প্রধান মন্ত্রী শ্রী নরেন্দ্র মোদীনা মমাংগী চহীগী মালেমগী কৈগী নুমিত্তা ফোংদোকখিবা ওল ইন্দিয়া তাইগর ইন্সতিমেসন ২০১৮গী মরিশুবা তাঙ্কক্কী মহৈ অসিনা মালেমগী খ্বাইদগী চাউবা কেমেরা ত্রেপ ৱাইল্দলাইফ সর্বে ওইবগী অনৌবা গিনেজ রেকোর্দ থমখ্রে।

মায় পাকপা অসিবু শিংথানিংঙাই ওইবা পুংফম অমনি হায়রদুনা কেন্দ্রগী ইনবাইরনমেন্ত মন্ত্রী শ্রী প্রকাশ জবাদেকরনা ত্বীতকী ৱারোল অমদা মসি প্রধান মন্ত্রীগী ৱাহৈ আত্মানির্ভর ভারতকী মশক থোকপা খুদম অমনি অমসুং সঙ্কলপ সে সিধীগী খুত্থাংদা ফংবনি হায়খি।

Under the leadership of PM @narendramodi, India fulfilled its resolve to double tiger numbers 4 years before the target through #SankalpSeSiddhi. @GWR @PMOIndia pic.twitter.com/ChnPkCEzUG

— Prakash Javadekar (@PrakashJavdekar) July 11, 2020

মখা তানা, ইনবাইরনমেন্ত মন্ত্রীনা প্রধান মন্ত্রী শ্রী নরেন্দ্র মোদীগী লুচিং মখাদা ভারতনা পান্দম থমখিবা চহীগী মমাংদা কৈগী মশিং শরুক অনি হেনগৎহনগনি হায়বদু অশেংবা ওইরে হায়খি। লৈবাক অসিদা খ্বাইদগী নৌবা সেন্সসকী মতুং ইন্না কৈ মশিং চাউরাকপা ২৯৬৭ লৈরে। মসিগা লোয়ননা ভারত্তা মালেমগী কৈ মশিংগী য়ামদ্রবদা ৭৫%দি লৈ অমসুং পান্দম থম্লিবা চহী ২০২২গী য়াম্না মমাং ওইনা শরুক অনিগী মশিং হেনগৎহনগনি হায়না ২০১০দা সেন্ত পীতরর্সবর্গতা হায়খিবদুদি থবক ওইনা পাংথোকখ্রে।

গিনেজ ৱর্ল্দ রেকোর্দকী ৱেবসাইত্তা অসুম্না ইঃ “ইং ২০১৮-১৯দা চত্থখিবা সর্বে অসিগী মরিশুবা তাঙ্কক অসিনা ঙসি ফাওবগী ওইবা রিসোর্স অমসুং দেতা খোমজিনবগী খ্বাইদগী পাক শন্না পাংথোকপা সর্বেনি। কেমেরা ত্রেপশিং (শা অমনা চৎপগী শমিন ফংবদা মশা মথন্তনা রেকোর্দ তৌজবা আউৎদোর কেমেরা) অসি খনগৎলবা মফম ১৪১গী তোঙান তোঙানবা মফম ২৬,৮৩৮দা থমখি অমসুং মসিনা স্ক্বার কিলোমীতর ১২১,৩৩৭ (স্ক্বার মাইল ৪৬,৮৪৮)কী পাক চাউবা মফম্বু নিংথিনা সর্বে তৌখি। কেমেরা ত্রাপশিং অসিনা অপুনবা ৱাইল্দলাইফকী ফোতো ৩৪,৮৫৮,৬২৩ (কৈগী ৭৬,৬৫১ অমসুং কবো-কৈগী ৫১,৭৭৭ অমসুং লেমহৌরিবশিংনা মফমদুদা লৈবা অতৈ শাশিং) লৌখি। মসিগী ফোতোশিং অসিদগী স্ত্রাইপ-পেত্তর্ন রিকগনিসন সোফৱেয়র শিজিন্নদুনা কৈ ২৪৬১ (মচা য়াওদনা) মশক খংবা ঙমখি”।

মমাংদা অমুক্তা শিজিন্নখিদ্রিবা ত্রেপ কেমেরা শিজিন্নবতা নত্তনা ইং ২০১৮গী ‘স্তেতস ওফ তাইগরস ইন ইন্দিয়া’গী য়েংশিনবা অসিনা কিলোমীতর ৫২২,৯৯৬ (মাইল ৩২৪,৯৭৫)কী অশাংবা লম্বু পাক শন্না সর্বে তৌখি অমসুং মনা-মশিং অমসুং মথি-ময়ুং লৈবা লৈফম ৩১৭,৯৫৮গী সেম্পলশু লৌখি। য়েংশিনখিবা অপুনবা উমংগী শরুক অসি চাউরাক্না স্ক্বার কিলোমীতর ৩৮১,২০০ (স্ক্বার মাইল ১৪৭,১৮১)নি হায়না পানরি অমসুং পুনা খোমজিনখিবা অমসুং নৈনখিবা দেতাশিং অসি থবক শুবা নুমিৎ ৬২০,৭৯৫কা মান্নৈ।

চহী মরি খুদিংগী পাংথোকপা ভারত পুম্বগী কৈ মশিং থিবসি নেস্নেল তাইগর কঞ্জর্বেসন ওথোরিতীনা রাজ্যগী উমংগী বিভাগ অমসুং লোয়নবশিংনা তেক্নিকেল বেকস্তোপিং পীদুনা পাংথোকপনি। ইন ২০১৮গী খ্বাইদগী নৌবা মহৈসিনা ভারত্তা হৌজিক কৈ মশিং ২৯৬৭ লৈবগী মনুংদা কৈ ২৪৬১গী ফোতো নমখিবা, অপুনবা কৈ মশিংগী য়াম্লবা ৮৩%, অসিনা সর্বে অসিগী পাক শনবগী মওং অদু উবা ফংখি।

মালেমদা প্রোজেক্ত তাইগরগুম্বা তাইগর রিজর্ব ৯দগী হৌদুনা হৌজিক্না তাইগর রিজর্ব ৫০ য়ৌরবা শা অমদা অশুক য়াম্না মিৎয়েং চংবা প্রোগ্রাম অমত্তা লৈতে। মালেম শিনবা থুংনা ঐখোয়গী বেঞ্চমার্কিং তৌবগী থৌওংবু গোল্দ স্তেন্দর্তকী থাক্তা লৈ হায়দুনা শকখংনদুনা ভারতনা কৈ ঙাক শেনবগী মতাংদা অচেৎপা মাংজিল থারে।

***