ত্রালয়না ইং ২০৩০ ফাওবগী মনুংদা গ্রীন রেলৱেজতা ওন্থোকপগী পান্দম থম্লদুনা গ্লোবেল ৱার্মিং অমসুং অঈং-অশা হোংবগী হীরম কয়া থেংননবা খোংথাং কয়া অমা পায়খৎখ্রে। কার্বোন অমত্তা থাদোক্তনবগী পান্দম থমদুনা রেলৱে ইলেক্ত্রিফিকেসন তৌবা, লোকোমোতিব অমসুং ত্রেনগী ইনর্জী শিজিন্নবা ফগৎহনবা অমসুং লেংদবা মফমদা খিনবা, খিনফম অমসুং স্তেসনশিংগী গ্রীন সর্তিফিকেৎ পীবা, ত্রেন দবাশিংদা বাইও তোইলেৎ থম্বা অমসুং অমুক হন্না শিজিন্নবা য়াবা ইনর্জীরোমদা ওইনা ওনশিল্লকপগী থৌওং কয়া য়াওরি।

ইন্দিয়ন রেলৱেজনা রুত কে.এম. (আর.কে.এম.) ৪০,০০০ হেনবা (বি.জি. রুতকী ৬৩%) অশাংবগী ইলেক্ত্রিফিকেসন তৌখ্রে অমসুং মসিগী মনুংদা কে.এম. ১৮৬০৫গী অশাংবদি ইং ২০১৪-২০গী মনুংদা লোইখিবনি। মমাংদদি ইং ২০০৯-১৪গী মনুংদা কে.এম. ৩৮৩৫গী অশাংবখক ইলেক্ত্রিফিকেসন তৌখিবনি। ইন্দিয়ন রেলৱেজনা ইং ২০২০-২১ ফাওবগী মনুংদা আর.কে.এম. ৭০০০গী অশাংবা ইলেক্ত্রিফিকেসন তৌবগী পান্দম থমখ্রে। দিসেম্বর ২০২৫ ফাওবগী মনুংদা বি.জি. নেৎৱর্ক্কী রুত খুদিংমক ইলেক্ত্রিক ওইহন্নবা থৌরাং লৈরি। লাস্ত মাইল কনেক্তিবিতী অমসুং ৱাৎহৌবা খুদিংমক ইলেক্ত্রিফিকেসন তৌনবা ইন্দিয়ন রেলৱেজনা অকনবা মিৎয়েং চংলি। মসি খন্নরবা তুংদা কোবিক মনুং ফাওবদা কে.এম. ৩৬৫ শম্নহনবগী থবক পাংথোক্লি।

অল্লাহবাদ রুত ফাওদুনা চৎপা মুম্বাই-হৌরাহগী কত্নি-সত্না (আর.কে.এম. ৯৯)গী লম্বী অসি হৌরাহ য়ৌনবা অতোপ্পা লম্বী ওইনা শেম্বা অসি কোবিদকী মনুংদা পাংথোকপা মরু ওইবা শম্নহনবগী থবক্নি। মসিগা মান্নবা ওইনা ইন্দোর-বিনাগী লম্বী অসিসু মাক্সি-ভোপালগী অতোপ্পা লম্বী ওইনা পচোরে-মাক্সি (আর.কে.এম. ৮৮) সেক্সন্দা শেমগৎপসিশুনি। পত্না লম্বী ফাওদুনা চৎপা হৌরাহ/সীলদাহ-এস.ভি.দি. কত্রা দা ভগলপুর-শিবনরায়নপুর (আর.কে.এম. ৪৫)গী শেক্সনশু শেম্বগী থবক হৌখ্রে। করিয়াকাল হিথাংফম্বু তমিল নাদু অমসুং আন্ধ্র-প্রদেশকী  কোয়লা, হার অমসুং স্তীল প্লান্তশিং শম্নবা লম্বীশিংদা তিরুবরুর-করিয়াকাল হিথাংফম (আর.কে.এম. ৪৬)গী সেক্সন অমসু থবক হৌদুনা ইরোদ, কোইম্বতোর অমসুং পলঘতকা শম্নহন্নবা শিনখ্রে।

ইন্দিয়ন রেলৱেজনা নুমিৎকী ইনর্জীবু খুমাং চাউশিলহন্নবা থবক কয়া পায়খৎখ্রে। ইন্দিয়ন রেলৱেজনা য়ুম্থক্তা খিনবা সোলার পেনেল (দিবেলপর মোদেল)গী খুত্থাংদা মেগা ৱাৎ (এম.দবল্যু.) ৫০০গী ইনর্জী লৌবা ঙম্নবা থবক কয়া পায়খৎলি। ঙসি ফাওবদা স্তেসন ৯০০ য়াওনা তোঙান তোঙানবা য়ুমথকশিংদা এম.দবল্যু. ১০০গী সোলার প্লান্তশিং খিনখ্রে। অপুনবা ওইনা এম.দবল্যু. ৪০০ ফংগদবা সোলার প্লান্ত খিনবগী থবকশু চত্থরি। এম.দবল্যু. ২৪৫গী তেন্দরশিং পীবা লোয়খ্রে অমসুং প্লান্তশিং অসি দিসেম্বর ২০২২ ফাওবগী মনুংদা লোয়শিনবা ঙম্নবা পান্দম থম্লি।

মসিগী মথক্তা ইন্দিয়ন রেলৱেজনা অচেনবা ত্রেনশিংগী ওইনা কংফালদা য়ুম্ফম ওইবা সোলার ইন্সতোল্লেসনশিংদগী মৈ পুথোক্নবা কন্না হোৎনরি। জি.দবল্যু. ২০গী কংফালদা য়ুম্ফম ওইবা সোলার প্লান্ত খিন্নবা ইন্দিয়ন রেলৱেজকী লম হেক্ত্যার ৫১,০০০ লৈ। মসিদগী ফংলকপা মৈ অসি কেন্দ্রগী/রাজ্যগী গ্রিদশিংদা নত্ত্রগা অসি হকথেংননা কে.ভি. এ.সি. ২৫গী ত্রেক্সন সীস্তেমদা পীগনি। ইন্দিয়ন রেলৱেজ (ইক্বিতী ৪৯% ওইবা) অমসুং আর.আই.তি.ই.এস. (ইক্বিতী ৫১% ওইবা)কী অপুনবা জোইন্ত ভেঞ্চর কম্পেনী ওইরিবা রেলৱে ইনর্জী মেনেজমেন্ত কম্পেনী লিমিতেদ (আর.ই.এম.সি.এল.)তা অসিগুম্বা কংফালদা য়ুম্ফম ওইবা প্রোজেক্তশিং পায়নবা অয়াবা পীখ্রে।

ভারত হেবী ইলেক্ত্রিকেলস লিমিতেদ (বি.ঐচ.ই.এল.)কা খুৎশম্নদুনা বিনাদা (মধ্য প্রদেশ) এম.দবল্যু. ১.৭কী প্রোজেক্ত অমা পায়খৎপা হৌখ্রবনি অমসুং হৌজিক মসিগী চাংয়েং চত্থরি। মসিনা মালেমগী ওইনা অসিগুম্বা মখলগী অহানবা প্রোজেক্তনি।

কংফালদা য়ুম্ফম ওইবা সোলার প্রোজেক্তকী ওইনা অহানবদা ইন্দিয়ন রেলৱেজনা তাঙ্কক অহুম থোক্না জি.দবল্যু. ৩গী সোলার প্রোজেক্ত অমা হৌখ্রবনি। অহানবা তাঙ্কক্তা এপ্রিল ২৯, ২০২০দা দিবেলপর মোদেলগী মখাদা ওপন এক্সেস রাজ্যশিংগী রেলৱেগী লমশিংদা জি.দবল্যু. ১.৬কী তেন্দর অমা থোকখি। অনিশুবা তাঙ্কক্তা আর.ই.এম.সি.এল. (কেপ্তিব য়ুস)না মপু ওইবগী মখাদা ওপন এক্সেস রাজ্য নত্তবশিংগী রেলৱেগী লমশিংদা এম.দবল্যু. ৪০০গী প্লান্ত অমা শেমগৎকনি। মসিগী তেন্দর অসিনা জুন ১৬, ২০২০দা থোকখি। অহুমশুবা তাঙ্কক্কী ওইনা ত্রেন লম্বীগী নাকলদা লৈবা রেলৱেগী লমশিংদা দিবেলপর মোদেলগী মখাদা জি.দবল্যু. ১গী প্লান্তশিং অসি ওপন এক্সেস রাজ্যশিংদা খিনগনি অমসুং মসিগী তেন্দর অসিনা জুলাই ১, ২০২০দা থোকখি।

নুংশিৎকী ইনর্জীগী লমদনা নুংশিত্তা য়ুম্ফম ওইবা এম.দবল্যু. ১০৩গী পাৱর প্লান্তশিং শেম্বগী থবক হৌখ্রবনি। মসিগী মনুংদা এম.দবল্যু. ২৬তি রাজস্থান (জয়শলমের)দা, এম.দবল্যু. ২১না তমিল নাদুদা অমসুং এন.দবল্যু. ৫৬.৪না মহারস্ত্রা (সাঙ্গলি)দা লৈ। ইন্দিয়ন রেলৱেজনা চহী অনিগী মনুংদা তমিল নাদু, গুজরাত, রাজস্থান অমসুং কর্নাতকাদা নুংশিৎকী ইনর্জীগী এম.দবল্যু. ২০০গী প্লান্ত শেম্নবা থৌরাংশু তৌরি।

অঈং-অশা হোংলক্লিবা অসিদা লৌরিবা থৌদাং খংলদুনা ইন্দিয়ন রেলৱেজনা গ্রীন ইনিসিএতিবকী খোংথাংশিং হায়বদি বিলদিংশিং অমসুং স্তেসন খুদিংদা ১০০%গী চাংদা এল.ই.দি.না মৈ থানবগী থবক হৌখ্রবনি। ইন্দিয়ন রেলৱেজনা প্রদক্সন য়ুনিৎ ৭ (পি.য়ু.শিং), ৱর্কশোপ ৩৯, দিজল শেদ ৬ অমসুং স্তোর দিপো ১গী সি.আই.আই.আই.দগী গ্রীন সর্তিফিকেৎশু ফংলে। অতোপ্পা রেলৱে স্তেসন ১৪ অমসুং বিলদিং/কেম্পস ২১ শিংশু গ্রীন সর্তিফিকেৎ ফংখ্রে। মসিদা নত্তনা স্তেসন ২১৫শু ইনবাইরনমেন্ত মেনেজমেন্ত সীস্তেম (ই.এম.এস.)/আই.এস.ও. ১৪০০১গী সর্তিফিকেসন ফংখ্রে।

অপুনবা ত্রেন মশিং ৫০৫শু হেদ ওন জেনেরেতর (ঐচ.ও.জি.)দা ওন্থোক্তুনা চহীদা দিজল মিলিয়ন লিতর ৭০গী ওইনা চাউরাক্না লুপা কোতি ৪৫০ তুংশিনবা ঙম্লে। প্রদক্সন য়ুনিৎ ৮ অমসুং ৱর্কশোপ ১২গী ইনর্জী ইফিসিএন্সী স্তদীশু সি.আই.আই.আই.গা লোয়নবা এম.ও.য়ু.গী মখাদা লোয়শিনখ্রে অমসুং মসিদগী ইনর্জী ইফিসিএন্সীগী চাং ১৫% হেনগৎপা ঙমখি।

গ্রীন ইনিসিএতিবকী খোংথাংগী মখাদা ইন্দিয়ন রেলৱেজ অপুনবা দবা ৬৯,০০০দা বাইও-তোইলেৎ ২,৪৪,০০০ হেন্না হাপখ্রে।

***