হকশেল অমসুং য়াইফ-য়ুম্বাল মন্ত্রালয়
দাঃ হর্শ বর্ধন্না ফেমিলী প্লান্নিং তৌবসি হ্যুমেন রাইৎসকী হীরম অমনি হায়না মালেমগী পোপুলেসন নুমিত্তা হায়খ্রে; কোবিদকা মরী লৈনদবা তঙাই ফদ্রবা সেবা ওইহনবগী থাগৎপা ফোংদোকখ্রে
“ফেমিলী প্লান্নিং তৌবা অসি আর.এম.এন.সি.এ.ঐচ.+এন. প্রোগ্রামগী কোরগী মনুং চলহন্নবা থৌরাং মায় পাক্লে”
“কন্ত্রাসেপ্তিব শিজিন্নবনা ২০১৯ খক্তদা ওইহন্নিংদবা মীরোনবা কোতি ৫.৫ ওইহন্দবদা, অপুনবা অঙাং পোকপগী মশিং কোতি ১.১, খুদোংথিনিংঙাই ওইবা এবোর্সন লাখ ১৮ অমসুং অঙাং উন্নবদা লৈখিদবগী থৌদোক ৩০,০০০ থোকহন্দবদা তেংবাংই”
Posted On:
11 JUL 2020 6:25PM by PIB Imphal
কেন্দ্রগী হকশেল অমসুং য়াইফ য়ুম্বাল মন্ত্রালয়গী মন্ত্রী দাঃ হর্শ বর্ধন্না ঙসি মালেমগী পোপুলেসন নুমিৎকী থৌরমগা মরী লৈননা এম.ও.এস. (ঐচ.এফ.দবল্যু.) শ্রী অশ্বিনি কুমার চৌবে য়াওনা পাংথোকপা ভর্চুএলগী মীফম অমা মকোক থোংদুনা ফমখ্রে।
দাঃ হর্শ বর্ধন্না মীয়াম্বু তরাম্না ওক্লদুনা হায়খি, “ মালেমগী পোপুলেসনগী নুমিৎ অসি পালন তৌবা অসি য়াম্না মরু ওই মরমদি মসিনা মীশিং হেনগৎলক্লিবা অসিবু থিংনবা হোৎনবগী মরু ওইবশিংদা মিৎয়েং চংহল্লি অমসুং মসিনা তুংদা লাক্কদৌরিবা মতমদা মীওইশিং অমসুং মখোয়গী হকশেলদা য়াম্না মরু ওইবা থৌদাং অমসু লৌগনি”। মহাক্না মখা তানা হায়খিবদা হৌজিক ওইরিবা কোবিদ-১৯গী লায়চৎ অসিনা মরম ওইদুনা অঙাং উন্নবগী তোখায়বা হেলথ সর্বিস অমা পীবগী মরু ওইবা অমা লৈরক্লিবা অসি খংলুবদা হেন্না লুনা খনফম থোকই হায়খি।
আর.এম.এন.সি.এ.ঐচ.+এন. প্রোগ্রামগী মায় পাকপবু মীয়ামদা পল্লদুনা দাঃ হর্শ বর্ধন্না মসিগী ময়ায়দা ফেমিলী প্লান্নিং মনুং চলহনবগী থৌরাং য়াৎখিবদুনা মায় পাকপা কয়া অমা পীবদা তেংবাংলে হায়না হায়খি। “মমাংগী চহী ১০ খক্তদা ঐখোয়গী ক্রুদ বর্থ রেৎ (সি.বি.আর.) অসি ২১.৮ (এস.আর.এস. ২০১১)দগী ২০ (এস.আর.এস. ২০১৮)দা হন্থরে অমসুং তোতেল ফর্তিলিতী রেৎ (তি.এফ.আর.) অসিনা ২.৪ (এস.আর.এস. ২০১১)দগী ২.২ (এস.আর.এস. ২০১৮)দা হন্থরে। অমসুং তীনেজ ফর্তিলিতী অসিশু ১৬ (এন.এফ.ঐচ.এস. III)তগী তংখায় অমা তাদুনা ৭.৯ (এন.এফ.ঐচ.এস. IV)দা হন্থরে”। মসিগী থৌওংশিং অসিনা ভারতপু রিপ্লেস্মেন্ত ফর্তিলিতীগী থাক ২.১দা য়ৌবদা নকশিনহনবতা নত্তনা রাজ্য/য়ু.তি. ৩৬কী মনুংদগী ২৫দি হায়রিবা রিপ্লেস্মেন্ত ফর্তিলিতীগী থাক অসি য়ৌবা ঙম্লে হায়না মখা তানা হায়খি।
খুন্নাইগী ইহৌ অমা ওইনা ওন্থোকপা ঙমখিবা স্বছ ভারত অভিয়ান্দা প্রধান মন্ত্রীনা কন্না মিৎয়েং চংববু পল্লদুনা মহাক্না মীয়াম খুদিংদা মীশিং য়ামখৎপদা অথিংবা পীবগী থৌওং অসিশু মসিগা চপ মান্নবা মীয়ামগী ইহৌ অমা ওইনা লৌনবা হায়খি। ফেমিলী প্লান্নিং তৌবনা মরু ওইনা লায়রবা অমসুং তোখায়না লৈবা কাংলুপশিংগী নুপীশিংদা ইকাই খুম্নবা পী হায়না মহাক্না মরু ওইবা পীরদুনা হায়খি। মরম অদুনা মসিনা ঐখোয়গী জেন্দর ইক্বেলিতীগী মতাংদা, মমা ওইবী অমসুং অঙাংশিংগী হকশেল, লায়রবা হেনগৎলকপা অমসুং হ্যুমেন রাইৎস খুমাং চাউশিলহনবগী থৌদাংশিং অসিগী মরু ওইবা পীবা হীরম ওইবগী তঙাই ফদবা লৈ হায়না হায়খি।
দাঃ হর্শ বর্ধন্না মখা তানা ভারত অসি মালেমগী এফ.পি.২০২০ ইহৌগী মরু ওইবা শরুক অমনি হায়রদুনা অসুম্না হায়খি, “ভারত সরকারনা এফ.পি.২০২০গী ৱাংলবা পান্দমশিং অসি ফংননবা লৈবাক মনুংদা থবক কয়া অমা তৌখ্রে। ফেমিলী প্লান্নিংগী মখাদা চনবা মরু ওইবা খোংথাংশিংদা য়াওরিবশিং অদুদি মিসন পরিবার বিকাস, ইন-ইজেক্তিবল কন্ত্রাসেপ্তিব এম.পি.এ., ফেমিলী প্লান্নিং-লোজিস্তিক্স মেনেজমেন্ত ইনফোর্মেসন সীস্তেম (এল.এম.আই.এস.) অমসুং ফেমিলী প্লান্নিং কম্ম্যুনিকেতিব কেম্পেন্নী। নেস্নেল ফেমিলী প্লান্নিং প্রোগ্রাম্না ‘অন্তরা’ প্রোগ্রামগী মখাদা লৈবা পব্লিক হেলথ সীস্তেমদা ইন-ইজেক্তিবল কন্ত্রাসেপ্তিব শিজিন্নবশু হৌদোকখ্রে। মসিগী কন্ত্রাসেপ্তিব অসিনা মতৈ মনাওশিংগী লেপ্তনা হোংলক্লিবা তঙাই ফদবশিং থেংনবদা অমসুং নুপীশিংদশু মীরোনবগী মতম লাপথোকহনবদা মতিক চানা তেংবাংগনি”। মহাক্না মখা তানা হায়খিবদা হায়রিবা থৌদাংশিং অসিগী মরম ওইদুনা ত্রেক ২০ ইস্তিমেৎকী মতুং ইন্না ২০১৯ খক্তদা ওইহন্নিংদবা মীরোনবা কোতি ৫.৫ ওইহন্দবদা, অপুনবা অঙাং পোকপগী মশিং কোতি ১.১, খুদোংথিনিংঙাই ওইবা এবোর্সন লাখ ১৮ অমসুং অঙাং উন্নবদা লৈখিদবগী থৌদোক ৩০,০০০ থোকহন্দবদা তেংবাংদুনা কান্নবা কয়া অমা পীখ্রে হায়খি।
ফেমিলী প্লান্নিংগী খুত্থাংদগী ফংলিবা কান্নবা কয়া অমগী মতাংদা ৱা ঙাংলদুনা শ্রী অশ্বিনি কুমার চৌবেনা হায়খিবদা ফেমিলী প্লান্নিং তৌবনা মীশিং হেনগৎপা থিংবতা নত্তনা নুপীশিং, ইমুং-মনুংশিং অমসুং খুন্নাইবু শাফনা লৈহনবদশু মতেং পাংই হায়খি। মীশিং হেনগৎপা থিংবা অসিনা লৈরিবা য়াম্লবা মীয়ামশিং অসিদা ওইনা চাউখৎনবা লৈরিবা রিসোর্সশিং অসি শিজিন্নবশু ঙমহল্লি। হৌজিক্কী ওইনশু মসি ভারতকী য়াম্না মরু ওইবা হীরম অমনি মরমদি ভারতকী অপুনবা মীশিংগী অঙাং পোকপা য়াবা চহী ১৫-৪৯গী মনুংদা লৈবা অপুনবা মশিং অসি চাদা ৫০নি হায়না মখা তাখি।
হকশেল মন্ত্রীনা হকশেল অমসুং য়াইফ য়ুম্বাল মন্ত্রালয়না শাবা এপ ‘এ.বি.-ঐচ.দবল্যু.সি.’ সু লোঞ্চ তৌখি। এপ অসিনা এ.বি.-হেলথ অমসুং ৱেলনেস সেন্তরদা দেতা পীববু মওং মরিল চুমহনগনি। মসি রাজ্য, জিলাশিং অমসুং এ.বি.-ঐচ.দবল্যু.সি. ফেসিলিতী শেন্নরিবা মীওইশিংনা এ.বি.-ঐচ.দবল্যু.সি.দা মীওইশিংনা হৌজিক হৌজিক্কী ওইবা থবকশিং অমসুং থৌরাং য়াৎনবা খুৎলায় ওইনা শিজিন্নবদা তঙাই ফদনা চংগদবা দেতা পীবগীদমক্তা শিজিন্নরিবা এ.বি.-ঐচ.দবল্যু.সি. পোর্তেলগী এক্সতেন্সন অমনি। মসিনা স্ক্রীন তৌরবা মীওইশিংগী হৌজিক হৌজিক্কী ওইবা ৱারোলশিং, চানবা হেলথকেয়র সেবা অমসুং হিদাক পীবদা, পি.ঐচ.সি.শিংদা চৎনবা হায়বা অমসুং লাকখিবা মীওই মশিংগী ওইবা ৱারোল কয়া পীগনি।
কোবিদ-১৯না ফ্রন্তলাইন থৌমীশিংদা অহেনবা থবক কয়া হাপ্লে হায়না পল্লদুনা দাঃ হর্শ বর্ধন্না ঐচ.দবল্যু.সি.শিংবু মখোয়না অৱাবা খংদনা কোবিদ-১৯ থেংনরিবা অমসুং কোবিদকা মরী লৈনদবা সেবা কয়াশু লেপ্তনা পীবা ঙম্নবা হোৎনরিবা অসিগীদমক্তা থাগৎপা ফোংদোকখি।
মিস প্রীতি সুদান, (সেক্রেতরী ঐচ.দবল্যু.সি.); শ্রী রাজেশ ভুসন (এম.ও.ঐচ.এফ.দবল্যু.); মিস বন্দনা গুরনানি, এদিস্নেল সেক্রেতরী অমসুং মিসন দাইরেক্তর; দাঃ মনোহর অগ্নানি, জোইন্ত সেক্রেতরী (আর.সি.ঐচ.) অমসুং অতোপ্পা সেনিয়র ওফিসার কয়াশু বর্চুএল থৌরম অদুদা শরুক য়াখি। দিবেলপমেন্তেল পার্ত্নরশিংগী মীহুৎশিংনা বর্চুএলগী খুত্থাংদা য়েংশিল্লিবা মীওইশিংগা পাউ ফাওনখি।
***
(Release ID: 1638091)
Visitor Counter : 156