ଲୋକପ୍ରିୟ ଖଦୀ ମାସ୍କ ଏବେ ଅନଲାଇନରେ ବିକ୍ରି ପାଇଁ ଉପଲବ୍ଧ । ଏହା ଦେଶର ବିଭିନ୍ନ ପ୍ରାନ୍ତରେ ରହୁଥିବା ଲୋକମାନଙ୍କ ପାଇଁ ଉପଯୋଗୀ ହୋଇପାରିବ । ବିଭିନ୍ନ ସମସ୍ୟା ଯୋଗୁ ଯେଉଁମାନେ ଖଦୀ ଭାରତ ଦୋକାନଗୁଡିକୁ ଯାଇପାରୁନଥିବେ ସେମାନେ ଏହାର ସୁବିଧା ନେଇପାରିବେ । ଖଦି ମାସ୍କ କ୍ରୟ କରିବା ପାଇଁ http://www.kviconline.gov.in/khadimask. ଅନଲାଇନରେ ଅର୍ଡର କରିବାକୁ ହେବ ।

ଖଦୀ ଏବଂ ଗ୍ରାମଦ୍ୟୋଗ କମିଶନ (KVIC) ଦ୍ୱାରା ଖଦୀ ସୂତା ଏବଂ ସିଲ୍କ ମାସ୍କ ବିକ୍ରୟ କରାଯାଉଛି । ଖଦୀ ସୂତାରେ ପ୍ରସ୍ତୁତ ପ୍ରତି ମାସ୍କର ମୂଲ୍ୟ 30 ଟଙ୍କା ଏବଂ ଖଦୀ ସିଲ୍କ ମାସ୍କର ମୂଲ୍ୟ 100 ଟଙ୍କା ରଖାଯାଇଛି । ଅନଲାଇନ ମାସ୍କ କ୍ରୟ କରିବା ପାଇଁ ଅତି କମରେ 500 ଟଙ୍କାର ଅର୍ଡର କରିବାକୁ ପଡିବ । ଉପଲବ୍ଧ କରାଯାଇଥିବା ଚାରି ପ୍ରକାର ମାସ୍କ ମଧ୍ୟରୁ ନିଜ ପସନ୍ଦର ମାସ୍କ କ୍ରେତା ଚୟନ କରିପାରିବେ । କଳା ଧଡି ସହ ଧଳା ସୂତାରେ ତିଆରୀ ମାସ୍କ, ତ୍ରିରଂଗା ଧଡି ସାଙ୍ଗକୁ ଧଳା ସୂତା ଓ ସିଲ୍କ ମାସ୍କ, ବିଭିନ୍ନ ରଙ୍ଗର ପ୍ରିଣ୍ଟ ସିଲ୍କ ମାସ୍କ ଅନଲାଇନରେ ଉପଲବ୍ଧ ।

କ୍ରୟ କରିବାର 5 ଦିନ ମଧ୍ୟରେ କ୍ରେତାଙ୍କ ପାଖରେ କେଭିଆଇସି ଦ୍ୱାରା ମାସ୍କଗୁଡିକର ପରିବହନ ସଂପୂର୍ଣ୍ଣ ମାଗଣାରେ କରାଯିବ । ସଂପ୍ରତି ମାସ୍କଗୁଡିକ ଦେଶ ଭିତରେ ହିଁ ବିକ୍ରୟ କରାଯିବାର ବ୍ୟବସ୍ଥା କରାଯାଇଛି ।

କେଭିଆଇସି ଅଧ୍ୟକ୍ଷ ଶ୍ରୀ ବିନୟ କୁମାର ସକ୍ସେନା କହିଥିଲେ ଯେ ଜନସାଧାରଣଙ୍କୁ ପ୍ରକୃତ ଖଦୀରେ ପ୍ରସ୍ତୁତ ଫେସ ମାସ୍କ ଯୋଗାଇ ଦେବା ତଥା କ୍ରେତାମାନଙ୍କୁ ଠକେଇରୁ ନିବୃତ୍ତ ରଖିବା ପାଇଁ ଅନଲାଇନରେ ବିକ୍ରି ବ୍ୟବସ୍ଥା କରାଯାଇଛି । ଅନେକ ଅନଲାଇନ ପୋର୍ଟାଲରେ ଖଦୀ ନାଁ ରେ ମାସ୍କ ବିକ୍ରୀ କରାଯାଉଛି ଯାହା ଅସଲି ଖଦୀ ନୁହେଁ କି ହାତ ତିଆରୀ ମଧ୍ୟ ନୁହେଁ । ଅନେକ ଲୋକ ଅତି ସହଜରେ ଏହି ଠକାମିର ଶିକାର ହେଉଛନ୍ତି ।

ବିଶେଷ ଭାବେ, ଖଦୀ ସୂତା ଫେସ ମାସ୍କ ଡବଲ-ଟ୍ୱିଷ୍ଟେଡ ଶତ ପ୍ରତିଶତ ସୂତା କପଡାରେ ପ୍ରସ୍ତୁତ କରାଯାଇଛି । ତିନୋଟି ଭାଙ୍ଗ ସହ ଦୁଇ ପରସ୍ତର ଏହି ମାସ୍କ ତିନୋଟି ପ୍ରକାରରେ ଉପଲବ୍ଧ - ଲଘୁ, ମଧ୍ୟମ ଏବଂ ବଡ । ଏହି ମାସ୍କ ଦୁଇ ପ୍ରକାରରେ ଉପଲବ୍ଧ - କଳା ପାଇପିଙ୍ଗ ସହ ଧଳା ମାସ୍କ ଏବଂ ତ୍ରିରଂଗା ରଙ୍ଗର ଧଡି ସହ ଧଳା ରଙ୍ଗର ରହିଛି ।

ଅନ୍ୟପକ୍ଷରେ, ସିଲ୍କ ମାସ୍କ ତିନି ପରସ୍ତର ଯାହା ଶତ ପ୍ରତିଶତ ସୂତାରେ ଏବଂ ଏହା ଦୁଇ ପରସ୍ତରେ ପ୍ରସ୍ତୁତ । ସିଲ୍କ ମାସ୍କ ଛିଟ ଏବଂ ଏଥିସହିତ ବିଭିନ୍ନ ରଙ୍ଗରେ ଉପଲବ୍ଧ । ଆକର୍ଷଣୀୟ ମୋତି କାମଥାଇ ଖଦୀ ସିଲ୍କ ମାସ୍କ ଉପଲବ୍ଧ ଏବଂ ଏହି ମାସ୍କରେ କାନ ପାଖରେ ଛୋଟ ବଡ କରିବା ପାଇଁ ଲୁପ ମଧ୍ୟ ଲଗାଯାଇଛି ।

****************