সাইন্স অমসুং তেক্নোলোজী, হকশেল অমসুং য়াইফ-য়ুম্বাল, অমদি আর্থ সাইন্সকী কেন্দ্র মন্ত্রী দা. হর্শ বর্ধননা ঙসি মফমসিদা পাঙথোকপা ভর্চুএল ফংসন অমদা “ফোকস ইন্তরভেন্সন্স ফোর ‘মেক ইন ইন্দিয়া’: পোস্ত কোবিদ ১৯” অমসুং “এক্তিব ফার্মাসিউতিকেল ইনগ্রিদেন্ত্স: স্তেতস, ইসুজ, তেক্নোলোজী রেদীনেস অমসুং চেলেঞ্জেস” হায়বা হীরমদা তেক্নোলোজী ইন্ফোর্মেসন, ফোরকাস্তিং এন্দ এসেসমেন্ত কাউন্সিল (তি,আই.এফ.এ.সি.) না পুথোকপা হ্বাইত পেপর অমা ফোঙখ্রে‍। তি,আই.এফ.এ.সি. চেয়রমেন দা. ভি. কে. সরসৱত, তি,আই.এফ.এ.সি. ইকজেক্যুতিব দাইরেক্তর প্রোফ: স্রিভাস্তব, সাইন্তিস্ত ‘জি’ দা. সঞ্জয় সিংহ অমসুং তি,আই.এফ.এ.সি. ইনয়চার্জ (এফ. অমসুং এ.) শ্রী মুকেশ মথুরনা থৌরমদুদা শরুক য়াখি‍।

দা. হর্শ বর্ধননা তি.আই.এফ.এ.সি.বু “ভারতনা “মালেমগী শীংনবশিংদা ইরমদমগী পাম্বৈ – খুজিন থৌরাং অমসুং তেক্নোলোজীগী মরুওইবা” হায়বা অনৌবা মন্ত্র অমগা লোয়ননা শেন্মিৎৎলোনদা ইনোৎ অমা পীরিঙৈগী চপ চারবা মতমসিদা হ্বাইত পেপর দোকুমেন্ত অসি পুথোরকপগীদমক্তা থাগৎপা ফোঙদোকখি‍। “লৈবাক্কী শেন্মিৎলোন অমুক হৌগৎহন্নবগী লম্বী অসি হান্নগা মান্নদবা লাল্লোং, লৌউ-শিংউ, ইলেক্ত্রোনিইক, হকশেল, আই.সি.তি. অমদি পোত্থোক শাবগুম্বা মরুওইবী হীরমশিংদা মালেমগী খোংবুশিংগী কান্নবা লৌবা অমদি অনৌবা তেক্নোলোজীগী ইনোৎ পীবনচিংবা খুজিন থৌরাংশিংগী খুত্থাঙদা চৎগদবনি,” হায়না মহাক্না মখা তাখি‍। দা. হর্শ বর্ধননা “ঐখোয়গী ইন্দস্ত্রীগী মরূপশিং, থিজিল্লিবা অমদি খুজিন থৌরাং য়াৎলিবা লূপশিংদা শেন্মিৎলোনদা চাওখৎপা পুরক্নবগী লম্বী শেমবদা হ্বাইত পেপর অসি নৈননবগীদমক” হায়খি‍।

“ভারতনা হৌজিক ফাওবদা কোবিদ-১৯গী চৈথেং হন্থহনবদা মায় পাক্লি” হায়বা ৱাফম থম্লদুনা, দা. হর্শ বর্ধননা হায়খি, “মতিক চাবা তেক্নোলোজী শীজিন্নদুনা অমসুং খুজিন থৌরাংদা অহোংবা পুরক্তুনা অমদি মরুওইবা হীরমশিংদা মীৎয়েং থমবগা লোয়ননা ‘মেক ইন ইন্দিয়া’গী মখাদা অচৌবা শাফু অমা পীদুনা ঐখোয়বু মালেমগী পোত্থোক শাবগী মফম অমা ওইহন্নবা খুদোংচাবদু ঐখোয়না ফংলে‍।” “মসিনা মচাক মথুম শেমগৎপদা, ইন্দস্ত্রিএলাইজেসন পুরকপদা, সপ্প্লাই চেন মেকানিজম মপাঙ্গল কনখৎহনবদা, পোৎলম অমদি সর্ভিসেসকী দিমান্দ শেমগৎপদা, লৌউ-শিংউবু লল্লোন ইতিক্কী ফীভমদা ওন্থোকপদা মখা তানা শেন থাদনবা ৱাফম থম্লি,” হায়না মহাক্না হায়খি‍। “হৌজিক লৈরিবা লাইচৎ অসি মালেম পুম্বগীনি, অদুবু শীংনবা অসিদগী ঙাকথোক্নবা পাম্বৈদি ইরমদমগী ওইগদবনি,” হায়না মন্ত্রীনা হায়খি‍।

দা. ভি. কে. সরসৱতনা মহাক্কী ৱারোলদা হায়খিবদা “হ্বাই পেপর অসিনা তেক্নোলোজীদা ইনোৎ পীদুনা ভারতকী শেন্মিৎলোন চাওখৎহন্নবা হীরম মঙা তাক্লি অমসুং ঐখোয়গী অকক্নবা সেক্তরশিংগী লম্বী তাকপগা লোয়ন-লোয়ননা অপুনবা খুজিন থৌরাং অমসুং তেক্নোলোজীগী মতাংদা রিকম্মেন্দেসন য়াওরি‍।” মহাক্না হায়, “দোকুমেন্ত অসিনা লৈবাক্কী লন অমদি তেক্নোলোজীগী পাঙ্গলদা য়ুম্ফম ওইদুনা মরুওইবা হীরমশিংদা মালেমগী ওইবা খোংবুশিংগী মতেং লৌদুনা ভারতকী শেন্মিৎলোন অমুক হৌগৎহন্নবগী থৌওংশিংসু তাক্লি‍।”

দি.এস.তি. সেক্রেতরী প্রোফ: অসুতোশ শর্ম্মনা মহাক্কী ৱারোলদা হায়খিবদা, “তি.আই.এফ.এ.সি.না পুথোক্লিবা হ্বাইত পেপর অসিনা কোবিদ-১৯গী তানফমসিদা অমদি মসিগী হেক মতুংদা চাওখৎপা পুরকপদা চঙগদবা য়াম্না মরুওইবা সেক্তরশিং, তেক্নোলোজীশিং অমসুং লাল্লোঙশিংগী মচং ওইবা মেপ অমা পীরি‍। হৌজিক ওইরিবা ফীভমসিদা সেক্তর-সেক্তরগী ওইনা শেম্লিবা রিপোর্তশিং অসিনা খুদোংচাবশিং ময়েক শেংনা তাকপদা মমল নাইদ্রবা মচাক অমা ওইরগনি‍।”

তি.আই.এফ.এ.সি.গী ইকজেক্যুতিব দাইরেক্তর প্রোফ: প্রদীপ স্রিভাস্তবনা পৱার-পোইন্ত প্রেজেন্তেসন অমা পীরদুনা শন্দোক্না তাক্লদুনা থমখিবা ৱাফমদি “তি.আই.এফ.এ.সি.না পুথোক্লিবা হ্বাইত পেপর অসিনা ভারতকী শেন্মিৎলোনদা লাইচৎ অসিগী চৈথেং খঙদোকপদা, নৈনবদা অমদি মশক তাকপদা মতেং ওইগনি, অমদি খুজিন থৌরাং য়াৎলিবশিংদা (ভারত লৈঙাক) অমদি মীয়ামদা পাক্তক্ননা থেংনরিবা শেন্মিৎলোনগী খুদোংথিবা অসি হন্থহনবদা লমজিং পীগনি, অমসুং ভারতকী শেন্মিৎলোনদা ইনোৎ পীদুনা, ময়েং তারকপগী ফীভমসিবু লেপহনগনি অমদি ইরোমদমো লেপচবা হায়বসিবু অনৌবা লাইরোল অমা ওইনা শীজিন্নদুনা অমুক হৌগৎলক্নবগী য়ুম্ফম শেমবদা মতেং ওইগনি‍।”

হ্বাইত পেপর অসিনা অকক্নবা সেক্তরশিংগী মপাঙ্গল, কৈথেলগী ওইরিবা মচৎ, অমসুং সপ্প্লাই অমদি দিমান্দ, ইশানা কোন্নজবা অমদি পাক্তক্ননা পোত্থোক পুথোকপা হায়বসিদা য়ুম্ফম ওইরগা হকশেল, মেছিনরী, আই.সি.তি., লৌউ-শিংউ, পোত্থোক শাবা, অমদি ইলেক্ত্রোনিক য়াওনা লৈবাকসিগী মীৎয়েংদা য়াম্না মরুওইবা সেক্তর মঙাদা লৈরিবা খুদোংচাবশিং উৎলি‍। মসিনা মরুওইনা মীয়ামগী হকশেলগী সিস্তেম, এম.এস.এম.ই. সেক্তর, মালেমগী মরী: এফ.দি.আই., অমুক হন্না চুশিন্নহল্লবা লল্লোন ইতিক্কী ফীভম, অনৌবা মতমগী তোক্নোলোগী অসিনচিংবদা পায়খৎপা য়াবা খুজিন থৌরাংশিংসু মশক খঙদোক্লে‍। মসি মাঙজিন থানা চৎলিবা সেগমেন্তশিংদা তেক্নোলোজী ক্লস্ত্র শেমগৎপদা, তেক্নোলোজী স্তার্ত-অপ এক্সচেঞ্জ শেমবদা, খ্বায়দগী চাউবা তেক্নোলোজী তরাবু মশক খঙদোকপা, ঙাক্লৌ পীবা, অমদি মমায় চুম্বা, পুশিল্লকপা পোত্থোকশিং মহুৎ শিন্নবা পোৎলমশিং য়োকখৎনবগীদমক ইস্রাএল, জর্মনীগী ইনক্যুবেতরশিংগী অনৌবা মতিক-ময়াইগা খুৎশম্ননা চৎমিন্নবা, লোয়ন-লোয়ননা নৌনা মচিন তুমখৎলক্লিবা তেক্নোলোজীশিংদা তেক্নোলোজীগী ফম্পাক হোংদোরক্নবগীদমক তশেংনা মরুওইবা অমনি‍। রিকমেন্দেসনশিং অসি ভারতপু “আত্মনিরভর” ওইহন্নবগীদমক্তা তেক্নোলোজী অমদি খুজিন থৌরাংদা খুদমক্কী ওইবা শাফু পীননবা মায়কৈদা পীবনি‍। তোঙান তোঙানবা সেক্তরশিংগী আউতপুতশিংগী মরক্তা লৈনবা মরী অমদি অমনা অমদা তাংদুনা লৈরিবা অসিদা য়ুম্ফম ওইদুনা তোঙান তোঙানবা সেক্তরশিংগী আউতপুত হেনগৎহন্নবা অমদি ইনপুত হেনগৎহন্নবা ৱাফমশিংসু পেপর অসিদা পীরি‍।

হ্বাইত পেপর অসিগী অকুপ্পা ৱারোলগীদমক মফমসিদা নম্বীয়ু‍।

পি.পি.তি.

মপুং ফাবা দোকুমেন্ত

*****