নেস্নেল ফিস ফারমর্স দে থৌরমদা, ফিসরিজ, এনিমেল হসবেন্দরি অমসুং দাইরিয়িং মিনিস্ত্রিগী ফিসরিজ দিপার্তমেন্তনা নেস্নেল ফিসরিজ দিবলপমেন্ত বোর্দকা লোয়ননা ঙসি ৱেবিনার অমা পাংথোকখ্রে ।  থৌরম অদুদা ফিসরিজ, এনিমেল হসবেন্দরি অমসুং দাইরিয়িংগী য়ুনিয়ন মিনিস্তর, গিরিরাজ, ফিসরিজ, এনিমেল হসবেন্দরি অমসুং দাইরিয়িংগী রাজ্য মন্ত্রী পি.সি সারঙ্গি, ভারত সরকারগী ফিসরিজ দিপার্তমেন্তগী সেক্রেতরি , দোক্তর রজিব রঞ্জন অমসুং ফিসরিজ দিপার্তমেন্তগী সেনিয়র ওফিসিএলশিং শরুক য়াখি ।

ওরিসাগী কত্তকতা লৈবা সি.আই.এফ.আর.আইগী মতম অদুগী ‘পোন্দ কলচর দিবিজন’দা ১৯৫৭গী জুলাই ১০দা ভারতকী মেজোর ক্রাপশিংদা মাইপাক্না ঙামচা লৌবগী তেক্নোলোজী(হাইপোফাইসেসন) উৎখিবা সাইন্তিস্তশিং দোক্তর কে.ঐচ অলিকুনহি অমসুং দোক্তর ঐচ.এল চৌধুরি নিংশিংবা ওইনা চহি খুদিংগী জুলাই ১০দা নেস্নেল ফিস ফারমর্স দে থৌরম পাংথোক্তুনা লাক্লি । থৌরম অসিগী পান্দমদি লৈবাক অসিগী ওক্নবা ঙাগী পোৎথোক পুথোকপা ঙম্নবা অনৌবা পাম্বৈশিং খঙহবনি ।

চহি খুদিংগী নুমিৎ অসিদা লৈবাক অসিদা ঙা য়োকপগী থবক চাউখৎহন্নবা হোৎনবা অচৌবা থৌদাং লৌখিবা শক্নাইরবা ঙামীশিং, এক্বাপ্রেনিয়রশিং ইকায়খুম্নবা উৎতুনা থৌরম পাংথোকখি । ওফিসিএলশিং, সাইন্তিস্তশিং অমসুং মরী লৈনবশিং খক নত্তনা লৈবাক শীনবা থুংনা লৈরিবা ঙামীশিং থৌরম অসিদা শরুক য়াখি ।

লৈবাক্কী মফম কয়াদা লৈরিবা ঙামীশিং, ওফিসিএলশিং, সাইন্তিস্তশিং অমসুং ইন্তরপ্রিনরশিংগা ভিদিও কনফরেন্সকী খুৎথাংদা ৱারী শানবদা ফিসরিজ, এনিমেল হসবেন্দরি অমসুং দাইরিয়িংগী য়ুনিয়ন মিনিস্তর, গিরিরাজনা হায়খি প্রধান মন্ত্রী নরেন্দ্র মোদীগী লুচিং মখাদা ব্লু রিভোলুসন মাইপাক্নবা অমসুং নিলিক্রান্তিদগী অর্থক্রান্তিদা লাক্নবা লম্বী শেম্নবা অমসুং লৌমীশিংগী শেন্থোক শরুক অনিদা হেনগৎহন্নবা মহাক্কী পান্দম ফংনবা মথং চহি ৫দা লুপা করোর ২০,০৫০ থাদুনা “প্রধান মন্ত্রী মৎস্যা সম্পদা য়োজনা(পি এম এম এস ৱাই) হৌদোক্লে । স্কিম অসিনা লৈবাক অসিদা ঙা পুথোকপা, মগুন লৈবা ঙা পুথোকপা, তেক্নোলোজী, ঙা শেম-শানবা থবকশিং, য়োনবগী থবক অমসুং ঙামীশিংগী য়াইফনবা থবকশিংদা অহোংবা লৈরিবশিং মেনখৎকনি ।

য়ুনিয়ন মিনিস্তরনা হায়খি মদুদি তেক্নোলোজী অমসুং খ্বাইদগী ফবা ঙা য়োক্নবগী থবকশিং পায়খৎতুনা ঙাগী পোৎথোকশিং ওক্নবা পুথোক্কদবনি , মসিগা লোয়ননা অফবা ঙামচা, মচীঞ্জাক, ঙা মখলশিং , অনৌবা নমুনাশিং অমসুং ঙা য়োন্নবা কৈথেলশিং ফজনা শেমগৎপা য়াম্না মরুওই । লৈবাক অসিদা ঙাগী পোৎথোক হেনগৎহনবদা অফাবা ঙামচা ফংহনবা অসি য়াম্না মরুওই । ঙামীশিংনা পাম্বা ‘ঙা মরুমশিং’ মতম চুপ্পা ফংহন্নবা লৈবাক্কী মফম কয়াদা “ফিস ক্রাইয়োবেঙ্কশিং” লিংখৎনবা এন.বি.এফ.জি.আরনা এন.এফ.দি.বিগা লোয়ননা থবক পায়খৎলগনি । মসি মালেমগী অহানবা ওইনা লিংখৎকদবা “ফিস ক্রাইয়োবেঙ্ক” ওইগনি অমসুং মসিদা লৈবাক অসিদা ঙা য়োকপগী লমদা অওনবা অমা পুরকপা ঙমলগনি অমসুং ঙামীশিংগী মরক্তা নুংঙাই-য়াইফবা হেনগৎলগনি ।

এন.বি.এফ.জি.আরগী দিরেক্তর, দোক্তর কুলদিব কে.লালনা হায়খি এন.এফ.দি.বিগা লোয়ননা এন.বি.এফ.জি.আরনা শেমগৎলিবা “ক্রাইয়োমিল্ত” তেক্নোলোজী অসিনা “ফিস ক্রাইয়োবেঙ্কশিং” লিংখৎপদা মতেং পাংগনি, মসিনা অফবা ঙামচাশিং মতম অমদা হেক্তা ফংহনবা ঙমগনি । ফিসরিজগী য়ুনিয়ন সেক্রেতরি দোক্তর রজিব রঞ্জননা হায়খি প্রধান মন্ত্রী মতস্যা সম্পদা য়োজনাগী মখাদা পান্দম কয়া থম্লি অমসুং মসি ফংনবা হোৎনদবা রাজ্যশিং/য়ুতিশিং অমসুং লনাই কম্পেনিশিং য়াওনা মরী লৈনবশিং মতেং পাংনবা য়াম্না মরুওই ।

থৌরম অদুদা ভারত সরকারগী ফিসরিজ দিপার্তমেন্তগী সেনিয়র ওফিসিএলশিং অমসুং এন.এফ.দি.বিগী ইজুকুতিব দিরেক্তর, দোক্তর সি সুভরনা অমসুং মহাক্কী কাংবু শরুক য়াখি । রাজ্যশিংগী ফিসরিজ দিপার্তমেন্তশিংগী ওফিসিএলশিং, আই.সি.এ.আর ইন্সতিতুৎশিংগী দিরেক্তরশিং, ইন্তরপ্রিনরশিং, ওরিসা, বিহার, উত্তর প্রদেস, তামিল নাদু, তেলাঙ্গানাগী মাইপাক্লবা ঙামী ১৫০ রোম ৱেবিনার অদুদা শরুক য়াখি অমসুং ৱারী শানবদা মখোয়গী ওইবা ৱাফমশিং ফোংদোকখি ।

****