পেত্রোলিয়ম অমসুং নেচরেল গ্যাস মন্ত্রালয়
শ্রী ধর্মেন্দ্র প্রধাননা মালেম শিনবা থুংনা লৈরিবা ভারতকী মহৈরোয়শিংদা ভারত্তা লাক্তুনা অনৌবা ৱাখল্লোনশিং পুথোক্নবা অপিল তৌরি
Posted On:
12 JUL 2020 11:42AM by PIB Imphal
পেত্রোলিয়ম অমসুং নেচরেল গ্যেস অমদি স্তীল মন্ত্রী শ্রী ধর্মেন্দ্র প্রধাননা মালেমগী মকোক থোংবা য়ুনিভর্সিতীশিংদা তম্লিবা ভারতকী মহৈরোয়শিংদা ভারত্তা লাক্তুনা মফমসিদা নৌনা ময়োল চোংখৎলক্লিবা খুদোংচাবশিংগী লমদা অনৌবা ৱাখল্লোনশিং পুথোক্লনবা অপিল তৌখ্রে। মহাক্না ঙরাং ভারত্তা লাস্ত-মাইল ইনর্জী এক্সেস হায়বা হীরমদা নহা ওইরিবা মপানদা লৈরিবা ভারতকী স্কোলারশিং, মহৈরোয়শিং অমদি মরূপশিংগী ইচঙ থৌরবা কাঙলুপ অমগা ৱারী ৱাতায় শান্নখি। ই-মীফম অদু প্রিন্সতন য়ুনিভর্সিতীগী লীদ ইন্দিয়া গ্রুপ, থিঙ্ক ইন্দিয়া পরদ্যু, য়ুনিভর্সিতী ওফ মেরিলেন্দদা লৈবা দেভেলপ এম্পৱার এন্দ সিনরজাইজ ইন্দিয়া গ্রুপনা শীন্দুনা পাঙথোকখিবনি।
ভারতকী ইনর্জীগী মীৎয়েংগী মতাংদা ৱাফম ফোঙদোক্লদুনা, শ্রী প্রধাননা হায়খি, “ইকায়খুম্নরবা প্রধান মন্ত্রী মোদীনা ইনর্জী মরাং কায়না ফংবা অমদি মীপুম খুদিংদা ফংহনবা, খআইদগী লায়রবশিংদসু ইনর্জী হোঙনা ফংহনবা, ইনর্জী মওং চুম্না শীজিন্নবা, দাইত্ব লৈবা মালেমগী মীশক অমা ওইনা অইং-অশাগী ফীভমদা অহোংবা লাক্লিবসি থেংননা তুং কোইনা চৎকদবা ইনর্জী লৈহনবা অমসুং মালেমগী তমবা ঙমদবা ফীভমশিং হন্থহন্নবা ইনর্জী ঙাক শেন্দুনা থমবা হায়বা মরুওইবা ৱাফম মঙাদা য়ুম্ফম ওইবা ভারতকী তুংগী ইনর্জীগী তশেং তশেংবা লম্বী অমগী মংলান মঙলি।
প্রধান মন্ত্রী উজ্জ্বালা য়োজনাগী মতাংদা ৱাফমশিং ফোঙদোক্লদুনা, মন্ত্রী প্রধাননা হায়খি, “ঐখোয়না প্রধান মন্ত্রী উজ্জ্বালা য়োজনা (পি.এম.য়ু.ৱাই.) স্কিম ইং ২০১৬দা হৌদোকখি। মসিগী পান্দমদি লায়রবা য়ুমথোঙ মিলিয়ন ৮০দা এল.পি.জি. চাকথোঙ গ্যেস কন্নেক্সন লেমনা পীবনি। থাখিবা মতমগী মাঙওইননা কস্তমর মিলিয়ন ৮০গী পান্দম অসি ঐখোয়না ফংবা ঙম্লগনি হায়বদি পাউদমবদা ঐঙোয়না নুংঙাইবা ফাওই। মসিগা লোয়ননা, ইং ২০১৪দা লৈরমবা চাদা ৫৬তগী হৌজিক ভারতকী য়ুমথোঙশিংগী চাদা ৯৮দা এল.পি.জি. কন্নেক্সন ফংলে”।
থাউ অমসুং গ্যেস সেক্তরদা ইরোমদোম লেপচবগী মতাংদা, শ্রী প্রধাননা হায়খি, “পি.এম. মোদীনা ইং ২০২২ ফাওবদা মপান্দগী পুশিল্লকপা ইনর্জীদা তাংদুনা লৈরিবা অসি চাদা ১০গী চাংদা হন্থহন্নবা পান্দম থম্লি। মসিগী মতাংদা, লৈঙাক অসিনা তোঙো তোঙানবা খুজিন থৌরাং কয়া লৌখৎপগা লোয়ননা ইরমদমদা থাউ অমসুং গ্যেস পুথোকপগী চাং হেনগৎহন্নবা অমদি লৈবাকসিগী মথৌ তাবা ইনর্জী ফংনবা হোৎনবদা মপান্দগী পুশিল্লকপশিংদা তাংবা হন্থহন্নবা লৈঙাক্লোনগী থৌরাং কয়াসু লৌখৎলে।”
মহাক্না ভারতকী ইনর্জী দিপ্লোমেসীগী মতাংদসু ৱাফমশিং থম্লদুনা হায়খি, “ভারতনা মালেমগী ইনর্জী মেপতা মশাগী লৈফম উৎপা ঙম্লে। ভারতকা পি.এম. মোদীগী লুচিং মখাদা ইনর্জী শীজিন্নরিবা লৈবাকশিংগী মরম চাবা অমদি অহোঙবা মমলদা ইনর্জী তানবগী খোঞ্জেল মাঙজিন থানা লাউরি। ঐখোয়না মালেমগী ইনর্জীগী মতাংদা খন্ন-নৈনবদা ও.পি.ই.সি., আই.ই.এ., আই.ই.এফ. অমসুং অতৈ অচৌবা খোঞ্জেলশিংগা চৎমিন্নরি। ভারতনা সপ্প্লাই সোর্স দাইভর্সিফিকেসনগী থৌরাং অমগী মখাদা য়ু.এস. রসিয়া, সাউদি অরাবিয়া, দি য়ু.এ.ই. অমদি অতৈ ইনর্জী চাউনা পুথোকপশিংগা চৎমিন্নরি।”
ভারতনা গ্যেসতা য়ুম্ফম ওইবা শেন্মিৎলোন অমগী মায়কৈদা খোঙ থাংজিল্লকপগী মতাংদা ৱা ঙাঙলদুনা, মহাক্না হায়খি, “কোবিদ-১৯গী শীংনবা লৈনা লৈনা, ভারতনা এসিয়াগী ওইনা গ্যেস দিমান্দগী মরুওইবা শাফু অমা ওইনা লিৎখৎলক্লগনি। ঙসি, ভারতকী ইনর্জী মিক্স অসিদা নেচরেল ইনর্জীগী শরুক অসি চাউরাক্না চাদা ৬৬.৩ ওইরি। ইং ২০৩০ ফাওবদা নেচরেল গ্যেসকী শরুক অসি চাদা ১৫দা হেনগৎহন্নবা অচৌবা মঙলান অমগী পান্দম থম্লি।”
হৌজিক লৈরিবা লাইচৎ অসিগী মতাংদা, শ্রী প্রধাননা হায়খি, “ঐখোয় ঐখোয়গী পুন্সিগী মরমদা হান্না লৈরমবা ৱাখল্লোনদা শীংনরিবা কোবিদ-১৯ লাইচৎ শন্দোরকপগী তানফম অমগী মনুংদা লৈরি। খুদক্কী ওইবা শেন্মিৎলোনদা পীরিবা চৈথেং অসিনা ঐখোয়গী খোঙজেল খরা তপথহল্লবসু, ঐখোয়দা ঙাইহাক লেপ্তুনা অমুক হন্না খন্থনবা অমদি অমুক হন্না মওং মতৌ শেমদোক্নবা তাঞ্জা অমা পীররি।”
লাইচৎ অসিগী মনুংদা লাউথোকখিবা শেন্মিৎলোনগী পেকেজ অদুগী মতাংদা ৱাফমশিং থম্লদুনা, মহাক্না হায়খি, “প্রধান মন্ত্রী মোদীনা কোবিদ-১৯ লাইচৎকী চৈথেং থেংননবগীদমক ভারতকী জি.দি.পি.গী চাদা ১০গী চাং ওইগদবা দোলার বিলিয়ন ২৬৫গী অচৌবা স্তিমুলস পেকেজ অমা লাউথোকখি। কোবিদ-১৯না পীরিবা শীংনবশিংবু খুদোংচাবা তাঞ্জা অমা ওন্থোক্নবা, অমদি ২১শুবা চহীচাগী মালেমগী পোত্থোক শাবগী মকোন অমা ওইরক্নবগীদমক পান্দম থম্লিবা ইরোমদোম লেপচবা ভারত অমগী অচৌবা অহোংবশিং লাউথোকখি। ইনর্জীগী মচাক মথুমশিংনা হায়রিবা অহোংবশিং অসিগী তৎন-থানবা য়াদ্রবা শরুক অমা ওইরি।”
****************
(Release ID: 1638148)
Visitor Counter : 195