উপ-রাস্ত্রপতিগী লোইশঙ
কোরোনাগী মতমসিদা পুন্সিগী অচুম্বা পরা তম্লবরা হায়না উপ-রাস্ত্রপতিনা মীয়ামদা হংলি
শ্রী নাইদুনা ইশানা ইশাবু য়েংশিঞ্জনবগীদমক পোইন্ত ১০গী মেত্রিক্স তাক্লক্লি
লাইচৎ অসিবু ‘অশোয়বা চুমথোকপা’ অমা ওইনসু উবা মথৌ তাই হায়না হায়রি
Posted On:
12 JUL 2020 11:02AM by PIB Imphal
ভারতকী উপ-রাস্ত্রপতি শ্রী এম. ভেঙ্কয়া নাইদুনা মীয়ামদা কোরোনানা ফাজিন্দুনা লৈরুরবা হৌখিবা থা খরসিদা ওইখিবা মখোয়গী পুন্সিবু অমুক হঙ্গৎনা য়েংদুনা মখোয়না অচুমবা পরা তম্লবরা হায়বদু য়েংজনবা অমদি অসিগুমবা তমবা ঙমদবা ফীভমশিং মায়োক্ননবা মখোয় মশাবু মতিক চানা থমজনবা ৱাফম ফোঙদোকখ্রে।
কোবিদ-১৯ লাইচৎকী মরম অমদি ওইহল্লকপা ফীভমদা মীয়ামগা পুন্না শরুক য়ামিন্ননবা ৱাফম থম্লদুনা, শ্রী নাইদুনা ঙসি ফেসবুক্তা “ম্যুসিংস ওফ লাইফ ইন কোরোনা তাইম্স” থাগৎলকখি। ৱারী-ৱাতায় শান্নবগী মওংদা ইরদুনা, মদুগী পাউখুম্না ফাজিন-পুনশিন্দুনা লৈরুরবা হৌখিবা থা মরিসিদা পুন্সিনা পুরকপা অহোংবশিং অমদি তমখিবা পরাশিং অমুক য়েংশিনবদা মতেং ওইগদবা, মহাক্না ৱাহং ১০ হংখি। শ্রী নাইদুনা হায়খি, মসিগী পোইন্ত ১০গী মেত্রিক্স অসিনা মীয়াম অসি তুংদা অসিগুম্বা খুদোংথিবা ফীভম লাকপা মতমদা থিংহৌনবা মখৌ তাবা ৱাখল্লোন লৈরবরা হায়বদু খঙদোকপদা মতেং ওইগনি।
উপ-রাস্ত্রপতিনা ফোঙদোকখিবদা লাইচৎ অসি লাংফম অমা ওইনা উবখক্তা নত্তনা মহৌশা অমসুং নাৎকা লোয়ননা হিংনবগীদমক পুন্সি মহিং অমসুং মীৎয়েংদা মথৌ তাবা অহোংবা পুরক্নবা ‘অশোয়বা শেমদোকপা’ অমা ওইনা অমদি পুন্সিগী চৎনলোন অমসুং মরুওইবা তাক্নবা লৈবা এতেন্দেন্ত অমা ওইনসু উবা মথৌ তাই। মহাক্না হায়খি, “পুন্সিগী লম্বী অসিদা মসিগী মচৎ খুদিংমক্তা অমদি মপুং ফাবা মীৎয়েংদা লেপ্পা নাইদনা নৈনবা অমদি চুম্লিবরা হায়না য়েংশিঞ্জবা হায়বসি অৱাংবা থাক্কী পুন্সি মহিং অমগী তঙাই ফদবা মচৎ অমনি। হৌজিক ঐখোয়না কোরোনা ভাইরসকা লোয়ননা হিংলিবা অসিমক অসিগুম্লবা তাঞ্জা অমনি”।
শ্রী নাইদুগী ‘ম্যুজিংস ওফ লাইফ ইন কোরোনা তাইম্স’না থিন্দুনা তাক্লিবা ৱাফমদি ইং তপ্পা অমদি তৌখিবা থবকশিং নৈনদুনা হিংবা পুন্সি মহিং অমগীদমক, লাকখিবা লম্বী, মহৌশা অমদি অনৌবা পুন্সিগী খোঙজেল অমুক হঙ্গৎনা য়েংদুনা মফম চাবদা শেমদোক শেমজিন তৌবতা নত্তনা পুন্সিগী পান্দম মওং চুম্না তাকপনি।
চরাংনবা য়াওদবা পুন্সি অমগীদমক শ্রী নাইদুনা পীরিবা সজেসনশিংদা য়াওরিবশিংদি; চারিবা চিঞ্জাকপু তিঞ্জং কায়জঙদবা পুন্সি অমগী হিদাক অমগুম্না উবগুম চুম্না খনবা অমদি চুম্না তৌবা; মপান্থোংগী ওইবা অরং-অরাক তান্নদুনা লৈবদগী হেন্দোক্লগা নুংগী ওইবা মায়ওন অমা পুন্সিদা পুরকপা; অচুমবা অমদি অরানবা অসিগী থৌওং অমদি চৎনলোনশিং কায়দনা চৎপা; য়েন্নমিন্নবা অমদি অতোপ্পবু নুংশিবিবা; খুন্নাইগী মরী ফগৎহনবা অমদি পুন্সিবু মতিং লৈবা পুন্সি অমগীদমক পান্দম হোংদোকপা অসিনি।
লাংফম তোয়না লাকপগী মরমশিংদা নৈনরদুনা, শ্রী নাইদুনা হায়খি, “মালেম অসিনা ঐখোয়বু মথৌ তাদে অদুগা ঐখোয়নদি মালেম অসিবু মথৌ তারি। মালেম অসিবু মীওইবা ফুরুপখক্তগীগুম খল্লগা ঐখোয়খক্তগী য়াইফনবা তৌরকপনা মহৌশাগী খলদা কায়থরক্তুনা মখল মখা কয়াগী লাংফম লাকপনি”।
লাইচৎকী মতমসিদা পুন্সিদা থেংনরিবশিং ইশানা য়েংজনবগীদমক পীরিবা মেত্রিক্স অসিদা, করিগুমবা কনাগুম্বা মীওই অমনা; লাইচৎ অসিগী হৌরকফমগী মরমদা খঙলবরা; কোরোনা শন্দোরক্ত্রিঙৈ মমাঙদা লৈরমবা পুন্সি মহিংদা অহোংবা পুরকপা পাম্লবরা; পুন্সিগী ৱাহন্থোক নৌনা হল্লবরা; মমা মপাশিংবু নুংশিবা অমদি অতোপ্পা অহল লমনশিংবু নুংশিবা অসিনচিংবা তোঙান তোঙানবা থৌদাংশিংগী মরক্তা লৈরিবা অহোবশিংসি খঙলবরা; মথংগী লাংফম অমা লাকপদা থেংনবা ঙমবা ফীভম ওইরবরা; পুন্সিগী মচৎ খঙলবরা; নুংগী ওইবা ৱাখল্লোন হৌদোকপগী তঙাই ফদবা খঙলবরা; ফাজিন পুনশিন্দুনা লৈরিঙৈ মতমদা খ্বাইদগী পাম্না ফংখিবদশিং খঙদোক্লবরা; লাইচৎ অসিগী চৈথেংদা লৈরিবা খেন্নবশিংগী মরম অমদি ওইহল্লকপশিং খঙলবরা অমদি কনাগুম্বা অমনা লাইচৎ অসিবু লাংফম অমখক্তা ওইনা উবরা নৎত্রগা অশোয়বা শেমদোকপা অমা ওইনসু উবরা হায়বনচিংবা ৱাহংশিং য়াওরি।
শরুক খরদনা হেন্না শাথিনা শোকহল্লিবা লাইচৎ অসিগী চৈথেংগী খেন্নবা মতৌগী মতাংদা, শ্রী নাইদুনা হায়খি; “ঐখোয় চপ মান্ননা পোক্লকপনি অদুবু মতমগী মতুং ইন্না মান্নদবা মওংদা পুন্সি লোইখি। লাইচৎ অসিনা কাঙলুপ খরদা মখোয়না তৌজরুবা নত্তনা হেন্না খুদোংথিনিংঙাই ওইরিবা ফীভমসি উত্থোক্লে। মখোয়দদি মরুদা শোকহল্লি অমদি মসিবু মতিক চানা কোকহনবিবা মথৌ তাই। অদোমগী হিংবগী মওং মতৌ অদুনা অতোপ্পা কনাদা হেন্না খুদোংথিনিংঙাই ওইবগী মরম ওইরমবসু য়াই”।
লারভানা মহুম মনুংদা মহাক্কী পুন্সিবু মতম খরা পন্থদুনা লৈরুবা অমদি মদুদগী কুরাক ওইনা পাইথোরকপদা খুদম পীরদুনা, শ্রী নাইদুনা মীয়ামদা হৌজিক লৈরিবা লাইচৎ মনুংসিদা পুন্সিদা থেংনখিবশিং মওং চুম্না উত্থোক্তুনা অমদি মদুদগী তুংগী য়াইফনবগীদমক অচুবা পরা অমা ওইরগা কুরাক্কুম্না পাইথোরক্নবা ৱাফম থমখি।
*****
(Release ID: 1638115)
Visitor Counter : 179