ত্রাইবেল এফিয়র্সকী মন্ত্রীনা ফেসবুক ইন্দিয়াগা লোইননা“গোইংওনলাইন এস লিদর্স(গোল)” প্রোজেক্কী মতাংদাৱাখল নিংথিনালৈহন্নবগীদমক্তা সেদ্যুল ত্রাইব(এস.তি.)গীকেন্দ্রশিংগী মেম্বর ওফপার্লিয়ামেন্তকী এম.পি.শিংগা ঙসি মফম অসিদা ৱেবিনার পাংথোকখ্রে।ত্রাইবেল এফিয়র্সকী কেন্দ্র মন্ত্রী শ্রী অর্জুন মু্ন্দা,ত্রাইবেলএফিয়র্সকী রাজ্য মন্ত্রী শ্রীমতি রেনুকা সিংহ সরুতা, পার্লিয়ামেন্তকী মীহুৎ কয়ামরোম অমসুং ত্রাইবেল এফিয়র্স মন্ত্রালয়দগী সেনিয়র ওফিসিয়েলশিং, মাইগোভর্মেন্ত অমসুং ফেসবুক ইন্দিয়ানা ৱেবিনার অদুদা শরুক য়াখি৷

ৱেবিনার অদুদা শ্রী আর্জুন মুন্দানা ৱা ঙাংলদুনা অশুম্না ফোংদোকখ্রে মদুদি গোইং ওনলাইন এস লিদর্স (গোল) অসি দিজিতেল স্কিনিং অমসুং মেন্তরশিপকী খোংথাং অমনি, মসিনা মখাগী হিরমশিং ব্যুজিনেজ, ইজুকেসন. হেল্থ, পোলিতিক্স, আর্তস অমসুং ইন্তরপ্রিনরশিপতগী লাক্লিবা হৈ শিংলবা মশক খঙলবা লিদরশিং অমসুং ইক্সপর্তশিংনা দিজিতেল মেকানিজমগী খুৎথাংদা ভারত শিনবা থুংনা লৈরিবা সেদ্যুল ত্রাইব নহাশিংবু হকথেংননা তাকপি তম্বীরগনি৷ হায়রিবা প্রোগ্রাম অসিনা ত্রাইবনহাশিংবু ইমপাৱর তৌরগনি অমসুং হয়েংগী চেঞ্জ মেকর অমা ওইনবা হোৎনরগনি৷ খোঙথাং অসিনা মরু ওইনা ত্রাইবেল তাবা মফমশিংদা মখোয়বু পুকনিং থৌগৎপিদুনা অমসুং লমজিংদুনা মখোয়গী কনফিদেন্স লেভেল অদু হেঙ্গৎহন্নবগীদমক অমসুং মখোয়গী মরক্তা য়াওরিবা হাইয়র এস্পিরেসনশিংবু হেন্না মৈরা চুখৎপিদুনা নহাশিংগী তৌবা ঙম্বগী শক্তি অদু হেঙ্গৎহনবদা পান্দম থম্লি৷ ফংলিবা স্কিলশিং অসমুং তৌবা ঙম্বশিং অদুনা মখোয়বু লিদরশিপ স্কিলশিং হেঙ্গৎহনবদা, মখোয়গী সমাজতা থেংনরিবা প্রোব্লেমশিং খন্দোকপদা, চেলে়ঞ্জ অদু থেংননবা সোলুসনশিং থিবদা অমসুং মখোয়গী গ্যান লৌশিং শিজিন্নদুনা মখোয়গী পুন্সি মরেল অমসুং সমাজ অদুগী শেল-থুমগী ফিভম ফগৎহনবদা মতেং পাংলগনি৷ মেন্তরশিপ অদুগী মরু ওইবা মফমশিং অদুদি দিজিতেল লিতরেসী, লাইফ স্কিলশিং অমসুং লিদরশিপ অমসুং ইন্তরপ্রিনরশিপনি৷

মহাক্না ত্রাইবেল নহাশিংবু মখোয় মখোয়গী মোবাইল ফোনশিংবু পুন্সিদা মখোয়গী পান্দম অদু ফংনবা হোৎনবদা খুৎলাই অমা ওইনা শিজিন্নৌ হায়না হায়খ্রে৷ মখোয়গী পুন্সিগী পান্দমশিং অদুগী মতুং ইন্না সোসিয়েল মেদিয়া খুদম ওইনা ফেসবুক অসি মখোয়না শিজিন্নগদবনি হায়না ফোংদোকখ্রে৷ মখোয়শিংগী মরক্তা খুদোং চাবশিং ফংহনবা হায়বা অসিনা গোলগী পান্দম ওইরুবনা মখোয়শিংগী মরক্তা লৈরিবা ক্রিয়েতিব ৱাখল্লোলশিং অদু তাথোক তাশিন তৌবদা মেন্তর অমসুং মেন্তী অনিগী মরক্তা গোলনা থোং অমা ওইরগনি হায়না মহাক্না থাজৈ  ফোংদোকখ্রে৷ হৌজিক্কী মতমদা দিজিতেল মেদিয়মনা ঐখোয়গী পুন্সিগী শরুক অমা ওইখ্রে৷

শ্রীমতি রেনুকা সিংহ সৌতানাৱা ঙাংলদুনা ফোংদোকখ্রে মদুদি ত্রাইবেলশিংনা হান্নদি মখোয়গী হৈ-শিংবশিং লৈ –লৈনা লৈবাক অসিদা লোৎশিন্দুনা থমদুনা লাক্লি অদুবু ঙসিদি দিজিতেল মেদিয়মদা খুদম ওইনা গোলগী খুৎথাংদা মখোয়গী হৈ-শিংবশিং অদু উৎথোক্তুনা ফ্রন্ত স্তেজ থোক্নবগী খুদোংচাবা অমা শোইনা ফংলগনি৷ ত্রাইবেল মীয়ামশিংনা দিজিতেল প্লেতফোর্মশিংদা থোকপা য়াম্না মরু ওই৷মহাক্না ত্রাইবেল নুপীশিংবু মখোয়গী পুন্সি মরেল অদু হোংহন্নবগীদমক পাক শন্না গোলদা য়াওনবা খঙহনখ্রে৷

এস.তি. রাজ্যশিংদগী লৈরিবা পার্লিয়ামেন্তকী মীহুৎশিংনা মখোয় মখোয়গী ৱাখল্লোনশিং অদুসু ফোংদোকখ্রে অমসুং গোলগী মতাংদা পাউতাক কয়াসু পীখ্রে৷

গোল (গোইং ওনলাইন এস লিদর্স) অসি ত্রাইবেল এফিয়র্সকী মন্ত্রালয় (মোতা)গা ফেসবুক ইন্দিয়াগা খুৎশম্নরগা ত্রাইবেল কাংলুপতা লৈরিবা নহা ৫০০০বু দিজতেল স্কিল অমসুং ইমপৱার তৌবিদুনা দিজিতেল তেক্নোলোজীগী পৱার অদু শিজিন্নদুনা হয়েংগী অফবা লুচিংবশিং ওইরক্নবগীদমক পুথোকখিবা খোংথাং অমনি৷ গোল প্রোজেক্ত অসিনা মখাগী হিরমশিং ইন্দস্ত্রী(পোলিসী শেম্বশিং অমসুং ইনফ্লুয়েন্সরশিং), ওজাশিং, ইন্তরপ্রিনর্শিং, সোসিয়েল ৱর্করশিংঅসিদগী নিংথীনা হৈ-শিংলবা মীওই ২৫০০ খন্দোক্তুনা ভারত শিনবা থুংনা ত্রাইবেল নহাশিংবু হকথেংননা তাকপী তম্বীবদা পান্দম থম্লি৷ খোংথাং অসিনা মেন্তর অমদা মেন্তী অনি লৈনবা দিজাইন তৌখ্রে৷

থৌরাং অসি শেম-শাবগী অমদি দিজাইনগী তাঙ্কক য়ৌওনা য়াত্থোক্লবা তাঙ্কক্তা থবক তৌনবগী পান্দম থম্লি; মেন্তর অমসুং মেন্তীশিং খনবা; থবক পাংথোকপা অদুদা মেন্তরিং, ত্রেনিং, ইন্তর্নশিপ অমসুং ফোলো-অপ য়াওরি; অমসুং ফোলো-অপ য়ুথ অমসুং লিদর্শিপ এক্তিবিতিশিং। থৌরম অসিনা গ্রেজুএত লৌইরবা মতুংদা সরকারগী স্কীমশিংদগী লাক্কদৌরিবা থবকশিং নত্রগা মশানা থবক পীজবা/ইন্তরপ্রিন্যুএল ওইবা থবকশিং পায়খৎপা খুৎ পায়দুনা শৌগৎনবসু তৌরি। থৌরম অসিনা অফ-ফত্তগী থাজবা পীবা, য়েংশিনবা, কঙ্করেন্ত ইভাল্যুএসন প্রোতোকোলশিংগী অকনবা মচাক অমসুং লেপ্তনা ফগৎহনবা, ৱারেপ লৌবা অমসুং পুবা ঙম্বা চাংগী এনালাইতিকশিং অমসুং তেক্নোলোজী শিজিন্নবা পাম্লি।

মেন্তর অমদি মেন্তরশিংগী রেসিও অসি ১:২দা পান্দম থম্লি। মেন্তী খুদিংমক্না থবকসিদা থা মাপল নত্রগা চয়োল ৩৬ লৈগনি।

থা ১দগী থা ৭ ফাওবা(চয়োল ২৮): ত্রাইবেল কাংলুপশিংদগী মেন্তীশিংনা মেন্তরশিংগা ই-পাও ফাওনগনি।

থা ৮ দগী থা ৯ ফাওবা(চয়োল ৮)ঃ শোর্তলিস্ত তৌরবা মেন্তীশিংনা মমিং লৈরবা ওর্গনাইজেসনশিংদা ইন্তর্নশিপ তৌবগ খুদোংচাবা ফংগনি।

মেন্তী অমসুং মেন্তরগী এপ্লিকান্তশিংনা goal.tribal.gov.in পোর্তেলদা মখোয়গী মরুওইবা ৱারোলশিং অদু পীরগা রেজিস্তর তৌবা য়াগনি। মেন্তর নত্রগা মেন্তীশিংদা শেন্থং পীরোই। থৱায় য়াওবা ত্রাইবেল নহাশিংনা গোল থৌরমদা মরি লৈনবা করিগুম্বা হংবিনিংবা ৱাহং লৈরগদি facebook-goal@tribal.gov.in দা নত্রগা গোল পোর্তেল অসিগী ‘ঐখোয়দা পাও ফাওবিরকউ’দা ইবিরকপা য়াগনি। 

চহি ১৮-৩৫ ফাওবা লৈবা ত্রাইবেল কাংলুপশিংগী নহাশিংনা মেন্তী অমা ওইনবা এপ্লাই তৌবা য়াই। ত্রাঅবেল কাংলুপশিংগী ওইনা মখোয় অদু এদজুকেস্নেল ইন্সতিত্যুত নত্রগা করিগুম্বা মখলগী শিনফমদা লৈবা নত্রগা ত্রেনিং অমা চত্থরিবফাওবা ওইবা-ওইদবা হায়বা অমত্তা লৈরোই। অতোপ্পশিংগী মরক্তা লল্লোন-ইতিক, এদজুকেসন, হকশেল, রাজনীতি, কলা অমসুং ইন্তরপ্রিন্যুর্শিপকী হিরমদা খং-হৈরবশিং অমসুং ত্রাইবেল নহারোলশিংবু  মখোয়গী কাংলুপশিংগী মেন্তর অমা ওইনবা এপ্লাই তৌরক্নবা খুঙ্গংগী থাক্তা দিজিতেলগী নহারোলগী নহা ওইরিবা লুচিংবশিংবু পুক্নিং থৌগৎপিবা, লমজি-লমতাকপিবা অমদি থৌনা হাপ্পিবা য়াই। থৌরাং মপুং থবক পাংথোক্নবগী মতম অদু মেন্তরদগী লৌবা মথৌ তাই। এপ্লাই তৌগদবা কন্দিসন অমা ওইনা মেন্তর অদু ত্রাইবেল নত্রগা এস.তি.গী বেকগ্রাউন্দগী ওইবগী মখৌ তাদে। ত্রাইবেল এফিয়ার্স মন্ত্রালয় অসিনা মাগী কমন সর্ভিস সেন্তরশিং(সি.এস.সি.)শিংগী অকনবা নেতৱর্ক নমদুনা লৈহন্নবা ইলেক্ত্রোনিক্স অমসুং ইনফোর্মেসন তেক্নোলোজীগা থৌবু ওইমিন্নবা। ত্রাইবেল কাংলুপশিংগী নহারোলশিংনা মখোয়গা খ্বাইদগী নক্নবা সি.এস.সি.দা থৌরাং অসিগী মখাদা এপ্লাই তৌনবা চৎপা য়াই। ত্রাইবেল নহা অমা অমুকপু থৌরম অসিদা খনবা তারবদি মখোয়দা চহি অমগী ওইনা ইন্তর্নেৎ য়াওবা স্মার্ত ফোন পীগনি। মসিগী প্রোজেক অসি ভিদিওদা য়ুম্ফম ওইবা মেকানিজমশিং হায়বদি ফেসবুক মেসেঞ্জর অমসুং হ্বাত্সএপ্তা ফংহনগনি। মেন্তরশিং অমসুং মেন্তীশিংনা মসিগী এপশিং অসিদগী ৱারী শান্নগনি অমসুং মেতরিএল খুদিংমক দিজিতেল ফোর্মেত্তখক্তমক ফংহনগনি।

মেন্তীশিংনা মখাদা পীরিবা খুদোংচাবশিং অসি ফংগনি; এম.ও.তি.এ. অমসুং ফেসবুকনা শরুক য়ামিন্নবগী অপুনবা সর্তিফিকেৎ; মেন্তরনা শকখংবিবগী চে; মমিং লৈরবা লন্নাইগী/সরকারগী ওর্গনাইজেসন অমদা ইন্তর্ন তৌবগী খুদোংচাবা; মফমদুগী/রাজ্যগী/লৈবাক্কী থাক্তা অকনবা মওংদা উবা ফংহনবা অমদি মশক খংবিবা; ইন্দস্ত্রীগী লুচিংবশিংগা উন্নবগী খুদোংচাবা; অমসুং রাজ্যগী/লৈবাক্কী থাক্তা ফেসবুক অমসুং এম.ও.তি.এ.গী থৌরমশিং মরুওইবা মওংদা ফংবা ঙম্বা।

মেন্তীশিংনা থৌরাং অসিদা মখাদা পীরিবা শকখংনগনি: এম.ও.তি.এ. অমসুং ফেসবুকনা শরুক য়ামিন্নবগী অপুনবা সর্তিফিকেৎ; ইন্দস্ত্রীগী প্রোফেস্নেলশিং, মথৌ হাপ্লিবশিংনচিংবশিং য়াওনা ৱাখল্লোন মান্নবা পীর গ্রুপশিংগা ৱারী শান্নবগী খুদোংচাবা; এম.ও.তি.এ. অমসুং ফেসবুকনা পাংথোকপা রাজ্যগী থাক্কী থৌরমশিং মরুওইবা মওংদা ফংবা; প্রোফাইল অসি মেন্তর ওইনা পোর্তেলদা উত্থোক্কনি; লল্লোন ইতিক্কী অমদি রাজনীতিগী লুচিংবশিংগা উন্নবগী খুদোংচাবা।

***