মহৈ-মশিং লৈবা থৌমীশিংগী মার্কেত্তা ইনফোর্মেসন ফ্লো অমসুং দিমান্দ-সপ্লাইগী অহাংবা লৈরিবা অসিবু শম্নহনবদা তেংবাংনবা হায়দুনা স্কিল দিবেলপমেন্ত এন্দ ইন্তরপ্রিনরশিপ মন্ত্রালয় (এম.এস.দি.ই.)না ঙসি ‘আত্মানির্ভর স্কিল্দ ইমপ্লোয়ী ইমপ্লোয়র মেপ্পিং (অসীম) কৌবা পোর্তেল অমা মহৈ-মশিং হৈবা মীওইশিংবু চান্নবা পুন্সি মহিং তানবগী খুদোংচাবা পীনবা হৌদোকখ্রে। কারবারগী চাংদম্নবা অমসুং শেন্মিৎলোনগী শাহৌ লৌবদা তেংবাংগদবা মহৈ-মশিং হৈবা থৌমী লৌবতা নত্তনা মসিগী আর্তিফিএল ইন্তেল্লিজেন্সতা য়ুম্ফম ওইবা প্লেৎফোর্ম অসিনা মখোয়বু খুৎশমদুনা পুবিদুনা কোবিদ ইরাং অসিগী মতুংদা লাক্কদৌরিবা চান্নবা থবক ফংহন্দুনা মখোয়গী কেরিয়রবু পাঙ্গল হাপ্পদা তেংবাংগনি।

অহোংবা থুবা থবক্কী মওং অমসুং মসিনা থবক তৌরিবা মীওইশিংদা কয়া য়াম্না শোকহনবগে খংবসিনা লায়চৎ অসিগী মতুংদা ওইরক্কদৌরিবা অনৌবা মহৌশাগা চান্ননা স্কিল পীবগী মওংবু শেমদোকপদা তেংবাংগনি। সেক্তরশিংদা লৈরিবা মহৈ-মশিংগী অহাংবা মশক খংদোকপা অমসুং মালেমগী ওইবা অফবা চৎনবি কয়া অমা হঙ্গৎনা য়েংশিনবগী মথক্তা অসীমনা থবক পীবা মীওইশিংদা মহৈ-মশিং হৈরবা থৌমী কয়া লৈরিবা অসিসু খংহন্দুনা মখোয়বু করম্না নেক্কদগে হায়বগী মতাংদশু খন্থহনগনি। আত্মানির্ভর স্কিল্দ ইমপ্লোয়ী ইমপ্লোয়র মেপ্পিং (অসীম)না  ৱর্কফোর্স মার্কেৎ অমসুং পীফম থোকপা হৈশিংবা থৌমীশিংগী দিমান্দগী মওং মতৌশিং অসি দেতাশিং, চৎনবী অমসুং নৈনবশিংগী মতুং ইন্না শিনগনি। মসিনা তঙাই ফদবা স্কিল লৈবা অমসুং থবক ফংবগী অকুপ্পা ৱারোলশিংগী হৌজিক হৌজিক্কী ওইবা ৱারোলশিং পীগনি।

স্কিল দিবেলপমেন্ত অমসুং ইন্তরপ্রিনরশিপকী মন্ত্রী দাঃ মহেন্দ্র নাথ পান্দেনা অসীম পোর্তেল লোঞ্চ তৌরদুনা হায়খি, “প্রধান মন্ত্রী শ্রী নরেন্দ্র মোদীগী ‘আত্মানির্ভর ভারত’কী মংলান অমসুং ইন্দিয়া গ্লোবেল ৱীক ২০২০ সম্মিত্তা ‘ভারত অসি হৈথোয় শিংথোয়বা ময়ামগী লৈফম্নি’ হায়খিবা অদুদা অসীম পোর্তেল অসিনা সেক্তরশিংদা লৈরিবা দিমান্দ-সপ্লাইগী অহাংবা মেনশিন্দুনা লৈবাকসিগী নহাশিংদা খুদোংচাবা কয়া অমা পীগনি। হৈথোয় শিংথোয়বা থৌমী কয়া মশক খংদোকপা অমসুং য়াম্না মরু ওইনা কোবিদকী ইরাংসিগী মতুংদা মখোয়গী খুন্নাইদা মখোয়গী পুন্সি মহিং তানবগী চান্নবা থবক পীবনা ভারতনা ফগৎলকপগী পান্দমদা চৎলিবা লম্বী অসিগী চৎলিবা খোংজেল অসি হেন্না য়াংখৎহনগনি। দিমান্দ অমসুং আউৎকমদা য়ুম্ফম ওইবা স্কিল দিবেলপমনেত প্রোগ্রাম কয়া পাংথোকহন্নবগীদমক্তা তেক্নোলোজী অমসুং ই.-মেনেজমেন্ত সীস্তেম শিজিন্নবা হেনগৎলকপগা লোয়ননা মসিগী প্লেৎফোর্ম অসিনা স্কিল ইকোসীস্তেম অসিদা থবক তৌনবা স্কিম কয়া অমা পুনশিলহল্লকপদা মতেং পাংগনি। মসিনা দেতা অমা অনিরক হঞ্জিনবা থোকপা য়েংশিন্দুনা অমসুং খা তানা লৈবাক অসিগী বোকেস্নেল ত্রেনিং পীবগী থৌওংবু নৌনা শেমদোক্তুনা স্কিল পীবা, স্কিল হেনগৎহনবা অমসুং নৌনা স্কিল পীবগী থৌওংবু পরিং নাইহনগনি”।

অসীম্না মতৌ করম্না স্কিল্দ ৱর্কফোর্স মার্কেৎ অসিগী দিমান্দ-সপ্লাইগী অহাংবা অসি করম্না মেনশিনগদগে হায়রদুনা এন.এস.দি.সি.গী চেয়রমেন অমসুং লার্সেন এন্দ তুব্রোগী গ্রুপ চেয়রমেন শ্রী এ.এম. নাইকনা হায়খি, “কোবিদ লায়চৎ অসিনা ওইহল্লকপা সোসিও-ইকোনোমিক্কী ফিভম অসিনা মাইগ্রেন্ত শিন্মীশিংদা শাথিনা শোকহনখি। হৌজিক্কী ওইরিবা ফিভমসিদা এন.এস.দি.সি.না লৈবাক শিনবা থুংনা চোখায়রবা মাইগ্রেন্ত শিন্মীশিংবু মশক খংদোক্তুনা মখোয়গা চান্নবা মহৈশিংগী মতুং ইন্না চান্নবা থবক পীদুনা পুন্সি মহিং অমা শেম্বা ঙমহন্নবা থৌদাং লৌরে। অসীম প্লেৎফোর্ম হৌদোকপা অসিনা লম্বী অসিগী অহানবা খোংথাংনি। অসীম্না থবক পীবা অমসুং থবক তৌবা মীওইশিংদা পীগদৌরিবা হৌজিক হৌজিক্কী ওইবা ৱারোলশিং  অসিনা লেবর ইকোসীস্তেমদা মগুন হাপকনি অমসুং শেন্মিৎলোন অসিবু নৌনা হিংগৎহনবদা তঙাই ফদবা ৱর্কফোর্সকী মনুংদা লৈনরিবা থাজবশু শেমগৎপদা তেংবাংগনি”।

অসীম অসি https://smis.nsdcindia.org/ দা এপ অমা ওইনশু ফংগনি। এপ অসি নেস্নেল স্কিল দিবেলপমেন্ত কোর্পোরেসন (এন.এস.দি.সি.)না বেঙ্গালোরগী ব্লু কোল্লার ইমপ্লোয়মেন্ত মেনেজমেন্ততা নিংথিনা হৈবা কম্পেনী বেত্তরপ্লেসকা খুৎশম্নদুনা শেম শাদুনা শেন্নবনি। অসীম প্লেৎফোর্ম অসিনা প্রোগ্রাম তৌনবা থবক পাংথোক্নবা পথাপশিংনা শেম শাবা চৎনবি অমসুং নৈনবশিংদা য়ুম্ফম ওইরগা ৱারেপ লৌবা অমসুং পোলিসী শেম শাবদা শৌগৎপগী পান্দম থম্মি। অসীমনা এন.এস.দি.সি. অমসুং মসিগী সেক্তর স্কিল কাউন্সিলদা ইন্দস্ত্রীগী অপাম্বা, স্কিলগী অহাংববু নৈনবা, জিলা/রাজ্য/ক্লস্ত্ররদা লৈবা দিমান্দশিং, ৱর্কফোর্স পীবা ঙম্বা মরু ওইবা কাংলুপশিং, মরু ওইবা কঞ্জ্যুমরশিং, মাইগ্রেসন পেত্তর্ন অমসুং কেন্দিদেৎশিংগী  মতিক চাবা কেরিয়র কয়া য়াওবা দিমান্দ অমসুং সপ্লাইগী পেত্তর্নশিংগী হৌজিক হৌজিক্কী ওইবা ৱারোলশিং পীগনি। পোর্তেল অসিদা আই.তি.দা য়ুম্ফম ওইবা ইন্তর্ফেস অহুম য়াওরিঃ

• ইমপ্লোয়র পোর্তেল- ইমপ্লোয়র ওনবোর্দিং, দিমান্দ এগ্রেগেসন, কেন্দিদেৎ খনবা
• দেশবোর্দ- রিপোর্তশিং, ত্রেন্দশিং, এনালাইতিক্সশিং অমসুং অহাংবশিং মশক খংহনবা
• কেন্দিদেৎ এপ্লিকেসন- কেন্দিদেৎকী প্রোফাইল শেম্বা অমসুং শেন্নবা, থবক্কী মতাংদা তাকপা

অসীম অসি লৈরিবা থবকশিংগা স্কিল লৈবা থৌমীশিংগগী পুংবা শেম্নবা ইঞ্জিন অমা ওইনা শিজিন্নগনি। থবক্কী মওং, সেক্তর অমসুং লৈফমগী ওইবা ৱারোলশিং পীদুনা পোর্তেল অমসুং এপ অসিদা রেজিস্ত্রেসন তৌনবা খুদোংচাবা য়াওরি। স্কিল লৈবা থৌমীশিংনা এপ্তা মখোয়গী প্রোফাইল রেজিস্তর তৌদুনা অকোয়বদা লৈবা থবক্কী খুদোংচাবশিং থিবা য়াগনি। অকক্নবা সেক্তরশিংগী চান্নবা স্কিল লৈবা মীওইশিং থিরিবা থবক পীবা মীওইশিং, এজেন্সীশিং অমসুং থবক শেন্নবা মীওইশিংনা মখোয়গী অপাম্বা ৱারোলশিং অদুসু লায়না ফংলগনি। মসিনা পোলিসী শেম শাবা মীওইশিংবুসু সেক্তর খুদিংগী ওইবা তসেং তসেংবা ফিভম অদু উবা ফংলগনি।

*****