স্মার্ত সিতী মিসন্না জুলাই ১০, ২০২০দা ইন্দিয়া সাইকলফোরচেঞ্জ চেলেঞ্জকী রেজিস্ত্রেসন তৌবা হৌখ্রে। চেলেঞ্জ অসি জুন ২৫, ২০২০দা হাউজিং অমসুং অর্বান এফিয়ার্সকী স্তেৎ মিনিস্তর (ইন্দিপেন্দেন্ত চার্জ) শ্রী হরদিপ শিংহ পুরিনা লোঞ্চ তৌখিবনি। থৌরম অসিদা চেলেঞ্জ অসিগী মতাংদা হায়বগা লোয়ননা শরুক য়াগদৌরিবা শহরশিংনা এপ্লিকেসন পীশিল্লক্নবা ওনলাইন পোর্তেল অমসু লোঞ্চ তৌখি। থৌরম অসিদা স্মার্ত শহরশিংগী সি.ই.ও.শিং, কম্মিস্নরশিং, শহরগী ওফিসিএলশিং, সিবিল সোসাইতীগী লুপশিং, অখং-অহৈশিং অমসুং মীয়াম কয়া য়াওনা মীওই ৪৫০ হেনবনা শরুক য়াখি।

চেলেঞ্জ অসিনা মখোয়গী মীয়ামশিং অমসুং অখং-অহৈশিংগা তান্নদুনা সাইকল থৌবগী মিৎয়েং খুমাং চাউশিলহনবদা পান্দম থম্মি। শহরশিং অসিদা সি.এস.ও.শিং, অখং-অহৈশিং অমসুং বলন্তিয়রশিংগা খুৎশম্নদুনা থৌরাং কয়া য়াত্তুনা থবক ওইনা পাংথোক্নবা পুক্নিং থৌগৎলি। শহরশিংনা হায়জরকপশিং অসি নৈনবদা মীয়ামগা খুৎশম্নবা হায়বসিনা মরু ওইবা হীরম অমা ওইগনি। মসিগী মতাংদা শহরশিং অসিদা তেংবাংনবগীদমক্তা ওনলাইন পোর্তেল অসিদা সি.এস.ও.শিং, অর্বান দিজাইনরশিং, প্লান্নরশিং, মহৈরোয়শিং অমসুং শহরগা খুৎশম্ননা চৎমিন্ননিংবা মীওইশিংগী রেজিস্ত্রেসন তৌনবা ফোর্মশু য়াওরি।

শহরশিংনা চেলেঞ্জ অসিগী অকুপ্পা মরোল লৌবা অমসুং ইন্দিয়া সাইকল৪চেলেঞ্জতা রেজিস্তের তৌনবগীদমক https://smartnet.niua.org/indiacyclechallenge/ তা চংবা য়াগনি। পোর্তেল অসিদা চেলেঞ্জ অসিগী মখা তাবা মরোলশিং অমসুং প্রোজেক্ত অসিগীদমক্তা শহরশিংগা খুৎশম্ননিংবা মীয়ামশিং, অখং-অহৈশিং অমসুং সি.এস.ও.শিংনা রেজেস্ত্রেসন তৌনবা ফোর্মশু য়াওরি।

শহরশিংনা এপ্লিকেসন পীশিনবা য়ারগনি

            স্মার্ত শহর মিসনগী মখাদা লৈবশিং, রাজ্য/য়ু.তি.শিংগী কোনুংশিং অমসুং মীওই লাখ ৫দ্গী হেন্না লৈবা শহরশিংনা চেলেঞ্জ অসিদা শরু য়াবা য়াগনি। চেলেঞ্জ অসি তাঙ্কক অনি থোক্না পাংথোক্কনি। মতিক চাবা শহরশিংনা রেজিস্তর তৌদুনা মখোয়গী এপ্লিকেসন অসি জুলাই ১০দগী হৌরগা জুলাই ২১ ফাওবগী মনুংদা পীশিনবা য়াগনি।

            চেলেঞ্জ অসি তাঙ্কক অনি থোক্না পাংথোক্কনি। অহানবা তাঙ্কক অসি ওক্তোবরদা পাংথোক্কনি অমসুং মসিদা শহরশিং অসিনা সাইকল থৌবা খুমাং চাউখৎহনগদবা অনৌবা থৌওং হৌদোক্তুনা মখা তানা চাউথোকরকপা য়াবা থৌওং শেম্বদা মিৎয়েং চংগদবনি। ওক্তোবর ২০২০দা শহর ১১ খনগৎকনি অমসুং শেলগী মনা লুপা কোতি ১গা লোয়ননা লৈবাক্কী অমসুং মালেমগী অখং-অহৈশিংদগী মে ২০২১দা হৌগদবা তাঙ্কক অনিগীদমক্তা চাউথোকপা খোংথাং পায়খৎপগী মতাংদা পাউতাক কয়া ফংগনি।

ইন্দিয়া সাইকলফোরচেঞ্জ চেলেঞ্জকী পান্দম

কোবিদ-১৯গী পাউখুম অমা ওইনা ইশাগী ওইবা চত্থোক চৎশিন তৌবগী পাম্বৈ লৈজবগী তঙাই ফদবা হেনগৎলক্লি। আই.তি.দি.পি. ইন্দিয়া প্রোগ্রাম্না হন্দক্তা চত্থখিবা সর্বে অমদা শহরশিংনা লোকদাউনদগী থোক্লকপা মতমদা সাইকল থৌবগী চাং ৫০-৬৫% হেনগৎকনই হায়রি। মালেম শিনবা থুংবদা লৈবা শহরশিংনা মখোয়গী সাইকল থৌবগী নেৎৱর্ক অমসুং সাইকল ৱাইনবগী পথাপ অসি হেন্না চাউথোকহন্নিংই। আই.তি.দি.পি.গী মতুং ইন্না সাইকল থৌবদা হেনগৎলকপনা শহরশিংদা অশংবা শেন্মিৎলোন হিংগৎহনবদা তেংবাংগনি হায়রি। সাইকলগী ইনফ্রাস্ত্রকচরশিংদা শেল থাদবগী চাং অসি হান্না ওইরম্বদগী শরুক ৫.৫ হেনগৎলে। অতেনবা মফমশিংদা সাইকল থৌবনা ভারতকী শেন্মিৎলোন্দা লুপা ত্রিলিয়ন ১.৮গী কান্নবা পীগনি।

ভারতকী শহরশিংদা সাইকল থৌবগী খোংথাংশিং

ভারতকী শহরশিংনা কোবিদ-১৯গী লায়চৎ অসিগী পায়খুম ওইনা সাইকল থৌবদা খুমাং চাউখৎনবা কন্না হোৎনরি। কোল্কতানা পার্কিং তৌফমশিংবু সাইকল থৌফম ওন্থোক্নবা ৱারোল অমা হৌদোকখ্রে। শহর অসিনা থা মরিগী মনুংদা অহানবা রোদ সর্বে অমা পাংথোক্কনি অমসুং মসিগী মতুংদা মথং চহী হৌরকপা প্রোজেক্ত অসি থবক ওইনা পাংথোক্কনি। গুৱাহাতিদা বাইসাইকল মেয়র অমসুং পেদল ফোর চেঞ্জনা শৌগত্তুনা গ্রীন লেন ফাউন্দেসন্না শহর মনুংদা সাইকল থৌবগী খ্বাইদগী ফবা লম্বী খংনবা মীয়ামগী ওইবা সর্বে অমা চত্থরি অমসুং মসি চেলেঞ্জকী মনুংদা চলহনগদৌরি।

 “হাউজিং অমসুং অর্বান এফিয়ার্স মন্ত্রালয়না শহরশিংবু লৈরিবা মীয়ামদা মতম শাংনগী ওইবা চত্থোক চৎশিন তৌবগী পাম্বৈ পীনবা মগুম লৈবা ত্রান্সপোর্তকী পথাপ অমা শেম্নবা তেংবাংনবা কন্না হোৎনরি। মীয়াম্না তেক্ত কায়দনা অমসুং নুংঙাইনা সাইকল থৌবগী পান্দম অমা ফংনবা হোৎনমিন্নসি হায়না ঐহাক্না হায়রি।

-হরদীপ শিংহ পুরি

স্তেৎ মন্ত্রী (ইন্দিপেন্দেন্ত চার্জ),

হাউজিং অমসুং অর্বান এফিয়ার্স মন্ত্রালয়

 “ঐখোয়না লৈবাক শিনবা থুংনা সাইকল তৌবা নুংঙাইনবা শহরশিং শেম্নবা ইন্দিয়া সাইকলফোরচেঞ্জ চেলেঞ্জ হৌদোকপদা চাউথোকচবা ফাওই। সাইকলনা ত্রান্সপোর্ত সেক্তরগীদমক্তা কোবিদ-১৯দগী থোক্লক্তুনা গ্রীন রিকোবরী পীগনি অমসুং ঐখোয়গী শহরশিংগী অফবা, মতম কুইনা চৎপা অমসুং চত্থোক চৎশিন তৌবদা নুংঙাইবা গোলদন এজ অমা শেম্লগনি”।

-দুর্গা শঙ্কর মিশ্রা, আই.এ.এস.

সেক্রেতরী,

হাউজিং অমসুং অর্বান এফিয়ার্স মন্ত্রালয়

***