মিনিস্ত্রী ওফ ন্যু অমসুং রিনিএবল ইনর্জী (এম.এন.আর.ই.)না ঙসি প্রধান মন্ত্রী কিসান উর্জা শুরক্সা ইবম উত্থান মাহাভিয়ান (পি.এম.-কুসুম) স্কিমগী মখাদা রেজিস্ত্রেসন তৌনবা কৌরিবা অরানবা ৱেবসাইৎশিংগী মরমদা অনৌবা এদবাইজরী অমা থোকখ্রে। হন্দক্তা আইন্না য়াদবা অনৌবা ৱেবসাইৎ অনিখক্না পি.এম.-কুসুম স্কিমগী রেজিস্ত্রেসন তৌনবা পোর্তেলনি হায়না থোক্লকপা উরে। হায়রিবা ৱেবসাইৎ অসিগী ৱেব এদ্রেসতি https://kusum-yojana.co.in/ অমসুং https://www.onlinekusumyojana.co.in/ নি। মসিগী থৌদোক অসিগা মরী লৈননা লান্না তৌরিবা মীওইশিং অসিনা মীয়াম্বু লান্না লমজিংদুনা অরানবা পোর্তেলসিদা লৌখৎলিবা দেতাশিংবু লান্না শিজিন্নরি। মখোয়শিং অসিগী মায়োক্তা এম.এন.আর.ই.না লৌখৎফম থোকপা থবক লৌখৎলিঙৈ অসিদা মতিক চাবা বেনিফিশরীশিংনা মিকুপ নাহুম শিংনা লৈদুনা অসিগুম্বা ৱেবসাইৎশিং অসিদা দেতা অমসুং শেল পীদনবশু মন্ত্রালয়না খংহনখ্রে।

মখা তাবা ওইনা, পাউগী পোর্তেলশিংনশু দিজিতেল নত্ত্রগা প্রিন্ট প্লেৎফোর্শিংদা হাপ্ত্রিঙৈদা সরকারগী স্কিমশিংগী রেজিস্ত্রেসন পোর্তেলনি হায়বা ৱেবসাইৎ খুদিংমক্কী অচুম অরানশু থিদোক্নবা খংহনখ্রে।

পি.এম.-কুসুম স্কিম চলায়বগী অয়াবা অসি ৮/৩/২০১৯দা এম.এন.আর.ই.না পীখিবা লৈ। স্কিম অসি থবক ওইনা পাংথোকপগী কাংলোনশিং অসিনা ২২/৭/২০১৯দা ফোংখি। স্কিম অসিনা সোলার পম্প খিনবা, হান্ননা লৈরিবা গ্রিদকা শম্নবা এগ্রিকলচরগী পম্পশিংবু সোলারাইজ তৌবা অমসুং গ্রিদকা শম্নবা রিনিএবল পাৱর প্লান্ত খিনবগী খুদোংচাবা কয়া পীরি। স্কিম অসি লোঞ্চ তৌখ্রবা মতুংদা পি.এম.-কুসুম স্কিমগী রেজিস্ত্রেসন তৌনবা পোর্তেলনি হায়বা ৱেবসাইৎ খরা থোক্লকপা উখি। মীয়ামদা অমাংবা ওইদনবা হায়দুনা এম.এন.আর.ই.না বেনিফিশরী অমসুং মীয়ামদা অসিগুম্বা ৱেবসাইৎশিং অসিদা রেজিস্ত্রেসন ফী অমসুং দেতা পীদনবা ১৮/৩/২০১৯ অমসুং ৩/৬/২০২০দা এদাবাইজরী কয়া অমসু পীখিবা লৈখ্রে।

মন্ত্রালয় অসিনা পি.এম.-কুসুম স্কিম অসি মরী লৈনবা রাজ্যশিংগী ইমপ্লিমেন্তিং এজেন্সীশিংগী খুত্থাংদা চলায়গনি হায়না স্তেকহোলদর খুদিংমক্তা খংহল্লি। অসিগুম্বা এজেন্সীশিংগী অকুপ্পা ৱারোলশিং এম.এন.আর.ই.গী ৱেবসাইৎ www.mnre.gov.in দা পীরি। এম.এন.আর.ই.না ৱেবসাইৎ অমত্তগী খুত্থাংদা স্কিম অসিগী মখাদা লৈগদবা বেনিফিশরী লৌদে। মরম অসিনা এম.এন.আর.ই.গী রেজিস্ত্রেসন পোর্তেলনি হায়বা ৱেবসাইৎ খুদিংমক অরানবা ঙাক্তনি। কনাগুম্বা অমনা অসিগুম্বা চিংননিইংঙাই ওইবা ৱেবসাইৎ অমা হেক্তা থেংনবা মতমদা এম.এন.আর.ই.দা হায়রকপা য়াগনি।

স্কিম অসিদা শরুক য়াবা য়াবগী অকুপ্পা ৱারোল অমসুং স্কিমসিগী থবক ওইনা পাংথোকপগী মরোল খংনিংলবদি এম.এন.আর.ই.গী ৱেবসাইৎ www.mnre.gov.in দগী খংবা য়াগনি। মীয়াম মরক্তগী স্কিম অসিগী মতাংদা থৱাই য়াওবশিংনা এম.এন.আর.ই.গী ৱেবসাইত্তা চংদুনা নত্ত্রগা তোল ফ্রী হেল্পলাইন নম্বর ১৮০০-১৮০-৩৩৩৩দা কোল তৌরকপা য়াগনি।

***