ভারত সরকারগী সাইন্স অমসুং তেক্নোলোজী বিভাগকী ওতোনোমস ইন্সতিত্যুত অমা ওইরিবা জৱাহরলাল নেহরু সেন্তর ফোর এদভান্স সাইন্তিফিক রিসর্চ(জে.এন.সি.এ.এস.আর.)গী শরুক অমা ওইরিবা   ভি.এন.আই.আর. বাইওতেক্নোলোজিকেল প্রাইভেৎ লিমিতেদনা কোবিদ-১৯ তেস্ত তৌবদা কীৎশিংদা শিজিন্নবা মোলিক্যুলর প্রোবশিং ওইবা পোলিমরেজ  ওইবা রিভর্স ত্রান্সক্রিপ্সন পোলিমরেজ চেন রিএক্সন(আর.তি.-পি.সি.আর.) খংদোক্নবা ওইনা  ইরমদমগী ওইবা ফ্রোরেসেন্স প্রোবশিং অমসুং পোলিমরেজ চেন রিএক্সন(পি.সি.আর.) য়ানশিন্নবা পোৎশক অসি পুথোকখ্রে।   ভি.এন.আই.আর. বাইওতেক্নোলোজিকেল প্রাইভেৎ লিমিতেদ অসি কর্নাতকা সরকারগী বেঙ্গলোর বাইও-ইন্নোভেসন সেন্তর(বি.বি.সি.)দা শাগোন্ননা লৈবনি।

ভি.এন.আই.আর.গী কো-ফাউন্দর প্রোফেসর তি গোবিন্দরাজু অমসুং দা. মেহের প্রকাশনা অর.তি.-পি.সি.আর. মফম খংদোক্নবগী ওইনা  ফ্লোরেসেন্স প্রোবশিং অমসুং পি.সি.আর. য়ানশিন্নবা পোৎশক অসি শেম্বনি। মসিগী মোলিক্যুলর প্রোবশিং অসি কোবিদ-১৯ তেস্ত তৌনবা কীৎশিংদা শিজিন্নৈ। পি.সি.আর.গী তেস্ত কীৎশিংগী মরুওইবা মচল(ওলিগোস, এঞ্জাইমশিং, মোলিক্যুলর প্রোবশিং)গী তোপ-তোপ্পা মওং অহুম লৈ। অহানবগী অনি অসি শরুক খরনা ভারত্তা ফংই অদুগা শরুক খরনা মপান্দগী পুশিল্লকপনি অদুগা মোলিক্যুলর প্রোবশিং অসি কোবিদ-১০ তেস্ত তৌনবশিংদা শিজিন্নবা ওইরগসু মপান্দগী পুশিল্লকপা ঙাক্তা ওই। মোলিক্যুলর প্রোবশিং অসি পি.সি.আর.দা চাওথোক্না উহনবগী ত্রেক তৌবদা শিজিন্নৈ।  মখোয়গী খুদক্কী ওইবা শিজিন্নবা অসি কোবিদ-১৯ তেস্ত তৌনবনি অদুবু মখোয়শিং অসি তোঙান-তোঙানবা লায়নাশিংগী মোলিক্যুলর দাইগ্নোস্তিক তেস্ত তৌবদা মোলিক্যুলর তুল ওইনা অনম্বনা শিজিন্নৈ।  

ভি.এন.আই.আর. অসি কোবিদ-১৯ তেস্ত তৌবগী পি.সি.আর.দা মরুওইবা মোলিক্যুলর প্রোবশিংদা চুনবা অমা ওইনা সিন্থেসিস তৌনবা প্রোতোকলশিং ইনৌ-নৌবা মওংদা শেমগৎখি। ভি.এন.আই.আর.না মাগী  ইনৌ-নৌবা থবক-থৌওংশিং চত্থবদা ঙাক-শেন্নবগীদমক ফাইল তৌরগনি। 

অকক্নবা রিসর্স লেবোরেতরী খরদা নত্রগা অকক্নবা এপ্লিকেসন খরদখক্তমক মোলিক্যুলর দাইগ্নোস্তিক তেস্তশিং শিজিন্নরম্মি। কোবিদ-১৯না করিগুম্বা মথৌ তাব লৈরবদি অপুনবা মী মশিংগী থাক অমদা পাংথোক্কদবা মোলিক্যুলর দাইগ্নোস্তিক তেস্তকী খ্বাইদগী অফবা থাক্কী ওইবা তোপ-তোপ্পা প্রোব্লেম অমা পুথোকখ্রে। কোবিদ-১০গী ওইনা মথৌ তাবা তেস্ত তৌনবগী পীরিবা খুজিং অসি অরুবা তেস্ত পাংথোক্নবগী কীৎশিংগী মচলশিং য়াওবা কনাগীসু মতেং য়াওদনা পাংথোকপা ঙম্বা অমা ওইহনবা মরু ওই। এঞ্জাইম অমসুং ওলিগোনা মথৌ তারিবশিং অসি ভারত্তা শাজবশিংদগী ফংই অদুগা ভি.এন.আই.আর.না অহুমশুবা অরুবা মচল অসি লাওথোক্নবগীদমক্তা মোলিক্যুলর প্রোবশিং ওইরিবা অসিগী ওইরক্কদবা ৱাফমশিং অদু থবগদবনি।  

“আর.তি.-পি.সি.আর.গী প্রোবশিং অসি কোবিদ-১৯ তেস্ত তৌনবগীদমক্তা হৌজিকফাওবদা মপান্দগী পুশিল্লক্লিবা মরুওইবা অনৌবা প্রদকশিং শেমগৎনবগীদমক্তা ঐখোয়গী বেসিক সাইন্সকী নোলেজ অদুদা অথোইবা মওংদা খুদোংচাবা লৌনবগী খ্বাইদগী অথোইবা খুদম অমনি। মসিগী ৱাখল-লৌশিং অসি করিগুম্বা ভাইরস অখক্তংগীদা নত্তনা মসিনা তুংদা অতোপ্পা বাইরসশিং নিংথিজনা মোলিক্যুলর দাইগ্নোজ তৌনবা থুনা শেমগৎপদা মতেং ওইগনি,” দি.এস.তি.গী সেক্রতরী প্রোফেসর অশুতোশ শর্মানা ফোংদোকখি।

মোলিক্যুলর প্রোব শেমগৎপা অসি মাগী তোঙান-তোঙানবা হিরমশিং-মাগী মোলিক্যুল, মাগী তার্গেৎ, য়াওরিবা কেমিকেলশিং অমসুং প্রোতোকোলশিং য়াম্না হৈ-শিংনা খনবনা সিন্থেসিস পাংথোকপগী খোংথাং খুদিংমক্তা হন্থহনবা সিন্থেতিক ওর্গানিক কেমিস্ত্রীগী মথং-মনাও নাইনা চত্থরকপা মওং অমনি। ভি.এন.আই.আর.না নোভেল সিন্থেসিসকী রুতশিং অদু শিজিন্নদুনা মোলিক্যুলর প্রোবশিং অসি শেমগৎপদা মাগী মরুওইবা মপাঙ্গলশিং অদু শিজিন্নখি।   

মার্চ, ২০২০দা  ভি.এন.আই.আর.না মালেমগী অতৈ মফমশিংগা লোয়ননা মতম খরগী ওইনা লেপখি।  ভি.এন.আই.আর. তীম্না য়ুমদা লৈদুনা কোবিদ-১৯গী খুদোংচাদবশিং অদু থম্নবগী তাঞ্জা অদু লৌখি।

“হেন্না অনৌবা আর. অমসুং দি.দা ইনভেস্ত তৌবা অসিনা হান্না চত্থরিবশিং অসিগী মথক্তা ঐখোয়দা স্তার্ত অপ অমগী মওংদা পুক্নিং থুমহৎখি।  অদুম ওইনমক মসিগী খুদোংথিনিংঙাই ওইবা অমদি শিংনবশিং অসি পায়খৎখি। ঐখোয়গী তীম অসিনা দ্রোইং বোর্দতা অমুক হন্না চংশিনখি অমসুং কোবিদ-১৯গী তেস্তশিং পাংথোক্নবগীদমক য়াম্না তঙাইফদনা মথৌ তাবা তেস্তশিং অদু শেমগৎনবা থৌরাং তৌখি।  ভি.এন.আই.আর.গী আর. অমসুং দি.না ভারত সরকারগী মেক-ইন-ইন্দিয়া অমসুং আত্মনির্ভর ভারত মিশনগী পরিংদা হোৎনরিবা অসিনা কোবিদ-১৯ তেস্ত তৌবদা মরোমদোম থৌদাং লৌজবনি হায়বা তাক্লি।  ঐখোয়না খংবদা মসিগী মোলিক্যুলর প্রোবশিং অসি শেম্বা অতোপ্পা ইন্দিয়াগী কম্পনি অমত্তা লৈত্রি” হায়না প্রোফেসর তি. গোবিন্দরাজুনা ফোংদোকখি।

***